【基督教討論】我係教會傳道人，你問我盡答？！

應該唔係討論 "自殺"
而係望返"輕生的原因"
都係回歸返 (精神病除外) : 個位人士死前一刻, 有否相信耶穌係神係救贖佢個一位.....
如果唔信, 就真係等神發落

既然唔一定以10%作為指標，為甚麼普遍仲係叫 「十一奉獻」 ，定係呢個唔再係教會內既叫法? (不過我GOOGLE SEARCH「十一奉獻」仲係有唔少結果，包括部分基督教的文章都依然係咁叫?)

呼籲信徒奉獻我覺得當然無問題既，否則教會點生存呢，我個疑問係，既然10%稅可能只係 「按當時需要規定」 (如你所說), 咁點解去到今日仲要highlight 呢個數字作為給信徒既reference呢?

我估係因為傳統上名稱係咁叫, 所以到今天都叫十一奉獻, 用黎記念有過咁嘅事發生
即係等於維多利亞港一樣, 唔通一過 97 就要改名咩 (笑)....

耶穌話要跟邊個？

馬可福音8:34
//34 於是，耶穌把群眾和門徒都叫過來，對他們說：“如果有人想跟隨我，他就要捨己，背起他的十字架來跟隨我。//

我都多謝返你
我諗起要提及呢個原因，係見到呢一類Post 唔少人既態度

比較其他宗教，耶子教邏輯是不錯的
入面啲耶人學識高
唔包呢個post 嗰啲

小難修改
基本上有外星耶子教就完

安樂死又點計？
算唔算自殺

冇人跟你睇緊嗰本都冇人譯呀
癲仔

天國，又叫神既王國，遵行神既旨意就係入面，而家即刻就入得。
冇機會聽福音既人，應該比我地想像中少。神連我地都搵，更加會去D福音封閉既地方搵屬佢既人。
耶穌返黎審判，其實都係分返開人係咪做神既教導，講到尾都係對人無私既愛同憐憫，人係有良心，邊個中意咁做，邊個唔中意咁做，神好清楚。中意既咪同神一齊，唔中意既咪同神分開。
參考經文：馬太福音25:31-46，羅馬書2:6-16：

你想了解我引用既中文聖經譯本？

呢本叫「環球聖經譯本」（2022），暫時見到最好係佢（未計仲譯緊既「新漢語譯本」）。
貼近原文，用字謹慎，行文流暢，感情澎湃。
我唔能夠唔強烈推薦。

https://www.wwbible.org/%E7%92%B0%E7%90%83%E8%81%96%E7%B6%93%E8%AD%AF%E6%9C%AC-4

呢本好野黎

我都識人冇啦啦讀神學

希望樓主會回覆🙏🏽

我係接近一兩年 無返教會嘅基督徒
即係我有一樣嘢係一早計劃好 我都好努力 但係我都最後失敗咗 係真係令到我個path 好有影響
以前返教會成日都會聽到好多嘢係神嘅安排
但係我呢個安排真係好唔滿意 唔開心都好耐
有時都喺度諗 點解有啲人一出世就可以順利輕鬆
但係我就要咁多歷練 點解咁唔公平
好想神係係點樣安排🙇🏽‍♂️

唔該巴打

安息日仲返工

問題唔係做D咩，而係當神係咩。分享呢一段經文：

馬太福音12:1-8
//1 那段時間，耶穌在安息日從麥田經過。他的門徒餓了，就開始摘些麥穗來吃。
2 法利賽人看見了，就對耶穌說：“你看，你的門徒正在做在安息日不可以做的事。”
3 耶穌對他們說：“大衛在他和同伴飢餓時所做的事，難道你們沒有讀過嗎？
4 大衛進了神的殿，他們吃了呈獻餅；這餅是他不可以吃的，他的同伴也不可以吃，只有祭司們才可以吃。
5 再者，難道你們沒有在律法書上讀過嗎？每逢安息日，祭司在聖殿裡工作，‘觸犯’安息日，他們也是無罪的。
6 我告訴你們，比聖殿更大的就在這裡！
7 你們如果明白‘我喜愛的是憐憫，而不是祭物’這話的意思，就不會把無罪的人定罪了。
8 這是因為人子是安息日的主。”//

問題1 點解唔可以係偶然論？

偶然論，嘅問題在於佢冇好好解釋第一因，宇宙大爆炸係無端端發生，你唔知點解㗎，總言之有啦。但每一件事都係有因果，我大隻咗，係因為努力做gym；有棟建築物喺前邊，因為有設計師喺背後推手 ，偶然論解釋唔到第一因，係佢嘅缺陷

就連所謂嘅無限猴子理論都係有缺陷，因為歷史江河係好長時間，但佢唔係given無限時間俾佢建構世界，呢個宇宙都比莎士比亞作品要完善、複雜得多

其實所謂科學或者創造都係faith，從來冇人見過上帝嘅真身？係呀。但都冇人親眼見證過宇宙大爆炸？

其實大家都係講個信字，你相信嘅科學家，佢係砌咗一個好精密嘅理論，但其實佢都唔敢保證自己一定啱，裏面嘅學說係不停被推翻同修正，最終你都係講個信字

咁對比之下，創造論係講緊人係有初始嘅生命意義，我哋係特別嘅，我哋係比造物主愛惜，精密咁樣設計出嚟；偶然論係講緊一切都係隨機，人死咗就乜都冇，只有虛無，亦冇初始嘅生命意義

兩者對比下，我就覺得前者嘅世界觀冇咁悲涼，有意義得多。你點睇？

問題2 若宇宙發現有任何生命，會否動搖你既信仰基礎？（有生命冇恩典/恩典原來不止這個世界有/出現經文覆蓋外既創造同秩序）

如果有外星人，或者生物嘅話，都唔會動搖到我嘅信仰基礎。聖經佢係承載咗上帝嘅啟示，但從來都冇表示過佢係囊括晒世界嘅所有資料，有啲嘢佢係冇講到嘅

如果上帝對其他星球都有恩典，都有佢美善嘅創造，我覺得不足為奇。甚至乎喺某個星球，佢哋有自己版本嘅聖經，我都覺得唔出奇

問題2.1 若人類能創造某種型態既生命，動唔動搖？

我覺得都冇動搖到我嘅信仰基礎。因為就算人類可以咁樣做，佢都係用緊世界上擁有嘅資源，將佢組合，將佢重構，最後先有新生命誕生，呢啲資源，都係由上帝而來

另外想回應吓舊約真確性嘅問題，法老王年齡點解會抵觸考古發現，聖經嘅歷史矛盾係咩事幹？

#如果你係超級保守基督徒，呢度就最好唔好睇啦。

關於聖經嘅真實性，暫時只講舊約，我嘅學習令我明白到我哋冇可能完全當佢係一本歷史傳記咁去睇。

成日都有人問係邊個寫㗎，正確來講推演返去嗰時嘅年代，根本紙張就係一樣非常昂貴同缺少嘅資源，好多時以色列人嘅歷史都係靠無數世代嘅口述去流傳，去到好後期先結集成書。

你會發覺好多數字都係好湊巧，摩西佢哋係曠野流浪左40年，洪水降雨又係落咗40日，主耶穌係曠野又係逗留左40日。咁好明顯當中就唔係100% 有碗話碗呀。

40呢個數字係有好豐富嘅神學意義，象徵着試煉受苦。你諗下當時嘅人，如果我要將訊息傳達到後代，冇得用紙張，咁除咗靠記憶力之外，就係要靠一啲好突出、容易記得、有象徵意義嘅用字，咁先令人刻骨銘心，文化先可以傳承落去。

咁你會話咁咪即係講大話？唔係，只不過當時嘅以色列民族覺得好多一啲硬性數據，法老王年齡，朝代順序，同埋時間地點唔係最重要，最重要係保留到自己嘅文化信仰，能夠繼承到一啲教導，將豐富嘅神學信息傳比下一代。

喺我嘅神學觀，聖經唔係歷史書，歷史書嘅責任係忠實毫無保留咁，記載呢個世界嘅進程，歷史興亡，但聖經而家要做嘅係展示上帝嘅啟示，將完整嘅神學教導傳承。兩者想達成嘅嘢，係截然不同嘅。

同埋我哋都要睇返呢啲經文，其實係寫比邊啲人睇，想達成啲咩目的。

我哋用返摩西五經(妥拉) 講返，普遍啲人都係相信妥拉係喺以色列人被擄或之後成形 （公元前587-537年）

當時佢哋嘅境況好慘，過住流亡嘅生活 ，生活艱難。妥拉就成為咗佢哋抗爭嘅手段，比到佢哋有盼望，提醒返佢哋係上帝嘅子民，令佢哋明白唔應該向大環境妥協，要繼續相信上帝，發憤圖強。

咁帶返個頭盔先，經過唔同學者嘅研究，舊約都係有好多歷史嘅成份滲左喺裏面嘅，唔係一啲求其三隻小豬、狼來了嘅故事。

如果你係基督徒嘅話，你可能會擔心咁咪即係話聖經係錯咗，裏便啲嘢係唔啱。

唔係，從描述上帝真理嘅角度黎睇，舊約所講嘅嘢仍然係全然無誤，因為佢仍然忠實咁表達左神嘅愛同拯救。佢係一本結集左無數屬靈偉人智慧、講述上帝拯救、有歷史成份喺裏面嘅文學巨著，呢啲文字同經歷令到早期信徒得着勇氣同安慰。

呢啲係珍珠都冇咁真嘅。

正如我哋唔會話三國演義係一部錯誤、講緊大話嘅作品，我哋都知道孔明可能冇借東風，趙雲都冇喺長阪坡七進七出，但作者運用呢種敘事手法，就成功令讀者留下深刻印象，裏面所提出一啲英勇嘅象徵、文學意義仍然係真實同埋有影響力嘅。 （未必係最正確嘅類比）

點解耶穌冇因為胎生而感染原罪。
天主教有個講法叫聖母無染原罪（Immaculate Conception），類似係話馬利亞一開波未出母胎，就得到天主嘅特別恩寵，預先獲得基督嘅救贖，所以佢就可以以無罪之身，去生耶穌。咁耶穌都順理成章唔會感染原罪

不過新教、東正教係唔接受呢種講法，耶穌係無原罪，我哋認為係因為條line 根本唔同，耶穌係聖靈感孕而生，係直屬上帝嘅仔，喺生物遺傳學上，佢同阿當、馬利亞嗰啲係冇直屬血統關係，咁自然就感染唔到佢地帶落嚟嘅嘢

辛苦晒啦弟兄，從文字都感受到你嘅沮喪同埋唔開心。坦白講，我真係未必解釋到點解，有啲人順風順水，有啲人就多災多難

我亦都唔夠膽話每個無妄之災，都係出自上帝安排。
人生確實係無常，基督教從來都唔係講緊信咗就會天色常藍，無風無浪，佢係講緊喺死蔭幽谷之中，上帝嘅仗同竿都安慰我哋，係講緊最困難嘅時候，上帝都會與我哋同在同行

明白，而家你面對嘅處境好唔容易，不過都試吓祈禱，試吓搵你信任嘅牧者同弟兄姊妹傾偈，路係難行，希望你搵到其他信徒陪你一齊去行，一同彼此分擔生命上嘅苦與樂

無論咩情況，我相信上帝都係愛你，唔好停止尋求佢嘅援助。多多保重，為你祈禱呀

如果你希望繼續分享，我都會喺度繼續聆聽既

另外都講聲，唔好意思先，因為嚟緊星期日要講道，都多嘢預備。可能都要放完假，先可以再返嚟同大家傾偈

不過都係嗰句，我係會返嚟㗎 等我

其實我唔係特別慈善
只不過我覺得，基督教之所以成日分裂，其實都係源於一啲神學辯論，我自己都唔肯定自己係一定啱，咁點解又要花咁多時間駁斥同路人，搵交嗌，失見證呢

其他慕道者嘅問題，我反而就覺得要首先處理，同埋要幫手去疏離大家之間嘅誤會。畢竟呢個post，最原初目的都係想傳福音

起碼令大家知道唔係每個基督徒都咁離地，唔係每個都咁專制，唔講道理，唔花時間思考自己信緊啲乜。呢個係我想做到嘅事

611個名都似邪教，佢地用咩方法洗腦？