【魔羅】《病港ＩＩ》（５８）

推

是咪已經roll咗機拍好了
55M做咗男主角

直接攞m殺大眼救人去上映

推

push

推

「導演乜你好想我死咩？」被頻頻推去送死的收音師忍不住問。

「大佬，你份人工包埋嫁！」導演抄起劇本，打落收音師頭頂。

「嗚嗚嗚嗚嗚……」

見女演員哭過不停，導演又忍不住將她扯起：「八婆！喊夠未啊，病者死咗喇！定你死老豆啊！喊喊喊，前世未見過病者咩！」

攝影師上前想給她說說好話：「導演佢只係……」

「你收皮，你拎住部機就得，唔洗識講嘢！」導演握著捆成一卷的劇本抵著攝影師胸口。

「係……」

「喂，你班友！」導演走向男演員那兒繼續教訓。

這導演中氣十足，電影真能交到他手上？

不一會，博海德從水簾行出，似乎已調查更衣室。

「點？」

博海德神情凝重，到我耳邊說話：「女更衣室到有個死人。」

「咩人。」

「持劍配弓，著住獵人服裝，袋到有瓶靈藥，有公會證件，標準病獵配置。」

「即係死咗個病獵……」我脊椎一寒，橫視眼前的劇組：「兇手可能喺入面。」

「本嚟只係想搵人拍套電影啫，咁都捲入咗單殺人案到……會長你真係好嘢。」

「關我咩事？」

「我只係發覺你成日都遇到呢啲事。」

「帶我去病獵到睇睇。」

「唔洗通知定呢班人，最好即刻停止拍攝？」

「唔好打草驚蛇。」

我們行往女更衣室的事發地點，那是某一單間沖洗室，那狹窄的小小空間中，病獵就這麼死在裡面，依屍體表面跡象看來死去不到幾小時，因為蒼蠅都未吸引一隻，呈僵硬狀態，要是我們早半天到來，或許結果會有所不同。

「安息。」我闔上病獵的眼皮。

死者身上多處深黑的瘀傷，疑似被活生生毆打至死。

「會唔會係外人做？」博海德提出另一想法。

「機會比較微，呢位病獵係男性，但離開眾人視線範圍，嚟到女更室已經係奇怪嘅事。」

「係個女演員？全劇組得佢一個女人，但應該無咁簡單……」

「有冇搵到兇器？」

「無。」

「我哋出返去先。」

我和博海德重新回到游泳池外，導演馬上問：「兩位大恩人，見唔見到嗰條病獵？」

「見到。」半句話畢，我馬上觀察全劇組人員反應：「仲有，你量詞用錯咗。」

在我說「見到」後，幾乎所有人都望過來。

「唔好意思！但未請教，你係咩人？做咩突然會嚟……」

博海德聰明地擔當我秘書角色，給導演介紹：「呢位係投資人馬克先生，佢對拍劇有興趣，聽講你哋拍緊嘢，特登嚟參觀下。」

「原來係資方！咁夜咁危險都特意嚟，真係辛苦哂。」導演熱情地給我講解拍攝內容：「我哋依拍緊套叫《水中魚》嘅電影，今日呢組要拍四式接力嘅畫面，唔知你會唔會有興趣參與？」

「點解我要參與？」

「因為本來嗰個病獵係識游水，同佢講好咗佢會落場一齊游，令真正攝影師真正影住嗰班演員有壓力，會游得落力啲，但依家無咗個隱形對手，成件事就唔到位。」

「我對做戲無咩興趣，即使唔洗上鏡。」我拒絕。

博海德靈機一動，想討價還價：「除非……除非你打個九折俾我哋！」

「九折啊……呃唔……」

我愣然的看著博海德，他只是客氣的笑著：「幫輕下開支。」

「好喇！你開心時我開心，馬克先生你肯落場，你之後有戲開我俾個九折你！」導演豪爽的同意了。

無謂跟金錢作對，既然可以大大省下一百萬大元。

「就拍一場，我唔要有對白。」

「好！全世界埋位。」導演拍拍掌。

突然給加我工作，都差點忘記了，劇組可能有兇手存在，但查案和游水誰說不可兼得？

「嗱，馬克先生，一陣條女吹完雞呢，你就要游游游到最尾再回頭一圈，總共重複四圈，每圈都要用唔同嘅泳式，包括背泳、蛙式、蝶式、自由式。」

「嗯。」我站到池邊熱身。

「會長你識游哂四式？」

「都係講手腳協調。」

真正落場拍攝的是四名年青男子，跟我一樣擁有鍛鍊過的身材，但當我真正脫下衣服時，他們還是給嚇一跳了。

除了因為那精瘦身形，更是因為身上多不勝數的傷痕，槍傷、割傷、瘀傷、擦傷、灼傷，讓人看得目瞪口呆。

我簡單的拉個筋，就準備好落水。

同時間，博海德仔細查看在場每名人士，看看有否可疑之處，包括打鬥的傷痕、衣服上有否染血、神情是否怪異等等。

「全世界準備！」導演再三呼喊。

女演員就位倒數：「On your marks, get set, go！」

我和男演員仰後入水，使用背泳游至盡頭，來回一圈後，換二號男演員跳水轉由蛙式，我則翻身入水，踏牆轉身換成蛙式繼續跟對方比拼，現在對方欠我整整五個身位，再多來回一圈，就換成較激烈的蝶式，雙手每次插水都掀起大量水花。

此時，對手已跟我大幅相差半個圈。

最後要使用速度最快的自由式，可說是完全輾壓對手，套圈滅卻對手的比賽和拍攝熱情。

我上岸後，指住導演：「九折。」穿回上衣。

「哇……馬克先生，你未免游得太快，唔講我以為睇緊世界級比賽……」導演吃驚得牙齒格格打顫。

「你攰唔攰啊馬克先生，飲枝水啊。」女演員驀地給我送水。

在外人來看或許是非常貼心的行為，但於我而言是多此一舉，十分可疑。

「唔洗，有心。」

「係呢，隻大眼點樣入嚟？」博海德借機會打開話題。

「係我哋休息嗰陣突然間入嚟。」編劇說。

「然後你哋就上哂去嬉水池舊嘢到？」

「係……」

「會長，其實仲有一點值得注意，死者好歹都係病獵，唔係正常人可以對付到。」博海德提醒我。

的確，整個劇組沒有人健壯得可以活拳打死人的能耐。

我想，先公佈消息比較好，等大家各自提防一下。

「各位，其實我已經搵到你哋請嘅病獵，不過見到嗰陣已經死咗，佢俾人謀殺。」

「吓！？」大家都感到吃驚。

「夜媽媽唔好開啲咁嘅玩笑好喎……」編劇抱抱雙臂：「我驚嫁。」

「唔得閒同你哋講笑，你哋最好即刻執嘢走人，返去艾寶琳報案調查先。」

「唔得！」導演第一個站出來：「我今日出嚟洗咗唔少支金，點都要拍落去嫁喇！」

「即使再有人死？」

「呢個年代條命值幾多錢啊！拍戲要緊！」導演反駁。

燈光師可能慌了，用燈照射其他方位，燈光移動至觀眾席上時，竟發現有個人偶坐於其中一個座位上。

「咩嚟嫁！！！」燈光師喊。

劇組一起跟著光源望過去，只見有個穿著三色台人偶服的傢伙像看戲般安坐。

這件人偶服，讓我即時想起某個輕度弱智人士──大佐。

「拍得唔好！唔准收工！」大佐大喊。

「嗰隻咩嘢嚟！！？」導演嚇得不敢吭聲。

大佐

笑死

大佐亂入

笑死

今日拍得唔好，唔準收工
聽日拍得好，可以收工

推

M又有支線

同tvbuddy 55波

睇錯少佐

心諗少佐慘變弱智

又係世界大戰時間
究竟香港以外地方係點呢？
淪陷：
冇事：

暗黑推po大法的味道