【基督教討論】我係教會傳道人，你問我盡答？！

多謝詢問 十一奉獻精神點解唔會過時？

要睇嗰個教導，會唔會繼續實踐，我自己係會參考返教導背後嘅目的及意義

我原句引用之前我所寫嘅文字：

「呢幾卷書所講既十一奉獻係規條、律例，係以色列人必須遵守的，做呢樣服侍係為答謝賜福畀我地既上帝、多謝勞苦功高既利未人同祭司，亦係想佢地有憐憫既心，分啲財物俾有需要既人，呢個係初衷」

十一奉獻，最後想達成嘅目的係答謝賜福畀我地既上帝、希望將財產分比有需要嘅人，呢兩種目的，到今日都係應用到，我覺得係劃時代適用，並有意義既，亦都係彰顯緊「愛上帝愛鄰舍」嘅精神，所以教會就順理成章咁傳承呢種教導

所以我覺得除咗去睇教導，係咪只不過係當時嘅文化，同時，亦都要睇教導背後嘅目的及意義，如果嗰樣嘢嘅初衷係於人有益、蒙神喜悅，咁當然過咗兩千年之後都要繼續做啦

睇返聖經，我諗每個教導都唔係為做而做，背後都有啲嘢想表達。有時真係，當刻係適合咁實踐。例如：

例如摩西收到上帝order，話要分清楚有啲食物係潔淨，有啲就不潔淨，唔食得。例如某啲甲殼類、鰻魚、食腐肉嘅鳥，呢啲係唔食得

之所以咁吩咐，背後係有佢象徵意義，係想等以色列民族可以保持獨特性，同其他外族文化區隔返出嚟，又或者同衛生有關係，係想防範傳染病

咁呢啲原因就未必係咁劃時代，佢嘅目的同意義，就未必適合應用到係2024年

多謝黎巴，以及幾位基督徒弟兄姊妹一直陪伴同行 感激不盡，感恩有你

固定信眾大概有180至200人，有啲浮動，因為唔少人已經移咗民，同埋選擇網上參與（老人家行唔到樓梯），每月教會收入要睇返數據，冇喺手，如果就咁23年嘅聖誕節，嗰日嘅奉獻有round 十二萬

通常蝕緊錢，做唔住嘅教會，多數係獨立教會，細宗派教會，呢啲地方往往資源短缺，儲蓄唔夠

香港嚟計嘅話，都仲有好多有心，經濟上有實力嘅弟兄姊妹喺度支持教會，所以又唔會話冇得做，步入黃昏嘅。但大規模移民，確實係幾影響教會，聽過有啲地方係一半人走咗，營運上會有挑戰

good job
我老友耶穌佢老母係人類既一分子
佢就有多少分裂既一個人格一個神格咁上下啦
佢有冇因為胎生而染到多少原罪
照計冇架喎，佢老母都有。
到你

你一定係大派出身。
呢啲咪貼市既好嘢

阿哥
南北美洲經歷咗幾千年冇一神教既生活
有咩「好多問題」
想聽喎
乜你講嘢成個十七世紀白人咁既
大春袋袋咁

師弟，你樓上個仆街契弟叫人信耶穌連原罪都話冇呀
癲撚過雙氧水唔輸血呀大佬
你快啲送佢上去見耶穌啦

你老母老豆唔係馬騮 係狗姐

我自然相信係上帝創造天地萬物以及人，但同時我又唔算係反對科學，我反對嘅係一切都係偶然而來

為咗處理進化論 vs 創造論嘅爭議，其實基督徒都分裂咗好多唔同諗法出嚟

例如有種學說，係叫做年輕地球創造論(Young Earth creationism)， 呢啲信徒係相信地球，只係得幾千年歷史，佢哋係完全反對進化論，真係會拎聖經嗰啲家譜去計算，然後計個地球年齡出嚟，佢哋覺得上帝六日製造世界，就真係exactly 用24小時 x 6

但我就唔係支持呢種講法嘅信徒，睇聖經，有啲嘢要注意嘅就係，創世記嘅原始讀者係古人，佢哋對科學、進化論、物種演變係冇任何概念，所以上帝喺傳遞訊息嘅過程中，要令古人明白信仰，一定係用返佢哋嗰時嘅文化去演繹同表達

（你當小朋友問父母，BB係點樣誕生㗎？咁父母，知道幼稚園學生好多概念都未掌握，咁就簡單話BB喺個肚度出嚟㗎，呢個講法都冇錯㗎，不過好多細節就省略咗。但點都好，小朋友都係get到啲嘢嘅，我諗創世故事個概念大概都係咁）

所以我嘅想法係，上帝係使用進化論嘅手段，去創造世界又有何不可？ 聖經上所講既Day 1 ，Day2，點解一定係等於二十四小時？（嗰時根本都未有咁樣嘅計算方法）可唔可以係一種文學表達手法，例如Day 1其實已經象徵緊一段好長嘅時期？

關於我呢種進路，大家可以search 進化創造論 （Evolutionary creationism) 同日齡論（Day-Age creationism) ，科學同信仰係必然抵觸？我覺得未必係

利申：我唔係話呢種想法必然係啱，但呢個可能性，可以係一種參考，去調和科學同信仰嘅衝突

另外，你嘅問題係點解人一定要相信神？
我認為相信佢，係一種愛嘅關係嘅回應。情況就好似，你有個失散多年嘅爸爸，佢花咗好多時間尋找你，證明自己對你嘅愛，對你有好多供應同埋幫助

如果你了解過之後，都確認佢真係你個爸爸，咁你係咪都應該有啲表達，去回應返呢份恩情？ 喺上帝同人嘅關係裏面，相信佢、聽從佢吩咐，嘗試了解佢，就係一種愛嘅回應

作為受造物，同返供應你一切既造物主建立返關係，似乎都係順理成章、合情合理嘅事

（最後嗰度答得唔係幾好，不過答住先）

神既奧秘係人類無法理解同解釋-淨係依句已經屈曬你機，你所有承受既苦難都係無意義，所以受苦既你可以信有神，但係依個神創造你出黎只係玩弄你，你面對既苦難應該易過d,好過話你人地餵你食屎仲話人地好愛你依d痴線野

你點解釋世間人受到既苦難？人地出世比父親強/雞姦毒打，你點同人地講上帝好愛你，我比你既苦難你係可以承受，我會係你身邊支持你依d BULLSHIT

1,可以
2.保守既牧師只要你唔係雙方都係基督徒，直頭去都唔去

*雙方都唔係

我本人係收過牧師嘅利是 裏面真係有錢，唔係金句卡。我哋睇呢樣嘢係祝福，係無傷大雅嘅華人傳統，咁所以都有唔少牧者照做嘅

我去朋友嘅婚宴，係照做人情嘅。不過有種不成文規矩係，如果牧者係參與本堂教友嘅婚宴，係可以免疫唔使比人情

（呢樣嘢，未必有任何神學喺背後，可能純粹係體諒同工，畢竟每個教友結婚，我哋都係要出席。每個人都俾人情嘅話，真係經濟上頂唔順）

關於苦難、上帝點解唔出手，可以睇返留言480 同482，我都非常詳細講解過。勞煩巴打睇睇

如果有個人佢係俾親人雞姦同毒打，作為傳道人，我諗我未必會即時同佢講聖經，講神學，咁係冇意思嘅

我諗即時要做嘅係，睇吓有咩實質嘅援助，可以幫到佢，如果佢有即時嘅危險，就應該帶佢離開屋企 。

喺呢一刻，實質嘅幫忙、同行陪伴、安慰同陪佢一齊喊，俾宣揚教義更加重要

人地被人強姦係天父比佢飲既苦杯，你憑咩幫佢拎走？耶穌叫父拎走佢都順服父既心意，唔係順服自己既心意，點解你阻止天父既計劃？你點解唔仿校基督？

我信50年主同臨死信主一樣都可以進天國，點解我唔訓係醫院搵院牧祈禱搞掂？

點解喇合可信主但唔比婚前性行為？

例如摩西收到上帝order，話要分清楚有啲食物係潔淨，有啲就不潔淨，唔食得。例如某啲甲殼類、鰻魚、食腐肉嘅鳥，呢啲係唔食得

之所以咁吩咐，背後係有佢象徵意義，係想等以色列民族可以保持獨特性，同其他外族文化區隔返出嚟，又或者同衛生有關係，係想防範傳染病

全部都講得好啱。見到呢一段有感而發。
食物既條例，個主要原因我睇做學神既神聖/聖潔（利未記11:44-45），即係神唔係其他「一般野」。
雖然好簡單直接，但係真係咁睇既人少之又少

感恩見到宮巴親自企出黎示範，我留名大把野學。主真係奇妙

神愛世人，咁舊約既非利示人，亞瑪力人，以色列人既仇敵就唔係世人？點解要比萬軍之耶和華剪除滅盡

婚前性行為唔係問題（唔該聽晒成句），敬唔敬畏神先係問題。（可以參考埋 撒母耳記下12:9）
喇合聽到神既作為，敬畏神（約書亞記2:9-13），用條命去信神既拯救。
咁當人聽完神講「唔可以通姦」，敬畏神既人應該點做？