[ARMY]防彈少年團BTS討論區(42) Welcome to Chapter Two of BTS!

咁你咪左話唔使逼對方接受囖
跳challenge又點 it's not that serious
就算有人唔係Monogamy 又點
女都可以唱周圍溝仔啦

咁又真係兩件事黎，覺得歌詞唔ok但可以信佢有係屋企攬女而覺得冇問題
如果係哩埋拍拖比人偷影到既話佢最多都係衰唔小心...

認真睇下啲rap歌詞
唔係講溝女咁簡單
而係用咗一啲物化同貶低亞洲女性嘅terms
ABGs由一個白人男人講出嚟係對亞洲女性極其唔尊重
話啲女人喺受男人擺佈 係男人嘅附屬品
2023年啦 仲用呢啲內容做歌詞
真係唔係你口中嘅not that serious…
唔求每個人都明白性別平等意識嘅重要性
但起碼上網睇下有關嘅內容理解吓點解咁多人唔妥段rap先
我哋都只係唔想好嘅音樂作品比其他價值觀扭曲嘅內容影響到 所以先咁執著

Btw 攬女單嘢fact check咗入面嗰個係國仔啦咩？站姐脫飯就要信？如果站姐因為拍到佢屋企入面攬女或者收到風都只係證明咗佢係私生 咁嘅行為我諗仲無恥過喺屋企拍拖冇必要兩單嘢拉埋一齊講
自從headliner單嘢爆出嚟之後 對於啲大站站姐冇乜好印象…

我知道ABG由來 但係現時個意思已經隨住時間變左

https://en.m.wikipedia.org/wiki/Stereotypes_of_East_Asian_Americans_in_the_United_States
大家自己未必想被人咁樣Label但個context一定唔係racist/ 貶義...

首歌本身 我都用左D時間消化
現時黎講我都係中意Seven 多好多

尊重你嘅睇法 只係我作為一個女性聽眾
見到呢個詞由白人男性口中唱出嚟
加上呈現出嚟嘅意思根本同ABGs之後演變出嚟嘅意思毫無關連
就覺得心理不適
姑勿論柾國係咪完全理解歌詞內容
或者本身創作歌詞嘅人本身有冇貶低女性嘅意圖
作為世界上咁有影響力嘅藝人
我覺得作品把關上都應該要做得再嚴謹啲…
雖然迎合歐美市場係大勢所趨
但希望唔好再有呢啲咁具爭議性嘅歌詞啦

都係Gei...

咁喺屋企攬女都人之常情
大街大巷攬咪仲多人排隊自殺

溝仔溝女上埋床其實都唔緊要，都係生活一部分
但段歌詞問任何一個識英文嘅人都會覺得係貶低緊亞洲女人
歷史上長久以來都好多白人嚟亞洲（特別southeast Asia) 娶啲又窮又細粒嘅亞洲女人返去
去泰國越南走一轉都明
好多白人真係覺得亞洲女人易食易上易控制
依家啲歌詞仲要由個白人男人唱出嚟
真係令人好不適

其實有次喺live 佢話自己唔係一個人再陰陰咀笑
係啲人FF佢講緊咪
廿幾歲正值壯年拍拖都好正常啫…

其實我就覺得呢個解讀有啲得啖笑同格硬
因為國段歌詞都唔係講緊純愛
都係講緊快啲埋牙
Champagne confetti 等條女rain rain rain 咋喎

慘在公司似係明知亞洲有反彈
所以一開就出埋 alternate version
Seven 到依家都無出過齋國版
如果係咁真係當我哋亞洲人係咩
諗到咁就有啲嬲
已經超越咗當我哋提款機搶錢嘅程度

偷影好難fact check喎...
我唔係因為站姐走佬就信，而係對比佢開live既片段屋企布局又中曬連bam條尾都中埋
不過我係覺得偷影既仆街，佢係屋企攬女冇問題
都幾歲了而且有樣有名利點會冇女

所以話d人直程指責佢拍拖攬女係錯
我覺得極其量話佢唔小心d拉左窗簾先攬，咁大個人拍拖真係冇問題仲要已經哩埋做

攬女係應該添
但反而覺得成個佈局好似太刻意俾人影到咁
都做咗咁多年巨星又成日俾私追
開live都拉哂窗簾，攬女反而打開哂窗簾開哂全屋嘅燈？
仲要咁啱喺正影到嘅位攬嚟攬去
同埋當係真，個髮型都唔係近期，但偏偏揀出新歌個日先出片？
一個正常人有拖拍有乜咁出奇
喺屋企被偷拍佢先係受害者！

Sorry本身喺想覆上面另一位絲打嘅留言但錯手㩒咗你嗰個話屋企佈局中曬但本身佢有個檯燈片入面都冇 況且真係勁濛乜都睇唔清 如果同一區嘅豪宅 入面設備一樣都正常？就算真有其事 都應該係追究私生 唔明做咩有人冇啦啦拉埋去同首歌一齊討論
Btw同埋站姐走佬呢單嘢 我見Twitter啲人爆佢走咗去追Straykids添 都唔知係咪真係因為JK拍拖而脫

我都覺得上面位絲將兩件事拉埋黎講唔岩
其實有冇條片都好，本身覺得拍拖攬女冇問題既人會繼續覺得冇問題，覺得好有問題既人依然係要生要死咁架啦
偷影完專登揀出歌先爆先賤格
個站8月開左，但idareu9月仲有tweet野，真係唔知關唔關攬女事了

令我諗起初初入坑睇黑料話國仔血氣方剛性慾強...
戴番頭盔先我愛防彈每一個成員，唔好屌我係黑粉

真正令人毛骨悚然嘅係 如果係真 證明私生喺出面一定係一直捕住 跟到足 擺哂鏡頭對準屋企入面 好撚變態
如果係假 咁我唔知啲人處心積慮要屈佢係咩目的 係點做到 亦都唔敢諗總之就覺得佢哋好慘 做咩都比人監視住 有好多人鐘意嘅同時 同時都要承受住好多惡意攻擊

後生仔唔血氣方剛性慾強先唔正常囉
和尚都生仔啦
啲人有得俾佢食肯定排頭位啦
係無佢哋份先要抹黑

聽完兩首單曲對隻專冇乜期望
成日話想展現成熟嘅一面比army睇
如果國仔覺得seven days a week/champagne confetti係成熟咁只係顯得佢更加唔成熟
我淨係想聽你唱(韓文)歌咋就算你唱兒歌我都覺得好聽
成日捲入啲無謂嘅爭議姐姐心好累

本身以為係jk會出隻自作曲專輯
但好明顯佢（定hybe?)係想做隻全英專輯打美國市場
有啲失望

我就唔識評佢係咪成熟
但我唔覺得3d有展現到佢個人特質
聽完會諗起MJ啲歌多啲

我以為全自創韓文歌，但出咗seven之後就諗可能韓文英文7:3咁樣
但而家睇似乎真係全英仲要成隻專嘅方向似sex sex sex
仲等緊田柾國唱慘情歌呀
其實seven同3d我都聽唔出有咩國仔特色就係普通歐美pop songs

唔希望任何一個做出啲會影響團隊嘅行為
喺白宮先講完反歧視亞裔，而家就搞啲咁嘅歌詞出嚟
明明有新歌聽係開心嘅事上次latto又係有歧視爭議
而兩條友同國仔合作比我嘅感覺係為成績而唔係好似max呀halsey呀chris martin呀咁真心欣賞防彈

佢嘅solo 專一定可以令佢更上一層樓做 giant pop star亦一定符合公司期望
Seven 咁成功又令全部人更心紅嘅…
但首首fuck歌其實都好悶
咁聽返外國歌手都得