[長氣多圖][無限期] 香港staycation之旅(3)

一講到m+藝術館
其中一樣好大爭議就係艾未末既展品
有好多都因為自我審查唔擺得出黎

我眼見就只有呢一件係度

可能仲有其他miss左

呢個館都係d諷刺時弊既作品



金與灰

你唔睇解說根本就唔會明


完全搵唔到條戶外扶手電梯係邊度

亦都未搭過


我砌既


誠信遊戲

bam圖

地下仲有一個關係香港既展區



有九龍皇帝既展品

當年係觀塘老母讀書
周圍都可以見到佢d真跡

呢間漂流家室

相傳當年曾經係維港漂流
作者而家已經定居台灣


遊戲機中既香港

最為人熟識一定係莎木同sleeping dogs

但其實仲有一隻古惑仔online
當年真係好破格
仲未夠秤都叫老母買隻game番黎搵番自己屋企係邊

連埋鬧交時間就係藝術館行左三個鐘
睇左無十成都應該有九成既展品掛

走果時見到原來M+仲有戲院同餐廳


不過香港已經變左一個連蝙蝠俠都唔播得既城市
呢個戲院應該就無咩價值
想睇獨立電影我都係番去電影中心或者多戲高登先

咁當然仲有精品店

不過入面d野都幾貴

之後夜晚過左對面海食任食牛扒
呢間frites肉dee都介紹左好多次
分店都好多間
九龍香港都有
見銅鑼灣最多人比分
所以就揀左呢一間分店食

個位就係sharishari後面條巷

比利時餐廳裝修唔錯

不過主要都係長檯長凳
位就唔算特別好坐
同格離距離都近

仲有窗口高檯


開放式徐晃


frites最大特色就係星期一至日每日都有佢既主題

好似星期一夜晚係任食青口
咁星期六日夜晚就係任食美國安格斯西冷

但其實見都唔係好多人叫任食
所以都仲有好多單點menu


呢度小二絕大部份都要講英文
不過態度唔差既

點左任食之後就會上第一份扒

餐牌寫三十蚊可以加薯條
但第一碟就會有跟埋
事實係一份薯條都夠晒
想任食薯條去番top blade果d啦

其實賣相唔差
上面有pet醬同埋會有粒車厘茄
叫左medium rare
入面都好粉嫩

但塊扒真係好多筋勁難切

未食完薯條已經可以落第二塊

今次叫左medium
呢塊就濃好撚多
仲un左好多

所以之後果塊直頭試左rare

又真係變番無咁濃
而且佢都真係煎到medium rare咁既feel
但由呢塊開始感覺好似無咩調味咁

事實現場環境真係好難黑
d相勁難影
一開始六點入黎餐廳都唔多人
後來去到七點幾都已經full

之後就全部要rare
不過開始飽就續塊叫黎share慢慢食


其實我一直落單都淨係講個生熟程度
但唔知點解後來塊扒連醬都唔見埋


佢地塊塊扒都好飄忽
有d勁多筋
有d又好un
整體黎講真係中下水平
但始終係放題級都無咩好強求
我地六點入黎
去到八點以為已經食完
但小二又無崔你走
繼續落單佢又ok
最後食到八點半
兩個人一共食左十塊

395蚊一位
淨係任食扒加一碟送既薯條
無飲品無甜品

連加一就八百七埋單
即係平均八十幾蚊塊扒
平時去超市買一塊正常既都要呢個價位
所以如果食得落咁多既都算抵食既
聽人講青口好食好撚多
見格離檯單點係幾吸引
但任食就要星期一先有
暫時都仲未試到
呢度服務正常
唯一係要用英文落單比較麻煩
環境氣氛有feel
見佢都可以包場慶祝
曾經我都有諗過不如係度擺酒算
但唔識英文就打消左個念頭


DAY99 完


下星期去澳門兩日一夜
諗緊係度繼續寫定開新po好
同埋開左關咁耐
由原本真係無咩興趣去旅行
到最近呢幾個月
連登周圍都係遊記
日日都係緊點book米芝蓮餐廳
又會開始有條癮日日睇google map
反而大日子仲有懶懶地
book左場地
整左西裝
搵左人影相
造埋喜帖
但無影婚紛相
無搵佈置
無搵mc
連兄弟姐妹都唔搵
我都覺得自己好鳩

樓主仲晒咁多錢係香港洗
儲起佢去台灣玩個3日2夜仲抵啦

上年黎
同埋去台灣邊洗儲錢

我意思係將香港玩既經費轉去旅行用
小妹好窮, 去台灣都要儲錢

我都想短短地去台灣架
但佢輪班請唔到多假無計

星期56日走一轉都得啦

DAY100 香港嘉里酒店(上) 貴賓廊 貴賓廊 紅糖

自從去完海景嘉福之後
原本已經無晒目標酒店
本身諗住staycation呢樣野就完架啦
但由九月尾開始
香港取消左入境檢疫隔離呢個規定
意味住咁多間隔離酒店一下就要變番接待普通人住既酒店
咁但係0+3又未算正式通關wor
所以係2022年年尾既時間
幾間五星好似嘉里同置地文華呢d酒店就唯有出招吸客
變相我又有機會真係住得晒福布斯五星既所有酒店
係2023年黎之前就住左嘉里
瑰麗同置地文華
都算係無憾了

當時嘉里酒店優惠就出得最快
即刻就整左個套房送兩千蚊dining credit既優惠
諗起佢轉做隔離酒店前都好似無咩點平過
今次咁岩要幫廢老慶祝生日
就用左呢兩千蚊credit去食紅糖
點知book左房之後幾日
嘉里酒店再出多個限時優惠
就係現有優惠再額外九折
係四千二百幾就可以住到行政海景套房再有兩千蚊食飯
而且仲可以免費upgrade
可惜呢個優惠係無得更改既政策
再問落去都係唔比我轉
真係早book無著數
遲book平五舊
咁不過我而家減番dining credit都叫做淨房價3k以下
都算係可接受既水平
嘉里酒店仲有間叫做超豪華海景露台房
呢間細行政套房少少
但價錢更貴
不過浴缸就會有窗景
而且仲有個海景露台位
感覺會更加正
可惜佢只係屬於行政客房類別
只會送千五蚊dining credit
咁樣諗諗下都唔係幾抵住

嘉里酒店顧名思義就係由嘉里集團擁有同管理
都係住香格里拉果時研究過先知
原來香格里拉集團係嘉里集團旗下公司
即係嘉里酒店都係香格里拉酒店品牌之一
不過牌子都有d唔同
而家酒店用左集團個名
應該算係一個全新既品牌
除左香港亦都只有北京同上海兩間

香港嘉里酒店2017年開幕
位於黃埔碼頭
開幕到而家大約五年幾
感覺都仲算幾新淨
而且同奕居瑞吉一樣係由名師傅厚民所設計
直接就將格離間九龍海逸君綽比左落去
誠仔間酒店雖然都係新裝修
但就完全唔係企係同一個水平

呢間酒店疫情之前都黎食過一次自助餐
可能地方較偏
唔算好多人
食野比較輕鬆
最記得係有分子雪糕
應該都係賣點之一掛
不過今次早餐無開係自助餐廳
所以就無得再去了

黃埔呢幾年已經變左我第二個屋企咁
對呢一帶都算幾熟
仲記得嘉里酒店有個出入口直頭係巴士總站15號格離
不過疫情要掃安心上路就無開放
兩點零鐘去到大堂見都要排隊
就直接問職員係咪可以上lounge checkin
呢度職員都算係友善既
而且都好後生
最記得lounge入面有個泰仔
當日入住手續都係由佢處理
但始終都唔係福布斯酒店
所以由入門口到上lounge行李都仲係要自己拖

其實朝早十二點係香格里拉個apps已經收到通知話間房準備好
我地兩點半黎到搞一陣就可以上房
第二日佢都比我地可以兩點半late check out
所以叫做可以住到廿四小時
不過因為仲未食lunch
所以安頓好又即刻落番黎食野

仲係疫情期間
早餐只有星期六日先會開係大灣咖啡廳
而我地星期日入住
所以係星期一食早餐
就只可以係club lounge入面食

下午茶時段亦都有變
星期一至四會係樓下lobby lounge或者酒吧red sugar食
而星期五六日就會係番club lounge
即係我地呢兩日所有既餐飲都會係club lounge入面享用

嘉里酒店既club lounge開係八樓


因為太近海
所以就算低層都有個完全無遮掩既全海景

呢個角落位亦都最受歡迎
我黎三次都坐唔到

再入面直頭係黃埔花園景


佢海景位真係算少


所以我黎幾次都係坐呢邊半海景位

其實個view還可以

下午茶種類唔算多


大概可以砌到個三層架

但呢度就無咁優雅既廚具提供

飲品除左落order都有自助既



茶具同佢地酒店個feel都幾貼近


洗手間

對上咁多次staycation大部份都會一去到就食個lunch
今次credit唔夠咁樣做
所以下午茶就唔會濟住去食
食完就番上房9hea

電梯幾大部

起晒角咁既設計
係好傳厚民feel既

介紹番
一樓係大堂
其實呢層有好多野但佢無寫出黎
有髮型屋啦
又有foodcourt百味村
亦都有八婆下午茶大堂茶座
二樓係ballroom
三樓自助餐大灣咖啡廳
四樓係泳池同gem room
五同六樓應該就係有露台房既客房層
七樓係中菜廳紅糖
紅糖入面仲有間同名酒吧叫做red sugar
八樓就係club lounge
而九至十六樓都係客房樓層

客房電梯大堂有梳化同城市景

感覺咁樣真係比較開揚
無密室咁死氣沉沉

今次我地係住到十六樓

好似第一次住到頂樓

1634


今次既套房並唔係尾房
而係對海比較正中既位置

下面海景房而上面就係城景客房
超豪華房同豪華房只係大細既分別
可能轉灣位比較大小小既就係超豪華海景房
而行政海景套房就咁睇呢一層就應該得一間
對面間大房唔知係咩房型
最右手面望落似係有露台既唔知係咪就係總統套房
特色海景套房呢層應該無
同埋其實佢個平面圖就無畫晒成間酒店出黎
因為係酒店最左手面應該有棟矮建築係直突海邊
果個矮建築最出正對海既果幾間應該就係超豪華海景露台房

一入房門係客廁

同瑞吉個feel差唔多
就咁睇相都好易會認錯

話說呢間係嘉里最細房套房
不過都有超過900尺
有客廳有飯檯
但格局唔算好特別

望落就似係兩間房打通咁

住左兩年酒店
香格里拉集團迎賓禮物都係比較好
不過今次就只有生果同朱古力塊



客廳就有張梳化同對海既貴妃椅

另外茶几都有兩個

櫃身mini bar


但同lounge差太遠
送既竟然係cool水


不過下面雪櫃都係任飲既


海景廳同房都係一樣既

望落下面紅磡碼頭同對面城市花園同和富中心

其實仲可以望到泳池

酒店無做隔離酒店之後其實都唔算多人入住
都好少係睡房樓層見到其他客
另外右手邊就係之前講突出黎既露台矮層
頂層就係中菜廳同層既酒吧red sugar

睡房



一樣有張貴妃椅可以望海


不過部電視為左唔遮住個海景就整到好細部


床頭有無線充電

廳同房都有部濕鳩小米空氣清新機


燈制

窗簾當然都係電動既

浴室門口有個半開放衣帽間

洗手間好似由超豪華房起都已經有雙洗手盆

套房個浴缸設計就真係好普通
有某d普通房型都有窗景設計
可能呢間唔係尾房做唔到
之但係最最最差都果係部電視機
細就唔可以話細
但真係擺得太高
而且可視角度超窄
浸住浴係完全無可能睇得到個畫面

備用品


風扇都係普通野


坐廁有獨立空間


企缸就好大好深

係真係無咩需要
所以話其實呢間套房設計只可以話係一般

洗頭水只係同九龍香格里拉同一規格

比港島香格里仲係低一級

未夠鐘食黃昏小食就落左去轉左個圈


大堂電梯大堂


大堂夠大
連休息區都好位


當然都有打卡樓梯同藝術品


格離係大堂茶座

平日既下午茶就會落黎食
可能會用到三層架添
其實食咁多餐都係lounge真係悶
我會想下午茶黎大堂茶座
早餐係大灣咖啡廳
黃昏雞尾酒時間先上lounge會開心好多

reception已經無人排


意式沙龍

望落去裝修都好型

對面唔知算唔算屬於酒店既foodcourt百味村

入面係唔可以用dining credit既

牛扒望落去都唔算好貴



其他望落就有d 19


不過就叫做有波睇下


座位唔算好舒服

但係人流都唔算多

都有d game可以玩下


外面係咁既設計

都有戶外呼吸位
亦都有扶手電梯可以由碼頭上黎

酒店弧型設計

睇番最頂樓即係16樓最右手面就係露台位
似係總統套房
而我地間房就係最頂層彎位左少少咁
唔知點解下面有間房係開左窗

百味村外面有條花園路可以入番酒店


仲有噴水池


其實酒店周邊環境都幾唔錯
而且唔算太近黨鐵站
唔會話好嘈
不過就算出番去aeon果隻船都係幾分鐘路程
叫做靜中帶旺咁啦

到夜晚上lounge又係得番半海景檯


出面多左酒水選擇



沙律


cold cut


熱食算係咁


甜品都有轉到既


因為一陣仲會去食正餐
雖然唔算好多

叫做岩岩好啦

呢個lounge竟然仲有pop up野

每檯一份有d驚喜
除左下酒小食
呢件以為係車厘子

但入面係芝士黎
幾特別

食完接埋廢老上番房

已經見到開左床了

咁時間都差唔多
book左七點半
又連續去食第三餐
七樓中菜廳紅糖

呢層好似都有客房
成日覺得如果住果層有餐廳或者lounge應該會好嘈

我成日以為red sugar就係紅糖既英文名

原來紅糖既英文名係叫做hung tong
而red sugar其實係一間酒吧既名

紅糖
係三間五星香格里拉酒店入面唯一一間無星既中菜廳

唔係用上傳統香宮名字
而係紅磡個紅
餐廳都用上紅磚外牆設計

殖民懷舊風味
無用上豪華吊燈
同香格里拉兩間中菜廳完全唔同風格
都幾切合嘉里既定位

作為海景酒店當然仲有海景窗口位

窗口可以望埋露台樓層果d房
其實環境係唔錯
不過座位雖然幾闊落
但檯同檯距離算係比較窄
會聽到格離檯講野

而家紅糖由余偉經師傅主理
余師傅由酒店開業之前已經加盟
聽聞中午點心都幾精緻
條金魚點心比其他酒店造得更精緻
不過成家人都夜晚先得閒
所以只可以book夜晚黎食

檯面真係幾現代

四人檯有梳化位
無檯布

檯面已經有預設三色醬


茶壺都係跟番餐具既深色


餐牌有余師傅介紹

上網睇過余師傅之前係主理台灣W酒店中菜廳
所以一直都係創新風格

皇牌推介

都係偏貴既選擇
如果唔係老母食齋既話我應該會叫龍蝦湯泡飯

香港五星酒店好在大部份可以係網上下載到餐牌

而家諗住去澳門睇一睇根本就唔知有咩食

同老母食飯當然都要揀番幾碟齋
前菜得一兩款選擇
就叫左素鵝

一舊水係酒店黎講算平
腐皮卷我不嬲唔鍾意
所以呢塊脆皮香口就感覺好好多

之後都係齋
本身想叫素千層
小二話同素鵝差唔多建議轉另一款可以試多d
所以點左如意吉祥

真係亂叫
睇個名根本就唔知咩黎
上檯先知原來係炒素雞

服侍完老母就叫番正常野
上網睇過紅糖好似乳豬係比較出名
而且餐牌仲有兩款
比較貴果種叫做鵝肝醬片皮乳豬件
有兩行簡介話係用炸饅頭同乳豬夾埋鵝肝醬
但我地想叫果時已經賣晒
無緣乳豬就唯有叫番最正路既叉燒

佢都有寫話係黑豚肉叉燒黎

都算靚仔而且有厚度
不過無乜濃邊
亦都唔算太淋可以入口融化
同其他名店仲有段距離
所以我本身先想叫乳豬而唔係佢

食食下望見出面有隻閃晒燈既船

應該係d觀光船由紅磡碼頭出發係維港轉個圈之類既野

有豬有牛有菜
咁都想試樣魚既

其實睇佢餐牌真係可以見到玄機
話說荷葉鹽焗鱈魚球並唔係皇牌推介亦都唔係紅糖精選
但佢下面竟然係有兩行文字介紹
寫話鱈魚連皮煎完用荷葉包好
再用炒熱既鹽黎焗熟
所以呢道菜真係比較有特色既
以西式手法呈現
都有餐廳風格
而且仲幾好食
不過就係咸左少少

酥炸和牛面頰

唯一點既皇牌推介
之前係萬豪金殿食過
想睇下有無大分別
原來賣相真係一模一樣
不過就無左碟沙茶醬
同埋可能唔係米芝蓮餐廳
價錢比較平
食落膠質感較重
今次多人食份量就岩岩好

田園炒飯

呢間紅糖就無上菜順序既
應該煮好就出
個炒飯仲先過兩份主菜上
不過另一邊睇就叫做可以拎牛同魚黎做餸
而個炒飯就係比較清淡
始終又係碟齋

訂檯果時有問過
點甜品拼盤就可以寫生日字

拼盤有核桃酥
奶黃小柑桔
同青蘋果菊花凍
都係佢地餐牌有既甜品
賣相同味道都算唔錯

拼盤得三份唔夠分
所以叫多左個棗皇糕

老母鍾意
岩岩蒸起暖笠笠
口感亦都夠煙韌

紅糖洗手間比起lounge更靚

仲可以一邊屙尿一邊睇窗景


廁所位置其實係酒吧red sugar果邊

呢邊比餐廳少人
座位望落更舒服

出面仲有露天位
就係出面矮建築既天台

出黎望海一流
但真係幾大風
所以都唔覺有幾多人會出黎坐

室外仲有千秋同水池


環境其實都正

望番入去就係紅糖

即係紅糖先有海景
而red sugar就係天台同水池景
如果咁岩住上一級就會好似marco polo對住個停車場咁近

茶位28蚊位
無其他收費
算係正常價錢
好過好多19酒店

連埋甜品七道菜
四個人埋單二千零八蚊
岩岩好用盡dining credit
價錢唔算貴
不過可能地段關係啦
始終唔係太高級既食府
家庭客較多
所以上菜無順序
而且服務都只係正常
唔會有貼心舉動
斟茶亦都要自己手動
整體既話大約同天外天差唔多級數左右
無太特出既地方
都難怪未入到米芝蓮既行列既


送左廢老走之後就番房睇波

睇英超係無問題
但佢無bein sport
即係睇唔到意假
而且全程都只有英文旁述
打過電話問職員佢話酒店設定係只可以聽到英文聲道
大顛
之後入廁所沖涼
有一段時間會聽到廣東話旁述
但過多陣都變埋英文

呢個就係訓係浴缸望到既視角

黑撚媽媽乜鳩都睇唔到
開電話睇好過


嘉里酒店硬件望落係唔錯既
不過整體就未必好貼心
好多野都唔係咁人性
同埋送既野都好普通
佢定位雖然唔係一間奢華酒店
但個價錢真係直迫超五星果堆
就真係比想像中無咁抵住


DAY100 完