【基督教討論】我係教會傳道人，你問我盡答？！

睇吓點詆毁法，我又唔會話太唔開心
呢啲詆毁有時，唔係完全冇道理呀，背後可能講緊嗰個人受到教會嘅傷害，遇過啲好賤嘅基督徒，咁罪係我方，我哋應該係要道歉

如果係咁嘅話，咁我更加要有愛心同佢溝通，為嘅係要得着呢位弟兄

另外，我感覺真係少咗年青人信耶穌，或者幾年前嘅事都有關係，大家感受唔到信仰、教會可以點樣回應呢個時代

然後無人返，我係會有挫敗感，會blame 自己做得唔夠好。不過自己唔得嘅時候，又祈下禱。抖完咪繼續爬起身努力，畢竟去到最後我只係裁種者，決定收成嘅係上帝

係唔可以呀，講到明「除了我以外，你不可有別的神」吖嘛

今次上帝點睇美斯呢單野?

呢個可能要問吓雲海喎，我都答你唔到

我會咁睇，無論你接受邊個宗教，你都係下緊一個賭注。而我經過自己理性分析，同埋感性經驗之後，我決定all in 耶穌

世界上有好多嘅所謂神/信仰，其實都係好講消費主義，講求拜得神多自有神庇佑，我比足夠嘅着數你，你就會諗吓保唔保護我

咁我自己覺得人神嘅關唔應該係咁，比較之下，基督教信仰嘅上帝，係更加有愛，祈禱係搵老竇傾偈、訴心聲、尋求安慰同支持，唔係一買一賣

你受苦時，耶穌又受過苦，佢仲要係為咗我哋特登去感受呢種痛楚，比較之下，基督教信仰嘅神明顯有血有肉好多

大家有時覺得基督教嘅神話色彩好濃厚，唔否認嘅，但如果你講返新約書卷，其實係有佢嘅歷史性喺度，有其他嘅考古文獻，可以對應到裏面嘅事蹟，起碼歷史學家唔會否認有耶穌呢個人先

咁我仔細思考過後，我就覺得得佢先係堅料
所以對我嚟講，佢就係唯一

基督教信仰係會問why 㗎，每個教導背後都有佢嘅原因同意義，反而我想知點解你會咁諗？ 你覺得邊方面係冇得問why？

點解上帝反對活人獻祭，但係又要亞伯拉罕獻以撒？
雖然亞伯拉罕忠於上帝，但係要求活人獻祭咪唔公義

咁即係上帝造出黎既係次貨囉， 叫佢地唔好食， 係都要食。
你做架車會自己會打斜行，你向消委會投訴都係告製造者， 而唔係告架車啦

點解神要創造罪惡？

當有個造物者存在，點解又一定係穌哥，唔俾係佛祖

因為所謂佛祖，即係佛教嘅創始人悉達多·喬達摩，佢從來都冇定義過自己係神（造物主），宗教係形容佢係佛佗，即係一個完全頓悟嘅人

佛教對於創造係採取留白，佢哋覺得呢啲係未解決嘅問題，核心要義係四聖諦、八正道，係講緊點樣超脫苦難，講緊做人態度，呢個宗教係冇解釋到宇宙世界嘅起始點

所以造物者唔係佛祖 （我係咪認真咗？）

繼續求解答

其實一個負責任嘅傳道人，係唔應該實牙實齒、百分百肯定咁樣講邊個人落地獄（得救與否），因為決定呢樣嘢嘅係上帝。所以即使安息禮拜，我哋用嘅字眼都係「相信 、深信某某人已經喺天父嘅懷抱當中」

當然聖經係有講到明得救要達成咩原則 但最終解釋條款嘅都係上帝

伊斯蘭教最吊詭嘅位係，追溯到最古老嘅時代，佢哋其實同基督教一樣，都係信奉緊亞伯拉罕嘅神

係古蘭經，同樣都出現過亞伯拉罕、摩西、大衛、耶穌等人嘅事蹟。但伊斯蘭教徒所信嘅神（真神阿拉）按佢哋嘅理解，係擁有絕對嘅統一性，冇其他位格，係冇兒冇女，佢哋係唔信耶穌係神嘅仔，淨係會認可佢係重要嘅先知

教義上，遵守某啲律法，都係得救嘅關鍵之一。所以呢啲思想好明顯係同基督教唔同。如果用聖經嘅觀點出發，伊斯蘭教徒就唔符合得救嘅條件。但上帝最後有冇憐憫，就唔到我去斷定了

你buy進化論定係"神造世人"?

導人向善係OK, 但點解人一定要相信"神"?

點解教友拍拖要經團契 / 牧師批准?
教友比唔比打 J?

有人說‘ The Gosepls were all written anonymously, after 70 AD，by non-witnesses to Jesus’ 你有咩回應？

點入會，
多唔多靚女

我作為一個平信徒 我覺得
如果相信世界冇神會帶嚟好多問題
好簡單 如果冇神 善由邊個定義
除咗神仲有邊個有能力定義善
所以我唯有接受世界有造物主

而世界上得3個一神宗教
我認為基督教最make sense
所以我信
而如果人真係想行善 都需要信

呢條問題有無解答？謝謝。

點解造物者一定係基督教嗰個神
依家好似d恐怖襲擊完左之後個恐怖份子搶住出黎認係佢地做一樣

仲有無限猴子理論未聽過
剩係一條金魚亂咁游都爆左pokemon 機
有實例去證明你唔信，去信一個無實例ge講法叫理性

即係如果有其他宗教講緊得再詳細d, 你係唔係即刻仆埋去信

因為上帝覺得人有自由意志
佢可以隨住自己發展
所以當時只係禁止佢地食善惡樹既果實
直到大洪水呢件事其實上帝係想消滅哂所有人類既
但又有個人叫挪亞整左條大船佢就係救番自己就係人類之後既後代

咁講又唔係好合乎聖經喎。挪亞係「喺耶和華眼前蒙恩」（創世記6:8），唔係救返自己。自己係救唔到自己架喎。

古埃及神話一樣係極詳細講到創世神
仲有好多文明文化又有法路王
同聖經都講得好詳細
但係古埃及神話有佢地既創世故事

你咁樣睇
聖經係猶太人既國民身份認同
而猶太人都係聖經入面既主角
所謂恐怖份子哈馬斯之類
都係信仰伊斯蘭教
但係伊斯蘭教都係黎自聖經

點解造物者一定係基督教嗰個神
呢個係個好好既問題黎
但我覺得呢個問題應該呢一世都冇答案
畢竟人類真係好撚蠢
其實理應人類未來進步點都要追查自己係點黎
有人話係進化論而黎
有人話係神創造出黎
中國有山海經都話女媧用塵土整人類出黎
古埃及神話又係有創世神
信邊樣好?
就要睇吓世界史年表
約300、400萬年前：人類在地球上出現。
而亞當出現係前4026年—前3096年
即係幾百萬年前人類已經出現係地球
咁究竟亞當係咪真係地球第一個人類呢?

所以話講少一句都會有誤會
仲知挪亞係整方舟之前睇到耶和華想用大洪水消滅所有人類
但係挪亞方舟之後佢就係人類之後既後代
因為佢有三個仔，叫閃、含同 雅弗
根據聖經歷史佢個三個仔就係之後東方人、歐洲人、非洲人既祖先

我試下先分享下。淨返既，睇下親愛既宮兄有冇補充（或者推翻）。

「舊約D規矩已經過時」，呢個理解反映唔到舊約聖經（希伯來聖經）既本意。聖經講既每一樣野，都係比人認識神。
有一個好不幸既誤解，源自「律法」呢個翻譯Torah既字。呢個字原本係「教導」、「指引」咁解。
返返去西奈山果時，神因為對列祖既應許救左以色列人，然後就賜下Torah，教以色列人點樣做神既子民。

既然係教導，就有教材。
呢D教材係取自佢地既世界日常生活有既野，例如食物，又例如古近東社會傳宗接代等等既文化。
教材係會過時，但係個教導本身唔會。當我地明白聖經，就應該係現代既生活入面攞返合用既教材，教返相同既教導。

以下我按住巴打既例子去講：

（1）奉獻

我地睇下其中一段。
有少少長，但係要成段睇先會睇到個重點，因為聖經要傳達既唔係照做晒就得既命令（what），而係個表達方法本身既訊息（how）。

申命記26:12-15
//12 “第三年是交納十分之一的年，當你把那年收成的十分之一全部收存，分給利未人、寄居者和孤兒寡婦，讓他們在你城中吃得飽足之後，
13 你就要在耶和華你的神面前說：‘我已經照著你吩咐我的一切誡命，把聖物從我家裡拿出去，而且分給了利未人、寄居者和孤兒寡婦；你的誡命我沒有違背，也沒有忘記。
14 我舉哀的時候沒有吃這聖物，我不潔淨的時候沒有把它拿出去，我也沒有把它奉給死人；我聽從了耶和華我神的話，都照你吩咐我的一切做了。
15 求你從天上你聖潔的居所垂看，賜福給你的子民以色列和你賜給我們的土地，就是你起誓要賜給我們列祖的流奶流蜜之地。’//

呢度26:12講左十分之一。但係唔係就咁講完，而係繼續講落去，你見到26:13-15係要完成埋成個敬拜程序，自己講埋奉獻十分之一既原因係「遵行耶和華既誡命」。

人就好容易聽錢話既。聽錢話就聽從唔到神。正如耶穌話：

馬太福音6:24
//24 “一個人不能服侍兩個主人；他不是厭惡這個喜愛那個，就是忠於這個輕視那個。你們不能服侍神，又服侍財富。//

奉獻第一係為左學聽神吩咐，第二係為左照顧神睇重既人——利未人、寄居者和孤兒寡婦——讓佢地得到飽足。

現代社會冇利未人，但係有傳道人。寄居外地既人大把，但係仍然有無家者。孤兒寡婦就幾時都有。
所以，我地今日要問自己既問題係：神既吩咐，我地肯唔肯聽？神叫我地照顧無依靠既人，等佢地有得食飽飽，我地點對佢地？
樓主教會比既人工，反唔反映到神既吩咐？
基督徒既奉獻，又反唔反映到神既吩咐？就算反映唔到，唔洗扮，直接認自己唔聽神講囉。

（2）代逝去兄弟繁殖後代

娶死去兄弟遺孀，係好古老既傳統，早係列祖時期已經有。

創世記38:8-10
//8 於是，猶大對俄南說：“你要和你哥哥的妻子交合，對她盡死者兄弟的本分，為你哥哥傳宗接代。”
9 俄南知道孩子不會歸自己，所以每次和哥哥的妻子交合的時候都遺精在地上，不給哥哥傳宗接代。
10 在耶和華眼中，俄南所做的是件惡事，所以耶和華也把他處死。//

呢個係好短既故事，聖經作者交代左俄南心入面諗既野。而耶和華對俄南所做既事既評價係：惡。呢個係邪惡既動機。
湊仔係連續好多年好辛苦既事，而湊完唔係屬於自己，唔着數。
對於她瑪（個老婆）黎講，俄南係佢留後既唯一希望。
對於俄南黎講，呢樣係蝕本生意。
為左自己利益，消滅其他人唯一有既盼望，呢樣係邪惡既事。

現代既社會，至少最新既一代，最緊要既唔係留後。
所以我地要問自己，其他人需要既事、其他人睇重既事，我地願意放低自己幾多去完成？簡單如屋企人既一個需要？

（3）婦女唔准發言

呢樣係好有爭議既問題。之前討論自己點睇相關經文，就唔重覆喇。簡單黎講，我既睇法係當時教會既特定問題黎。參考：

基督教你問我答之基督教係信咩？
- 分享自 LIHKG 討論區
https://lih.kg/AHyLLJX

［冇圖］睇左好多年聖經 你問我答（5）
- 分享自 LIHKG 討論區
https://lih.kg/bxkFtfV