【基督教討論】我係教會傳道人，你問我盡答？！

香港嚟講算大

我都知呀，基督教果邊都大把敗類
遵守十誡，搵食另計

你覺得呢d魔鬼咁直接咁暴力嘅“界入”/“上身”係咪真

三萬以下都話咁高人工？
要讀咁多兩三種語言去解經講道，教友有事同社工一樣你冇得話放左工聽日先，成個skill set係社工加教師
傳道人唔洗住唔洗食咩？
唔信教但都覺得非呃飯食傳道人值得更高人工

好好嘅問題。其實聖經正典嘅構成，過程係複雜嘅。但佢係有幾個具體嘅原則，去檢驗，呢啲書卷係咪真係傳緊「正確」嘅上帝/基督教導

決定納唔納入呢啲書卷，擺佢入正典，係睇以下幾個原則：

一、使徒性（apostolicity）

意思就係話，嗰本作品係咪使徒所寫？又或者作者係咪都同使徒有緊密聯繫？使徒，係耶穌最親傳既弟子，唔係隔代收料，佢哋理應係最了解基督教教導嘅人，所以邏輯上，佢哋寫嘅嘢，應該係有認受性、同埋最純正

使徒保羅雖然唔係12個徒弟之一，但佢係親身見證過主嘅顯現，亦同其他徒弟緊密聯繫，所以佢嘅作品係計埋嘅，然後馬可係根據彼得講嘅嘢去寫書，所以佢嘅作品又計算在內

二、大公性（Catholicity）

即係話嗰本著作，本身只不過係喺創作地區嗰度流傳，但之後流散去其他教會嘅時候，都比大部份信徒認同，大家都會study佢、閱讀佢

三、正統性 （Orthodoxy)

即係代表呢本書，係咪都同早期宣揚緊嘅基督教教義，有一致嘅價值觀呢？裏面展示嘅訊息，如果同耶穌嘅核心教導有好大衝突，咁就會被排除出去。 越一致，接納嘅機會就高

之前嘅信徒係用呢啲法則，去檢驗佢係咪真係「正確」。冇錯，呢個方法係咪一定work？會唔會撇除咗啲重要嘅嘢？其實我哋都冇可能百分百肯定

有啲嘢都係憑信心而行 相信上帝係當中有保守，相信上帝係有親密咁啟示過教會，幫佢哋選出正典

我確實唔算睇得多經外典籍（偽經、次經），我個人覺得如果你信仰係堅實，食過下夜粥，好清楚知道自己信緊啲乜嘢，咁其實睇吓都冇壞嘅 （make sure 自己唔會混亂先）

始終嗰啲係當代文獻，你閱讀嘅時候，可能都會理解多咗當時嘅文化，睇到一個更加廣闊嘅歷史畫面，咁對於你之後理解聖經，都有好處嘅

唔俾婚前性行為算唔算過時規矩？
以前d人早結婚就話姐，而家閒閒地都30歲甚至更大先結婚，
要人守住個處到30幾歲先得？婚後發現性生活唔夾又點？

簡單講少少，我點解信耶穌。
其實最初我決定試下信，係好理性嘅決定

我唔明大家點解好似成日覺得基督徒淨係講 feel

我接受基督教，起初係因為佢解釋咗三個人生好重要嘅疑問，即係，呢個世界點嚟？ 人生究竟有咩意義？ 人死咗之後去邊？

對比其他宗教，我覺得基督教教義，係圓滿啲咁解釋到上面嗰三條問題

另外，其實一個有創造主嘅世界，我個人覺得係make sense 過宇宙大爆炸理論

如果你返到屋企，你見到有碗湯擺咗喺枱面，咁你會理性分析，一定係有人煲湯，然後擺喺上邊，碗湯冇理由係無端端、偶然爆出嚟

你見到手提電話都會咁諗呀，你手上揸住嘅iPhone，咁精密，又可以影相又可以send email，冇可能係偶然自己組合而成。背後一定有個高智慧嘅設計師，去砌呢舊嘢。咁樣諗係正路既

咁既然係咁，呢個世界仲要精密過手提電話10,000倍，所有嘢井然有序，完善嘅食物鏈，複雜又豐富嘅人性，神奇多樣嘅生物，各種因素加埋，咁我合理推測，背後有個高智能生物，去設計天地萬物，都係好合理啫？

我嗰陣時係比呢種類型嘅論述說服，然後嘗試返教會。但當然之後，真係決志信主，就確實係有啲宗教體驗，當時強烈咁感受到耶穌嘅愛，最後先至信

我唔係啲咩神蹟型基督徒，唔會話成日睇到異象，喺夢入邊見到耶穌。但好多一點一滴嘅經驗，都係建立緊我嘅信心

之前大學畢業出嚟做嘢，做到Burn Out，好迷惘，唔知道自己未來條路點行，偏偏呢個時候上帝又會彈張「神學生一日體驗營」嘅宣傳單張俾我睇；試過去間學校度搞短宣，唔知醒遲大到，個啲結他琴譜喺晒我度，諗住都係玩完，努力祈禱，希望上帝幫手補飛，最後件事又真係順順利利咁完成

當然仲有好多好多小故事 冥冥中，我嘅人生就係充分感受到上帝嘅掌舵。如是者，就係咁一路信到而家

啱啱嗰幾個原則係講緊新約 寫得唔清楚添，唔好意思

我自己本身對東正教、天主教持有高度開放嘅態度，覺得裏面嘅信徒都係會得救嘅，所以我一直係好有興趣了解佢哋係點

但就冇話比佢哋吸引到要轉派系。我嘅傾向係，少林武當峨嵋都係中國功夫，咁我當初師承少林，我就想stick with it

上帝有無能力創造一個比佢強大嘅存在

上帝做d會做壞事既人出黎，佢自己都有問題啦

聖靈有冇同你講過，究竟武肺係咪瘟疫？

我見好多信徒平時聲稱聖靈感動，乜乜柒柒。但一去到武肺呢個話題，就個個都話要戴口罩。我懷疑佢地平時所謂嘅聖靈感動。只係來自佢地嘅個人慾望而已

初生嬰兒不數日夭折
此人類是否沒有原罪？

初生嬰兒不數丌夭折
此人類有無原罪
簡單得嘞唔好吟咁多詩

咁你覺得是否伊斯蘭信徒也會得救？

快撚啲講初生嬰有冇原罪
好撚煩避避避避避

一分鐘4個post問同一樣野

嚴格黎講，係兩樣
不過其中一樣係聽完答案唔接受

唔係造啲會做壞事既人
係亞當同夏娃食左善惡樹既果實
人類先有左善惡既慨念

師兄啊，你試吓認真睇吓人哋寫嘅嘢
先至留言啦，其實我已經回應咗你嘅問題

所以真係唔使連續追問四次
大家網上討論啫，唔使咁激動

再答你一次，人類係有原罪，即使係初生嬰兒都有原罪，神學家叫呢樣嘢做全然墮落 （Total Depravity)，人係冇辦法靠自己得救。呢個係最大路、普遍嘅講法，係有其他派別嘅，但我唔認同

耶穌嘅救恩係開放比所有人，如果有人本身就係無罪之身，佢靠自己就可以同上帝恢復返關係，咁佢就唔使耶穌拯救佢，呢種進路係違反咗基督教嘅教義

只不過撇除聖經、撇除傳統嘅諗法，我係傾向相信上帝會額外開恩，救埋嗰啲夭折BB。呢個係冇得prove，係我根據自己對上帝嘅認識，認為佢係仁慈，係會再有另外嘅救生艇計劃，但嗰個赦罪權係喺佢手上，唔係我話咩就係咩

確認有原罪嘅相關經文，舉兩個例子：

為此，正如罪是從一人進入世界，死又從罪而來，於是死就臨到所有的人，因為人人都犯了罪。（羅馬書五章12節）


看哪，我是在罪孽裏生的，在我母親懷胎的時候就有了罪。（詩篇51篇5節）

試吓睇吓留言480、482呀，嗰度會有更加詳盡嘅答案。綁架同埋賣淫唔係神嘅指示，亦都唔係神比人類嘅考驗，呢個係人犯罪製造出嚟嘅苦難

真係嘗試爬下文，睇吓我嘅論述先再問
感激不盡

冇同我講過武肺係咪瘟疫
我係傳道人，但其實都係軟弱冇力，唔會隔幾個鐘就收到上帝嘅有聲Voice note ，好多時都係攞住本聖經學做人