【基督教討論】我係教會傳道人，你問我盡答？！

樓主請接招
點解世界上有咁多個神，要上帝先係唯一真嗰個？點解神唔可以係一嚿飲醉酒創造地球嘅意粉？
點解基督教通常都係唔想人問Why，而係純粹講俾人知What就算，或者一係就話總之係神蹟，總之舊約啲人可以同神溝通就算

問多句，樓主身為一個傳道人，點睇某啲要中學生大學生跑數call朋友同學返教會，好強調要谷人數嘅「大型教會」？

人做衰野關你上帝咩事， 你憑咩要人落地獄 CLS

以我所知，應該係之前果次計錯左時間。呢個網講得好清楚：

https://www.biblearchaeology.org/research/conquest-of-canaan/3625-the-walls-of-jericho

簡介同聖經極吻合既發現：
（1）城牆冧左係自己下面，考古搵到條斜坡出黎，啱啱好比以色列人「上」去（約書亞記6:20）
（2）考古搵到城牆有一截完整冇爛，仲要有屋起係度，咁好可能係喇合間屋（約書亞記2:15）
（3）座城嚴重燒毀既痕蹟，考古搵到D灰成3呎厚，而周圍都燒過（約書亞記6:24）
（4）搵到燒過既，仲有一桶又一桶滿晒既穀物，呢D本來係極之珍貴既出產。咁即係場戰爭極速完左（約書亞記6:1，15），而且以色列人冇搶黎比自己，全部毀滅咁奉獻比耶和華（約書亞記6:17，24）。

詳情睇返個網，唔知點解今日出唔到D圖，前幾年仲好地地，不過最底有YouTube: Jericho unearthed（利申：冇睇過）

事實係咁，不過我聽過係有時候係容許人入咗猶太教都唔做猶太人，咁個 d 另類。

我明白個樓上巴打個理念
上帝賜完個仔俾佢又叫佢獻祭番個仔俾上帝
咁當初賜俾我做乜鳩先？
成件事上帝好似真係隻手遮天大撚哂咁
點解亞伯拉罕唔拒絕呢個offer
要跟從上帝既意思
冇拯救自己個仔

其實我覺得有兩點可以思考
我認為就算亞伯拉罕拒絕上帝唔獻祭
或者佢選擇獻祭個仔俾上帝
呢兩個選擇
換黎既結局應該都係一樣
只係意義上面有唔同

如果亞伯拉罕拒絕上帝唔獻祭自己個仔
係表示佢對自己個仔既愛冇人可以係佢手中搶走自己兒女
呢個係作為一個爸爸既責任亦都係必須要做既事去保護自己兒女

如果亞伯拉罕獻祭自己個仔俾上帝
亦都表示佢對上帝既忠誠係無容置疑因為連自己親生骨肉都可以獻祭

以上帝既角度黎思考既話
的而且確獻祭呢個行為係可以測試到亞伯拉罕值唔值得信任
佢會唔會好似其他人類心存不軌既意圖
所以有時人同人之間係需要互相理解個核心

要俾人去理解你亦要去有理解人既核心
或者假設亞伯拉罕冇獻祭個仔俾上帝
係因為出自對個仔既愛同作為爸爸保護兒女既責任
上帝又會唔會赦免佢違背上帝指意既罪呢？
根據聖經上帝呢個神係會有時根據人既行為而改變心意
如果上帝理解亞伯拉罕呢點應該都冇咩問題

但再換轉普世價值既角度反而又有另一個問題值得思考
亞伯拉罕獻祭個仔俾上帝為左以示忠誠
咁其實亞伯拉罕呢個人有冇親情可言呢？
慢一個個唔係耶和華係其他君主又有啲offer俾佢
佢又會唔會選擇獻祭自己俾其他人而得到佢要既野呢？

講黎講去其實都係關於人類對上帝信唔信任
假設上帝降世懲罰有罪既國家
中國人小紅書可能都覺得係美國政府想加強操控人類既鬼計
而美國人亦可能覺得呢個只係影子政府想加強操控人類既鬼計

所以要信任必先要互相理解。

因為人類係上帝創造出黎
信聖經既人係唔信進化論
你要明呢一點先

其實最大贍既假設
可能人類真係由猿人進化而變成人又有
上帝用塵土造人又有

咁大家又會諗當初創造猿人係邊個？
上帝又係點形成？
係一個無止境既疑問
去到個宇宙點形成
宇宙之前又係啲乜
永無止境

如果上帝創造人
猶太人就一定係屬於上帝既子民

如果你想知道宇宙既奧秘
係永無止境只係不段追溯既時候
你諗吓人類既人生真係好短好短
好既只有70年命
幾萬年後連個地球係點形成人類都冇共同既答案
你就知道人類幾on9幾愚昧啦
有人話地球係上帝創造
又有人話地球係宇宙萬物自然法則形成既

但從來冇統一既答案將來又點能夠同其他星球既生物對話呢？

好老士
有d人又冇做錯事
點解都要經歷咁多病痛

早排交通意外
個大肚婆畀車車死咗 得返個男人孤零零

唔通真係上帝考驗&被挑選的人

答呢個問題前，先要了解少少書卷背景
呢卷書original 係想寫俾瀕臨滅亡嘅北國以色列人民睇

何西何係主前第八世紀嘅先知，當時，以色列已經分咗做北國、南國

何西阿當時身處既北國以色列，係有好多問題。王族同人民多數係背棄左上帝，改拜巴力邪神，當中好多淫亂、唔公義嘅事發生，例如係權力濫用、貧富極度懸殊，總之大大得罪上帝

何西阿同歌篾嘅婚姻，係一種比喻，聖經係要藉住呢個生命故事，帶出上帝嘅教導

兩人複雜嘅夫妻關係，係比喻緊上帝同以色列人嘅關係，其中上帝就係丈夫，以色列人就係妻子，夫妻本身係緊密連結，但以色列人（妻子/歌篾）就出軌拜巴力，做衰嘢，即使咁差，上帝都會用盡佢嘅慈愛、信實同方法，呼喚以色列人回歸，悔改 （何西阿書中都係做緊類似嘅嘢，歌篾不貞，搞出事，佢都係會出錢出力幫拖）

所以，《何西阿書》既main theme 係想提醒以色列人記得要悔改，要恢復返對上帝嘅忠誠，以免一錯再錯，承受惡果。兩人嘅結婚事件，其實只係比喻，用嚟帶出道理。所以佢哋有冇愛情未必係重點

（正如三隻小豬，故事寓意係講要「用心做事，唔好偷懶，先可以有穩固嘅成就。但如果我哋將個重點放咗去討論，嗰幾隻小豬係咩品種？豺狼嘅下場會唔會太慘？咁就好似失咗焦點，未必係作者想重點討論嘅嘢）

如果真係從你個角度出發，再思考，我會覺得，何西阿明顯只不過係因為遵守上帝嘅吩咐，所以先至娶佢老婆。喺聖經年代，基本上都冇拍拖觀念，唔會有相愛而結婚嘅處境，多數都係arranged marriage ，最出名嘅愛情故事，以撒 、利百加其實都係咁

如果認真睇過我分享，就會知道我嘅光譜未必係好傳統、保守嗰套，對我嚟講，「聖經無謬誤」唔係講緊一字一句咁記錄歷史，佢係講緊呢啲書卷好忠實咁呈現緊上帝嘅教導同神學，所以我係接受書卷有戲說成份，認同佢哋唔係最寫實咁，呈現緊當代嘅歷史事件

唔係上帝考驗。邊個基督徒夠膽咁樣安慰死者家屬，就唔該諗下自己既同情心去左邊度，諗下自己信緊啲咩

交通意外唔係上帝考驗，佢係人禍、意外，一件冇人想發生嘅慘事

世界係一個充滿苦難、疾病、傷痛、死亡既地方。但我相信上帝最終係有佢公平嘅救贖同拯救

關於St. Francis of Assisi，課堂係有好快咁介紹過，但唔詳盡。其實讀教會歷史，因為內容橫跨，時間性長，要cover 嘅嘢多，所以未必每個人物花好多時間講，除非佢真係極重要，例如奧古斯丁、馬丁路德、加爾文、慈運理，自然會講多少少。

如果之後。我哋對個別神學家有興趣，就會再特別讀相關科目進深研究。例如，我自己係再有study 潘霍華 （反對納粹主義既德國牧師）嘅神學思想

宗教裁判所，係唔會避的，大家照討論及檢討。基督教做過既衰野點只呢單 但教會歷史其中一part 就係學借古鑒今，學點樣從前人錯誤吸取教訓，做返個似耶穌多少少既文明人

我唔反對聖職人員投資買股票，合理咁管理自己資產唔係罪。但要睇程度。如果佢去到一個地步，係每隔一陣就開富途牛牛睇，跟住又大筆投資，過度沉迷，淨係一味諗發達，咁就窄窄地

嘅生命擺位上，股票重要過上帝、重要過服侍教會服侍人既話，幾時都係錯

聖職人員應該要入世（認識呢個世界點運行，明白教友嘅掙扎同難處），但唔應該屬世 （即係比呢個世界沾污咗，同罪惡同流合污）

我唔係話自己好好，都係靠主剛強，每日努力學習緊唔好咁pk 利申：唔識投資，淨係做定期

今晚我會嘗試講吓原罪，講吓點解世界有苦難，上帝好似唔出手等等嘅問題

我仲喺度㗎，未潛水

1. 獻嬰祭喺嗰個年代係好普遍，其他宗教文化都有，唔好用現代眼光去睇呢件事
2. 耶和華最後用羊代嬰，更顯得佢同其他宗教文化嘅分別
3. 亞伯拉罕有咁嘅試煉係因為佢信心真係有咁大

節錄經外文獻 - 雅煞珥書

「以撒三十七歲那一年，他的哥哥以實瑪利來帳棚中找他。以實瑪利向以撒誇口說：“當耶和華叫我父親給我們行割禮的時候，我十三歲，我按照耶和華向我父親所說的話做了。我把我的靈魂歸給耶和華，我也沒有違背他吩咐我父親的一切話語。” 以撒回答以實瑪利說：“你為何要指著耶和華所吩咐你的，這從你身上割下來的一點點肉向我誇耀呢？我指著永生之耶和華，我父親亞伯拉罕的神向你起誓，如果耶和華對我父親說：'你現在帶上你的兒子以撒，把他抬到我面前獻上。'我也不會反抗，而會欣然接受。” 耶和華聽見以撒向以實瑪利所說的話，這在他眼中看為美，於是，他想在這件事情上試驗亞伯拉罕。 」

點解神職人員鍾意摸細路仔賓周？

神職人員唔係更容易得米

宜家好少教會禁呢樣果樣
教友咁聽話，真係福音廣傳，人人信耶穌

點解自殺嘅人要落地獄 如果佢活係一個痛苦嘅世界 活著比死更難受 咁上帝係咪都要係佢死嘅時候懲罰佢呢？ 學術討論

世界上既基督教對自殺早已寬容得多。
公教1980年代後，都會為自殺者舉行儀式。
再說一次「能不能入天堂」
=
「美國簽證批唔批」
係全權由美國領事或天堂主人說了算。
外人係有參考根據但冇得批死。
一切凡人包括羅馬教王，都不應該講/有權講/你信佢講 話邊個可以去或唔可以去天堂。
反而
理論上一個在凡間不停同人批入天堂去地獄既人，更接近於落地獄既資格。
屌你哋蠢夠未

而家個世界人人都識睇資料
唔好用啲中學妹吓妹吓撚細路
既1自我循環論證嘢
亦2唔好中間夾雜我自己感受到有道光嗰啲閪嘢
仲有唔好3叫人睇呢本睇嗰本
呢啲亮碧思學你哋做既。
缺乏嚴謹教義就係香港二樓（流）教會既特徵。