[長氣多圖][無限期] 香港staycation之旅(3)

上網見話六月立山雪牆都仲有十米
我自己私心北陸
不過驚你名古屋去太遠

如果真係唔夠時間
可以去高山下呂岐阜犬山
加埋名古屋市內6日應該岩岩好

全部都唔過夜？
金澤真係比較遠
除非你主力果一帶
如果都係留一晚既話不如下次先

七樓全層都係餐廳
仲連接埋k11 musea商場
所以照理黎講都幾旺

henry係香港都係一間以熟成牛排聞名既餐廳
雖然未有任何米芝蓮名銜

一入去就見到大大個開放式徐晃


餐廳中間以梳化位為主


有bar檯


亦都有私人房


但佢就帶左我地黎窗邊既二人檯

餐檯唔大張
擺設都幾靚
餐廳格局比較輕鬆
無文華扒房果種拘謹

不過雖然話窗口位
但其實只有城景

而且後面仲有露台設計
就真係稱唔上景觀開揚既

餐牌都有單點食物同油


但最主要當然係呢個weekend feast


每人798
六款前菜任食
主菜同配菜一人一份
最後甜品兩人share一份
當時呢個已經係第二version
見前一個星期推出果個仲可以揀加錢轉A5宮崎和牛

henry雖然係美式扒房
但小二都係以廣東話為主
偶爾上菜先有外藉小二
同埋join左任飲斟油果位都係外藉女小二

麵包好普通
又唔軟又唔熱

牛油亦都唔太出色

一開始小二幫我地落左既生蠔虎蝦海鮮拼盤

餐牌寫六件
但佢預設每樣已經有八件
呢d全部都係餐牌單點野
每樣都起碼二三舊水起跳
但而家全部都可以放題式任叫
生蠔明顯比起自助餐鮮甜好多
仲有冰同香檳醋可以點
虎蝦亦都全部已經met晒殼
大隻結實唔會霉

第一round佢好似每樣都幫我地點兩份
呢四隻叫做魔鬼蛋

有魚子醬有海膽
但個味就唔係好出
反而係辣辣地幾過癮

第二輪又叫多兩樣野
南瓜湯

味道唔錯幾甜
裡面有些少魚肉
不過唔算好杰身

烤牛骨髓

又塞多一開始果幾塊酸種麵包比你黎配

不過平時好少食到牛骨髓
六款前菜入面呢個最好食
果種膠質軟淋淋感覺好正
但慢慢就會唔想食麵包
齋啪骨髓又會開始膩

第三輪試埋最後一款既沙律

真係志在參與
有藍芝士有五花腩

然之後番啅生蠔

餐牌其實都無寫話呢個放題係食幾耐既
不過入座果時小二都有話兩個鐘交檯
咁大約食到一個鐘咁上下
係我地再落單果時小二就有提我地會係最後一轉
之後就會上主菜

咁最後一轉就叫番晒湯同沙律以外果四樣
不過份量都只係要一份
驚太飽
基本上佢出得都算快
全部都熱辣辣上檯


之後小二就換過晒d餐具

就係呢個時間
頭先係lounge同我地check in果位唔知叫管家定職員就落左黎餐廳比房卡我地

所以話真係唔知係改善左定點啦
rosewood既服務真係比起傳說中好好多
但就因為咁無左房間介紹
好似係

主菜佢換左隻熱碟

for share用

入得扒房就當然都係想食牛扒
咁主菜唔洗加錢既
都仲有一份係黎自44farms既六安士黑安格斯牛柳

就係最簡單既擺盤

跟兩款醬汁
咁呢塊就一定唔係熟成既
始終價錢差好遠
不過餐廳特別在佢地係用柴火炭烤

雖然好似比我點既三成熟左唔少
不過切落真係好軟
完全唔洗用力
咬落好嫩
之前就算去酒店食牛扒都中過唔少伏
呢塊真係好食既
而且仲只係套餐入面既唯一唔需要加錢既牛扒選擇
想像唔到去到過千蚊塊既熟成牛扒會係咩味道

另一個揀左叫dirty rice

好似都係美式飯
墨汁飯粒大粒仲幾硬下
上面有龍蝦蠔蟹肉
仲有d肝類食物
其實即係乾式既海鮮飯

配菜揀左炒雜菇

同個海鮮飯一樣咁dirty
而且份量唔少
呢個幾好食

另外係西蘭花

配芝士同檸檬
唔識欣賞

見餐廳甜品寫住to share
以為係三種甜品都有
但原來只可以叫一份
最後揀左upside down菠羅蛋糕
又係book檯果時圈左紀念日
所以送上蠟燭同慶祝字眼

份蛋糕都唔算細
夠兩個人share
有少少燶邊脆位
不過味道就比較普通
無乜驚喜

洗手間得兩個獨立廁所
長期都好full
等左幾次先去到

入面垃圾係無乜人清理

咁其實時間都過晒兩個鐘
不過兩點幾都就黎落場時間佢都唔會去催你
始終酒店餐廳
都成大約兩個半鐘先走
無petit four
weekend brunch 798蚊一位
連加一就每位大約八百八
簽房減番八舊水dining credit即係要補番九百幾蚊
咁其實係抵食既
始終唔同其他sunday brunch係自助形式
呢道純粹係放題式點前菜
即係好似之前去過萬麗既Mirage咁
但質素就高左幾班
大部份都係可以單點既食物
應該真係有保證
而且塊扒都好食
除左個dirty rice之外都無咩可以挑剔
服務就正正常常唔會特別貼心
未去到星級水平
而環境我地呢邊二人檯就有些少迫
隔離檯講野都可以聽得到
就未算好舒服
但整體黎講就真係一次唔錯既體驗
如果有銀兩既話真係想試下傳說中既dry aged牛扒
過左幾個月
而家睇番個餐牌大致上都無咩點變
但係就每人貴左一舊水
感覺就無咁抵屌了

henry外面係叫做bayfare social既西班牙餐廳
話係市集開放式設計


但除左住客會經呢度出入商場
仲會有henry同chaat既客人會經過

係度食野應該會成日比人望住
私隱度係零

彤福軒都係呢一層
但就係另一邊
位置就靠電梯口果邊
比較遠離商場入口
望落都隱閉好多


食完飯就終於上房
成間rosewood實在太多鏡
全部都係自爆陷阱
真係好難影相
所以電梯我都係show少少算

rosewood大樓全名叫做victoria dockside
中文名叫維港文化匯

地下係電梯入口
有一間意大利餐廳bluhouse
呢間餐廳其實唔係酒店範圍入面
好似商場餐廳咁
其中一個出入口就係星光大道果邊
所以定位係比較優閒既
不過近期係入面開多左間the dining room
呢間真係fine dining
就唔知點解呢兩間餐廳都算難係book
至少比起中菜同扒房難
咁大堂就係大廈2樓
大堂仲有花店
八婆下午茶the butterfly room同餅房butterfly patisserie
酒吧darkside
仲有間茶餐廳風格既holt's cafe
3同4樓係婚宴會場
5樓就係頭先henry果層
仲有中菜彤福軒
西班牙菜bayfare social
一星米芝蓮印度菜chaat
全rosewood最難book應該就係呢間
要每個月1號先可以book到
6樓就係gem room泳池spa
有間地下海餐廳asaya kitchen
7樓去到21樓係寫字大樓
由24樓開始先係客房
客房去到40樓
最高40樓就係行政酒廊既瑞閣
由43樓開始去到64樓就係服務式住宅瑰麗府邸
所以酒店樓層只可以算係大樓既中層
不過因為位於海邊
所以中層同高層分別都不大
就咁睇酒店都真係好多餐廳
連埋餅房成十一間
應該比起君悅同港島香格里拉仲多

rosewood客房層既電梯大堂係我住過最大

出面直頭係成個休息區咁
不過有幾間客房門口會對住電梯口
呢點就有些少奇怪

轉個彎就會變成走廊


作為打卡酒店
就算房門口都係令到反晒光

連柱位都有鏡面
大顛

今日我地住3612
算係酒店比較高既樓層

瑰麗酒店係長方型設計
四個角落都係套房
平面圖上方係城景房
叫做九龍山景客房
所以左上角我地呢間套房就叫做九龍山景套房
右面係紅磡至東區既海景
客房叫做海景客房
右上角套房叫做九龍灣景套房
下方就係正海景
客房尊貴海景客房
右下角套房叫做海景套房
左下角套房叫做尊貴海景套房
估計左手面客房都係尊貴海景客房

一入房口玄關無論前後左右都係鏡面


右手面係客廁
唔只門口係鏡

連洗手盆下面個櫃都係鏡身

燈制


九龍山景套房雖然係最細既套房
但都已經有過千尺

所以客廳已經好大
仲有兩邊窗

兩大張梳化
兩張茶几


一入黎已經見到迎賓蛋糕同生果

有啖好食話張卡print出黎好行
但而家已經變番做手寫卡
仲有兩張

雖然我地叫做九龍山景套房
但其實我地對住尖沙咀果邊隻窗都係有海景既

呢一邊可以望到日落
不過黃昏果時就會好曬
右手面起緊既就係大火果一座酒店

成個格局有d似旺角康得思間總統套房


左手面有mini bar

茶包係最特別
係用佢地樓下果間fortnum & mason
仲有個木盒裝住

雪櫃係拉出黎既

之後發覺連睡房都有雪櫃

電視櫃下面有個幾靚皮制既界波袋

但問過管家只可以係酒店用
唔可以拎走

梳化後面仲有個調酒架

但係收費既

佢連usb線都有個首飾盒咁裝住


間房好大間

轉角位仲有位放茶几
後面仲有藝術書架

床上面放左酒店名既玫瑰

電視機係同廳一樣55吋
訓係床上面睇係勁大部

張床有六個枕頭

都真係好大張

床頭已經放左evian水


可惜係無無線叉電

睡房就真係九龍山景啦

不過因為都三十幾樓
景觀好開揚
唔會有會比對面望到既錯覺
某幾個方面黎講就真係同康得思總統套房有幾分似
而且呢間套房都有兩種景觀都算唔錯啦
無咩可以挑剔
係真係太多鏡

另外窗邊都有放左兩枝evian水


有茶壺
下面有雪櫃

睡床後面左右兩邊都入到浴室
左面係黑廁

又窄又黑
不過係智能馬桶
可以玩屎忽

右手面入面係步入式衣櫃

當然又係周圍都係鏡

拖鞋好舒服

然之後就係呢個好出名既八婆港女打卡浴缸

勁多燈同鏡
真係登台feel
但其實又唔會好討厭
不過相傳所有套房入面係得呢個房型既浴缸係同普通客房一樣
再升一級既套房既浴缸已經係第二種設計

雙洗手盆

有dyson風筒

護理用品全部都好靚

尤其是把剃鬚刀
成個盒好正

浴缸水龍頭幾型

成部古董電話咁

電視機係浴缸前面塊鏡

距離近
睇得好舒服

最後就係入面既企缸

佢設計係可以比兩個人一齊沖
花灑全部都有兩邊

最可惜係沐浴露全部都係樽裝

得body lotion可以拎得走

官網都有得賣呢個牌子野
都幾貴下

有時覺得有啖好食好多都係搵黎講
明明自己咁多廣告
勁多野都特登搵黎讚
但唔明點解佢會踩呢間酒店踩得咁盡呢
可能佢真係好憎酒店呢個風格掛
我未住果時都覺得呢間酒店好八婆
但入到黎除左鏡多又真係無乜野
整體真係幾華麗
就唔係乜酒店都叫做低調奢華
果d真係廢話黎
但至少我望住個廳坐落去都真係幾舒服

咁其實係度hea一陣就上lounge
今日既時間係2-4下午茶
5-8就黃昏雞尾酒時段
第二日早餐就7-11

40樓行政酒廊層樓


瑞閣
manor club

唔知點解
今日星期日
但係成個lounge都無人既
只係得幾檯客係度

所以坐窗口梳化位係毫無難度
不過呢個時間西斜就落晒窗簾


呢個位仲可以拉個13A位出黎叉電


平時下午茶都係得d茶點無咩熱食
但瑞閣除左普通點甜品咸點


仲有個麵檔係長開既

又有蘿蔔糕同菜肉包


下午茶已經有酒可以點黎飲下

雲吞仲幾大粒好食

因為無咩人所以周圍影都得

入面仲有呢邊海景位

可以篤波


仲有個戶外走廊

呢度就可以呼吸

今日無人就變成打卡位

天氣好好
但可惜能見到唔太高

洗手間同房差唔多


番房就可以望住個magic moment黎hea


11月日短放長
五點幾就已經日落

原本以為係無得入lounge
夜晚可能都係落番k11 musea解決
但而家又可以夜晚落去再搏過

夜晚仲少人過下午茶果段時間

因為自助區地方唔大
其實就點都唔會話有好多選擇
不過解決晚餐需要都夠晒有突







雖然都有些少下午茶既糕點
但佢夜晚都補充左幾款撻係度
有d新鮮感

夜晚多埋個蠟燭

望住個夜景
人少少
又唔洗好似餐廳咁要限時
就真係坐得好舒服
呢度唯一唔好就可能算係無一個酒既menu啦
無得拎黎睇下有咩揀
自己又唔識叫

八點鐘可以出去睇下fing long long


戶外景同室內景完全係差天共地既

整體成個行整酒廊真係高質
私隱度高
又有靚景睇下
唔知最旺果時係咩景況呢

飯後就落左行下鬆下
始終有咁大個商場

lobby電梯大堂

rosewood地下幾乎全部都係呢隻黑白方形圖案既雲石地板
呢個電梯大堂成日就會見到好多著摟屌裙類似G既物體成日係度徘徊
上又上唔到就係度阻撚住
真係其他幾間酒店都唔會見到呢種畫面
瑰麗就特別多
又或者係我心邪可能係幾個八婆屈蛇staycation都未定
而電梯大堂既盡頭就係酒吧darkside

呢一邊係上唔到客房既餐廳樓層客lift

前面係瑰麗府邸既入口大堂

當日rosewood標誌既大象唔見左

變成左呢張檯

入面就有兩間餐廳

左手面既the butterfly room
同右手面既holt's cafe

平時酒店客房包既半自助早餐就係呢間餐廳食
咁都係lounge食左兩餐
想就緊係想試下唔同餐廳啦
但我地個lounge本身都無寫有包既
我都唔敢再問落去聽日可唔可以改黎下面呢度食早餐

兩間餐廳中間就係餅店butterfly patisserie

有某幾隻朱古力頭先係lounge都見過
證明個lounge都真係唔係鳩流流

佢都幾多餅可以買番去
不過八點鐘就已經收左

lobby層仲有間花店

成個森林咁


正門藝術品

右手面就係普通既check in前檯

出左正門個停車場迴旋處都有件野係度

咁就直接落左星光大道


前面仲到而家都仲未入住得既麗晶酒店

入面d餐廳而家已經可以食得到
間自助餐成為左暫時應該最難book既自助餐廳

夜rosewood

地下大大間就係fortnum & mason
入面間餐廳有威靈頓牛食
仲幾貴下
想試都未食到

入番去蛇陣商場

個天花好似係恐怖既根源

中間有個蛇蛋


入面原來係藝術品黎

呢個陸浩明唔係肥老母隻狗
鬼佬黎
仲好後生

星期日九點鐘既k11 musea已經無乜人行
舖頭都閂得七七八八


仲有間五條友開緊

成日都想食
但成日都已經食左野
如果今晚唔係有得入lounge
都可以試下

最後黎到呢度

就出事啦
鏡頭點對都對唔到焦
完全影唔到相
平時家電都無咩點壞既我
連接壞左部rx100vi
到而家連隻gm1635都壞撚埋
到十二月仲仆埋個大街
呢期真係黑到一個點
好似有咩著數野之後都會嘔番突出黎咁
結果第二日只可以用部傻瓜機妹下妹下

最後商場五樓可以入番去酒店

呢個位就係連住西班牙餐廳
穿過佢先可以搭到lift上房
所以間西班牙餐廳真係會有唔少人行黎行去

夜晚訓係浴缸睇波的確係一大享受

尤其係經歷過嘉里酒店咁濕鳩既電視機
更顯得呢一部既寶貴
可視角唔差
就算訓到浴缸都睇得清楚
而且仲要大大部
不過附近真係太多燈好撚反光
最後訓係床上面睇住部55吋既大巴拿仲撚正
雖然已經唔再係狙
但始終仲係咁鍾意佢


DAY102 完


希望可以係去旅行之前寫埋第二日佢

講開又講
Rosewood 真係好似特別多摟屌裙囡囡
Ig 果班d 裙仲要穿晒窿條叉開到上腰

成個夜晚都係咁出出入入

我成日覺得係d 有錢佬係上面service apartment 包左條女，又或者有d 係黎送外賣

第二日係泳池見到類似sugar daddy物體

聽講Rosewood嘅泳池勁多中佬配後生靚女