【魔羅】《病港ＩＩ》（５８）

push

2個都係自然系能力者 點都一定係最勁個幾個

up

有怪叔叔呀

今朝有加更

嘎嘎短促的苦笑，看向其他地方：「咁你都知我以前嘅事。」

我拍拍她肩：「最緊要係你已經脫離咗嗰到。」

我和嘎嘎正躲沿岸地區的一間荒廢加油站，好消息是眼下並無病者，馬路上意外地冷清，不像病者國度的吵雜熱鬧。

「真係好彩，無撞正怪物出貨。」嘎嘎又說些我不明白的東西。

「出貨？」

「呢條路直去到盡頭，又係個怪物據點，一個大型工場。」嘎嘎指著東南面：「佢哋會搜括人類遺留喺城市嘅各種精密儀器、日用品、電子零件、廢棄材料，全部喺嗰到進行研發同加工，仲有大量病者全天候喺嗰到無限發電。」

「簡單嚟講，即係病者國度嘅工業地帶。」我概括成一句。

「嗯，講得好。」

「……」

話音剛落，路面上有些震盪，遠處兩隻病獸拖著大型拉車，朝工場反方向離開，由前頭隻身披殘袍的大眼領路，拉車兩旁是全副武裝的竊屍賊，拉車上的物品被粗布掩蓋著，也不知是什麼。

嘎嘎打開背包，掀開日記中自己所繪畫的地圖，接著告訴我病者國度中各個的區域。

「頭先講咗，利南道、利興街、利樂街嗰頭，係病者大型工場。」嘎嘎手指上移，指著利東：「然後係利東區，嗰到係特殊怪物生活氣息濃厚嘅聚集地，唔同興趣、藝術、教育、文化活動都喺嗰到搞同發展……」

「即係創意中心地區咁。」我見識過那裡的藝術品有多病態了。

「隔離少少嘅漁安苑係怪物屠場兼養殖場，應該唔單單係人類，其他生物都會喺到被圈養宰殺……」

「嗰到有人類！？」

「我……無實際入去睇過，但聽過有人類嘅慘叫聲。」

就算真的有人類存在，我一個人都做不了什麼。

「然後就係鴨脷洲市政大廈，嗰到係政治重地，有個怪物議會存在，怪物國度嘅發展方針都喺嗰到決定，外面鴨脷洲大街經常企滿哂病者，絕對唔好過去。」

「怪物議會，即係詭人議會。」嘎嘎說的怪物，需翻譯成病者。

「你又知？」

「我知道病者間有呢個議會存在，但唔知原來就喺嗰到。」

「市政大廈隔離小小嘅悅海華庭係怪物孵化區，好多人類屍體疊成塔咁，怪物會埋自己喺屍堆入面。」

「即係病爪……」

「再向左移鴨脷洲邨，嗰到係宗教神廟，怪物佢哋之間都信奉住某個神祇，會喺嗰到進行敬拜、洗禮、祭獻。」嘎嘎手指移動下方，指著海怡半島：「對下嘅海怡半島我未入過，俗稱「病城」，估計呢個國家嘅大魔王就喺入面，守衛非常森嚴。」

「病城前少少嗰個平台花園，有隻巨型觸手大眼，係咩嚟？」剛剛我想憑精神力破解夢境，卻起不到任何效果。

「夢境締造者，一旦同佢對上咗眼，無論咩方法都唔會離開到個夢空間，直至有人幫你移離佢視線範圍外……」嘎嘎指著天空，瞇著眼睛：「你見唔見個天好紅？係佢隻眼發出嘅光芒影響，將個天空局部折射成咁，長期喺呢種紅光底下生活，會令你壓抑到有精神病，思想出現精神污染……我就係被呢種紅光搞到個腦越嚟越唔正常。」

「成個病者國度發展出政治同宗教，咁文明程度都唔低……」

「仲有仲有，最近大橋區域嘅鴨脷洲公園，有隻十六米高嘅怪物，佢俾六條巨柱鎖住喺入口前面，佢先係最具威脅嘅怪物！成隻巨獸咁，仲有其他地方我未去過就唔啦。」

嘎嘎說的大概是病獸，這種高度算凶獸級。

「咁你知唔知，有隻叫天腦嘅病者。」

「唔……」嘎嘎沉思一陣：「無。」

「咁你又有冇聽過，有個叫天本聰嘅人類？」

「都無喎。」

「嗯……」都不算白來一趟，至少得到不少具價值情報。

大量病者國度的資訊被灌輸，看來我需要點時間去消化。

我們在加油站躲了會兒，見陀蘭仍未追來，估計暫時脫險了。

現在我一身是傷，無謂久留此地。

「嘎嘎，你有冇諗過離開依到？」

嘎嘎抱著膝：「我唔想返嗰個倖存區。」

「因為嗰間機構？佢哋已經唔存在，你唔洗驚。」

「我都無屋企。」嘎嘎表情有些厭惡。

「可以去我到。」

嘎嘎雙眼呈橫線，表達無奈。

「我意思唔係我屋企，係我做嘢嘅地方，病獵協會。」

「病獵……」

「你唔一定要喺嗰到受訓，食下嘢、訓個覺，做蛀米蟲都得。」

「邊有咁好嘅人同事。」嘎嘎別臉，不是很相信。

「咁當然係因為你對我都有用，你比較熟識病者國度。」

「唔要。」

「真係？」

「唔去。」嘎嘎語氣非常堅定。

「可能會有雪糕」

「去。」

嘎嘎想都不想就答應了。

我們的下步計劃，是如何離開病者國度。

正常來說回去鴨脷排，撐船回到海洋公園是正確的做法，但是失去病袍的話，情況就不一樣，無法掩人耳目。

我唯有請教旁邊的高手：「嘎嘎，你之前點避開病者發現？」

「匿喺無人嘅位置，郁都唔郁就係最好嘅辦法。」

「但你總要食嘢……」

「偷偷入去啲大廈單位，入面廚房仲有幾個罐頭淨，但喺依到我哋同曱甴無分別，見到病者都要即刻跑。」嘎嘎輕輕仰頭，大姆指摸鼻：「我最叻就係伏匿匿，連魔羅都唔夠我玩啊！」

「叻。」我含諷刺意味。

嘎嘎聽完，卻心滿意足的接受稱讚。

「有兩個怪物係要特別小心。」嘎嘎舉出三隻手指：「一個係蛾人，第二個係監視者，前者係識飛嘅怪物，不時喺天上面飛嚟飛去，但平時只會企喺座斷橋上面，後者係專企喺天台高位嘅大眼仔，佢會監視每個地方。」

「大眼仔？你唔係講緊大眼啊……」

「是。」

「咁威脅唔大，小心就得。」

po錯文，重覆po

墨巴重複咗喎

要加更了

po錯 重新放一次

幸運時間

馬路上非常清靜，是出去的機會。

「你仲跑唔跑得郁？」

「得！」嘎嘎拍打雙腿。

「我哋跑去前面污水處理廠先。」我壓著身子走出加油站，上到馬路立即奔跑。

嘎嘎使用忍者跑姿，跟緊我背後。

我曾想過誰能一起共闖病者國度，包括向來是菁英級的富馬史、地獄級的蕭梵、更甚是傳說級的七傘武者，但與個女孩同行倒是沒想過。

利南道上有間規模不大的污水處理廠，讓我想起曾經在金糞王朝的畫面。

雖說位置離主要聚居地較遠，但污水處理廠裡不是沒有病者，我和嘎嘎能清楚聽見，廠內有些吸吮的聲音，經過的我自然忍不住窺探，往裡頭瞟了幾眼，萬萬沒想到看見早前才遇到的惡子柯晗，他正吸吮糞汁什麼的，弄得滿地污水。

我和嘎嘎不得不閉住呼息，單是輕輕細嗅都有反胃感覺，更別說正常呼吸，整個區域奇臭無比。

好不容易進入斜坡，竟見斜坡盡頭有隻病者，他穿著皺黃的校服，顯然是十年前被感染的當地學生，本身正朝著斜坡下去。

他是大眼品種，那瞳孔顏色卻是稀有的綠，跟公仔相同，然而下秒突然變成黃。

我們兩者對望一刻，時間像凝固了，大家都定格不動。

呆若木雞。

站在病者角度去想的話，大概是沒想過病者國度會有人類吧。

「唔好郁、唔好郁……」嘎嘎連忙說。

「嗯？」我真的聽嘎嘎說話，強行壓制自己逃跑的想法。

「係三色瞳……如果任何非同類生物，喺佢紅色瞳孔亮著嗰陣郁，會有唔好嘅事發生。」嘎嘎眼也不敢眨。

「咩唔好嘅事？」

下一秒，三色瞳轉變成紅色瞳孔，剛巧有隻無辜飛過的麻雀，給我們展示了下場。

牠達成出現三色瞳視線範圍內和紅色瞳孔時郁動的條件，三色瞳馬上拿出像槍械的東西，精準地朝移動中的小麻雀射擊。

「啪」那麻雀應聲而落，身體插著根長釘。

是釘槍！？

三色瞳手上拿著把釘槍。

「明未……」嘎嘎盯緊那把釘槍：「佢眼界好準，可以一擊必殺。」

「嗯……即係紅綠燈咁。」

「咩係紅綠燈……」

「已經唔會有用嘅嘢。」

三色瞳換成綠瞳孔，我和嘎嘎馬上向前跑，約五六秒後再轉成黃瞳孔，安全起見我收住腳步，嘎嘎大膽多跨幾步，待真正轉成紅瞳孔前半秒，嘎嘎才收住步伐。

每每變成紅瞳孔時候，都是我的思考時間。

三色瞳手上那一把，不可能是普通的釘槍。

一般釘槍射程和強度，都不能殺死與他有段距離的麻雀。

綠瞳。

我和嘎嘎再貪婪地大踏步，誰不知三色瞳大玩反高潮，突然快轉成黃至紅瞳，嘎嘎剛好兩腳觸地，我左腳卻剛剛提起，要立刻鎖緊全身肌肉和重心，來讓自己維持平衡不跌。

媽的……

三色瞳揚起微笑，紅瞳維持整整十分鐘。

我就單腳站著十分鐘，即使特種病獵身體非凡，我都不確保自己會否跌倒，猶如磨刀殺豬令我焦急如焚。

「你頂住啊M……」嘎嘎不能回頭看望我，大概不知我情況多糟糕。

「我會打到佢隻眼變稀巴爛。」我怒氣隨時間上升。

十二分鐘過去，我腳都麻了，真寧願用身體硬接釘槍，最多左手護頭，右手護心，全身體上下這兩個位置最致命。

正當我想著各種捨命方式時，三色瞳轉變成綠瞳孔，然後在頭上做圓形手勢。

可以動了！

我那提起好幾十分鐘的腳立馬落地，然後雙腳跪下變成趴行方式，一來相對舒適，二來不受腳麻影響。

三色瞳轉成黃瞳孔，打個三角形手勢。

嘎嘎咬著牙關，準備衝刺最後大直路。

三色瞳先換成交叉手勢，再變成紅瞳孔。

最讓人煩躁的紅瞳。

就像急趕的駕駛車子外出，可交通燈卻總在過路口的最後一秒轉紅。

本來我們以為定格幾十分鐘，三色瞳便會轉換成綠瞳孔，可是他偏偏不轉，單純的站在原地展示紅瞳孔整整半個小時。

要不是這條斜坡偏僻，我們早被其他病者看見殺害。

「我好攰……」嘎嘎說。

「頂住……佢消磨緊我哋耐性。」

既然存在病者國度的特殊病者，那麼三色瞳肯定不蠢，至少具有人類程度的智商，不可能規規矩矩地任由我們接近。

三色瞳嘴角越揚越深，但我亦發現他的一個特點，那便是三色瞳轉成紅瞳孔的時候，他本人都不能郁動，除非對方先動，其餘綠和黃瞳孔時都能自由地動。

「嗄……」我身上的血和汗一起滴到地上。

我受夠了。

要是從前的話，我可能會慢慢等個半天。

但現在我沒那個耐性了，很想殺了……殺了……

那隻三色瞳。

我拳頭隱隱作動，血液受憎恨沸騰，連帶身上皮肉跳動。

不曾現在尚有理智擬定計劃的話，等會我可會變成野獸盲衝。

「嘎嘎！」我喊。

「咩……」

「我等陣會郁。」我沉住氣，跟她說：「佢射我個陣，你衝上去搶佢把釘槍走。」

「好……但你唔怕俾佢射死？」

「我數三聲……」我渾身震怒地倒數：「三、二、一！」

「呀吼！！！！！」我起跑前衝，瞪大雙目怒盯三色瞳。

紅瞳孔狀態下受刺激的三色瞳立即舉起釘槍，對我射擊三發釘子。

「咻咻咻──」

那些釘子如子彈般快，單靠身法根本無法阻擋，於是我伸手護頭部和心臟，半秒後兩個掌心果然給釘子貫穿開洞，第三發釘打中肚子中。

我吐了口血，即使手掌是為神經密集的地方，那劇烈的痛楚無阻我腳下疾如風的步伐，我咬緊了牙關向盡頭狂奔！

「嘎噫……嗤！？」三色瞳慌張了。

與此同時，趁機會衝上去的嘎嘎撲往三色瞳，牢牢的抱住他手持釘槍的胳臂，不讓他再作射擊。

「噫啊！！」嘎嘎不要命地抱臂，縱使背部受拳頭猛砸。

「哇嘎嘎嘎呀──」三色瞳棄掉釘槍，欲要拔腿轉身。

但那殺氣騰騰，目露凶光的我已經撲來，將他狠狠壓到地上，兩手緊握其大眼球往中間出力擠壓，將圓形強行擠成不穩定的橢圓形，三色瞳尖銳地慘叫。

「呀啊！！！」

我怒喝一聲，徹底把大眼球擠爆。

「啵！」

血漿眼汁濺上臉部瞬間，如在熱夏給清涼的冰水扇巴掌爽快。

成集就係玩紅綠燈

嘎嘎點解會唔知咩係紅綠燈 做咗白老鼠冇晒病港之前嘅記憶？

以為啲釘會射唔入m