[長氣多圖][無限期] 香港staycation之旅(3)

食完野都十一點幾
未番房就周圍去行下

B1樓係function room層
真係幾焗促下
我就唔會揀係呢d地方擺油

再行樓梯落去就係B2

即係尋日食意大利餐廳同一陣食中菜果一陣
B3好似無開放到

酒店中菜分左兩輪lunch
咁我地就book左次輪既一點九
最理想應該就係可以一點半check out
但大堂職員就乜都唔比
最後只有大發慈悲半個鐘late check out
咁唯有善用時間黎睇電視

呢套信用欺詐師係香港取景
但劇中有兩位出名演員係同年內雙繼自殺

當時真係好震撼
而信用欺詐師亦都係上年出左第三套劇場版

呢d二十分鐘炒飯都幾貴

樓下尖東都算有唔少野食
呢間又唔係米芝蓮名店出品
到底有無人會叫

仲食埋尋日果幾粒送既士多啤梨

呢個小食有朱古力脆皮幾得意

十二點半check out
又未夠鐘食飯
唯有擺低行李出去行下

酒店正面係唔夠背面吸引
雖然應該分別唔大
可能角度問題掛

咁就行左去科學館果邊

而家做緊恐龍展
讀小學既記憶就番晒黎
當日係咁係科學館print晒唔同恐龍d資料
覺得科學館好好玩



但雖然免費入場
但佢地要網上預約左先入得
即場睇klook係已經full晒無位

過對面歷史博物館

仲係十年如一咁既樣

呢d扮冰室既凳勁迫


好蝦人坐

hea完夠鐘又番番酒店

今日正門泊左幾部跑車

又落番去地下二樓

海景軒
因為位於地下樓層
所以唔會有海景
門口擺左唔少獎狀


見佢餐牌都寫左好多菜式話係得獎名菜
餐廳亦曾經係2011至2013得到一星米芝蓮榮譽
當時最風光既海景軒就係由梁輝雄師傅帶領團隊得獎
可能之後粱師傅退休
餐廳就無左星星榮譽
不過後來因為老闆打動
粱師傅又重出江湖
再過左咁多年
終於係我地食呢餐前兩個月再度退休
由助手余照軍師傅接手帶領團隊

餐廳保留左好大個門口玄關


入面有係中菜少見既半開放式徐晃


貴茶好似幾勁

唔知有無車仔會推過去沖茶呢

即係酒店房級數唔夠
但佢地意大利菜同中菜門面都做得幾好睇
因為同意大利餐廳同層
所以樓底都係一樣咁矮

格局感覺都相近
不過改左紅色中式裝修
同埋有地毯
少有酒店中西餐係互相呼應
對上一間聯想到既就係麗思卡爾頓
天龍軒同tosca都係位於同層
咁岩又係中菜同意大利菜
但級數上當然高級好多

海景軒大廳都算大
望落幾多檯
岩岩入黎果時都坐得幾滿
而我地就安排左坐係廂房入面

入面有兩張六人圓檯同兩張二人方檯

檯面都大張
碗碗碟碟就無咩特別
不過檯同檯距離好近
而且餐廳格局吸引好多一家老幼
所以環境真係好嘈
夜晚亦有做staycation套餐
所以呢個場應該無論係午市定晚市都會好熱鬧

餐牌個面幾靚


時令野

佢地lunch set有兩個
其實都幾抵
而且點心仲可以自選
不過前一年個價係更平


咁價錢黎講算係公道
無話好似金葉庭果d咁將自己同有星餐廳睇齊


原本諗住係叫兩個set再加招牌菜
但因為尋日食意大利菜有折
所以今日預算多左
咁就單點玩下
但可惜叉燒賣晒
唯有再叫多兩碟點心

無要到傳統蝦餃
想試下個賽螃蟹肉帶子蝦餃

綠色皮賣相幾靚
頭頂半開合
同埋好似有真蟹肉


鮮蝦腸

腸粉皮煙韌

松茸燒賣

粒燒賣唔算幾靚仔
食落就只係一般

因為無叉燒唔知叫乜好就求其要左個差唔多價既鯪魚球

配蜆蚧醬一大碟

平時去茶樓呢一道應該算係點心
係海景軒就變左前菜
數量係平時既一倍
平時食點心就係咁少數量叫咁少
呢個就反其道而行
覺得有d濟
早知叫多樣得獎菜
起碼有得影下相

同埋睇佢餐牌就知
位上既菜式大部份都係得獎名菜
所以叫果d就無死錯人
落左一份招牌菜式
叫做蟹皇蟹肉香酥卷

一客只有一條一開二既蟹肉春卷
但只係配角
重點係下面既蟹皇
咁就食真係好霸道
但上面春卷實在太細份唔夠喉
所以好似差少少咁

唔叫套餐既原因最主要係想試下佢個水晶牛肋肉

呢道應該算係海景軒最著名既菜式
用雪梨包住入面既牛肋肉
會上埋刀叉比你切

雪梨爽口
入面既牛腩亦都好淋身
相賣一流
最緊要係連價錢都係一流
百零蚊一道招牌菜就真係抵到爛

狀元茶粿

咁其實呢個似係甜品
但佢又放係點心類
食落發覺竟然係咸既
粿底有煎過

唔再淨係得黏身口感
食落仲有d似咸水角

黎到呢度
其實間房其他客都走得七七八八
都有小二特登走入黎問我地上齊未
所以又等左陣
唔知係漏左定點
佢地味道雖然唔差
但的確唔係做fine dining既餐廳
因為係上主食之前
竟然先上左份甜品

香芒糯米卷
係好食既
而且凍甜食擺耐d都無所謂
但觀感唔好丫嘛

之後先上番個主食
鴛鴦糯米飯

又係另一道得獎名菜
餐牌仲話要二十四小時前預訂
所以尋日食完theo mistral
臨走前特登過黎講左聲
呢道菜係位上既
但188一個價錢就已經有兩份
又係另一道抵到爛既菜式
可能佢食材唔特別
但賣相就好特別
上層芋角入面係黑糯米

甜既
下層係煎糯米飯
入面有雞肉
咸既
本身就幾好
但就唔係幾鍾意佢底下果隻醬汁
好似豆豉汁咁

最後上既真甜品
黃金脆奶卷

全場總冠軍
入面d奶又暖又滑
d燉蛋feel

上檯擺左陣都仲係咁正
外皮唔會脆到好似春卷咁界口
包住食真係無得頂
呢件係我人生食過最好食既炸鮮奶卷
之後去過彤福軒都無呢一件咁正

其實海景軒仲有個名物
就係蛋白杏仁露
但今次黎無叫到
因為見到佢餐牌寫話兩位起
女朋友唔鍾意
唯有忍痛放棄
好似每次都會有d遺憾咁
上次去港灣壹號又無叫到香芒凍布甸

洗手間同尋日一樣係B2層共用既
咁唔經唔覺都食左兩個鐘
都成三點九左右先離開

呢度茶位就咁三十蚊位
唔會格硬收你乜醬物醬錢
雖然佢都無提供係檯面
咁都叫左十樣野
佢地招牌菜係五星酒店算係好抵食
食到飽都唔夠千二蚊

不過服務同環境都差少少
小二態度叫做正常
但基本上係唔會幫你斟茶
唔知坐房同坐廳分別大唔大
始終呢邊小二真係上菜先會過黎
環境亦都比較迫同嘈
算係去過咁多間五星酒店中菜廳最雜既一間
不過好在食物算唔錯
我覺得起碼都值得比番個米芝蓮推介之類既名銜佢地既

雖然尋日大堂遇到既職員態度都只一般
但其實食飯之前check out果位男仔態度反而好好
同佢講我一陣食飯想入埋落房數都係完全理解同無問題
咁食完飯再去搞多次
總數兩日係度就洗左5508

補番八蚊就搞掂

四點鐘
酒店check in又大排長龍


咁我地最後去cafe on m拎埋個外賣下午茶走人

而大堂酒廊已經開左比普通當休息用

第一次得到呢種八婆下午茶既外賣架覺得幾得意

佢有齊三層架原素

每款兩件
就咁揪住個頂都唔會話好易打斜

不過拎住咁多野太麻煩
最後都係call uber走
而酒店職員就算見我地拎住咁多野都係無幫我地搬行李既
就可以知道酒店既級數了

DAY93 完

恭喜晒 睇你去均全港酒店staycation咁耐

我自己都好感概
呢三年成個人生都唔同晒

DAY94.1 全日雞實驗所 麥記美食 油街實現

北角
因為地理上位於香港島既最北端而命名
由於有親戚住呢頭
自一出世就成日會去
加上我都曾經係呢一區做過野
所以係唔陌生既
而其中有一間西餐黃店睇完飲食男女就想食左好耐
話大廚係黎自洲際酒店法國菜餐廳
今次終於因為慶祝生日而book左檯有機會食到
加埋呢區其實仲有唔少米芝蓮餐廳同黃店
食下好西之餘順便就遊下呢個被稱為小支那既地方

北角同以前比變化好大
仲記得細細個係會坐巴士去到觀塘碼頭再搭船過海
碼頭而家對出已經起晒酒店商場同服務式住宅
格離渣華道街市仲有間出名到連奇異博士都會去既東寶小廚
最近因為租約問題執左
不過好似話會東山再起

然後再行落去就係和富中心

因為有部黨鐵兩蚊機所以以前番工幾乎會日日黎嘟
但而家部機都搬到落下層最入
要行勁遠先搵到
而家番工我係用九巴月票
每日十程免費坐車
完全可以體會廢老連一個站都要坐車既心態

咁今日既目標係佢入面既foodcourt

佢成個場裝修就好異國民族色彩

座位就唔算好多

但都有幾間餐廳

今日最主要就係黎呢間全日雞實驗室

海南雞關注組有兩間餐廳就成日提起既
一間勇記
另一間就係全日雞
以前佢開係西九龍中心果時係要指定時間排隊拎籌
基本唔係住果頭都無乜可能會拎到籌
後來唔知咩原因無再做
然後搬左過海就係和富開番
評價好似差左
但既然係名物
未試過就當然想試一次
我地呢一日就星期日十二點頭開門無耐黎到就完全唔洗排隊既

成個餐牌九成都係海南雞黎

另外仲有個新推出既肉餅

唔識野就揀左最普通果個雞翼雞胸同上脾
兩個人食一個飯又好似唔係好夠
所以追加左個飯同肉餅
都只係十五蚊

跟飯仲有烏龍茶
湯同小黃瓜

而正常一個餐就係咁

餐紙有教你食法

因為前幾日先食完勇記個外賣
所以拎左黎做對比
全日雞食落都好滑
不過份量就比勇記少
個雞湯就幾清下
入面無乜渣
成個餐最好亦都係比勇記優勢既地方我覺得係個油飯
勁香
不過整體我都係比較鍾意勇記
另外加十蚊細細件肉餅幾軟
不過真係超迷你版幾啖就食晒

隻羹有佢地logo

唔知foodcourt阿姐點分類

咁其實食食下之後都開始多人要排下隊
我覺得五十幾蚊一個set呢個價位經開係食得過既

係foodcourt黎講真係高質既
但就唔會特登過黎排隊
如果下次應該會轉雞脾肉試下有無好食到

另外件港女見到呢間蛋包飯話想食好耐

我記得以前係元朗食過
就無咩特別

呢間野就無電腦單
但反而有部call機

廚房就淨係見到得個阿姐一腳踢

雞柳炒飯價錢同海南雞差唔多

但完全係頹飯feel

而家睇番openrice原來已經執左了

食完之後係繼續食
由和富行上去堡壘街
途中經過既春秧街就係條好有特色既街道

兩邊街市小販擺滿雜物
但中間仲會行雙層既路面電車
電車雖然行得慢
但我覺得仲係香港現存最大特色既交通工具
香港並唔似日本有咁多特色列車
但以電車黎講
都仲有一架彷古製木窗既120號電車
不過遇上佢就只能睇緣份
我就仲未搭過

再上埋天橋

前面有座一級歷史建築既皇都戲院

之前曾經有過體驗活動可以入內參觀
唔知而家重建定點

上到去堡壘街就係想食呢間麥記美食


細細地一間手工上海包點
已經係連續幾年必比登餐廳

有好多必比登餐廳拎左一兩年就收檔
呢間麥記直到今年都仲係名單之內

另外北角仲有間叫小老板
都係麥記太子女兩夫婦開既

門口就貼晒餐牌出黎

真係平民價黎

但係度買野同食野就無乜規矩
佢就無指定人龍排隊
亦都無收銀位呢樣野
總之就排左條唔知有無用既隊
老闆忙完就會同你落單
比完錢又唔會有單或者號碼
只靠人面識認
有d人叫呢樣野做人情味
但我自己就唔太鍾意呢種模式

而座位亦都只有舖頭出面搭出黎檯仔
衛生環境就好差
當日座位亦都比班工人姐姐霸撚晒
所以只可以拎開係一二邊食
不過老闆記性都幾好既
見佢都記得晒邊個買左D乜野

食物都唔會等太耐
前後都唔洗十分鐘
小籠包就應該係等最耐既
如果堂食佢仲會跟埋個蒸籠出黎

廿六蚊四個
比豆漿大王仲平
賣相亦都靚仔好多
不過佢地唔多湯汁
食落都只係一般

仲叫左生煎包同鍋貼

兩樣都係十蚊三件
即叫即整
手工野呢個價真係認真無得輸
試過係元朗國買都要兩倍價錢先食到


熱辣辣夠足料

鍋貼同生煎包皮雖然有d厚但幾好咬口
有肉汁
比小籠包好食

本身仲想試埋個擔擔麵
但真係食唔落
雖然地方污污糟糟
但咁既價位同質素真係日日黎食都可以
不過地方就唔算好方便

堡壘街呢頭都幾黃
連食齋既都有
中菜西餐乜都齊
今晚又會再番黎食飯

落斜路就去番皇都戲院門口

唔知幾時先會重開呢

再行落到去電氣道
又有另一間必比登餐廳蛇王良

蛇我就麻麻地
但見佢門口都仲有貼蘋果日報同飲食男女報導

呢間城市花園酒店已經封左好耐

做左國安分部
以前都有間米芝蓮一星中菜粵

大廚而家去左富麗敦海洋公園酒店間玉
聽聞呢間中菜仲有茶藝師駐場
不過酒店實在太貴就應該唔會去住了

出番去英皇道既國都廣場同對面既新時代廣場又係北角好經典既死場


以前國都有人氣町
新時代又有老番
全部都係童年回憶黎

北角計劃既第一個景點
就係成日經過見到d紅磚建築物但又唔知係咩黎
而家屬於二級歷史建築既油街實現
前身係香港皇家遊艇會會所
近幾年經擴展
終於係上年5月重新開放

而家既油街實現包括埋外面既藝術空地

有位唔知係咪職員仲特登走黎介紹
話唔知邊位藝術家特登執d石番黎砌

用番當時既故仔黎做呢個藝術品


呢度特色係有好多空椅擺係度比人hea


認真
我係完全睇唔明佢個咩油街星期天


門口見到既係新起既玻璃屋




唔同時間會有唔同既藝術家會駐場走出黎講下野


入場可以拎口罩套
而口罩套入面係放左油街實現既資料同地圖

外面亦都畫左張好大既地圖

場中間草地亦都擺左幾張椅黎曬太陽



佢地d凳都係藝術品既一種



前面呢個紅磚建築就係二級歷史建築

行上去風景唔算一流

不過幾舒服

呢度地方唔大
但好似就將好多野集中左一齊咁


地下有個展覽廳擺左呢個叫做三假山既其中一組聲音作品

用共振發出唔同頻率既聲音


香港都仲有唔少呢類型既紅磚建築
之前有去過土瓜灣既牛棚
同呢度差唔多類型
但果邊地方就比較多
更多空間比人用黎創作
呢邊就感覺比較優閒

油街實現後面又係誠仔新起既歷山酒店同維港頌

不過呢間酒店就劣評如潮


再過一條街又係屬於誠仔既舊酒店

港島海逸君綽就未去過

而佢對面又有另一個死場

富利來商場

佢顛既地方係門口話自己活化左


但條電梯係完全唔著既


不過上到去都有唔少小店

之前有睇過果籽介紹
話有位店主主動聯絡業主同其他小店想搞好個場

商場比較出名就係呢條旋轉樓梯

條港女就話呢個商場好寒
入都入唔敢入

續



ANA里數又過期
但完全無機比我揀
最後換左長榮轉機去大阪
結果一野就清左八萬幾里
以後應該只剩番一次機會可以搭ANA
同埋一個人去同兩個人去既分別真係要大
淨係要顧埋對方假期已經唔係好理想
加上又有更多既經濟負擔
真係無可能再好似以前咁兩個月去一次旅行了

DAY94.2 東岸公園主題區 Gotthard Base 1987Plus

係油街實現出番黎
就一直向工廠區方向行

沿路係有少量指示既

東岸公園就係海旁最角落位置
入口係屈臣街既盡頭

有個好簡陋既門口

東岸公園
前身係中環及灣仔繞道既地盤
起左條防波堤同排風口
暫時只有係21年開放左第一期
第二期仲起緊
預定2024年開放

八月份天氣熱到陷家產
呢個場仲要無遮無掩


係度企多陣都係有中暑feel

觀景係對正尖東海旁

正如住尖東酒店果時就係望到北角東區呢一邊

自從呢個東岸公園開左之後
次次係銅鑼灣經過都係望見呢個公園堆滿勁多人
次次都無膽行過黎
唔知今日係因為天氣太熱
定因為日頭無野睇
又或者係熱潮過左
八月星期日下午三點幾就唔覺有太多人流

呢個字話係得獎作品黎

咁其實呢個東岸公園就無乜野好行
衰撚過觀塘海濱花園好多
因為仲未開放第二期
係連長廊都未有
唔適合跑步
係度行十分鐘都真係太熱頂唔緊

好快就就去到最後既防波堤

成個主題區唯一景點
中環及灣仔繞道排風口

外觀就好似一粒子彈

身上好似幾條樓梯咁包圍住

子彈叫做搖曳風帆
聲稱夜晚會閃金光
附近就完全無介紹

淨係講左子彈前面既燈飾話係由三萬個膠樽蓋組成


後面燈塔位可以望晒左右兩邊維港


預計二四年應該係會有一條真長廊

亦都會有入口開係油街實現果一邊

因為真係太熱
屌唔撚緊走先

過左去維園避難




其實我係想上埋去天后廟道二號同三號花園仲有賽西湖公園行既
最後就係果邊落番去堡壘街食飯
但因為熱到頭暈眼花放棄左

維園仲有個水池比人玩遙控船


兩個月前入住過既柏寧

望番個頂樓真係唔同d
即係skye另一邊既宴會廳都有呢種靚景
可能係果邊擺酒都係個唔錯既選

入左皇室堡



好在無比大劉見到
唔講唔覺
我都成日係度等隻港女去廁所

最後去左宜家坐到夠鐘食飯算
又上番去堡壘街


今日book左食生日飯既就係呢間gotthard base

個位就係人人和平小飯店對面
兩間都係同一個老闆
呢間係好早期已經有表態既黃店
仲話大廚係老闆誠意係洲際酒店搵過黎
有一道隱藏菜式威靈頓牛好受歡迎
但結果係過左三年先第一次黎食
反而人人和平就一早試過

餐廳設計幾特別

好似一條隧道咁
店名亦都真係取名自瑞士最長既山窿隧道
寄喻隧道盡頭總有光
座位就分佈係餐廳兩邊
張二人檯少窄
唔係放得落太多野
四腳型設計仲好易卡住隻腳
出入有些少困難

餐牌選擇其實唔太多


重點都係要前一日落order既威靈頓牛
要一早whatsapp落單
order甜品拼盤可以寫生日字


頭先都叫做食左唔少野
無叫到前菜直接點主菜

燉豬肩肉茄汁扁意粉
肉醬豬味都幾重
芝士多

份量比起好多精緻西餐黎講算多
我覺得味道唔錯
但港女覺得好羶

估唔到既係佢竟然係續道菜上
食完意粉仲會幫你換過隻碟

特別欣賞呢種做法
成件事高級左

第二份主菜當然就係威靈頓牛

呢個都係我揀呢度慶生既主要原因
有做威靈頓牛既黃店唔多
之前都淨係試過浸大果間
我諗呢間應該算係幾出名
仲有後街牛扒都一直想試
但個價就真係越黎越貴
咁gottardbase四舊水既價錢相對實惠
佢上檯已經分左兩份
但兩份又唔係左右對稱
唔係好明切出黎個原理
同埋呢間餐廳真係好健康
無論係頭先個意粉定而家個威靈頓牛
佢都係勁多配菜
但對於淨係鍾意食肉既我其實就一般

不過認真講
呢份望落就唔算話好粉嫩
食落牛味唔錯
但係因為佢預設兩件都幾厚身
自己加刀又切到散左
好似點做都唔岩咁
唔知係咪因為食過文華扒房有對比
咁我都明白價錢差好遠
但的確係同預期有些少落差

最後甜品拼盤係四揀三
咁我地就無要到蛋糕

百幾蚊三份甜品
生日字有些少點綴
上檯幾精緻
仲幾好食
尤其係件西班牙油炸鬼
第一次食
外脆內超軟又甜甜地
口感一流
焦糖燉蛋同奶凍就細細份share一口size

有蠟燭有生日字有影相其實服務都唔錯
但可惜後來有新客到佢竟然想我地調檯就搞到有少少唔開心
始終我地book檯黎慶祝
本來我都幾欣賞呢間餐廳
我真係覺得唔應該會出現呢個情況
埋單連加一七百五

其實本身仲想要個蟶子皇
不過比港女禁住左
如果唔係應該要過千
但其實佢食物又唔算特別貴
只係因為威靈頓牛先拉高左個價位
都算係合理價錢
甜品出色
餐廳氣氛都唔錯
如果肯改善下港式餐廳陋習應該可以做得更好

咁其實成個八月都係食生日飯
之前仲有一餐去左元朗國食
真係想係呢個月食盡香港黃色西餐
但最後都係放棄左無去y show tasty

元朗呢間叫做1987plus

係大馬路近黨鐵站天橋底
前身1987 kitchen果時有食過
當時仲係間好細既舖位
但食過幾次都覺得幾好食
相傳話幾位老闆都係1987年出生
亦都係由五星酒店得獎廚師主理

book左平日六點半
應該係前身做落有口啤
估唔到有唔少街坊入座

新店比舊店有格調
亦都大間左唔少
座位都寬落好多
我地都可以坐到四人檯

小店餐牌都幾多選擇




甜品就手寫上牆既

有部份餐式要先落order
亦都可以先whatsapp聯絡

特別欣賞會送餐前小食既餐廳

雖然只係細細份一口size既分子料理
但睇得出餐廳真係有心設計過

而且落完單仲換左把有牌子既餐刀

再加左幾分

跟主菜可以加32蚊轉套餐
套餐有湯同飲品

包一杯22蚊飲品
其他再補差價
我就要左杯凍檬茶


再加28蚊就可以升級至龍蝦湯
大概就等於單點個湯送飲品既價錢

龍蝦湯味道都算濃
咁當然唔可以同酒店fine dining級比
但比起最近去過凱悅個自助餐已經好飲好撚多
不過入面就無乜料

前菜要左雲吞

幾大塊下
又係同gotthardbase一樣勁多配菜
反而去酒店食仲簡簡單單

見到格離檯叫
港女又話要既蒜蓉牛油白蜆

餐牌無寫
埋單都係48蚊份
數量都唔少

又香
無沙
勁抵食

主菜比人話成日揀卡邦尼無新意

今次要左素既千層麵
又係一堆植物相伴
聽過以前舊店仲有推過芫茜意粉芫茜蛋糕
大顛跟唔到
千層麵有左三款芝士
幾有層次感

另一份主菜當然係牛扒
都幾多款選擇困難
諗左好耐就要左一蚊一克果款比利時dry aged
不過今日無肉眼轉左西冷

我就好麻麻呢種坑紋
感覺好廉價
而呢塊扒
應該係成餐最失望既
無overcook

但咬落好un
仲好多筋又難咬
真心稱唔上係一塊好食既扒
原來我都幾鍾意呢間餐廳
但呢塊扒真係唔得
可能叫海陸空仲開心

之後果位唔知係老闆定小二特登打個眼色
然後就拎左個寫左生日字樣既甜品出來了

藍莓芝士蛋糕就普通正常
食完無咩印像

最後埋單七舊水

同gottardbase相比叫多左幾樣野
但價錢仲平
如果塊扒唔係咁差就真係幾完美
而且服務貼心
佢地真係會聽到你地講野而作出反應
更加重要係夠黃
呢幾年最想就係食到高質既黃店
而唔係鳩流流西口西面果種MK餐廳
耐唔耐仲會見佢地有做牛扒放題
有成四款扒選擇
得閒又會換下款
希望下次食到既會比今次更好




DAY94 完



感覺我都係鍾意plan行程
plan蜜月比起plan婚禮就真係開心好多
今次會想食盡佢地每一行食物既米芝蓮或者tabelog過四分既餐廳
同埋想住下東京既五星酒店
不過疫情後價錢真係堅貴
閒閒book間帝國酒店間最低級既套房都要五六千
仲要無早餐無得用泳池
講緊帝國酒店已經唔係福布斯五星既酒店
亦都有間新大谷酒店既禪想試下
呢間有lounge可以包五餐
真正可以係酒店hea足一日
不過淨係東京都轉幾間酒店好似太多
但暫時都係諗落機住一間五星臨走再住一泊二食既溫泉旅館
中間而家就book左三井豐洲
感覺好似又番來了

東京帝國算係御三家㗎啦
有冇諗過試下大倉
好可惜舊果棟拆之前我冇去住過

大倉係福布斯無星
比較想住仲有皇宮酒店
但差唔多成萬蚊晚

DAY95 獅房菜 旺角大球場 好旺角粥麵專家

話說有一日見到廣告
講帝京開左間新既餐廳做中菜omakase既
話廚房團隊都係來自帝京軒
見到個場靚過中菜廳好多
好似唔係太多人食過
又有買一送一
就去左左試伏

帝京酒店就位於旺角東站新世紀廣場上蓋

D出口
同其他帝字頭酒店一樣
都係sellhk自家擁有同管理

入到商場靠右直行行到盡就係酒店入口

以前都有黎過呢間酒店兩次
一次食自助餐
一次親戚擺油

近門口就有間日式餐廳香田

呢間有做日式既半自助lunch
但望落去鳩鳩地完全無興趣

暑假星期日都幾多人check in

帝京酒店都算係間五星級酒店
有間全景房其實我都有d興趣
不過官網完全無做優惠
所以package係連早餐都唔包
加上酒店又無lounge
去酒店網book房又只有平日先有平
所以今次只係去左食野而無住到

大堂都幾多蛋糕賣


仲幾有特色


又唔算貴
有d百幾蚊已經有原個蛋糕


酒店電梯上一層就係自助餐

花月庭以前有食過
果時係商場果邊入去
雖然唔係特別高質
但因為平時就已經有分兩輪
兩個鐘價錢黎講算公道
唔會好似其他酒店分兩輪仲要收全價咁仆街