【基督教討論】我係教會傳道人，你問我盡答？！

認真問，神學難唔難讀? 傳道人難唔難搵工? 同埋教會傳道、牧師人工係點? (以一啲傳統教會例如宣道會果啲咁)

仲有想問既係，你點睇現時聖經既可信性? 支唔支持人睇經外典籍? 好多傳統教會討論既只會留喺聖經內，但係當年咩經卷納入咩經卷唔納入聖經都只係一班人去自己決定，可能好多真實同重要既野都冇包到落去。
加上聖經係唔同人寫，有自己interpretation, 點樣make sure 我地而家睇緊既野先係所謂既最「「正確」?

Lm

一隻手掌拍唔響

宮野兄，請問係點睇香港教會年輕人個思想偏向世俗化呢一點？

據我調查，有好多香港年輕基督徒都認為童女成孕係唔現實，亦有部份年輕基督徒認為聖經嘅教導唔能夠高於現實社會，請問你點睇？

代表耶穌基督後期聖徒會打7你

點解釋大多數教會/傳道人公開岐視毒撚？ 逼死毒撚，搞走佢地先開心？

咁我明啦，多謝先，會繼續

係神自己繼續帶領。

耶穌基督係教會既頭，聖靈住係每個屬神既人入面。
而家冇使徒在生，亦都冇使徒集埋一齊既耶路撒冷教會，但係神仍然係活生生。

你對佛教有咩睇法?

觀自在菩薩，行深般若波羅蜜多時，照見五蘊皆空，度一切苦厄。
舍利子！色不異空，空不異色；色即是空，空即是色，受想行識亦復如是。
舍利子！是諸法空相，不生不滅，不垢不淨，不增不減。
是故，空中無色，無受想行識；無眼耳鼻舌身意；無色聲香味觸法；
無眼界，乃至無意識界；無無明，亦無無明盡，乃至無老死，亦無老死盡；
無苦集滅道；無智亦無得。以無所得故，菩提薩埵。
依般若波羅蜜多故，心無罣礙；無罣礙故，無有恐怖，遠離顛倒夢想，究竟涅槃。
三世諸佛，依般若波羅蜜多故，得阿耨多羅三藐三菩提。
故知：般若波羅蜜多是大神咒，是大明咒，是無上咒，是無等等咒，能除一切苦，真實不虛。
故說般若波羅蜜多咒，即說咒曰：揭諦揭諦，波羅揭諦，波羅僧揭諦，菩提薩婆訶。

唔係喎 有人繼承咗喎
屌你老母你讀緊嗰本閪書都係佢哋出
你當冇發生過呀？

Christianity入面死唔係人類既nature
你哋啲二流（樓）教會
教義鬆散，你又唔識我又唔識
妹吓妹吓妹啲中學生就得
對住會思考既成人一棟都冇
牧
牧你老祖咩最唔識個世界就你哋

會唔會有d church完全無牧師？
由分兄互相分享同埋施洗？

同埋想問普遍牧者點睇用方言祈禱？

本身自己祈禱冇方言，但見到身邊有弟兄用方言祈禱，個心底裡覺得有d怪

想知基督教徙點睇天主教同十字軍東征？

回應吓呢條問題。 當我哋話間教會係好保守好基要，其中一個狀況係講緊，佢哋係極度嚴謹，一字一句咁遵守緊聖經嘅教義

個種嚴謹，我覺得有時係會over咗，講緊信徒係冇考慮到當時嘅教導點解會衍生出嚟，然後就瞇埋眼，將所有嘢套用喺2024年

有啲宗派，甚至會規定啲姊妹返教會唔可以化妝，唔可以搽唇膏，淨係可以着黑色嘅裙。點解呢?

因為佢哋話，保羅喺提摩太前書 2 章講過，「我不許女人講道」，佢又提到，女人唔可以帶上黃金、珍珠，著上貴價嘅衫，話咁先係正派。

但其實呢班信徒係斷章取義咗㗎，佢哋完全冇留意到當時嘅時代背景係點。聖經學者曾經提出一個講法，嗰陣時嘅早期教會，其實面對好多挑戰。

當時除咗有基督教之外，唔同嘅城市都有異端邪教，喺呢啲異教裏面，有好多女廟妓，佢哋係廟宇嘅重要角色，甚至會打扮得花枝招展，口裏面就講出荒誕、褻瀆嘅言語。

保羅好驚呢種異教風氣，會滲透入教會裏面，亦都怕教會嘅基督徒婦女，俾人誤會係廟妓，又怕婦女會唔小心跟隨對方，喺教會亂講真理，濫用自由。

尤其係呢種亂象，經已係哥林多教會出現，有姊妹真係會係聚會入邊突然企起身，無端端教訓人。

所以為咗抗衡呢種習俗，同埋風氣，保羅先會有呢個臨時性嘅制約，換言之，呢個律法係唔應該，應用喺所有處境、所有年代㗎。

所以你講嗰種美國嘅保守教會，佢哋嘅Founder如果當初接受既神學訓練，係咁樣硬梆梆咁一字一句咁解經，咁就會順理成章咁，將呢啲「女人不許講道」嘅風氣承接去下一代，隨着年代過去，有時呢啲規矩會係變本加厲。

有少數嘅香港教會，其實都有近似「女人不許講道」嘅教導實踐緊，我本人就覺得呢個係對女性嘅剝削同唔尊重。

睇聖經應該要考慮到「文化 vs 真理」呢個命題，要嘗試去分辨下乜嘢教導，只係文化，只適合應用喺當時當刻；而乜嘢係跨越時空嘅真理，例如愛鄰如己。

講住咁多先

我覺得其實同其他學科嘅degree 同master 難度差唔多？你肯努力都會搞得掂，唔會話10個人，得1個人畢到業
如果你好認真追求嘅話，可以好難讀 除咗啲必修科之外，神學生都有一定自由度，去take 科。例如有啲人專攻原文，成個生涯take 成四、五科，咁難度係會提升好多

有啲人科科攞A ，咁佢一定係睇晒所有reading，廢寢忘餐咁樣吸收知識，咁一定係難，有啲人就躺平過，畢業到就算，都係大有人在

所以都喺度講聲，唔好意思先，傳道人質素都係有啲參差 我自己都唔見得好叻，所以出到嚟做之後，都盡量惡補下，希望唔好表現得太廢

人工可以睇返頭幾頁，都有詳細講過嘅

如果認識完Christianity 會變到好似你咁搶口
我還是讓自己無知而謙卑地敬畏上帝好了

你謙閪
牧人牧人牧人
你老母你都牧唔掂呀
挑你邊撚個
呢啲唔係叫認識CHRISTIANITY 呢啲係HUMANITY
認識人類既學問
冇你咁撚狹隘跪喺度拜
挑

小弟娘親當然唔會係由小弟牧養
而係小弟娘親牧養小弟
感恩上帝賜我一位好母親，暫時無穿無爛

認識乜都好啦，Christianity/humanity/xxxxxity都好，說到底都不過係頭腦知識。而我相信，心存謙卑與愛心，才是做人處世的正道（不論是否信耶穌）。願你等著平安。

說到底你哋係一班
收費低廉或免費而唔專業既counsellor
嚴格少少既神學就冇架啦
上文下理都對唔上
以往學校資源少, 俾你哋妹吓學童還可以
減少街童數量, 提供假日聚集場所
香港人較理性有腦, 成年人幾時都唔會係客群
而家細路都識睇資料既年代
又有更多更優質既精神鴉片
仲係冇邏輯我信我信我信信信
唔多信你哋唔係越做越縮

討論呢個問題前，先要帶個頭盔。每個人嘅神學觀都唔同，所以我講嘅嘢並唔係權威

我都認識幾位同性戀基督徒，而佢哋都係我好respect嘅朋友。所以我嘅角度可能係會有偏差

確實地，以下我講嘅說話，如果我上到台都照咁講，可能會令我冇咗份工

不過我都仍然想分享吓，究竟從酷兒神學嘅角度，亦即係同性戀者嘅視野出發，佢哋係點樣為自己辯護呢？

首先要定義同性戀係咪罪先，呢個對我來講仍然係一個問號。如果有留意番同性戀信徒既論述，就會知道其實有啲經文真係可以有另一番解讀，唔係咁一面倒。

拎其中一段相關嘅經文討論下～

「不可跟男人同寢，像跟女人同寢；這是可憎惡的事。」(利未記18：22)

「憎惡」係原文係叫 תּוֹעֵבָה 「to‛evah」，係七十士譯本裏面係有「不潔淨」嘅意思。

利未記好強調分別為聖，呢啲觀念同以色列亡國之後產生嘅復興思想運動有關。嗰時嘅祭司好強調以色列人同外邦人要有嚴格嘅文化同宗教區隔。

所以有時理解經文，都要睇返當時嘅社會背景，先可以明白佢嘅真正含意。點解當時嘅教導係，嚴厲打擊同性戀，矛頭直指嘅唔係同性之間嘅愛情。

係因為男性性行為係迦南宗教嘅敬拜儀式，亦即係申命記23：17-18所禁止嘅男性廟妓職業，因為呢個正正係偶像崇拜嘅異教行為，所以被視為不潔淨。

咁你話啦，段經文究竟係叫人唔好搞基，定係譴責緊敬拜邪神呢？

呢種酷兒釋經方法係咪無懈可擊？又唔係，有其他聖經學者都可以作出即時反駁。

就算你睇返哥林多前書6:9、提摩太前書1:10、同埋羅馬書1:26-27，呢啲涉及同性戀討論嘅經文，其實都會有幾種派別嘅講法，無盡嘅辯論，爭拗咗好耐，兩邊都好似有啲道理咁。

所以都因為冇共識，LGBTQ信徒，一直都冇辦法進入主流教會。佢哋嘅行為係咪有罪？

我曾經聽過一個lesbian基督徒，喊住咁樣分享：「我其實真係好愛上帝，亦都努力去做一個好嘅基督徒，但我天生就係鍾意女仔，係咪咁樣我就要落地獄？冇得堂堂正正返返自己教會？」

如果你要我釘呢個人上十字架，我真係做唔出…… 因為我都唔覺得自己好聖潔、公義，學教宗方濟各話齋，If a person is gay and seeks God and has good will, who am I to judge them?

另外，如果係講緊同志平權，咁我會話，我係傾向支持既。呢樣嘢，對我來講又係另一個課題。就係無論你嘅教義係點，你都唔可以將你嘅價值觀格硬安放喺其他非信徒身上。佢哋同樣應該享有結婚嘅權利，唔應該比其他人低一等。

啱唔啱，呢個留返俾上帝去審判。但如果因為佢哋嘅性取向，佢哋嘅權利就俾人剝削，又或者俾人打壓同歧視，咁我就覺得非常唔公平，亦都有違基督教所講嘅公義。