[長氣多圖][無限期] 香港staycation之旅(3)

夏天日長
七點幾先日落



夜晚如果去skye既話應該會仲靚
個露天酒吧係銅鑼灣應該都算係一絕

其實個心態係上黎飲野睇景就還可以
要飽腹就真係唔得
不過都係果句
服務係可以既
臨前都有位比較高級既小二問食物o唔ok
我都照直答話無咩選擇咁lor

掉低個港女係房發酒瘟之後
我就自己走落街影相

5樓健身中心

仲有個醫務所同商務中心都無開到


健身室設備望落去都幾簡陋

地唔唔大

亦都無咩人用

桑拿房唔比開

好似係

大堂電梯口


地下check in大堂

我估兩三點落黎既話應該會幾墟冚

大堂右手面係大堂酒廊ebb & flow

睇過呢度無做下午茶set
只有單點甜食 set lunch同dinner
應該有做埋餅房

感覺就好普通
似商務多過似黎chill打卡
所以提唔起興趣係度食一餐

酒店正門

咁岩撞正有班鬼要截的士嘈撚到陷家產

鉑爾曼隻字就無問題
但再外面既柏寧酒店就有幾隻字已經唔著燈

好難得一間酒店竟然係完全無視呢個問題

呢一排房就全部都可以望到維園同維港景

我地間房就係最右手面果兩隻窗
即係見到由頂數落去唯一一間兩隻窗都有開燈果間就係
但其實企係維園都可以幾清楚咁望到房入面
私隱度真係唔高

噴水池已經無水噴


話說夜晚街頭同當時去廣東道已經完全唔同
疫情基本已經恢復番
星期日夜晚十點仲一街都係人

酒店對面就係皇室堡

皇室堡對面酒店另一邊既側門

呢邊都可以直入大堂
搭扶手電梯落去地庫ikea
或者都係搭扶手電梯上一樓

一樓就有迪卡儂


對面就係酒店自助餐餐廳playt

所以之前話搭升降機係直入唔到餐廳
因為佢門口就係商場
根本就係一間商場餐廳

一樓電梯口左右都係賣眼鏡既

唔記定凌晨係咪會關閉
不過肯定既就係柏寧同hotel icon都係一樣
係無人把守check安心上路既
呢d先係被動性丫嘛

番上房就可以開住浴簾對住隻港女沖涼

但隔音好似都幾好
我係入面完全聽唔到佢講野
如果唔係咁大水氣仲可以睇埋房果部電視添
仲有浴缸都幾大
算舒服
又有LCD燈閃下閃下係幾cyber切合酒店形象

夜維園

唔係住呢頭
就真係唔會見到咁樣既夜景

呢間唔係福布斯星級酒店
但其實佢之前賣緊套房連skye四道菜晚餐都要4k
咁今次呢個價係真心抵住
一分錢一分貨
我又唔會拎去同星級酒店想比
如果將個lounge當成bouns黎睇就會更開心
至少間房唔係爛熔熔咁我已經住得好開心
加上張床都好大好軟
訓得算幾好

DAY89 完

想知imax 巴做盛行

你有無諗緊響萬豪金殿到搞，佢有得擺酒加證婚

連登賤工

都有諗過
萬豪金殿都大間
見佢地有活動板可以拉黎拉去
我都幾鍾意jayson
不過麻麻地間酒店

DAY90.1 香港柏寧酒店(下) PLAYT

尋日book左早餐張飛係由八點半食到十點半
都有兩個鐘時間
唔會好似有d酒店咁話得一個鐘食
因為港女睇左個youtube話早餐無refill
咁就比較早起身
九點半就落左去樓下食早餐

呢層商舖真係唔多
不過佢又無更新到迪卡儂


自助早餐playt就係一樓出口步行十零步既距離


門口有好大塊磚牆


連自助區都由上紅磚設計

見到官網介紹甚至有磚爐烤pizza
好似幾勁

呢間自助早餐都係迫晒d人坐係門口近自助區附近

不過就咁望落去並唔算坐得好辛苦

我地坐呢邊離自助區就比較遠

但就比較清靜
playt係有窗景既自助餐廳
呢邊望到皇室堡
另一邊就望維園
不過一樓就無話開唔開揚

二人檯正正常常

檯面就唔係話好大張
不過呢邊就有梳化位坐

咁自助區就係門口走廊兩邊
我覺得區分得幾清晰
唔會係座位背後拎野食就已經好好
首先係飲品

全部水龍頭扭出
係唔夠美觀
不過勝在方便
選擇都唔少

隻杯仔幾得意
另外坐底都有得order一杯野飲


麥片選擇都多

cold cut正常果三款
生果沙律都係正常

再前d行門口就係麵包區

比起大酒店選擇係少既
不過擺位闊落
唔會密密麻麻咁

近門口呢個區未有人坐


門口個開放式甜品區早餐就無既


跟住就到熟食既L檯

呢度個早餐應該好岩細路仔
又薯餅又豬柳漢堡又麥樂雞

完全就係金拱門早餐黎

強station就唔敢叫咩水煮強果d了

正正經經叫番奄列

麵檔d料都仲有好多

師傅都整到幾大碗


最後漏左原來轉個彎仲有多個澱粉質區

點心只得兩籠

係好少有擺喼汁出黎



豐富就唔係話好豐富

不過叫做幾岩食咁
無咩多餘野
拎野食地方都算闊落
都算係咁

但係衛生麻麻
唔知係咪近維園
會有見到飛飛
同埋小二數量都係偏少
仲會見到尋日lounge職員都要落黎幫手
都唔敢點樣打搞佢地
可能係睇過有條youtube片話佢地食物無乜refill
所以對佢地無乜期待
食完又覺得都ok啦
可能餐廳有改善掛
咁如果以早餐質素黎計算佢地午晚餐廳buffet既話
見佢地平時都做唔少折扣優惠
我諗都真係食得過
地點又方便
位於鬧市之中
行完街睇完街過黎食就真係岩岩好

洗手間就要共用商場果個

要拎卡先入到

係匯豐格離
係有少少遠
入面環境唔清楚
我就無去到

隔離d眼鏡舖仲未開

就番上房等check out

skye個官方畫像同實際有d出入

bar檯應該無咁前
可能裝修前係咁掛

番房望出去維園熱到不得之了

星期日好多姐姐係度札晒營

咁因為星期六同平日都係同價關係
我就緊係揀左星期六黎住啦
但係如果星期日至四入住既話
我地book既呢個package係可以late check out至六點
但係我地今日星期日check out就連少少都無得加
無計
大堂職員通常都係好絕情

話說係電視機有個瑜伽頻道

佢仲有分晨間同晚間操
跟住佢拉下筋係幾爽既

但呢happy伯招牌我就跟唔到了

無book大堂餐廳
所以check out放低行李就離開了
柏寧最大好處就係方便
酒店地庫就已經有間ikea
但係人就多到爆
好多人仲係純粹黎避暑坐下既

見到有榴槤味雪糕隻港女即刻話要試

係真係好撚難食
完全入唔到口

ikea地圖

如果慢慢行就真係可以消磨一兩個鐘

笑左

行番去維園

日頭就有水噴了

酒店就真係位於鬧市之中

周圍都係人
應該係我住過最煩忙既酒店

銅鑼灣其實仲有一間有少少興趣既

就係富豪香港酒店

呢間無柏寧咁長歷史
但望落去就舊過柏寧好撚多
雖然大把人話中伏
但我就睇中佢有個零房價既套房package
可以食下富豪金殿
本身都係住到悶悶地先會想去住
而家開番關就應該唔會再考慮

銅鑼灣仲有地標之一既圓形天橋

連攻殼機動隊都有黎取景
格離仲有間必比登推介既鼎泰豐
都有興趣既
不過因為book間半價既樂天皇朝
所以下次先黎過

一路行過去時代廣場

周圍都係人


時代廣場


同海港城一樣
因為侏羅紀世界套戲而擺左隻恐龍係度


不過海港城要行到最入
而時代廣場就擺係門口

但係劍龍同暴龍又的確係無得比既
呢邊就無海港城個吸印仔活動
純粹只係擺設

樂天皇朝係eatigo個優惠兩點半後先有
未夠鐘食就係時代廣場附近鳩行下




續

DAY90.2 樂天皇朝 鼎泰豐 詠藜園 豆漿大王 手拉麵小廚 美味廚

係時間廣場hea到三點
就過格離利舞檯食野

呢度有間U記旗艦店
不過就第一次上去

原來都幾多野食

去到門口先見到其實佢餐廳本身下午茶時段就有自帶五折優惠

唔洗eatigo book都得

門口有張圓梳化可以等位

樂天皇朝就係好出名七色小籠包果間餐廳
我都係睇過下先知原來係新加坡集團
研究完就覺得同鼎泰豐有d似
都係係賣小籠包賣到全世界有好多分店
而家係香港總共有五間分店
之前都有去過旺角雅蘭果間
不過見銅鑼灣呢間好似有個水池威d又有半價就想試多次

入門口就有個半開放式廚房見到師傅整小籠包

都已經係而家連鎖小籠包店既基本設計黎

入面太暗

個水池就係餐廳中間兩邊梳化位之間

不過我地就安排坐窗邊既二人位

個位就有D窄
不過身後有置物籃

坐低就已經有茶同小食
兩樣都要收費

餐牌都用左成兩頁黎介紹小籠包既

咁小籠包同粵式點心有d唔同
基本間間都話自己手工做既
樂天皇朝就話每粒都有18摺
同鼎泰豐一樣
咁最大特別就係除左原味之外
仲有另外七種顏色

拉麵都吹到自己好大

豬骨湯每日燉足十二個鐘
我就無試到

落單係寫紙仔

本身已經夾住左張七色小籠包既順序食法


話說我好鍾意食擔擔麵
黎到呢種食川滬菜既地方
我就一定會叫番碗黎食

但呢碗野真係幾失望
失望佢係完全唔入味
個湯無乜花生味咁
麵條叫做正正常常
就係碗得紅色既擔擔麵

小籠包時間
黎到呢度咁就緊係揀番佢七加一色既小籠包

另外再整多籠原味

想講咁樣叫法後來我都覺得好on9
正常做法係應該一人一籠八色就大家都可以試晒咁多款味
而家係每人都只可以食到一半
十隻原味又好似太多咁

即係先講佢小籠包個樣係靚仔既
皮唔厚亦唔會易穿
但食落就真擔擔麵一樣
只可以話湯汁同鮮肉味道都係怪怪地
同埋唔同顏色小籠包分別都唔會話好大
除左紅色川味果隻
連d湯都係紅色
辣得黎又唔夾
而八款入面其中有三款係比較貴既
有鵝肝
黑松露同蟹粉
不過一黎唔係全部我一個人食
而且食食下又鬧交
其實就無乜心情
總之就係想像以下既味道

不過半價就真係抵食既

個擔擔麵折左都只係三十幾蚊
而八色小籠包折後再原價加一都係八十幾蚊
都唔算貴既
茶錢要八蚊位
小食就十五蚊碟
除左呢兩樣整體都算抵食
環境係舒服既
地方夠大
服務都正正常常唔算差
但味道只屬一般
可能真係要試下其他小菜
如果為左小籠包同擔擔麵就唔會番翻桌了

咁上面提過既鼎泰豐係另一個國際小籠包品牌
呢間就出自台灣
名聲就比樂天皇朝大好多
由2010開始已經係米芝蓮餐廳
更曾經拎過一星
第一次去食係去台北果時地道朋友帶去既
仲話係總站
然之後就唔明點解小籠包好似變左台灣既傳統食物咁

今次原本係想去尖沙咀新港果間既
但父親節去到竟然裝修緊無開
之後另一日就去左銅鑼灣果間
即係住完柏寧經過富豪見到果間
餐廳係地舖

外面落地玻璃都有貼晒88折自取優惠

之前淨係去過沙田果間
就無見過呢隻包仔


門口一樣有半開放式既廚房


銅鑼灣同新港兩間都係必比登推薦既餐廳

氣場真係同沙田果間完全唔同

雖然係疫情時間
但都要排左十五分鐘左右先入得

鼎泰豐的確係一間遊客餐廳
就算係七月未開關既情況之下
成間餐廳都坐滿好多唔同國家既食客
起碼我地前後左右檯全部都唔係講廣東話既

不過雖然係遊客餐廳
但佢又唔會整到d位有得迫得咁迫

張二人檯都幾大張寬落

檯面有齊醬同醋兩種

香港而家一共有五間分店

就算遠到去美英都一樣有分店

新港店曾經係2010-2014連續五年米芝蓮一星
銅鑼灣都曾經係2011年拎過一次一星
然後一直都到而家都仲係必比登推薦餐廳無跌出過榜外


同樂天皇朝一樣都有張點餐紙

唔需要同小二落單

原味小籠包價錢同折前既樂天皇朝差唔多
但黑松露鼎泰豐就貴好多

小籠包一籠六隻
即係平均十一蚊一隻
一樣都係十八摺
但感覺呢邊係比較飽滿

不過鼎泰豐就係爆汁既
跟屌總理學既
咬開lin頭位成隻羹都係湯汁
肉同湯既味道都好過樂天皇朝好多
唔敢講好似之前個鬼佬講到好撚好食
但至少係一件好食既小籠包

仲叫左個糯肉燒賣

個樣幾得意
但其實即係糯米卷
叫第二樣好過

再叫左個排骨蛋炒飯

日式feel
排骨唔是炸脆而係軟身
食落口感有d似漢堡排
份量都算幾多



最後都仲有叫多個擔擔麵

我記得以前去台灣係無得食既
望住個餐牌搵黎搵去都係得擔仔麵
呢個日文叫汁なし
但其實都仲有湯可以撈

撈暈之後就變到好濃麻醬味
仲有d辣
麵條有煙韌口感
幾好食

餐廳裡面無洗手間
要拎鎖匙去商場洗手間

而且仲要上一層
係比較唔方便

茶錢十蚊位

埋單連加一要三百二
呢間就無折
咁就當然貴過半價後既樂天皇朝
但鼎泰豐就真係好食好撚多
即係二間黎相比我當然係揀番鼎泰豐
服務黎講都叫正常
而且佢地小二真係幾多
總有一個係附近
每次上菜亦都會同你對單
下次試下新港中心係咪真係會勁d

鼎泰豐對面有間james bonbon

係超級多港女排隊既

呢間麻糬波波好出名

買左幾件黎食
有隻仲係菠蘿包皮
但入面係麻糬
外面脆口入面煙韌
都真係幾特別既

不過拎多幾步個包都已經扁晒

入到米芝蓮既川滬菜其實都仲有幾間
證明係鬼佬眼中地位真係唔算低
咁有一間老字號我同屋企人都成日會去既
就係詠藜園
地位可能同鼎泰豐係台灣差唔多掛
細細個果時佢開係鑽石山d舊屋區
後來舊區拆左
就搬左入黎黃埔蔡瀾美食坊
以前黃埔無黨鐵站
基本上會特登黎黃埔就係去食擔擔麵

詠藜園開係商場一樓

格離仲有間綠色招牌食齋既都係同一集團
後尾先知原來黃大仙都仲有一間詠藜園
都係果d大房二房既關係
餐牌都係差唔多咁

果日睇完魔比煞都已經八點幾
晚市仲係十點就要收皮既日子就可以直入
蔡瀾美食坊已經改左名
不過餐廳都仲係廿年前一樣格局

有d有檯布有d又無

碗碟全部都係自己洗


茶錢5蚊一位


餐牌

夜晚無叫到套餐
就散叫左一人一碗擔擔麵

一碗係普通擔擔麵

另一碗係改良擔擔麵

改良版本就係多左肉碎
顏色分別應該同辣同不辣有關
我自己就覺得改良版好食d
味道更濃
好多人成日話做得耐就差左
我自己就唔覺有太大分別
就係我心目中擔擔麵應有既模樣
呢個湯我成碗啪晒佢都無問題
麵條聲稱仲係手打

咬落口感都係唔錯既

小籠包就無前果兩間咁講究話幾多摺

賣相無咁靚
亦都唔係好夠熱
直接啪落口都仲得
但唔難食既

最後揀多個廚師推介既東坡肉

但係散散地又有d鞋
成件感覺都係麻麻地

其實佢仲有二人set既
一樣都係兩碗擔擔麵加小籠包
另外仲有小菜同甜品
但都成四舊水

我地而家都一半左右

所以都係散叫比較著數
價錢正常又唔算特別抵食
小工應該都係以前留落黎既員工
即係廢老呼呼喝喝果種
等於無服務
衛生都係麻麻
但呢度應該算係香港食擔擔麵既指標
見d日本人blog都成日講
仲記得以前同屋企人黎食松子魚好大條食得好開心
而家食乜都比人禁住晒
其實係真係幾無癮既
都真係一種回憶黎
耐唔耐都會想番黎食
而家觀塘老母開左間新店叫做千歲擔擔麵
就唔知分別大唔大

新蒲崗都有一間前米芝蓮餐廳
豆漿大王
係19-21年必比登餐廳
22年就踢左出去
淘大間我就曾經食過
個擔擔麵係完全唔好食既
無味得黎麵又唔好食
咁話晒新蒲岡呢間叫做總店
都有心存僥倖望佢係真係會好食D掛

地址係大有街地舖
附近都好多飯堂樣既餐廳

門口一d都唔起眼
甚至連招牌都無
唔係睇番細字報導係完全唔知呢個係門口黎

睇番份紅報
佢話老闆係八十後兩父婆
師承屋企人上海真美豆漿大王
咁唔知其他好似係紅磡既上海真真豆漿大王有無關係
見佢地有fb都有擺蘋果日報新聞做置頂
咁就算啦

星期六中午放工時間
都等左十五分鐘先入到
餐廳環境就真係好麻麻

完全就係飯堂級別
坐位少迫
不過我地坐四人檯就還可以

餐牌係有好多選擇既

有麵有飯有小食有甜品
不過應該主要係栥飯出面
所以佢地都擺第一頁

先黎咸豆漿

其實我從來都未試過
見好似話出名所以第一次叫
係幾沖擊既
咸得黎又酸酸地
加埋浸住油炸鬼又有d似糊仔
係完全唔識欣賞

上海排骨麵

豬扒香脆
但油到顛
而且肉質都幾實
真係好普通
另外個麵都無乜好講
又軟又淋
真係充飢級數黎

成餐飯最好食就係個栥飯

一條切開兩件
就係油炸鬼加肉鬆
基本同咸豆漿差唔多
但係加糯米就好食好撚多

個豆漿擺得越耐就越難食

真係搞唔掂

小籠包又係好普通

望落去已經唔靚仔
樣樣都差d咁
不過四件廿八蚊
即係七蚊件就係咁多間最平既

後尾再追加左煎豆腐同菜肉包


呢度煎炸野係叫做整得比較好既
但上海點心果類就唔鬼掂

佢優點真係抵食

咁多樣野加埋都唔洗百三蚊
仲唔洗加一
不過好耐之前已經知道豆漿大王淨係得栥飯好食
只係今次想試下新蒲崗同淘大會唔會有分別呢
結果佢地味道其實都幾一致
就真係唔係淘大特別差既
拎過米芝蓮真係已經係奇蹟
小二都係幾個姐姐
環境亦都麻麻地
純粹飽暖就ok
真係無需要特登過黎食野

新蒲崗仲有一間上海野我覺得好過豆漿大王太多
係衍慶街既手拉麵小廚

外表仲係好舊式果一種川菜舖既樣
但已經好勁係門口有個半開放式既廚房
師傅就係度搓麵粉整拉麵同包小籠包

入面都幾細
得幾張卡位同圓檯
環境都幾劣下

我地12點入黎唔算太多人仲有圓檯
如果多人果時可能仲要搭檯

餐牌就係檯面玻璃下面

其實價錢都唔平
一定貴過豆漿大王

先上係回鍋肉炒年糕

份量就無連鎮店咁多
都只係僅僅夠兩個人食
但係年糕就好大舊下

大份應該係呢度特色黎

小籠包係起碼人地兩倍大細
即係咁大件塊皮都唔厚
因為大件連湯汁都係特別多
一咬落去就真係爆晒汁
同大財團都係賣十蚊件
但一啖就滿足好多
而且味道仲要唔錯
呢間真係無得輸
難怪見好多人都係為左小籠包而黎

當然後就會叫多碗擔擔麵

豬扒配擔擔麵真係鐵膽黎
不過佢預設就已經將豬扒放落湯浸住先上
呢種做法真係不可取
豬扒唔突出
但個麵就係門口廚房手拉既
仲要係人手切

所以麵條條條粗幼都唔一樣
之但係雖然好欣賞佢係手工麵
但佢可能用既麵粉材料都好普通
咬落都係無咩特別
而個擔擔湯仲要無乜花生醬味
係比較似酸辣湯
我自己就一般般



任何食物加三蚊就有凍菜蜜

正常一般

仲係用手寫單

加埋就178
唔洗加一
價錢就唔係平
比起同區豆漿大王都貴一截
其實之後都買過外賣
試左個炒拉麵

同伊麵差唔多咁口感都係好普通
呢度環境一樣樣麻麻
座位算少
服務都係睇心情
就一定唔會係客氣果隻
不過為左個小籠包我可以再黎
最多每人一籠再加個小菜
係新蒲崗地方比較隔涉
離黨鐵站都有距離唔係太方便

即係除左新蒲崗
紅磡都幾多上海野
又係有間拎左米芝蓮必比登推介
不過係紅磡果日先寫

最後仲有間已經執左既美味廚
聲稱話45年歷史
港女見話執粒就即刻話想食
特登係結業前一日星期六晚搭過海巴過去
餐廳四至六點係落場時間

我地早一個鐘五點去到門口已經排晒隊

佢地仲有分兩條隊
右手面係堂食
左手面係連外賣都要排

好在六點第一轉真係入得
如果唔係唔知要排到幾時
不過門口收銀位就kick到好撚痴線


佢地d檯係迫到顛

真係可以做到背同背
不過餐廳應該都有裝修過
望落去就唔係果d上左年紀既上海菜館

二人檯都唔大張

同格離檯距離都係得張那仔

有麵有飯有小菜有甜品



就係無小籠包鍋貼點心類

第一道上既係回鍋肉年糕

我對上海菜既印像
不外乎都係擔擔麵
小籠包
上海粗炒或者炒年糕
呢幾樣都係鐵膽黎
個炒年糕同樣都係比較油
係惹味既
不過年糕份量都係唔算多
好似夾幾野就會無晒咁

排骨菜飯

基本上所有人都會叫
姐姐係keep住由廚房送出黎
本身都係驚會賣晒所以先一早黎排隊
佢將排骨整到好似叉燒咁款
甜甜地有埋濃邊
咁當然無叉燒咁淋
但係你話係咪真係好撚好食呢
我就覺得永遠都比唔上台式滷排骨或者日式吉列豬扒

另一樣都係排骨

排骨擔擔麵
擔擔麵賣相好似幾食
但飲落又係淡到無味咁
亦都唔杰身
成灘水咁
真係好多店既死症
麵條都係普通

因為d野都比較細份
所以叫多碟口水雞

有麻亦都有辣
呢個真係算最正路

茶錢4蚊位
仲要加一

埋單過三百
堅係貴
純粹都係臨執粒黎試一次
唔係特別到會翻卓既味道
坐都係太迫唔太舒服
基本就係零服務
因為太多人落單仲要搶住落
整體都係普普通通
唔會為左個排骨黎食
更何況都已經無機會


話說我又係搵過資料先見到
原來翡翠拉麵小籠包都曾經係米芝蓮餐廳
仲一直以為連鎖店就覺得佢鳩鳩地
又仲有間夜上海幾想去
呢間係由有米芝蓮開始已經有星星既餐廳
仲曾經拎過兩星
以前係開係marco polo入面
而家搬左去K11 musea
但價錢其實無想像中咁貴
比錢入會仲有兩張五百蚊優惠券
真係會搵日去試下


DAY90 完

其實你用咗幾錢

都唔平