[長氣多圖][無限期] 香港staycation之旅(3)

寫埋間美式pizza
california pizza kitchen

屯門市中心上年去果時都算新新地

cpk集團而家係香港都只係得番黃埔同屯門
我一開始都以為佢地係鳩鳩地果種連鎖店
但入到去見到佢地個開放式廚房同埋個火爐就唔同左諗法

上網見話個爐係美國運過黎既火山石爐

檯面闊落
舊年去仲有口罩套


佢地pizza選擇好多

不過睇落都係4人餐比較抵


野飲有四杯

而且仲要無限refill

兩款前菜

牛油果蛋卷
有兩隻醬點
都香脆既

雞肉沙律

勁大份
料都多

意粉有兩碟

忌廉闊條麵
呢d就係真連鎖店風格
重口味版本
就好似海鮮寬條麵有莫名既引力

雲吞

同闊麵兩個汁都差唔多
應該叫肉醬意粉會比較好

最後上既margherita

美式風格
比起pizza hut果d薄身
但又唔係pizza express咁撚乾
即係以商場連鎖店水準真係算唔錯

三個人食四人餐夠晒飽

六舊水即係平均每人兩舊左右
商場黎講都算係咁
坐得舒服
無話點樣比人趕
服務正正常常
價錢還可以
起碼叫做有投資過唔係鳩流流餐廳
有時見佢地下午茶都抵食
同埋經開可以食用既

最後想講下除左之前果間CIAK
香港2022年仲有5間入左亞洲50大pizza名單既
米紙同MM都已經講左4間
而仲有間就係盛智文旗下既baci
前身叫做ciao chow
有做sunday brunch
不過而家加左價加埋藍藍地
暫時都未去
有去過既就係中環既the pizza project

仲有間灣仔店
中環店係公利竹蔗下面條斜路
我地當日大約七點去就未需要等位直入既
到八點半離開果時就排晒隊了

the pizza project係pirata group旗下
同pici同一個集團
兩間餐牌都好類似
不過一間食意粉
而家呢間就係食薄餅
感覺連裝修都好似


位係有少迫既

都只係岩岩好夠擺兩塊pizza
不過有爉燭都有d氣氛
同埋walkin入場都要登記名同電話
仲有限時個半鐘

主菜就真係只有pizza

都有成十幾款
價錢比一般連鎖店仲要平
完全想像唔到呢個係中環價

特別版pizza


咁其實最抵食都係個tasting menu

前菜+薄餅+甜品只需要220
不過甜品好on9的
兩個人只得一杯
而三個人有二杯
四個人同三個人一樣都係二杯
如此類推
就唔知餐廳接唔接受單人毒撚

平時食意大利野其實好少食前菜
通常一黎就打真軍
咁呢個set有得揀兩個前者
就揀左意式既吞拿魚生

以前都只係試過係grissini食
果次都無乜驚艷
咁呢份就更加無
就唔太食到魚味
同埋油都落得比較多

好少係酒店以外食牛肉他他

我諗呢個集團應該都信得過既
不過呢份都係無乜肉味
整體兩份前菜都只係一般般

之後係同單點一樣既pizza
雖然佢地並唔係用磚爐烤
但上檯都feel到塊pizza好熱

呢個係carbonara
有六隻鵪鶉蛋
煙肉都好大塊
雖然睇過米紙大概知道係點既樣
但就真係幾好食
不過真係偏咸
同米紙食到既有d出入

另外係最貴既tartufa

上檯好香松露味
但食落個味反而薄過carbonara
芝士味再重d
我個人就比較鍾意食呢一款

平時去食薄餅都係幾個人share一個
但呢間pizza project真係同外國一樣
因為無其他主菜
就要每人硬食一整塊
所以係好撚飽會真係會食濟既
見格離檯三個鬼佬唔食set
就咁叫左三塊pizza
一陣間就啪晒
遲過我地入黎
但仲早過我地走

不過個pizza真係油到痴撚左線

番到去又屙左幾次

兩個人只得一份甜品
應該個個都係揀tiramisu

同pici係一模一樣
流質
仲好甜
好多連登仔都話pici tiramisu係世一真係笑左

埋單

同pici一樣咁樣放上檯

兩個tasting menu
係中環夜晚食三道菜
竟然係5舊水可以出到門口
呢個價真係抵撚到喊
佢地食物未必係好高質
但價錢真係超抵
而且小二服務比起pici好
都幾經常斟水
笑容有
而且幾醒目
除左係迫左少少真係唔錯
絕對係可以大推比其他人享用
而且餐廳身處中環soho區
唔知點解呢間pizza project係特別吸引到清涼鬼妹入場
都真係幾顛


講真幾間亞洲50大入面真係最想食little napoli
不過真係試左幾次都去唔到
又仲有間蔡瀾都介紹過
係數碼港既interval
佢地都有個正宗拿玻里磚爐
不過遲d寫瀑布灣先再寫


DAY83 完

DAY84 立鮨 雲壽司 鐵火堂 海言どんぶり専門店 寿司の神 宗像壽司

呢三年武肺你話開得最多既餐廳
一定係廚師發辦既餐廳
但我就食得起
退而求其次就緊係食壽司
元氣戒左幾年
迴轉壽司基本係得爭鮮同壽司郎
再加埋鮮選
話說壽司郎我都算成日食既
不過排隊實在太撚煩
雖然香港分店越開越多
但條龍永遠都唔會停既
而且質素就越黎越差
最近食過幾次黃埔店d飯都係一夾就散
鮮選我都只係食過一次
餐牌上面有好多都打交叉
選擇真係少好多
質素同壽司郎我就覺得差唔多
不過地方唔太就腳都無咩點去

但除左迴轉壽司
其中有d手握壽司我覺得性價比壽司郎高好多
果間叫做雲壽司

前身叫翔太壽司
好耐之前入過米芝蓮餐盤推介
而家分別有翔壽司同三間雲壽司
我去既係係太子店

講真佢地正價就唔係特別平
同好多中價壽司機一樣都係中拖大拖賣四五十蚊

但其實佢同立鮨一樣都有個隱藏價錢
就係用eatigo book檯
四五點既時段
係做到五折優惠既
可惜立鮨而家只係得番七折
如果唔係耐唔耐都仲可以去下

另外一頁係刺身同手卷
飲品同刺身丼都係無半價既

餐廳設計都係吧檯U型圍住幾位廚師

壽司檯就雙層設計

好似好多中價鮨店都係咁樣設計

一開始就叫左兩板壽司

三文魚唔食日本人
半價之後只係6蚊一件

咁就緊係叫晒最貴果幾款
拖羅都唔係迴轉壽司成舊冰既感覺

赤貝都有
雖然我就無試過拍落去

一陣風之後再點下特別d既

其中有款無乜點聽過既魴鮄
我就覺得幾腥下

吞拿魚腦天同面肉都係第一次食
兩隻都變左火炙
腦天無記憶

面肉就有d咬口

所以都係正正經經叫番中拖大拖好過

原價加一

半價之後六舊水落樓
平時去壽司郎正常食都要四舊
呢個價已經差唔多食晒餐牌上面最貴果幾款壽司
真心算係咁
小二服務都正常
唔會話因為半價就會特別差
店舖就係黨鐵站出面
地點好方便
唯一就係要下午茶時後先有半價
但最重要係星期六日都有
不過其實都習慣左7婆指令無晚市之下
四五點食飯已經好普通
唔會話佢超高質
但呢個價夠收貨有突
真係再無需要去排唔知幾時先食到既壽司郎





除左呢間雲壽司
岩岩講既立鮨以前都有做過呢種半價優惠
我果時已經係二零年既時候去
而家望落最多都只係得番七折

旺角店

坐位都係吧檯型
但要立食


質素我覺得同雲壽司差唔多


海膽都比較新鮮




三板壽司半價之後食左四百五

不過呢個係兩年前既價
立鮨最唔好既地方就係要立食
食得好唔舒服
我真係好憎呢種食法
不過聽聞有d分店已經有位坐
但又已經無左半價
唔算特別抵了

咁除左壽司
另一樣我更喜好既就係魚生飯
即係以前食開平價港式壽司
基本都係乜野角切乜乜乜
唔係三文魚就係甜蝦濕鳩吞拿魚
就好似鋸扒淨係識食豉油西餐咁
而家搵野食都認真左
好似食意粉拉麵會想食手工麵
食pizza會想要見到個火爐
食中菜法國菜會研究下個主廚
咁食魚生飯同點心一樣都會想去專門店
之前去過拉麵陳同doraya覺得好足料好滿足
今次就試下另一間黃店鐵火堂
呢間每星期都會係自己舖面表演即劏藍鰭吞拿魚
不過果間就外賣店
我地去既係厚福街堂食店


星期六夜晚六點幾黎到仲有少少位可以直入
不過入面好滿
佢地座位係好好好迫

二人檯好似同人搭檯咁


因為係openrice搶到賞你食
可以用半價買到套四百蚊現金券
所以就可以食晒佢成兩個晚市set


咁其實佢係主打車仔飯



仲有壽司同設定好既刺身丼

晚市特價既五式藍鰭吞拿魚

望落好豐富
有齊晒中拖同大拖
兩款赤身同吞拿魚蓉
而且唔洗兩舊水
仲有半價
可惜拖羅係失望既
即係即劏吞拿魚呢件事係吸引既
但我完全食唔到個鮮味同油脂感
唔知如果係外賣店即劏食到既會唔會好唔同呢

反而另一個築地海鮮丼仲吸引


有飽魚
帶子
牡丹蝦
油甘魚
中拖
吞拿魚蓉
同劍魚
呢幾種刺身感覺仲新鮮過佢地即劏既吞拿魚
又再滿D



無特別既味噌湯


夜晚要加一

用兩百蚊券再補13.6
不過要用現金比
呢間都一樣有黃店通病
就係態度麻麻
食完就即刻收你野
問佢添飯仲變成直接埋單
唔知同用半價券有無關係啦
咁但係呢餐飯平均每人都係一百蚊鬆d
係超值既
不過抵還抵
就真係試過一次就夠
呢個質素下次又無優惠就應該唔會回頭了
食番生鮪或者doraya好過

魚生飯專門店感覺真係唔算多
屯門漁匠屋都係知名黃店但就未試到
比較多既係會去做左居酒屋
我就係唔太鍾意呢種太垃雜既感覺
再更多既係已經做左omakase
其實omakase既魚生飯應該唔差
不過應該無乜會咁咁樣特登去食
所以有一間原本做開廚師發辦
但而家轉型做魚生飯既海言就特別吸引

呢間一開業已經係關注組出晒名
而家要book既話只可以係每個月一號十一點預約下一個月份
我都係九月搶到一張檯
所以十月先食到呢一餐
不過佢地開六點半
我地六點四左右去到見佢個門口仲係落緊半閘

海言係由言師傅主理
師承見城俊二
同同門師兄弟係元朗開左壽司之神
後來轉開另一間壽司源
而家因為中環omakase太多
所以轉攻魚生飯

餐廳地方好細

前身係吉列豬扒專門店既porker
呢間又係我一直都未食到既餐廳

雖然主打魚生飯
但都仲有吧檯設計
叫做可以望到師傅整魚生飯

檯面只有茶同餐牌


雖然無做omakase
但呢個餐牌都仲有omakase魚生飯

但呢個係九月新價格
比起八月已經貴左五十蚊


先上前菜
平時去日式餐廳份沙律都只係做下樣扮下野既
但海言既沙律真係成道菜咁大份

仲有溏心蛋同蜜瓜
茶碗蒸就正正常

咁一場黎到緊係唔會齋食拖羅丼
試番佢個廚師發辦定食
一個飯入面有十五款刺身

份量好足
有d仲會有兩塊
不過唔係坐吧檯位應該誠意減半
小二只有落單果時有問過個飯入面有白子o唔ok
其餘時間只係得斟茶
我以為呢個級數好應該起碼上檯果時會有介紹下果15款係咩魚
真係就算比你砌到咁靚
但連介紹都無真係一頭霧水
小二亦都唔會同你講食魚生既順序
即係個位本身已經望唔到吧檯
完全係感受唔到廚師發辦既感覺
堅係有人食完哦一聲既感覺

另一個江戶前魚生飯

其實都係同廚師發辦差唔多
不過變左盒上同話係比較常見d既食材
但我覺得重覆性都唔少
不過因為鍾意食鰻魚飯
我覺得咁樣仲靚過碗上


咁當然係滿足啦
一次過食到咁多種類
魚味都夠鮮
比起鐵火堂緊係正好多
環境同氣氛都唔一樣
不過我自己道行唔夠
純粹只係感受到咁樣
並無話咁樣覺得特別好食
更加無可能作到個千字文出黎

最後先上既味噌湯


洗手間係後門格離
都幾乾淨


性價比低左
兩個飯加埋都貴左一成幾

連加一880蚊
平均每人要四百幾
咁當然係比真廚師發辦平
但感受係完全唔同
就好似食完一餐無介紹既廚師發辦咁
同想像真係有d出入
試過就好
比番個位其他人

其實言師傅以前開果間壽司之神
係二零年都有去過
果時同事請食飯
係我人生第一次食omakase
餐廳之前都講過話係見城俊二幾個徒弟開左
用左日本宗師壽司之神個稱號黎命名

餐廳而家裝修左
裡面環境都唔同左



個lunch set就揀左壽司13貫
有茶碗蒸同前菜


之後就係壽司時間
章紅魚


帆立貝


鯖魚


白魷魚


深海池魚


天使蝦


中拖羅

松葉蟹


螢光魷魚


赤身


馬糞海膽

出事啦
成件撻左落檯
好彩師傅都有整過另一件
仲話呢種情況都耐不耐會發生咁打圓場
不過覺得自己柒左就無影到件新既

甜蝦


最後係炙燒迫出魚油既右口魚


第一次食omakase
坐吧檯對住師傅真係會拘謹
不過師傅整得從容
同行友人又食得開心
可能餐廳地方細
吧檯位唔多
基本上只係做到兩三組客人
師傅當時大部份時間都係應付我地
大家都互有交流
咁我第一次既體驗係愉快既
食得好舒服
亦唔會因為跌左海膽而好尷尬
味道黎講未食過咩天價貴野
我覺得呢十三貫壽司已經好滿足
每一件都感覺良好

最後係有味噌湯


仲有甜品抹湯布甸


呢個omakase set只需要三舊水
我覺得就好撚抵屌
食物同氣氛都好
價錢又抵
雖然見好多人又話佢門面污糟又話食到肚屙
我自己就覺得唔錯既
不過呢個已經係兩年前既價
而家裝修完加到420

最近一次食omakase就係去左食拉麵陳
無計食唔起兩三千蚊果d
又想滿足下虛榮心

以前都有食過宗像屋佢地個魚生飯
不過疊到好高
每食一啖都總會跌咁d落檯
近大半年轉型做omakase
就採用網上買飛制
每個月分開上下半月
大約半個月前開賣
基本都係一開就會賣清
咁耐以黎都係賣996蚊兩位
我覺得呢個價都算合理價
本身我就係七月尾去食既
不過港女中左武肺
我地兩個都要隔離
所以就改期到八月中
又可以當係生日飯黎食

其實我真係唔明d人點樣可以又拍片又影相仲要唔知點樣可以食緊野
我真係完全兼顧唔到
仲可以每一件壽司都有千字文
真心係我質素低

餐廳只擺六個位
限定三組六個人
唔接受獨撚

一日做六個時段
中午三場夜晚三場
每一場限定六十分鐘
中間相隔十五分鐘
的確係見到都覺得趕
咁我地去到前一場仲未食完
就坐係側邊睇住佢地食
成個感覺仲尷尬

然後等上一手人走晒
再簡單清理完
就到下一場
成個感覺都幾簡陋

呢個set無餐牌
就真係唔知有無前菜
有幾多件壽司
有無甜品
只係靠見其他食過既人大概知有d乜
都有問有無野唔岩食呀
會唔會唔鍾意紫蘇葉之類既野
同埋可以影相不過唔好影到師傅

一開始上生蠔

都大隻同肥美

每人一杯既三文魚籽


刺身

小二係每一樣都有介紹既
不過講得太快聽唔清楚
同埋師傅淨係會專心整壽司
基本上同食客係零交流既

壽司有十一貫
其中一件係齋玉子
小白蝦


珍寶帶子


地金目鯛


關鯖魚


珍寶蝦馬糞海膽

燒左幾下

要講一下呢隻蝦真係堅巨型
一啖係完全無可能食得晒
完全違反定律
但係好正

玉子燒


活赤貝
有拍打

仲有卷物版本
佢話個次序係紫菜然後壽司最後紫菜咁食

中拖羅


赤身


生海膽


大拖羅燒


總共14道
去到食大拖卷之前就有講呢個最後一道
然後好似傳銷咁話即將會有個追加既項目
餐單唔比影相
仲有個神秘壽司係唔話你知
格離檯食完之後再問小二都係唔肯講
話係佢同廚師一齊諗出黎既
真心笑左

我地就叫多左件小白蝦同大拖羅


最後再上碗赤味噌


無甜品
追加兩件都唔平

本身只需要唔洗五舊水一個
仲要食夜晚
但追加之後就要差唔多六舊水
感覺無得抵食
所以窮閪都唔係幾建議追加
不過有群眾壓力係有些少難度
整體壽司醬油感覺太多
食完餐飯成個檯面都係醬油漬
而個飯就係差少少
有d鬆散
即係我唔會懷疑拉麵陳拎魚既質素
每件份量仲好疏爽
但整體真係唔算特別好
可能做番刺身即係金所咁就無得輸
而且佢環境唔算好乾淨
係度食又無乜交流
個心態就好似食緊普通手握壽司咁
真係仲有好多進步既空間




我自己仲未敢食貴既omakase
係怕自己配唔上果一餐
食法國菜都話可以欣賞下個外觀設計同感受下食材
即係食懷石料理都可以感受下
但omakase我自問未有咁既本領
大概好似買耳機咁
隻耳係聽唔出中價同高價既分別就係分唔到
或者再食多少少可以有更唔同既感受啦

本身都想寫埋壽司郎同鮮選
不過最後都係唔想寫連鎖店
始終都係無咩特別

DAY84 完




我應該都會取消埋新加坡張機票
雖然話食正聖誕節假期
但而家根本就book唔到平酒店房
而且十日新加坡真係唔知做乜鳩
更重要係佢將我兩班B787-10都轉晒做A380
但支那仔真係好廢
打香港寫字樓又話我係打去北京book改唔到
而家send email係完全無回應
可能又要打過去先改到
真心唔會再儲支航里數

Arbor未去過
Amber就book左晚夜未食
見佢weekend係飲酒set試唔到

正宗拿玻里主張係用手將pizza摺埋黎食

原來咁食

係
去左little napoli食真係好正

去左嘉里酒店
本身睇相好新淨
仲要係用名師設計
以為會幾正啦
但住落就發覺只係一般般
唔可以同港香相比
成間酒店只得一間高級少少既餐廳紅糖
但呢間中菜都只係普普通通
難怪米芝蓮係完全睇唔上眼
早餐係lounge食亦都好混亂
真係試過就算
呢個價位真係唔抵比



DAY85 香港迪士尼公園(上)

之前有去過海洋公園staycation
今次就去左迪士尼
但因為迪士尼酒店柴房普通套房又太貴
所以就無選擇係度過夜
不過就買左張叫做雙重暢玩既門票
699蚊可以入兩次迪士尼
我覺得個價都算係OK
當然如果配合到酒店就仲好啦

原來個門票有效期只係去到一月中
但因為武肺又搞到周圍停業
結果第二次就變成左五月先去
兩個日子就差唔多相隔左半年

第一次就係聖誕節正日去既
黨鐵迪士尼線係有迪士尼專用列車直達園區

車廂設計都同普通列車好唔同
連車窗都係老鼠形狀

如果唔係黨鐵就會好興奮

迪士尼站個設計都幾有特色

不過真係太多人
幾乎係推住行



連相都影唔到


如果係以前去旅行
好似去環球影城既話
我會選擇係一早開門就入場然後玩足一日
不過自從有左港女之後
呢一切都會成為泡影
相信以後去旅行都唔可以再隨心想去邊就去邊
可能一日只可以去到兩個地方
仲要cut晒所以會上山既行程
咁所以
我地黎到迪士尼已經係十一點半


用呢個兩日飛入場佢仲要同你影張相

雖然我唔知第二次入去果時佢係咪真係會有對相啦

指定打卡位


因為聖誕既關係多左棵聖誕樹係門口


people mountain people sea


真係on9先會一入場就睇紀念品浪費時間
但所有我曾經覺得on9既事
好似都會發生晒係自己身上

每次入主題公園
拎番張地圖留念係指定動作
通常仲會有唔同語言版本可以收藏
但而家已經無晒呢d歌仔唱
時代唔同
地圖已經電子化
download佢地迪士尼apps就可以睇到
我真係好憎呢個模式
明明入主題樂園
手上面拎住個地圖點行去邊玩先係最開心既事

第一次黎果時大約係零六年左右
果時睇地圖覺得迪士尼好細
可能去過東京迪士尼有對比
但而家人大左
反而覺得無記憶中咁細

連表演時間都要睇apps就真係好麻煩
因為諗住會黎兩日
所以佢地d表演我諗住skip左佢
今次淨係玩機動遊戲
下次黎先一次過再睇
但可惜下次五月黎果時獅子王係暫停公演

過左紀念品街就係城堡

果時去莫斯科
見到地下有呢d鍊成陣

係會有人拋銀仔
然後會有d阿伯會拎枝棍去吸人地d銀仔

穿過左城堡就係幻想世界
第一樣玩既係轉轉杯

以前玩呢d野就無乜feel
而家慢慢我已經融入左呢個環境入面

童話園林
就係一個小型迷宮
入面有好多童話事同城堡造型



have a magical day


有職員睇住既行走垃圾桶

穿過toy story就係迷離莊園
呢區有間冒險家餐廳

而家轉左做半自助餐
每人一份正餐加自助前菜甜品

其實係呢種環境
講緊一個漢堡包餐都過百蚊
咁樣都係二百五真係幾抵
職員話唔知點樣仲有九折
即係唔洗加一
不過黎兩次個港女都覺得應該花時間係玩之上所以就無食
然之後佢每次走果時又會後悔點解唔係度食埋先走

迷離大宅
一架架跟地板軌跡既獨立車係唔同場景轉黎轉去

都係講隻馬嬲為主

入面太黑又轉得快就唔太影到相


入到灰谷山谷有live band




港女第一號喜愛既機動遊戲

灰熊過山車

佢聲稱可以玩一日
記得以前同表妹黎玩佢都好鍾意
明明玩過咁多次都已經知道去到後尾會倒轉行
但都仲係wewa咁叫

行完灰熊山谷都兩點九
仲其實仲未有食lunch
所以係度買左爆谷食

38蚊盒紅黃綠色


以前好似三點巡遊
個時間都唔同左

下午最後就過左明日世界

呢d漢堡包都舊幾水

所以頭先果個半自助真係抵食

呢幾年先有既marvel區

認真
我對成個迪士尼唯一有興趣就只係得呢度

呢度有cosplay演員



成個迪士尼最多人排應該就係ironman



個機動遊戲就係飛船型既4D影院

入面真係搖到痴撚左線

估唔到一排就已然成粒鐘
五點差唔多夠鐘睇城堡show排唔到多個遊戲
又番左去買野食
疫情有樣野好
就係佢有d餐廳唔開
變左休息區

港女去買左炸魚薯條番黎食