[長氣多圖][無限期] 香港staycation之旅(3)

你指呢幾年用左幾多？
你當去旅行d洗費轉嫁左落去就差唔多

你去個啲餐廳我估仲貴過旅行

唔會啦
我去貴果d都係有酒店dining credit先食
自費貴極有限

出發去旅行味

淨係換左五月機票….

以你出遊記速度即係下年7-8月先有得睇

咁又唔會既
七八月完唔完到就唔敢講
不過應該最遲六月都會開始寫

叫多樣餸都唔只啦

你見我有l都無去食夜晚full set
我連set menu都好少補錢轉野

睇左一個月世界盃終於完結
今屆就無好似上次咁去現場睇
留係屋企因為繼續無意大利
所以就唔係幾投入到
不過最後阿根廷拎冠軍都算係眾望所歸
還球王一個心願

但呢個星期我就差到不得之了
完左世界杯之後番工就因為追車仆街
唔單止人傷
連部電話都爆撚晒
真係羸左一場波
輸番晒成個人
成世人真係最傷今次
仲諗住定左婚期係開心既
結果呢個年尾真係最差既一年


DAY91.1 阿元來了 丁爸食府 瀑布灣

好多年前一句多謝高登先
就令到golden scene出左名
然後高先電影係2020年係堅尼地城開左第一間戲院
由於我讀中學果時就已經好鍾意去電影中心
而家香港有第二間類似電影中心咁播映獨立電影實在係市場大事
尤其是支共霸權
連睇戲都開始唔係一件易事
好多有質素既導演都被迫走左去台灣
所以高先戲院呢件事先更加難得
雖然堅尼地城真係好遠好遠
但都即刻入左會

然之後就係岑珈其主演既緣路山旮旯
一男拖五女已經好有賣點
而且五個女角都好吸引
我亦都因為連登曾經有遊記講維多利亞城界碑而睇左點對點
後來就鍾意左黃浩然呢位導演
加埋岑珈其
呢幾年真係睇住佢大
無論係點五步定非同凡響全部我好鍾意既電影都會見到佢
本來緣路山旮旯原本就係今年情人節上既
但係武肺之下比柒婆搞到一而再咁延期
差d我仲以為上唔到
就更加期待呢套電影
今次就係電影上映既第一個星期日過去左堅尼地睇了

因為堅尼地太遙遠
每次去就已經係一場旅行
咁當然會加左d景點去行下
好似瀑布灣咁
疫情前本來已經好想去一次本地旅行
而瀑布灣玉桂山同南丫島一早已經係我個list入面
但咁多年黎都未有機會去到
南丫島上年有去過
今次就輪到瀑布灣
玉桂山就要等再下一次先去到

搭車經過匯豐真係震撼


去到堅尼地城
行過山市街見到條樓梯有好大幅畫

話畫既係叫做西環七臺既古建築群

睇戲之前先搵野食
上次黎食嚐囍已經見到呢頭仲有間米芝蓮餐廳
就係比必登推介既阿元來了
雖然觀塘果間就近好多
但我就一直都想黎呢邊有獎既呢間

十二點零黎到仲未洗排隊直入

門口有個小賣部幾得意

外面睇以為地方好大
但入到黎先見到佢地檯唔多

算係分隔都幾開

不過我地坐呢個貼牆二人位都算係搭檯位


台灣店餐牌都係大同小異

不過阿元來了就係無做牛肉麵同蛋餅
之前去過果間阿元菜市場係有牛肉麵既
但都已經執左了

飲品係一樣有一整頁

跟餐加十一蚊先有杯野飲

要左茉莉綠茶
珍珠再加三蚊
杯就唔算太大
味道正常

阿元滷肉飯

有半隻滷強
同青菜
肥肉好入味
份量都舖滿左個碗面
雖然話九份飽係同阿元來了一樣食譜
但我覺得呢度係好食d

爆蛋雞肉飯

所謂既爆強只係荷包蛋
完全無佢爆強感
雞絲一樣都多
無吃什麼果碗咁乾既
但都唔算係好食

鹽酥雞

同飯一樣價
但炸得非常香脆香口
唔會好厚粉好油同淋
件數都多
絕對唔會好似阿木咁鳩流流
試左幾次就知道台灣菜真係唔好叫雞肉飯
直接叫滷肉飯加鹽酥雞或者雞排好過

最後係蚵仔煎

醬汁好似比較少
蚵仔亦都唔多
但都好多膠質


食物上檯速度幾快
幾分鐘內就已經埋滿成張檯

但鹽酥雞同蚵仔煎都feel到係即整熱辣辣既

埋單176

平均90蚊位
價位同九份飽差唔多
抵食過吃什麼少少
不過人地開係中環
服務正常
都唔洗講國語都落到單
衛生一般
叫做有台式風味
不過位同位雖然距離遠
但座位都係偏窄
咁雖然話九份飽係抄阿元來了
但都feel到佢地係有些少變化既
唔會同阿元來了一模一樣
好似鹽酥雞同蚵仔煎上檯既方式都唔一樣
不過裝修黎講就真係做到好似
我自己私心就當然會推阿元來了
起碼係黃店丫嘛
下次都係試番觀塘果間
始終真係比較近
堅尼地城實在係太遠

咁必比登既台灣菜都試左吃什麼同阿元來了
最後試埋丁爸食府
不過係分類上佢係寫做街頭小食
真係R撚爆個頭

當初係飲食男女睇過介紹丁爸
但見google map評價都係麻麻地
又真係比左做起左
咁up dup都拎到米芝蓮必比登
而家仲係旺角開埋分店
做埋153生意

咁彩虹呢間總站就開係牛池灣露天街市後面
近垃圾站果邊

附近環境其實真係幾差
星期六點零鐘黎到門口都見幾多人
丁爸係做外賣生意
門口有一兩張摺檯比人自助開黎食
但我去果門口已經比人霸晒食唔到

2022年有七間新入選必比登餐廳

其中有兩間係黃店
大圍小館同倆口小吃呢兩間不嬲都想試
但拎左米芝蓮之後就更加食唔到
尤其係倆口小吃
次次去親都見排到痴線
條龍唔算好長不過佢即整所以要等得比較耐
無番一兩個鐘都唔洗食到
而大圍小館最近係元朗開左分店
唔知會唔會易d食到

入面就係得咁大

唔會有位比你
另外廚房淨係見到一男一女
條片就話餐廳有四位老闆
丁爸可能去左旺角店掛

外賣紙

見到價錢對比起飲食男女果時都貴左不少
呢個價錢已經同有堂食既阿元來了九份飽無咩分別

張落單紙會有一個號碼可以等叫
餐廳要用國語落單
不過講廣東話大概都聽得明d既

大約等左十分鐘左右
然後我又用左二十分鐘左右番屋企
就係半個鐘之後食用

佢地個袋仲有自己名

落本做品牌

黑糖仙草

原價廿蚊
跟便當可以平十蚊
好甜
仙草份量都好多

本來睇片見外賣盒都係鳩流流塑膠盒
但打開個袋見到個便當盒竟然係幾靚仔

鹹酥雞便當

比想像中大份好多
仲有好似那個同鐵路便當果堆便當配菜

有原隻滷蛋滷豆腐

全部都好入味
我成日覺得食野要外賣係物理上就已經係fail
但估唔到過左半個鐘個飯都仲係暖既
鹹酥雞亦都唔會淋晒

例牌會叫既就一定係蚵仔煎

勁多醬
膠質都好勁

蚵仔亦都好大粒

呢件仲熱辣辣添

即係比錢果時都覺得幾貴
咁樣一餐飯成115
只收現金
以外賣店黎講價錢堅係貴
無環境亦都無服務
但野食都真係好食同大份
我一個成年肥佬都食唔晒個便當
見google map負皮果d好多係買左佢年菜既同鄉
大部份都話佢d餸凍同貴
上fb仲見撈好多野
又做私房菜又團購
咁我諗都係正正經經去番佢舖頭買外賣好過

阿元來了隔離呢間麵包舖我都有bookmark
但個蛋撻賣相麻麻就無幫襯


多謝高登先就開係馬路轉角位
樓上係私人屋苑

佢地門口賣飛位其實極細
係完全無位比人排隊同等人
所以基本上就要上樓上等

咁所有人都迫晒係小食部出面

就係幾個院d人都塞埋晒一齊
個配套其實麻麻地

今日呢兩張飛都係免費飛

入會本身就有一張
再加上生日飛
呢個會藉仲要係網上零手續費
我就續硬架啦

武肺呢幾年都入場睇既港產片仲多過荷里活電影
但係mirror果幾套真係零興

緣路山旮旯
除左張紋嘉戲份比較少之外
其他三位戲份都幾平均
然後因為套戲而認識rachel
再睇埋佢套藍天白雲
而余香凝係戲入面真係好gfable
可惜撞唔岩佢地謝票場
入場睇完呢套之後我以為佢就係本年度最佳
香港少有而家咁清新簡單既電影
全部賣阜既都係要靠社會問題賣慘情
但估唔到之後仲有套正義迴廊可以更加出色
係真係有本地電影都可以有兩小時以上既劇情片
仲要係完全無冷場
最後大收三千萬
真心痴撚線
黎緊套十九歲的我有更多優先場
希望可以上到正式場啦

行過黎海邊
又可以見到導演前果套點對點既結局位

今日算係好好天左半日

堅尼地城仲有唔少黃店


beeger仲有傳說中既菠蘿包漢堡
可惜真係無咁多quota

咁但係都有幫襯多一間既
就係饃饃餃子
係以前阿元菜市場果條街

門口幾隻顏色已經好搶眼

又係睇飲食男女介紹既
香港人妻配尼泊爾丈夫
因為武肺本職停業而轉做家鄉餃子生意
所以話唔係睇蘋果
都真係識唔到咁多黃店
可惜而家已經無左
米紙有時好似特登避開黃店咁
就只剩番mm阿sa繼續努力

門口有餐牌睇

主要就係食尼泊爾餃子
雖然個名差唔多
但唔同料佢地會包成唔同樣
好似豬肉就會變成小籠包形狀

餐廳主要做外賣
堂食都叫做有兩張檯

不過就幾窄下
但係張凳就幾有特色

牆上面好多sica


咁我鍾情煎餃
佢地又寫個蒸雞肉有手指公
而我地又食完lunch唔算好耐
如果只可以揀一樣之下
我就揀左5隻煎雞肉餃子
前面仲有一檯客
佢地都食幾多野
咁我地就大約等左十分鐘

係連隻碟都好有風味
餃子背面朝天
中間係凍既芝麻花生汁
入面係啖啖肉
肉汁走晒出黎


五隻三十蚊

平均六蚊隻
小店手工生意
係貴些少
但用尼泊爾香料
係真係比較有特色既
尼泊爾老闆係片入面都講左會保持自己節奏
無做到其他上海點心咁樣大量生產
餐廳亦都有用心裝飾過
所以環境唔會好似上海點心咁惡劣
服務又唔會咁唔好老皮催你快D落
亦都唔會唔知自己係排緊隊買野定等拎野
咁我覺得呢間仲比較值得有米芝蓮街頭小食

食完野就去探路
沿住小巴總站側面條小路行上去薄扶林道


行完樓梯仲有條斜路

因為巴士要大學站附近先有
結果就係八月份中午三十幾度咁樣行上去
除左差d中暑仲比人屌到仆街

最後係行人隧道口得到維多利亞城界碑實景相一樣

其實係乜野得著都無

真係純粹打個卡
物理同精神上都咁辛苦
好在附近有個巴士站
係度可以搭巴士去到華富邨

講到黎南區既經驗
除左去海洋公園既話真係十隻手指都數得晒
應該仲少過去離島區
華富真更加係第一次黎
華清樓站應該係最近瀑布灣既巴士站


向前行轉落去瀑布灣道就岩方向


臨近鬼節
燒街衣都係屋邨一大特色
而家已經見少好多了


轉埋個靚灣就到瀑布灣公園


公園入面已經可以望到南丫島三支香

住係華富邨
有d屋係仲有埋個靚海景
威過好多人

呢個公園沿海起

亦都被稱為南區海濱長廊

雖然無咩設施

但日落果時仲可以望到個靚夕陽
不過夏天日長
我地黎到差唔多五點都仲係曬到hihi

行到盡頭就可以落樓梯

好似去左郊外咁
好有feel
但呢個位只係一個屋邨既後花園

離遠已經見到瀑布


自己方法啦

最後就落到黎沙灘


就即刻可以望到瀑布灣瀑布

第一次認識呢個地方
係睇cctvb既陪著你走
無錯
又係陳豪
但呢套電視劇無狗血劇情
入面亦都令我對胡杏兒改觀
成套劇都睇得好舒服
果一期
我真係幾鍾意cctvb
好似師父明白了同愛我請留言呢d

又
睇完happy kongner先知道香港都有八景
史稱扶林飛瀑
從前呢度真係海灣黎
而家瀑布上面就起左大型豪宅貝沙灣
變成咁既奇景

個位就長期比班姐姐霸佔
直到我走果時佢地仲係度玩緊
所以武肺後無晒支那人
我最唔鍾意既就變成左呢班人

如果沿住呢個海灣走出去

會有個叫做雞蛋仔既地方
就係有好多差唔多形狀既石頭好有秩序咁突出水面
我就無行到過去
真係行多幾步都會中暑

南丫島


呢個沙灘仲有個戰事碉堡

好似會有d黑歷史傳說
件港女係完全唔敢望

係度影完相滿足完就再上去華富邨行左陣

因為華富邨起係斜路
所以就要搭lift先上到商場

上面商場有超市有便利店
其中一間就係mm黎到華富邨就有介紹既黃店麗絲快餐店

呢度食雞脾出名
但再食就真係中風
唯有忍痛放棄

最後係唔知果個海景走廊位點去
不過走上去華富邨唔合邊度
係真係可以望到海既


但係度休息左一陣
個天就變成咁

原本係想去埋數碼港海邊睇日落既
而家取消左呢個行程
直入數碼港商場


續

2022聖誕去完置地文華
睇見佢地somm都係同amber用同一個徐晃
野食主菜個平原雞都幾相似
所以好在上次去食amber果時無係度住
如果唔係就好似會食兩餐一樣既野咁
我自己垃圾口就覺得somm比較岩食
但當然服務就唔同級數啦
不過係度食過三間餐廳有兩間食到都去廁所
我都唔知係垃圾胃定餐廳問題啦
咁2023無咩必要都應該唔會再staycation架啦
或者睇下麗晶想唔想做香港客啦
始終都仲未食過而家呢間麗晶軒




DAY91.2 Interval Farmcy Little Napoli Babacio

雖然話地圖睇華富同數碼港距離都幾近
但步兵就應該好難去得到
所以落番去頭先個巴士站坐車搭過去數碼港
離遠就已經可以見到貝沙灣獨特中間穿窿既設計

原本係瀑布灣就曬到差d中暑
估唔到過一陣就變成咁樣天氣

就好彩無係瀑布灣留得太耐

因為呢個天氣都放棄左出去海濱行
直接搭到去數碼港總站落車


呢邊有指示去數碼港酒店

我就完全係無plan過係呢邊訓一晚

今次真係成世仔第一次黎數碼港
完全唔識呢邊d路要點行
過商場仲要過條馬路先到

門口有個噴水池


星期日既數碼港商場

係好好好靜
講緊都係六點幾
應該係商場最旺既食飯時間

呢度天幕有太陽光可以射到入黎

都有好大個舞台

唔怪得知住港島有車渣既人咁鍾意過黎睇戲
因為呢邊一定有位仲要行得好舒服

記得以前係百老匯戲院黎
而家已經變成左MCL

格離就係我地今晚book左檯既餐廳

interval farmacy
唔排除蔡瀾真係做好多廣告
但佢介紹既餐廳睇完真係會覺得佢地有自己既特色
好似呢間interval就係由對孖仔開辦
仲有個集團名叫做twins kitchen
片中話呢度好有特色
首先有個由拿玻里運黎正宗pizza專用烤爐
第二樣就係佢地個溫室
入面植物自家種植
真正做到farm to table
interval仲有間康城分店
但係烤爐同溫室都久奉
我就未必會考慮

頭先係門口都見到外面有座位
雖然未至於叫做室外
但都可以同寵物一齊坐
而入面座位都好鬆動
中間只有兩張大弧形bar檯

側邊有bar檯

係可以望住餐廳個自家溫室食野


我地就坐梳化二人位

張檯都好寬落

餐廳有中英小二
不過可以用qr code落單

亦都有張實體menu

前後中英對照

以手工意粉同pizza餐廳黎講
呢間算係中間價位
唔會太貴

我地坐個位就睇唔到開放式廚房同個正宗火爐既

廚房入面有師傅係度搓麵團

食得多pizza就會覺得最簡單既margherita已經係好好食
落單大約十分鐘就有得食

賣相就幾靚仔
同埋都薄身

背面仲有佢地所講真火爐特有既豹紋

蔡瀾條片有話佢地個爐係燒柴同炭
所以真係有柴香味
不過亦都會有d苦
整體黎講真係唔錯

意粉就點左牛面肉長通粉

佢就無寫係手工意粉
不過牛面肉好軟又爽口
同一般肉醬好唔同
其實仲想試埋佢地隻三黃雞
但好似會太多食唔晒

最後有叫tiramisu

個名叫做not so classic
望落幾靚同大件
落單果時同外籍小二話想慶祝生日
佢都有插點火蠟燭一支
食落真係唔係太意式口味
偏甜
而且真係好流質好濕
口感我就唔係幾鍾意

連加一四百左右就唔算貴

百二蚊個pizza
商場店仲要真火爐燒出黎
我就覺得夠晒收貨有突
地方大又坐得舒服
門口亦可以帶寵物
服務都叫正常
整體我自己就幾鍾意
可惜數碼港真係太遠
康城又無真火爐
想試多次都有少少難度

臨走見到有人倒奶

咁食完飯係數碼港商場可以換到一張廿蚊餐飲券

之後都應該唔會再黎就求其想搵間換左佢

咁時間都夜仲要得廿蚊
就無幾多間可以選擇
求其去左間藍店拎野食

夜晚都無咩包剩

砌左廿蚊雞兩個包聽日可以拎番工當早餐


數碼港無直車可以番屋企
要搵番出中環既巴士再轉
所以去呢個地方真係仲煩過去大西北
無咩事都真係唔會點諗會過黎

咁我都慣左睇中果一樣食物果期就會係咁食
今期就係正宗拿玻里pizza
有一次終於去左想食左好好好耐既little napoli
呢間開店短短一兩年
由蔡瀾介紹
經MM再講多兩次
拎左亞洲五十大pizza
最後今年仲入選埋米芝蓮
真係唔食都對唔住自己
不過跑馬地山同數碼港一樣長水遠
仲要轉電車入去
餐廳又日日都大排長龍
真係幾難搞
但係上次試過星期一諗住去但無開
轉左去食老母pizza覺得麻麻地之後
去lttile napoli就好似變成左怨念一樣
結伴就係一個收工落大雨既星期二夜晚係灣仔坐叮叮過去

途經呢個影都影唔切既界石


係電車總站落車再行過去
原來舖頭就係座銀對面
但當時我係完全無留意到呢個地方

影片話餐廳入面裝修都係意大利運過黎
主廚gavino pilo亦都係意大利人
餐廳主打外賣pizza
雖然店入面都有兩張檯
但最多都只可以企到五六個人
所以我地都要係門口排隊等入去

都仲keep住見到有人黎拎外賣
而我地就由七點九開始等
舖頭營業時間去到九點

我地都驚最後會食唔到
後尾每次有人行過想排見到我地都覺得要等好耐而放棄
大約八點左右終於入到
我地應該算係最後一班客

原本以為老闆係意大利人
所以要用英文落單
但原來舖頭都有香港小二
餐牌除左中英對照


仲有對應番既實物圖

睇完mm當然係想食calzone
小二仲會同我地解釋話calzone係同普通pizza唔同既

本來都係想跟mm介紹咁食炸pizza
但見佢好似只可以一開二就放棄左
要左一個有蕃茄
一個無蕃茄
同埋一個calzone

好似快餐店咁落單先比錢
可以用applepay
三個pizza要六百幾

其實真係貴
仲要做外賣生意
講緊去the pizza project差唔多價錢已經食到三道菜

話說餐廳只有大檯係可以容納到我地三個
而呢張檯係無凳既
所以我地全程都要立食
一邊企住等就一邊睇住chef係專用火爐整pizza

中間有見外賣客入黎屌話等左好耐
但堂食就好似落完單無耐就食到
我都唔知個先後次序係點排

大約等左十五分鐘
終於出到第一個pizza比我地

呢個係無落蕃茄醬既dama
dama係白底pizza
有莎樂美腸同茄子
而且係辣辣地既
youtube有講
呢個火爐入面係用純煤氣
並無柴炭去燒
所以就無左係interval食到果種柴香味
但當然係仲有特有既豹紋啦


第二個又係最普通既margherita

咁其實佢地堂食定外賣都係用外賣盒黎裝
估計可以慳番洗碗碟
但係個外賣盒應該係幾落本去整
話係會比較保溫既
盒上面都有寫正宗pizza食用方法係對摺黎食

蕃茄醬係用最高級聖馬札諾既
同老母pizza一樣
但little napoli真係好食好撚多
對摺pizza之後蕃茄醬就好似流心一樣咁流晒落口同手
平時食pizza係過口癮
但係litte napoli真係變成一種美食
係好食到顛左

最後既calzone

上次去瑞士果時見識過一次
佢係半月外形
餅底入面再包住餡料
咁呢度就有d唔同
佢除左有內餡仲有面層既蕃茄醬

而入面芝士同莎樂美腸一樣係多到唔洗錢咁
不過可能已經試過前面紅同白兩款pizza
所以呢一份calzone沖擊無咁大
而且食落真係超級濟

咁堂食當然比起外賣好十萬倍啦
如果無位拎走左外面又落雨濕濕我地就唔知可以去邊食
不過係咁細環境立食又真係會搞到成手都污污糟糟
可能食拿玻里pizza就係要咁狂野掛
呢間對我黎講簡直係世一
顛覆晒我對pizza既觀感
有機會真係要試埋個炸pizza
同埋亞洲五十大pizza仲有fiata同baci係little napoli之上
真係好想食晒佢地