一手居屋/綠置居/首置盤討論 - 7 (居屋2023開波!)

住開一定係咁
完全唔需要考慮其他

老人喺佢熟悉嘅社區生活，做仔女煩少好多嘢

白表資產冇簿仔，係咪keep定7月份月結單？

係，如果有股息、利息收入，最好都download 哂2月開始嗰啲

因為唔知審查嘅主任係咪超級極度認真

始終出年第一季先揀樓，隔咗大半年，家庭隊、單人隊再遲啲，到時可能忙緊其他嘢，冇時間整

想問樓主會唔會聽日即刻網上申請？

我舊年第一日申請,結果衰咗
今次打算第2日

請教一下
上年用綠長抽 因為老婆個名冇加入公屋
之後彈返轉頭要填一份S90 form先申請到
但份野冇得下載 今年可以點解決呢個問題？

去邨辦

想問填收入寫約數可以嗎？
唔肯定公司出花紅叫係
花紅除12 定 叫獎金除6
填個數同將來交僱員薪金證明書，有少少唔同，會唔會有問題呢？

想問下重售居屋，即係啟翔苑嗰啲，佢哋係買咗之後供唔起，俾銀行收返然後賣返俾房委重售？
咁係咪即係已經裝修好，有人住過？
想買嘅話，價錢都係原價定有折㗎？
重售居屋同新居屋兩者有咩優劣同差別？

重售單位係未收樓，取消交易

如果個單位係今年撻嘅，通常係收樓嗰陣時做唔到按揭，又冇錢比樓價尾數，焗住撻訂

之前撻嘅，就可能係家庭狀況有變而放棄（移民、結婚、離婚、買咗私樓之類）

——————————————

成功交易之後，供唔掂比銀行收樓就叫銀主盤，早兩年有個單位裝修未搞掂，未住過就賣

最近就有個山麗苑，由於未過禁售期，唔可以高過原價賣，買家係白居二身份，百幾萬就買到

——————————————

呢度唔少巴打（包括我）成日叫人計清楚先買，唔係擾敵，係因為太多失敗例子
唔係房署擔保就一定做到按揭；做到按揭都要供得掂

唔超額嘅除6，超額除12

補返資料先，太似隨口亂噏
係超額就用12個月嚟計

[b]2. 花紅/雙薪及佣金/津貼
年終花紅/年終雙薪:應以 2022 年 8 月 1 日至 2023 年 7 月 31 日從現職所 收到的年終花紅/年終雙薪的每月平均數計算。(例子:若在 2022 年 8 月 1 日至 2023 年 7 月 31 日期間所收到的雙薪是港幣 12,000 元，應除以(÷) 12 個 月 = 每月平均港幣 1,000 元。)(如發放時入職不足 12 個月，則將總額以 相應入職月數或日數平均計算。)
 非年終花紅/非年終佣金及各項津貼(例如:房屋津貼、交通津貼、膳食 津貼、醫療津貼、教育津貼及辛勞津貼(厭惡性職務)等):應以 2023 年 2 月 1 日至 2023 年 7 月 31 日共 6 個曆月的每月平均數計算。(例子:若 在2023年2月1日至 2023年7月31日期間的加班津貼共港幣3,600元， 應除以(÷)6 個月 = 每月平均港幣600元)。若在2023年2月1日至 2023年 7 月 31 日期間所得的非固定收入轉為每月平均數計算後，其家庭總收 入超過入息限額，則有關人士可將 2022 年 8 月 1 日至 2023 年 7 月 31 日 共 12 個曆月的非固定收入轉為每月平均數計算。(如發放時入職不足6或12 個月，則將總額以相應入職月數或日數平均計算。)[/b

資產淨值會唔會減返債務，學生貸款，借銀行稅貸個D

巴打想問下如果只係想要租置應該簡邊個 500$ 定 230$?

你白表？

綠

你係咪前面揀錯野

有d咁既事！！ 晏d 睇睇 thx 巴

唔會
唔通信用卡欠費又減咩

同房署買幾十萬嘅租置要用綠表

如果用「白居二」係去市場上買，要比賣家賺兩球

即係唔係用居屋張 表？ sorry 唔太明， 應該去邊個網做申請？

要㩒入綠色「綠表申請」

https://ssfs.housingauthority.gov.hk/ssfs/step0/G?lang=tc

如果係實體（紙本）申請表，就填綠色嗰份

會分開綠白表，就係用顏色嚟分

記得參加埋「綠置居2023」
如果今期唔啱/冇揀，嚟緊綠置居唔駛再申請

想問租置係咪冇選項㩒？眼見得綠置居，驚Miss咗

極感謝