有無澳洲巴打? 揸緊咩車多?

身材=食材。

小弟初黎埗到, 完全感受到你講既野, 租/買都比香港平, 面積又唔少

食野其實唔係真係貴過香港好多, 15~20aud一餐左右已經食得唔錯, 就算酒店buffet都係1xx aud左右, 係d唐人菜真係貴到顛

油錢喺香港既一半, 買車稅更加無得比, 租樓多數包車位, 大商場免費泊車又唔駛消費

歡迎到埗，有個真心建議唔止係對巴打亦希望後來者有緣見到，嚟到澳洲就唔好將香港果套陋習或觀念帶過嚟 e.g之前見唔少論壇或Posts未走就已經討論點樣逃稅炒樓搞內鬥，或者嫌熱嫌凍嫌蜘蛛大隻嫌奶茶雲吞麵菠蘿包貴等等，我都懶理有幾多係玩膠定盲毛，所以從來唔會喺移民Posts回應，淨係希望已到埗嘅人有緣睇到可以容易啲融入呢度。
一個美好嘅地方真係要付出多少去維繫e.g稅率高一大目的就係減輕各種不平等不公義嘅結構，呢點要住耐咗有足夠體驗先會明。
有車得閒Road Trip週圍去吓，好好享受自由自在嘅生活。
講起買車，曾經有個唔熟嘅嚟到同我講呢度奶茶雲吞麵好貴，我同佢講，呢度買新車落地嘅差價夠你比奶茶雲吞麵差價幾十年，其餘自己感受。

不過一時三刻要拎咁大舊錢買車都好赤
PS：幾個月後到埗

難得巴打咁有心打咁大段野教精班連登仔
Btw巴打有無好路數買二手車想出架二手Mazda2

咁咪玩住二手車先

唔知巴打揸咗幾耐車。如果生手驚Hi花撞凹，都係建議平平哋買部二手車揸熟架埗先。
我印象中Foreign Licence到埗後要等半年定一年先可以轉Local Licence。唔急嘅話等轉好Full Licence先買架好啲嘅。澳洲人車品普遍都好好，打燈安全距離99%都做到足。
如果唔係年頭就感受到有加息潮，我都應該Order咗MX-5，而家可能hold住收多陣息先。

都係早大半年先係香港買第一架練習車 為澳洲生活準備 點知先發覺澳洲2手車呢期貴左勁多完全唔識
同埋黎到應該會做下外賣仔 賺下錢 所以都係諗住搵架2手車 都係係marketplace , Carsale 睇下咁 諗住預20K左右既

Carsales.com
Gumtree
車行Dealers

冇辦法全球供應鏈問題搞到新車wait time長咗好多，二手車水漲船高，不過$20K AUD嘅話都好多選擇。如果你未有Full Licence ，唯一建議就係唔好一到埗急住買，睇定啲同睇多幾間先。同埋外賣好少揸車，都係電單車/電動單車居多但有少少玩命。

原來係咁 諗住做下Uber Eat / Amazon Flex
電單車就應該唔會了 始終覺得危險好多
車牌都有研究過 應該去到就可以直接轉
都有朋友係澳洲住左十年 都會搵佢幫手
急唔黎 慢慢搵

知唔知MG咩車 建議你Google下同睇下feedback先
唔想你買左後悔

？ Turbo慳油喎
1.5T > 1.5NA
有turbo油都踩少啲

巴打放邊度收息 啲錢放係銀行0息唔知點搞

Macquarie Bank，中高息但唔係最高。不過勝在夠簡單，冇附帶條件要你每個月消費幾次幾錢，亦冇規定你要每個月增加存款果類條件。

見佢個spec寫咋

定期？ 見最近銀行做緊2-3%term deposit

因為而家二手車貴到買唔落手

MQ Transaction Account已經有2.25%，Saving welcome rate頭幾個月去到3.1%。而且每個月跟RBA加息跟到足，所以嚟緊幾個月仲會keep住升。
四大行銀行落後好多，基本利率連1%都未夠。不過MQ缺點係網上銀行Only，冇實體分行。

聽落好似幾好咁喎 等我睇下先 攞嚟儲下錢都好！
咁巴打有冇用credit card

冇，人未老但已經係廢老思維，唔想成為Credit Cards積分奴隸。

點解咁講 澳洲啲積分又好似香港咁會push你買嘢