上年白核係安達臣兩房
其實申請人數未有,又未攪珠,我完全諗唔明幾多%揀到乜嘢樓有咩關係
唔通話50%會入表,5%就唔入? (白單除外)
就連今期影響綠表嘅租置單位數目都未出
有班人又好鍾意拎上年甚至幾年前數據嚟比較 / 參考,但又唔會比較埋現時同以前嘅經濟環境
2022到而家,賣咗9千個居屋,4千幾個綠置居,呢啲都會嚴重影響上期同今期嘅參考價值
仲有N個私樓,N個青年宿舍,N個過渡性房屋,都唔講移民或者去大灣區租樓,香港返工嘅人喇
入息 / 資產上限減咗又有冇考慮埋?今期除咗啟德同重售單位,全部都係缺點多過優點,又有冇諗過?
綠表今期改制,仲有冇咁多人玩一開二呢?
而之前玩一開二買完第一間,今期就會用綠表再抽,又有冇計埋?
如果可以將所有數據客觀分析哂嘅,唔會喺居屋PO出現啦