【魔羅】《病港ＩＩ》（５８）

瑪昆係臥底，病者國度派佢黎fake臭M

電影公司面積約一間課室大
墨霸用速成定語音打字

近排睇返兔人殺
想問吓邊度有講隻西裝兔係咩人？

特種病獵剪個白木棉剪到頭暈眼花？定伏筆炸

好大機率係白鯨個意識跳咗出嚟陪瑪希

但廢時笑到最後喎
又有免費經驗吸直上大師
又溝到女

推

Push

推

今次係睇完dr strange
白木綿

M又石咗

劇透？
定你估？

估啦，無課金

推！

「蕭梵諗住運支導彈入鴨脷洲引爆，但佢諗住犧牲全個南征部隊去護送，瑪希會長你點睇？」博海德替我徵詢意見。

「除咗由南征部隊護送，有冇其他可能？」

「得南征部隊有能力運到入去，聽講嗰支導彈唔係輕，運送途中病者好容易破壞同攔截。」

「可以等南征部隊全員撤離殺傷範圍先引爆？」瑪希不緩不急的提出各種假設。

「唔太可能，走得嚟支導彈一樣已經俾病者破壞。」

那支暴風導彈引爆之前，都必須有人看護才成事。

病者國度不如外面的同類，他們都具有智慧，不會傻傻將導彈當成死物擺設。

「發射……應該都無可能？」

「無呢個科技。」博海德伸手掩眼。

「船？」

「彈頭太重，而且搬上岸好困難……」所謂兵貴神速。

「咁你哋有冇其他方法，係唔需要靠導彈而摧毀到病者國度。」

「我原本都諗住靠南征戰爭可以拎到嗰到，但我發現嗰到特殊病者比率異常地高，數量可能係上千、上萬計……靠住我哋病獵協會區區幾百人，確實係有啲不切實際。」

「所以要用導彈炸毀佢哋巢穴……」瑪希仰頭喝口米酒，沉澱好思緒：「就結果論而言，如果根據你講南征部隊直接登島開戰，幾乎都係九死一生嘅話，咁蕭梵嘅方法的確係唔可以缺少，或者更加重要一點係，你點改變自己個心態，點說服病獵願意聽從你哋嘅命令去送死。」

「……」

「世上無兩全其美。」瑪希殘留一抹淡淡苦笑：「我諗你會開始明白我，當年戰敗後嘅巨大壓力，你唔單止要同上場嘅病獵交代，仲要同佢哋親人，仲有自己交代，呢個係戰爭……無大獲全勝。」

瑪希的一席話，點醒我現實的殘酷。

戰爭不是電影漫畫，裡面的主角可以想出奇謀妙計，不費一兵一卒全盤大勝，然後哈哈大笑享受勝利的快樂。

戰爭只會伴隨死亡、犧牲和痛苦，後面的創傷會纏繞倖存下來的人。

「秦狩佢會點諗，佢接受到自己部下全員……團滅？」博海德說。

「佢接受唔到，但會理解。」瑪希放下酒杯。

「或者正正係因為咁，秦狩先要我做指揮官。」我回想起他探望我的畫面。

「如果南征部隊成員出發前，知道自己鍛鍊受訓咁耐原來係點都會死，嗰刻肯定好絕望。」博海德顯得垂頭喪氣，目光黯然：「但唔靠呢個方法，島上面嗰幾萬病者，根本無可能清得完……」

「我明白。」我心裡接受這個使命。

大家談論如此沉重的話題，氣氛不經不覺間降到冰點，瑪希見狀多點兩瓶米酒與我們小呷。

「嚟！瑪小姐，純米酒。」店小二放下兩小瓶。

「瑪希會長，你係常客？」博海德瞄著店小二背影。。

「周不時嚟……」瑪希給我倆倒酒：「無咩做，飲幾杯。」

「哈，我記得你以前係幾鐘意飲酒，病獵協會啱啱初開嗰陣，你成日請我哋飲酒！」博海德跟她輕輕碰杯：「每次飲完你都好鐘意同人鬥劍，阿劍兄都好幾次差少少俾你劈死。」

「我記得，陳一劍、范世京、蕭梵、宮浪紋、聶一凜、金弦，佢幾個都成日想挑戰我……」瑪希抿笑，舉起倒轉的姆指。

「唔知有冇幸，可以睇到你再耍幾劍？」博海德雙手扣握，誠心的問。

瑪希舉到嘴前的酒杯停頓，淡淡勾勒一笑後痛快灌到口中，沒有回應博海德的訴求。

吃飽喝醉後是結帳的時候，瑪希掏出十多枚艾幣付錢，博海德看到此情此境忍俊不禁：「哈哈哈，瑪希會長你依家成個艾寶琳人咁。」

「你出去買套騎士盔甲，都即刻變成艾寶琳人。」我對博海德說。

「你哋走先，我坐陣。」瑪希說。

「咁你小心。」

我和博海德離開小菜館後，轉到電影公司去，相信那導演應該回來了，畢竟都晚上九時多，奈何店內依然只有那小場記。

「哥仔，又話導演夜晚會返嚟？」博海德直接走入公司問。

「我都唔係好知啊，導演佢話會夜晚返嚟。」場記有些焦慮，不斷地抓頭：「我都唔知係咪佢遇到咩危險……」

「會有咩危險？」

「佢去咗拍外境，倖存區出面！」

「應該有請到病獵隨行？」

「有係有，但病獵都有失手嘅機會……」

「佢喺邊到拍？」

「將軍澳游泳池！」

「游泳池……拍游水片啊？」

「係啊，最近我哋米飯班主想拍套叫《水中魚》嘅校園青春愛情熱血電影，所以要去嗰到取景啊。」

「游泳池仲有水咩？」

「無啊，所以要請人搬水過去，填滿個泳池。」

「咁都幾大工程……」

「我哋出去睇下，當散個步。」我搖頭示意離開。

「喔，好。」博海德跟上。

「兩位老闆小心喎，出面好危險，又黑，可能有病者唔係講玩嫁喎！」

我用公爵名義向關口士兵借了盞油燈，便出發前往距離不遠的將軍澳游泳池。

路上病者寥寥無幾，有都藏在陰暗位置傻笑發呆，沒有很大威脅性，要是病獵隨行應該不會有問題。

我們好快來到游泳池門口，是我將近十年不曾到過的公共設施。

由於游泳池有些大，我叫博海德分頭行事，他跨過轉閘機去更衣室那邊，我則行上觀眾台，油燈都給予他使用。

觀眾台上全是空空的座位，可以看到整個成人游泳池，可以看到一些拍攝器材擺放地面，而劇組人員則躲到隔離的嬉水池設施上，那些色彩繽紛的設施下有隻病者，只是隻大眼，情況看起來……非常妙。

每當大眼試圖爬上設施，拿著收音麥克風的收音師，會利用它揮擊病者阻止他上來。

整個劇組十多人，因為一隻大眼闖入，全都躲到一起。

設施上的女演員正痛哭、編劇正寫遺書、導演正不斷推著收音師出去對抗大眼，攝影師給自己攝錄生前的遺言、男演員對病者大呼小叫想嚇跑對方，一切一切看起來多麼的好笑滑稽。

我知自己應該認真對待，畢竟對一般人而言凡是病者，都是不可接觸的污穢生物。

我行落觀眾台快步跑到嬉水池那邊，一手抓住那隻大眼的後領：「係咪得一隻病者？」

「係、係啊！唔該你呀救星！你係咪病獵公會派嚟嫁！？」導演喊。

「你係電影公司嘅導演？」

「係啊！」

「你哋無請病獵咩。」我兩臂扣緊大眼脖子，用力向側一扭。

啪格一聲，大眼頸斷骨裂，垂頭倒下。

「有嫁原本，但佢話去個廁所之後，就唔知條茂利死咗去邊！」見病者死去，導演馬上回復易怒本色。

文

有文一推

推

重以為會要脅佢唔收錢拍戲先救人

我都係咁諗

幾時先補正皮
係咪黎緊有精彩環節要一次過放