【基督教討論】我係教會傳道人，你問我盡答？！

管浩鳴會否落地獄？

希特拉都係耶啦，once saved always saved

安樂死
即係 "借用外力同意結束自己生命"
點解要咁
因為佢覺得世界無嘢可以幫倒佢, 包括神, 都解決唔倒問題
因為悶, 無嘢令佢開心, 包括神都幫唔倒佢
其實唔相信神, 否定神一部分都可以叫唔信神, 係一種罪
唔信神係會救佢果位, 唔認罪悔改,
其實根據聖經, 係得救唔倒

"如果信耶穌然後立刻安樂死" >>>
其實即係你先前信神(信耶穌), 之後再唔相信神(安樂死), 其實根據聖經, 係得救唔倒, 一樣唔得

當然我都要帶番個頭盔 :
最後得唔得救, 唔係我講, 都係神話事, 審判權及結果都係由佢話事, 人係呢度係無 say, 你嘅義唔等同神嘅義

我係賣花讚花香, 所以唔講天主教
每個教會都應該會有"老友記"的團契, 所以唔洗擔心怕醜問題
因為一個好的教會 d 人會好 nice , 會令你好舒服唔會逼你
正常的團契都有自己的研經時間,
搵 d 信教朋友幫手, "老友記" 團契三人行必有我師, 多 d 參加研經班
多 d 主日崇拜, 同 d 弟兄姊妹多 d 交流, 會好快適應倒

對唔住，miss 咗你
我諗呢本著作就係講緊，耶穌同佢直屬弟子嘅教導，其實同保羅神學係有好多唔同嘅地方，所以就覺得保羅好似係騎劫咗基督教信仰發展嘅走向

我又覺得好難咁講，因為有時你講緊同一樣嘢，但係你嘅受眾唔同嘅時候，你嘅演繹同表達都會好唔同

耶穌一開始serve嘅都係猶太人比較多，所以佢冇可能完全話律法冇用，因為呢啲都係猶太人重視嘅嘢，如果要收服佢哋，耶穌冇可能係完全ignore 律法

所以佢先至話自己嚟，唔係廢掉律法，係想成全律法，亦都會提及律法嘅精髓係愛上帝愛鄰舍

呢啲位其實同保羅講嘅嘢冇衝突，但係聚焦上，保羅更加強調因信稱義嘅重要，因為佢serve 既客仔係外邦人居多，一班對律法冇乜概念嘅人，咁自然就唔可以重點擺喺律法上

我覺得耶穌嘅教導係基礎，然後保羅係有用佢嘅方法去引伸同擴張，但個底蘊都係嗰啲嘢

保羅同雅各嘅論述，我覺得係互相補足。如果淨係睇信心，但完全唔諗住喺行為上努力，咁你係咪真係信緊呀？ 畢竟相信係包咗追隨基督，效法佢嘅行為㗎嘛

但另一方面，如果淨係睇行為，唔睇信心，咁其實就係諗住靠住自己嘅功德去上天堂，完全漠視咗耶穌嘅恩典，咁又係有問題

或者睇晒兩邊，先係完整嘅基督教論述。思典教義同行為教義，兩者應該係互相補足嘅，我係咁睇

巴打, 唔洗灰心
只要你有尋求神的心, 神一定會開路給你親近祂
無人會知道神的安排點解會係咁
但係你要相信神係愛你 (default , 無得解, 神的屬性)
佢可能要你從中學習俾其他人更多更好的品格
令你可以係地上以聖潔的心去應對醜惡的世界
放心, 你從神學倒返黎嘅嘢大有能力, 除非你唔相信
你相信, 你就係走係神為你預備的道路上
你會返覆經歷神好多次, 信心會越來越強
當你一求神在屬靈的事上有長進
你在世的環境就會變得十分美好
至少起碼你唔會日日都烏雲蓋頂先

保羅有咩權柄話外邦人唔使守律法？你都話耶穌係成全律法啦。有牧者話耶穌上咗十字架就「成全」咗律法，但睇埋馬太福音該段經文就解唔通

我唔覺得佢哋係邪教，佢哋係靈恩派姐，同你普遍見到嘅教會唔同咁解，佢哋唔係做緊傷天害理嘅嘢，亦都唔係用緊不法手段去操縱人

我去過佢哋一次崇拜，我自己又接受到裏面嘅氛圍

其實 611 靈糧堂教會無乜問題
不過總係有 d 信眾有點特別, 都幾 aggressive
導致有某部分人會覺得佢地唔多顧人感受, 不過總體來說都係進取的信徒

多謝上面兩位巴打🙏🏽
我會決定靠自己努力多一陣先
我有時都會諗如果上帝俾我降生喺有錢嘅家庭會幾幸福

天主教同基督教嘅分別，我好快咁分享幾點呀

權威方面，天主教係覺得教宗、主教嘅教導都係權威，教會傳統同聖經一樣都係好重要

基督新教就強調唯獨聖經，唔係話牧師講咩都係啱，都要睇吓佢係咪忠實咁演繹緊聖經上所講嘅嘢

佢哋嘅聖餐觀念都係唔同，可以睇返我頭幾頁嘅留言，天主教有主保聖人嘅概念，佢哋覺得嗰啲做得好好嘅信徒（聖人），係可以喺天堂度為在世嘅人祈禱

舉個例子就係，行船嘅會同聖尼古拉斯祈禱，因為佢係海員嘅主保聖人

但基督新教就冇呢個概念，我哋唔主張聖化凡間嘅人，祈禱應該直接搵返上帝

天主教有告解呢種儀式，神父會代表天主赦免信徒嘅罪，但基督新教就冇呢種儀式

聖經正典方面，天主教好似都係多啲㗎，佢哋嘅書卷，對比基督教，佢哋係多咗七本次經

如果真係怕同人接觸，都可以喺YouTube度學吓啲基礎嘢先

可以search以下呢兩個channel，聖經係啲乜嘢，點解要信耶穌，每卷書嘅簡介等等都有提及到：

加油，支持你

認真想問，kenny老母嗰間是咪邪教？

返緊英國本地 Church of England嘅教會
英國嘅牧師真係唔會好似香港耶撚咁一嚟就同你講耶穌

佢地嘅信仰都係angelican christian，但佢地對其他信仰嘅包容同理解係非常之深，講道甚至會引埋老莊哲學，呢樣令我好欣賞

我冇資格定斷呢樣嘢
我諗撇除佢呢幾年嘅表現，佢都有努力去服侍教會服侍人嘅，如果唔係都冇可能喺呢行長期打滾

佢既是非功過，審判嘅時候就會一一計清

信徒可以如何面對謠言/背後搞小動作，甚至製造謠言的人？

我錯，我衰，傳道人講嘢應該斯文啲嘅

都多謝巴打你幫忙答問題，睇你user name，似乎係同行前輩 失敬失敬

冇留意佢，一條片都冇睇過

聖經邊有話once saved always saved？

毒巴你呢個諗法，我都曾經有，我都試過諗如果我少左D缺陷咪幾好，咪唔會樣樣都唔順利。
不過去到而家睇返，就算我生出黎既條件好過而家，一樣會遇到其他問題。
最緊要反而係倚靠神，以佢既心為心，我就經歷左攞唔走既安慰同滿足。
所以，我勸你係主入面加油，重點係喺主入面。神既計劃入面，全心全意全力愛佢既人必定得到益處（羅馬書8:28）