[長氣多圖][無限期] 香港staycation之旅(3)

睇親post rosewood 打卡相d 囡囡都係得條女係個浴缸或者窗邊唔着衫

我都唔明究竟係咩人揸機
同埋點解會俾幾千蚊自己去酒店沖涼

真係咁
果日見到霸住個角落係咁影
個阿叔叫條女擺唔同pose
靚呀~就係咁啦~
一邊叫就一邊影
條女又恭恭敬敬咁
點睇都唔係情侶

果D相一睇就知係咩酒店

DAY103 香港瑰麗酒店(下) 瑞閣 彤福軒

尋日都講過應該無得落地下holt's cafe食早餐
就好似之前去嘉里酒店無得去支那咖啡廳食早餐一樣
咁都無計
不過lounge既早餐去到十一點
叫做可以施施然然十點起身先落去食早餐
地點都係係尋日去左兩次既瑞閣
然後又可以繼續係坐窗邊位置
不過今日感覺就比尋晚多人

早餐今次係以半自助形式
有主菜可以揀
出面都係正常自助餐
不過比夜晚豐富些少

前菜


麵包

有腸仔包又有菠蘿包


西式熱食

仲油炸鬼咸水角




當然都有粥

同埋即整奄列

咁樣其實簡簡單單都夠食


但早餐仲有四款主菜可以揀
今次就無限可以揀幾多款
咁就緊係全部要

班尼迪強

流心

牛油果多士

pancake

窩夫

加埋就好豐富了

食完番房
無左部大機
成個人謝謝地
真係影少左好多相


下面就係訊號塔公園

發覺有幾次都係生日正日會去既地方

又因為book左彤福軒
尋日問過可以兩點先check out
咁臨尾就緊係去埋泳池打個卡先

泳池同健身中心都係六樓


呢個就係傳說中既無邊際打卡泳池

望既係紅磡尖東一帶
呢個池就靚過嘉里酒店好多
因為佢一個長直池
真係游到水
不過當然就無四季咁大啦
而且今日天氣一般仲好大風

每次search瑰麗酒店
都一定係先見到呢個畫面既

如果係日出黎既話就會更靚

可能已經十一月
同埋都十二點過左check out時間
所以就唔多人係度遊
沙灘椅本身已經預設左毛巾

話說佢其實都多沙灘椅
不過遠果邊大風到hihi
行過去凍到縮都鳩埋

咁尋日有講過話呢間酒店都幾多疑似g既物體
今日係泳池呢
又見到呢d類似sugar daddy既物體

一對年齡完全唔相襯既男女就霸左泳池個角落瘋狂影相
我游咁耐佢就影足咁耐
個阿叔就不斷係咁教條女扮po
係咁靚呀靚呀咁叫
條女又恭恭敬敬咁樣
就點睇都唔係情侶或者夫妻啦

呢個泳池都有間pool side餐廳

望落好似幾正
問過職員話夜晚可以包場
因為泳池只係開到六點
咁即係可以包晒成個泳池

由泳池望上去全部窗口都係反晒光既


游到成點鐘
番上房沖個涼都差唔多要執野check out

尋日話果套鬚刨套裝
勁靚

臨前走先見到

原來門口係擺左兩枝遮係度方便你用
所以我覺得rosewood真係完全符合晒一間福布斯五星酒店既要求
唔太多亦都唔會少
就唔係四星果堆可以追到既距離

check out完就上番去食野

佢地都有部餐飲專屬既客lift

瑰麗酒店既餐廳數量放係香港都應該係排頭幾位
而今日食既彤福軒相對就係比較易book既一間
餐廳應該係做兩輪午市
所以我地book到既係一點九既第二輪時間
但就算夠鐘都要係門口等左一陣先入得

彤福軒係以新世界已故既既創辦人鄭裕彤命名
亦都係因為鄭裕彤出生於順德
所以呢一間餐廳唔似得其他酒店都係傳統粵餐
而係一間比較少見到既順德菜餐廳
總廚李志偉耐唔耐都會上下報紙youtube教煮餸
其中包括埋已經唔再存在既飲食男女
李師傅之前好似係澳門酒店做左好多年總廚
餐廳而家暫時就仲未有星星
只係一間米芝蓮餐盤推薦既餐廳
瑰麗係呢方面仲差少少
全間酒店唯一一間有星既反而係印度菜
相反差唔多時間開業既瑞吉只得三間餐廳
但一間粵菜一間法國菜都已經成為左二星餐廳

一入去就會見到個西式bar檯


然後係海景圓檯

並唔係傳統華麗中國風大吊燈果種中菜廳
餐廳設計係比較簡約時尚

而我地坐既係四人方檯

兩個人既話就夠晒大張
擺盤正常
同酒店既華麗相比係比較平實
茶杯都係一樣

醬料要自助去倒

感覺係差少少

呢個位因為有個露檯阻間
所以只能夠話係半海景


開左壺鐵觀音

四十蚊茶錢
的確係六星級價錢
不過六星就係六星
除左點心可以以件數黎點
港女淨係飲熱滾水又唔會收茶錢
又唔會顛到乜醬物醬都要計錢
明碼實價
唔會呃呃氹氹亂收錢

餐牌話彤福軒著重本地文化
用上本地海鮮
農作物同手工蒸籠


十一月仲係大閘蟹既季節

都有個特別menu

其實張匯豐premier信用卡本身就有full set既買一送一優惠
可惜book檯果時佢話2022年都已經full晒
果個full set差唔多全部我都幾有興趣
咁而家就唯有揀幾樣最特別既黎單點

金錢酥蟹盒

好似係懷舊手工菜
包到類似雲吞咁再炸
香口又唔會周圍都係油

不過估唔到第二道就已經係上主菜

五彩炒魚麵應該係彤福樓必點既菜式
麵條係用魚肉手工整成
無落任何麵粉
所以好粗身凹凸不平

口感就真係食緊魚肉咁
但差唔多三舊水既價錢份量都幾少
兩個人還可以
如果四個人一定唔夠食
而且太過早上
加埋後面d點心
之後已經放到凍左

上完主菜先上點心
其實食完個早餐就唔係太肚餓
所以係咁意叫左少少野

蟹粉小籠包每個八十蚊
唔平得嘉麟樓紅蝦小籠包幾多
賣相就好靚仔

屌總理教咬lin頭既食法

咁就唔會爆汁而出
入面湯汁飽滿
仲好勁蟹粉味

瀨尿蝦餃

比起一般蝦餃形狀唔同
長條形
入面瀨尿蝦肉比較實淨

咬落幾特出

星班餃

賣相係其他中菜廳既梨形咸水角
但外面係餃皮
入面係魚肉
呃得下人

見到對面檯有叫片皮鴨
可惜我地兩個又叫唔到咁貴


徐晃叫做半開放式

望到入面師傅係火爐燒野

咁主食同點心就食晒
最後上甜品


因為叫得比較少野
所以甜品就要左個拼盤

呢個拼盤一共有七款十四件甜點
賣相精緻
超豐富
而且大部份都係單點有既甜品

炸鮮奶

上次都講話海景軒世一
呢份的確無海景軒咁正
但都有九十分

香芒糯米糍


草莓蝴蝶酥


鵝型芋角就好常見
但因為呢份係甜品
所以入面係奶皇

有D似炸鮮奶口感

另外仲有芝麻卷
白糖糕
都係d舊式手工甜品
又得意又好食
呢個拼盤真係無得輸
瑰麗反而係中菜甜品好過西式甜品

其實搞呢個婚禮之前
我只係想簡簡單單book一間中菜廳擺四五圍咁樣食餐飯
呢間彤福軒我都有問過
我亦都有上佢地官網見過有好幾間既私人廂房
不過佢地既答覆係最多只可以做到兩間房打通即係得兩圍檯22人
問到最後根本幾間六星級既中菜廳都唔會有咁多位可以擺到五圍
最後都放棄先轉諗自助餐場
咁今日一場黎到
都問左小二其實可唔可以直接包場呢
佢都好客氣咁答應該做唔到
始終我唔係咩有頭有面既人嘛
咁都明白既

洗手間仲要穿過門口

乾淨過henry果個

因為都係食點心為主
用埋新世界apps普通會員九折優惠
岩岩好千一蚊埋單

未必抵過食套餐
但我覺得咁樣比較岩好
而且可以食到最主要想食既魚麵同試過好正既甜品拼盤
都算係咁
服務唔算十分之熱情
但都好客氣
有斟茶
反映上菜太急佢地都有講話下次可以要求番
咁呢度氣氛算輕鬆
整體感覺良好
而且亦都留意到港女唔飲茶只係收左一位茶錢
都可以再戰試下其他出名既順德菜

同層呢間就係全酒店唯一一間有星既印度菜chaat

應該係差唔多全酒店最難book既餐廳
不過今日星期一休息
今次係五月一日終於book到下個月月尾可以去試下

咁岩原來sony store開左係樓下商場
落到去試過真係支鏡出問題

換其他鏡就可以正常影無問題

但尖沙咀店唔做維修
唯有即日過海走過去銅鑼灣又整過

巴士站等車先可以見到rosewood大樓全貌
我地間房就應該望落係左手面轉角位房
格離比較矮既係k11 artus
又係名師傳厚民設計
叫做服務性住宅但又可以酒店咁樣每日租房
定位好奇怪
以一間高級酒店黎講配套又好似唔係太夠
所以都無咩特別想住

最後staycation完左真係過左去銅鑼灣整機

好在比想像中平
兩千內搞掂
唔洗再買過支

DAY103 完

如果以福布斯五星嚟講，Rosewood都唔算失望
最失望應該係美利，自己幾間餐廳連米芝蓮推介都冇，係得間外判嘅紅棉勉強同米芝蓮扯得上關係

rosewood住落其實幾舒服
仲有我一直都覺得港香係福布斯五星
酒店氣派排場都贏晒
又有兩間米芝蓮
係唔知咩事前幾年要由低再升過
美利餐廳同spa都唔入流
呢個完全係亂黎

東涌個間得唔得的

但如果唔過夜，好似好唔抵

你指自助餐？

類似，唔係起間野有咩做

呢間有零房價
之前都有諗過想去
你食得既咪住埋lor
不過佢地中菜平日夜晚有五折
dining credit最好就唔係用中菜度
不過我最想試都係佢地扒房sunday brunch
之前見過有齊龍蝦生蠔
又有扒鋸
而家唔知是咪改左唔係自助餐玩法
附近都無咩做
都係游下水
最多咪搭下360或者遠d去埋大澳

DAY104 The Lounge Argo Cafe Too 港畔餐廳 露台餐廳

之前講過港女好鍾意食自助餐
上次就寫左幾間比較劣既酒店
本身係想寫埋其他五星既
但之後仲有間argo都食就等埋先寫
咁2023年都過左四個月
今年計埋澳門已經食左六間
諗落都顛顛地
所以結婚前我係完全無嘗試過去減既
呢度入面都有兩間係食lunch buffet
不過價錢都已經係貴到同夜晚一樣價位
仲要無乜優惠果隻


第一間係JW萬豪既the lounge
JW cafe就算係好出名
應該同the market算係香港兩大巨頭
但上次黎staycation食過一次lunch buffet
就覺得無吹到咁大
咁其實JW仲有另一間自助餐廳the lounge
呢間平日都有做開比較平既自助餐
之前staycation package亦都係狂推呢間餐廳既
不過評價普遍都係一般
大概只係食唔到JW cafe先會食既替代品
但係the lounge係逢星期日就有個特別版既sunday brunch
有任食魚子醬而出名
上年去staycation果時已經想試
不過因為佢每星期只做星期日一場
所以從來都book唔到
直至上年十一月頭無野做身痕
又上chope搵下有咩西好食
竟然見到兩個半月之後the lounge星期日有位可以book得到
所以就黎到一月尾先食到the lounge既sunday brunch

sunday brunch係逢星期日十一點至兩點半供應
連星期六都無做
有三個半鐘可以食
基本同dinner buffet差唔多
但疫情都過左幾年
由最初見佢係八字頭包埋香檳任飲
到而家一樣都係八字頭
但已經無左任飲
都真係貴左好多

自助餐十一點開始真係太早
十點鐘就要出門口

the lounge入口就係check in大堂出面
先要落幾級樓梯

餐廳就係上次講比起jw cafe開揚
而且座位亦都無咁迫咁密


天花有自然花可以透入

日頭就坐得好舒服

不過我地無得坐梳化位

呢隻圓檯就比較細張
真係似用黎食八婆下午茶咁

the lounge座位都幾多
除左主餐廳呢邊
仲會開埋入面既bar q88


而佢地自助區就係the lounge同bar q88之間
近窗口果邊擺海鮮

排得幾整齊
基本除左生蠔都有齊晒
青口
蠔
麵包蟹
長腳蟹

今次呢個蟹膏好正

同上次JW cafe個lunch buffet最大分別就係多左開邊龍蝦


味道正常

兩年前sunday brunch就已經包埋酒水
而家要加三舊水先有


樽裝果汁就任飲

同埋有一杯單點飲品



海鮮對出有張cold cut檯

同JW cafe比多左伊比利亞火腿


芝士就擺係另一邊近bar q88入口


沙律擺係角落頭


自助區範圍大概就係咁


分左中右三區
先係右手邊
刺身區

煙三文魚同濕鳩壽司都係呢邊

刺身有八款
本身已經切定再由師傅執出黎

三文魚
飽魚
帶子
赤貝
馬刀貝
八爪魚
同墨魚
味道同上面cafe差唔多
唔會太差都入到口

格離就係最出名既任食魚子醬

有兩款
不過一直等佢煎果塊pancake都要一段時間

左手面熱盤
同cafe最大區別就係佢無咁多花膠之類既中式食物

不過燒味都有叉燒
海南雞同乳鴒

亦都仲有片皮鴨



西式熱食一樣唔多

都係意大利菜湯同意粉之流


少少驚喜係呢邊有好耐都無見過焗蠔同芝士龍蝦


可能係因為食物中毒
全香港周圍都無晒生蠔
不過又芝士又焗
都真係蓋過晒d海鮮味

中路位
有早餐先有既強station

講到明可以點egg benedict
點完會得到牌仔

唔會送上黎
要自己拎

賣相都唔錯
可以自己再加d龍蝦肉落去又得

強格離係燒牛肉同羊架


但同叉燒之流一樣都係鞋鞋地
明明細細個覺得自助餐同燒牛肉係劃上左等號
但由唔知幾時開始
間間既燒牛肉都唔再好食

後面係煎鴨肝同麵檔



無食到麵
但就點左佢地自家制雲吞

大大粒好好食

最後近番座位果邊既甜品區


都有原個強糕

但望落就無cafe咁排得好睇同靚仔


有紅豆沙同豆腐花




雪糕有haagen dazs同火鍋放題果度自己必出黎既新地筒

細路仔就好鍾意


洗手間係地下lift口後面
叫做兩間餐廳共用

地方都大
亦都算企理

三個半鐘既sunday brunch
時間算好用
又唔會好似自助晚餐咁見到d人食一陣就走
每人888
萬豪會員無折
得匯豐卡九折

咁其實就咁對比jw cafe既lunch buffet佢都無話特出好多
就只係多左凍熱龍蝦同魚子醬
但價錢就貴左一截
係環境好左同時間多左
基本上呢個就真係自助晚餐價
而且用卡折左仲唔比儲分
以前又有香檳任飲
就唔係太抵食
即係當佢係無酒飲版本既港麗brunch黎比較
港麗果邊餐廳就grand好多
意式前菜款式多又好食
熱食大家都無乜當打個和
但港麗仲有個主菜可以揀
而且星期六日都有
因為果邊係放棄左甜品
所以甜品算係JW唯一優勝既地方
但整體如果鍾意飲油既都一定會揀番港麗啦
服務正正常常咁
咁食完就真係會失望既
因為期待左好多年
以為同其他自助餐相比真係會高質好多
但結論都係同hugo's果次一樣
唔差既
但同預想比有距離
亦都真係比較貴

仲有另一間lunch buffet係最近先去既
係位於四季既argo
兩年幾年前最初既四季酒店staycation果時都仲未有呢間餐廳
算係近年比較新既自助餐
佢個位開係大堂

即係當時見到仲係圍封緊既地方
而家就變成左argo同gallery兩間餐廳
不過自助餐時間好似會共用

價錢係官網就望唔到既
不過上網睇過星期六日同平日好似都差幾多下
咁都無計要假期先得閒
呢間都係近年比較難book既自助餐餐廳之一
就算開關之後全港自助餐死左大半
都仲要早成三個月前先有檯
即係要由二月頭book到五月頭
佢官方用果個opentable網本身就無預設要入信用卡
但酒店係個幾星期前就打電話黎話會cancel booking然後比條link你入信用卡資料作為按金
咁第一次打黎果位態度就麻麻地
解釋又九唔搭八
一味淨係識講send番sms出去就得
到最後我係乜都收唔到
到第二次有第二個打黎先叫做正常番

argo地方唔大
除左自助區附近既座位之外
我地就坐係最入面房既角落位

呢間房勁多玻璃

頭頂都係

不過因為大堂樓層唔夠高望唔到海
只得馬路景

呢度張張都四人大檯
唯獨角落既得二人檯

但都叫夠位既
餐具都係簡單咁包住
咁職員係我地入黎果時都有介紹下餐廳
話有d主食係order再送上檯既

外面自助區位係U型大柱格離有多種芝士


圍住大柱有張U型大檯
外面都唔少廚師坐陣

由左面開始係cold cut
有師傅即切既風乾火腿
兩款蜜瓜

煙三文魚有幾款
比較特別有三文魚凍批

雖然我無試到

片皮鴨幾靚仔

師傅都係即切然後再搵人送上檯面


格離係凍海鮮區

麵包蟹
蟹腳
海螺
青口
虎蝦基本都有齊

因為星期六所以仲有龍蝦
另外仲有一隻比較特別既叫做琵琶蝦

size同龍蝦差唔多
一樣都係開邊
但肉質就無龍蝦咁實同彈牙
所以後尾我都係食番龍蝦算數

不過有一大問題就係檯面係較剪無濕紙巾
我唔明佢地既設定
咁其實點食呢d有殼既海鮮呢

另一邊有刺身

得三款
同半島一樣切好晒放係度
無師傅坐陣處理

雖然厚切
但完全唔好食
除時仲衰過放題級

沙律


最後係燒牛肉

本來係想出黎影下相
師傅又好熱情咁問我要唔要
佢格離仲有好多款芥末可以揀

呢塊唔鞋
又唔洗洗胃
算係一塊好食既燒牛扒
就好似係the lounge咁講
係呢個年代遇到已經算係執到
之前係連去到hugo's都唔好食既地步

咁雖然佢地方細細
不過熱食都幾多
而且分佈係餐廳頭尾位置
好似一入門口就有呢藍色一兜兜既


燒味叫做正常

湯有兩款
但都唔敢講叫唔叫一中一西
呢款叫香茅忌廉雞湯

入面有d蟹肉
但隻味好奇怪
一pet野咁
唔識欣賞
另外一款叫牛鬆金粟菜苗羹
見個名好怪無拎到

再格離有唔顯眼既蒸籠點心同麵包


點心係獨立蒸籠

燒賣正常
蝦餃係麻辣口味
感覺argo都好多奇怪野出現
另外仲有海鮮餃同素餃
但個皮好厚