[ARMY]防彈少年團BTS討論區(42) Welcome to Chapter Two of BTS!

真係有人盲撐到咁
你自願做免費雞唔代表所有army都係
言下之意，偶像食fans係恩賜？
可惜國仔seven days a week，每日four girls都排唔到你

我點睇樓上位阿米都無你所講偶像食fans係恩賜既意思
大家唔同意見無問題, 但講嘢可以唔使咁難聽

第一次聽未睇歌詞都幾鍾意 不過第二次聽睇埋歌詞都覺得怪怪地 哩兩日連啲宣傳reels都冇點睇過 覺得有少少失望出首歌之前經過咁多步驟咁多人都冇覺得某啲歌詞係唔ok 但又出alternate ver. 宜家好似同國仔想show嘅成熟成長有啲出入希望國仔心中所想或者表現出嚟嘅成長唔係3d表達出嚟嘅嘢

睇咗國仔喺電台上面講嘅內容
我諗佢誤會咗成熟/長大嘅意思
要表達自己有所成長 應該唔係體現喺年齡上面
而係心態上思想上都要有所進步
但而家呢首歌呈現出嚟貶低亞裔女性嘅內容 嗰種對女性嘅踐踏同物化 我真係無辦法接受呢首叫做代表佢唔再係26歲 已經成熟嘅作品
紋身食煙飲酒拍拖我都唔介意
但呢樣真係有觸犯到我作為女性聽眾嘅底線
尊重其他人嘅諗法 但國仔都算我second bias
見到佢咁諗 比起憤怒更多嘅係難過同失望
真心真心希望呢首會係最後首咁引起爭議嘅歌
同埋佢會及早「回頭是岸」
如果唔係我真係好難說服到自己呢件事係啱 佢冇做錯
只能夠話當初有幾愛 而家就有幾難受

嘩 入到黎唔知真係以為入左anti chat

唔明點解係迷失自我？
Jk由一開始就係中意Pop 聽JB/ charlie puth 點解一定係為左迎合歐美？
如果有留意 好多interview 佢都話想試唔同類型嘅歌 加上Jk本身carry到 3D同Seven已經係兩首好唔同Style嘅發

到底係Jk迷失, 定係當佢終於有空間表達/演繹他中意的音樂 但係同某D投射/ 期望有落差？

仲有好唔好聽/ 有無特色好主觀 我覺得Jk就算唱英文歌都好好聽把聲好有他的特色 一聽就知道係Jk 就好似好多人包括我 都一直都會特登去聽佢falling cover 因為覺得Jk唱得特別有feel

同埋現時歐美有幾多個好似他咁又唱得又跳得？ 其實佢係有定位架wor


至於你話題材/ 歌詞 的確係係人人接受程度未必一樣
但有時唔係只係得一個角度去睇 自己看法唔一定係=人地別有用心
好似Dead body 其實係Movie Reference 通常都係形容身材超好意思
ABGs 亦都唔係一個Slur/ racist term 尤其是而家D人係用黎形容一種aesthetic / style
就好似10 年前如果你見到好好J呢個term會覺得色情 但而家個用法已經唔同左

有人都有 post 自己之前教jack Harlow 呢個term的片 嗰個係個Asian fan (girl)

https://twitter.com/PurpleMixPrint/status/1707938727102726158?t=fagZwvlDhCgylaYPk1lXZw&s=19

當然我都覺得歌詞要把關好D 始終Army咁多不同種族國家 費時野黎controversy啦 但其實好多在美國長大的Asian 都唔覺得係offensive

https://twitter.com/DJJINO_twt/status/1708467413325410483?t=KUMHLQ9zR91AqLYkLH4Bgw&s=19

你話首歌貶低女性
轉個頭話人免費雞
唔見得你有尊重其他人

只係提出自己嘅疑慮就叫anti？
點解啲美國長大嘅Asian覺得唔係
我哋呢啲土生土長嘅Asian就唔可以覺得被冒犯？
正如啲白人fans覺得亞裔fans小題大做 因為我哋覺得國仔仲係baby先咁反彈 係因為佢哋未受過歧視 唔係喺父權社會下成長先感受唔到呢種切身之痛 唔代表件事係啱喎 何況幾年前防彈先喺聯合國宣揚過反歧視亞裔嘅觀念 唔覺得咁樣好諷刺咩？

而家唔係唔承認國仔嘅能力同音樂
而係呢個作品的而且確有爭議性
加上佢自己都透露想比人知佢唔再係小朋友 佢已經好成熟
但從佢嘅作品內容我完全睇唔出有咩成熟嘅地方
係咪要宣傳同唔同女人上床好正 仲有ABGs呢啲fetishism嘅term就叫做成長？咁sorry恕我無辦法認同

唔係要抹殺國仔嘅才華同人格 到呢一刻我都仲係好鐘意佢 覺得佢係一個本質好善良好溫柔嘅男仔 喺事業上都好優秀好努力
所以先會咁執著去討論呢樣嘢
真係唔求每個人接受 但比人誤會係anti嘅話真係好sad…明明本意唔係咁…

唔好意思 唔係話你 咁啱send出黎在你Reply下
係一入到黎個feel 係有咁的感覺
話不如唔使聽Jk 即係話佢唱英文歌就無個人特色
Kpop何嘗唔係深深被美國Hiphop音樂影響

歌詞我都講左 其實都明白有人會覺得被冒犯 所以我認同歌詞把關得唔夠好 嘢來爭議
但唔代表本身首歌/ 寫歌詞嗰個人有咁樣的含義
只可以話係insensitive 或者政治唔夠正確
但有幾多個rapper唔係咁

仲有唔應該話國係因為想迎合歐美先特登選擇呢首歌 他訪問都有講過他重視首歌聽落去旋律節奏好唔好聽多過歌詞好多 .... 點解唔可以尊重他自己其實可能真係想唱英文歌 / 呢種style的歌? (唔係歌詞）

我覺得而家已經唔係淨係首歌嘅問題，段rap可以話唔關佢事
新專就算行fuckboy風都當佢想擺脫fans當佢bb想比人睇到佢「成熟」
有時見到啲fans仲當佢bb佢已經講咗好耐自己唔係但仲成日留言話佢係bb會搞到佢做啲更激烈嘅行為去證明自己長大
佢中意試而啲風格試飽佢，但試嘅同時可以小心啲下話
我最失望嘅係佢今日個態度仲係覺得批評佢=唔中意佢=佢唔會在意咁就死啦
就係中意你先會指出問題，唔中意嗰啲我由得佢得罪全世界比人cancel啦
真心覺得好應該比佢試一次好似war of hormone嗰陣咁出嚟跪完反省下
不過其實點失望都無用，根本有咁多人盲撐佢就唔會反省到底邊度出錯

好認同 尤其是我覺得好大程度上嗰啲打住愛佢嘅名號去要求佢做呢樣嗰樣嘅fans係令佢而家轉變咁大嘅原因
最無力嘅係以而家嘅情況
撐嘅人都會繼續撐 我哋呢啲微弱嘅聲音只會喺人群入面淹沒 仲要韓國本土根本冇反對聲浪…
如果身邊冇人提醒佢呢件事有問題 只能祈求佢自己識反省 但機會只能夠話好微好微
14年佢哋咁霉 間公司豆潤咁細緊係容易跪
而家濕鳩公司為賺大錢咩都做得出 真係差好遠
最後想講 本身歌曲同歌詞根本就好難切割開嚟睇
要表現成熟有好多方式
都有好多內容好正面嘅pop song
唔一定要走到條路線咁極端
追星都係求開心 唔需要強求自己接受啲唔鐘意嘅作品
接受偶像嘅一切

超認同樓樓上

台灣個邊都有類似聲音
https://x.com/sui_shen_/status/1707626114997215345?s=46&t=_0kJ63N9RaVvsJM88Kb_LA
所以已經搞到有一批台米決定罷聽呢首歌

如果唔覺得有問題嘅 可以繼續支持
如果覺得有問題嘅 聽完覺得唔舒服
可以選擇罷聽首歌同罷睇mv

我本人從來都尊重性工作者
我亦無表達過偶像食fans 係恩賜
Groupie 幾十年嚟都有，就算有都係你情我願
觀乎你近幾個留言都好激動
追星都係為開心，攪到自己咁動氣又何必
希望你生活可以順心順遂

我雖然唔係外國出世但都喺外國讀書大
身邊嘅朋友都係外國住/讀書好多年嘅朋友再返香港工作，兩邊文化都熟
我無講任何前題下開個MV同俾歌詞佢哋睇（男女都有）
佢哋嘅comment 都係覺得好bad，立即就問導演係咪白人
首先唔講個MV排一行女人出嚟點燈好老套好out（2023 年仲咁矮化女人）
知道埋係Scooter Braun 主理，個個都話咁多白人都明唔係唔小心啦
唔知你識得多唔多嚟亞洲嘅白人，佢哋真係有一份莫名嘅優越感，相信都係點解亞洲人反應特別大
另外你quote 嘅DJ Jino 係男人，依家主要係女人覺得唔舒服, even 白人女人（可惜又係一講就被圍攻）
一首pop song 我相信大部份人都唔會睇完論文先去聽
如果識英文嘅人第一下聽落有被冒犯嘅感覺，對小國唔係好事，仲要唔係講緊咩國家大事人生哲理，咁又何必？
仲要依家覺得被冒犯嘅唔係小貓三四隻
歐美米可以有自己觀點，但亞洲米都entitle 有自己感受
可惜Twitter 上面已經一言堂，連YouTube reaction 片講自己感受都被圍攻
我自己係完全聽唔落 explicit 版，配埋MV個part 諗起都覺得噁心
我自己傾向相信係所托非人，太過相信Scooter Braun 嘅團隊
可能小國都未真正明白到大家覺得受傷嘅點喺邊

屋企攬女/性慾強，係咪我覺得無問題就係盲撐？咁我惟有認我係啦
追星都係為開心
呢兩日我諗起首歌有段咁嘅rap 詞都好失望好唔開心要聽返其他嘢抽離吓
追星唔洗激動亦唔洗盲目

呢個try other grp係什麼事

3D仲推remix
無眼睇

個slowed down remix 聽到笑咗
但啲人話係for tiktok 用
個clean version censor咗嘅字大概都表達咗公司都唔太知大家反感啲乜
得啖笑
想聽就努力刷，聽落唔舒服嘅就等下首啦
要快樂追星！

俊啊

心靈有被安撫嘅感覺
佢哋都知道但就算知，公司立場都唔會講啲乜
今日亡羊補牢出個clean version 公司應該當回應咗
俊係我哋永遠嘅定海神針

國仔話4號會開直播 有種期待又怕受傷害嘅感覺…btw佢直接講咗話自己冇女朋友 算唔算係直線抽擊出片嘅人我唔覺得如果真係有女朋友 佢會咁直接澄清