[長氣多圖][無限期] 香港staycation之旅(3)

閂埋房門望唔到廳
唔鍾意間房就咁得四面牆
個感覺仲細個屋企唔知去黎做乜

美利係抵玩既
但野食好怪
兩個sunday brunch時間都勁少
仲成個集團都無中菜部
間中菜唔係自己野

留名

上星期去左睇緣路山旮旯
本身知道kaki做主角果邊就已經幾期待
再加上配埋五個住到山旮旯女主角
同埋係點對點將香港拍到好靚既導演黃浩然
就好好奇到底套戲會係點
可惜情人節果時封左戲院無得上影
電影亦要遲左半年先上
前幾年港產大部份都係講社會議題好壓抑
今次呢套走輕鬆浪漫路線
我同格離果個都睇得好舒服
睇完之後我就去左西環搵第二塊界石
去埋瀑布灣
就好似之前玩過隻介紹島根縣既方根書簡咁
玩完之後就真係對島根興趣深左好多
而緣路山旮旯仲一直有出過本地深度遊
唔知會唔會有機會參加呢



DAY80 香港港麗酒店(下) 咖啡園 金葉庭

呢幾次去酒店都真係訓到差唔多十點先訓
因為都習慣左呢種環境
算係開始訓得好
尋日張紙都睇過
港麗算係早餐比較多既酒店
有三間早餐可以選擇
比起正常多左一間
可以去59樓lounge
5樓大堂既lobby lounge
或者4樓既garden cafe
最重要係三間都開到十一點
而基本上三間都係自助餐
大概都係差唔多既野食
咁我就緊係去番佢地原本果間自助餐餐廳食早餐啦

今次成十點半先落到黎
唔需要等位
餐廳係四樓出口同泳池格離
入到去都見佢地仲正常運作緊
無話差唔多夠鐘開始收野

今次我地坐餐廳中間

呢個位唔算窄
正正常常size同擺盤
不過就會多左兩級樓梯
比其他位高少少
唔知係咪就番出去戶外泳池位

出面算係池畔酒吧位
應該係可以呼吸既
都見早餐有d廢老坐左係外面食早餐

我地中間座位叫做打通左四五樓兩層

空間感比較好

另外泳池景果邊樓底就比較矮

果邊座位亦比較多同密

一樣每人有一杯野飲

比lounge好係有茶壺

臨走果時清場準備lunch buffet時影既

自助區都幾細
一眼已經望得晒
前面有冰檯用黎放凍盤海鮮
後面有live廚師同熱盤
左面放甜品之類

而家冰檯放左生果

四盤cold cut
尾段都仲有refill

兩款芝士

綠色植物

日式早餐有蒸強

比較特別仲有玉子燒

最後係果汁


熱食由門口果邊開始係西式

都係強豆薯餅煙肉腸仔之類

格離係麵檔

味道正常

反而係臨收檔仲有唔少選擇

格離live蛋檔問佢可唔可以整egg benedict
師傅話可以入面整
之前就直接送上檯

呢兩隻強面有燒過
望落去都唔錯
而且有調味
唔係單調水波強
比想像中有驚喜
本身仲以為會同九龍香格里拉差唔多

中式食物

粥類都多配料
有油炸鬼

另外點心賣相幾得意

有豬仔同熊仔貓

成個早餐比例最多既反而包餅區
有超過十款麵包

仲有葡撻乳酪果醬

菠羅包就一定係最搶手

但可能擺得耐
亦都無好似葡撻咁樣照住
口感一般般

成個咖啡園種類唔算多
但放得幾簡潔整體
同埋都集中唔洗周圍搵
至少擺得比文華東方美觀
整體我覺得無kiki & may講到咁差既
不過時間真係唔多
而且轉頭都有lunch
今次唔算食左好多野
服務黎講就正正常常
不過廚房肯整班尼迪強
我覺得都算係咁了

門口格離有樓梯上大堂

而洗手間就係中間閣樓層

都幾大間
不過要上上落落就唔係幾方便

咁番上房最段都可以講下間房

始終咁多年歷史
無可避免花痕真係多既

但佢地房間設計絕對可以接受
呢間海景套房可以望晒維港同半山景色
呢個價位真係可遇不可求
至少我而家都仲未見佢有再推出過

今日天氣都係差唔多




一點check out後未夠鐘就再行多陣

大堂空間真係好大
但完全無諗過用黎做任何其他野
只有窗邊有幾個休息位
廁所亦要落頭先自助餐果條樓梯先有
就應該比較少人入黎借廁所
香格里拉會方便好多

停車場門口

港麗康萊德香港


朱銘既作品係文化中心都見過
有次夜晚係ymca自助餐望落去都幾詭異

唔知港麗門口出面呢d又邊個設計啦
其實呢層平台花園都幾多呢類型人像係度

我地尋晚就係住呢個角落既海景套房

見到佢地有個尖角
有玻璃果邊就係客廳
即係其實係可以做到連個客廁都有景既
另一邊密實既就係睡房

格離就係香格里拉
原來兩座設計係有D唔同既
住完港麗先知

JW更加係完全唔同既設計

咁基本太古廣場四間都住晒
基本就唔會再番黎
唯一會考慮既就應該係港香新設計既套房
不過真係太貴
應該永遠都唔會有特價
或者下次過黎食cafe too或者龍蝦吧掛

由平台花園可以望番入面樂聚廊

又可以望到泳池

結果金鐘三個泳池我一個都去唔到

一點半入番酒店食中菜金葉座
金葉庭
由2009開始已經係米芝蓮一星餐廳
中間曾經試過有兩年無左星星
然後由16年開始就再無入過米芝蓮
而家由係金葉庭工作超過廿年既尹鐘耀師傅帶領團隊

認真
呢間中菜我就真係無乜點期待過
網上都比較少聽人講
亦唔覺佢有咩特色既招牌菜
同埋佢以前有做過超早市既點心放題
令我對佢地點心就無咩特別興趣
仲有我係門口影相
位小二仲想同我產相
真心係第一次遇到

入到去餐廳入面就覺得好細間

就係一個長方形餐廳
無景既中菜廳都見唔少
至前去過香宮夏宮明閣逸東軒呢堆有星既中菜廳都無
不過金葉庭就真係特別細
坐係度一眼就望晒
目測只得九張檯
入面應該仲有vip房
頭頂亦都無尋日係意寧谷見到既金菜
只有呢款燈籠吊燈


呢度餐檯大部份都四四方方

得我地後面有張大圓檯
有檯布
亦都有隻琥珀綠既大碟
擺得幾整體企理

牙籤盒


餐牌

午市套餐有三款
最貴有四人用既九度菜

點心都幾貴

完全係拍得住有星果d

時令菜式都無咩特別吸引

最後就叫左一平一貴兩個套餐試下

呢度有濕手巾提供

不過特別有樣野想講
茶開左之後
我地都落埋單
但結果過左成廿分鐘
係完全無人幫我地斟過茶
隻杯係一直都空既
認真第一次遇到呢種情況
講緊唔係普通酒樓
而係要每人收三十蚊茶錢
另外呢碟XO醬仲收左四十蚊

即係茶芥兩個人加埋一共收左成舊水
係六星級中菜都未會收到咁貴
結果全餐飯都係自己手動斟茶
完全零服務可言
真係抵佢地比人搣星既

我地叫左兩個套餐
一個係688既精選午市套餐
另一個係498既時令午市套餐
前者同後者最大分別係多左一道綠齋菜
一共係七道菜
望落去成個套餐算係比較吸引既
有點心有燕窩有蟹蓋

精選午餐第一道就係點心拼盤

一籠三件
蝦餃燒賣同菜苗餃

春卷另上

都係大路點心
無話外型點破格法
賣相同味道都算正常唔突出

而時令午餐腐皮卷同蒜泥白肉卷

揀兩個唔同既set可以試多好多野
不過每樣都就只有一件
而我自己本身就唔鍾意腐皮卷呢樣野
真係一分錢一分貨

雞茸燕窩羹

成個羹好杰身
雞味濃
估唔到呢個價位都有燕窩

另一碗係竹笙菜膽雲腿燉北茹湯

望落普普通通

入面都幾足料
清清地都可以

第三道係蟹蓋

呢個蟹具可以合埋
得意過香宮明閣果一款

金葉庭整得比較薄身
一樣都炸得酥脆
係表面無咁金黃色
同樣係一梳梳蟹肉咁筆出黎
食中菜
叉燒都話分到口感軟淋
但蟹蓋真係試過幾間酒店中菜廳口感都係一樣無分別

炒龍脷球

兩件都炒炒得靚仔香口

黎到呢度成個餐食左大約一半
除左開頭無斟茶之外都仲係覺得唔錯既
上菜時間都控制得唔錯
但可能之後唔夠時間啦
就開始亂黎全部一齊上
其實如果時間太趕既話可以唔比我book咁晏
或者落單果時可以講聲
咁樣我又覺得求其左d
同埋之後幾道菜都好重調味

南瓜香燒班球

菠羅山楂川汁爆蝦球

去酒店咁多汁既菜式真係唔常見
搞到好似食緊汁咁
同埋個時令午餐感覺有d重覆
又龍脷球又蝦球

精選午餐多一道齋

上湯竹笙扒時蔬
對於食肉獸既我就唔識欣賞既
所以成日都唔想叫set就咁解
實有一兩道自己唔鍾意既野

兩個炒飯又係差唔多
金葉庭炒飯

楊州炒飯

前者多左蛋白同肉粒
後者就多蝦粒咁樣

可能本身已經無服務
唔預佢會有咩貼心既行為
但後尾都拎塊布出黎遮一遮醜

其實去到尾後其他客都已經走晒
得番我地係度等甜品
果時已經差唔多三點
見到職員都準備落場收檔咁
搞到好似阻住人
成個感覺麻麻地

最後係好濃既蛋白杏仁茶

同埋心型既香芒布甸

雖然都唔錯
但就好似要快D食完快D走咁

金葉庭自己有獨立洗手間
唔洗同自助餐共用

食左個半鐘都無
呢個時間食set既話真心趕

兩個set
茶錢加埋醬成舊水
正價1414

package跟左千二蚊dining
要補番二百幾蚊離場
平均每人要成七百幾
真係散叫好過
感覺餐廳食老本
靠熟客支撐
服務無乜
菜式亦都唔特別
講唔到有乜signature
見個套餐同兩年前都係一樣無轉過
真心同其他酒店中菜比落去
唔難怪佢已經咁多年同米芝蓮無緣
比我就唔會再回頭
大把服務環境食物更好但價錢差唔多既餐廳可以選擇


最後由商場離開

門口就係太古廣場3樓dior格離


番到屋企再打開d紀念品

盒朱古力算係幾有誠意
屌打文華東方

咁講港麗的確係好福布斯四星
老牌酒店
有自己既定位
但唔會覺得佢地會有進步空間
的確係住一次就夠系統
都無乜野值得留戀既地方


DAY80 完


都有兩個月無去玩酒店
今次去左海景嘉福
雖然間房就好普通
不過個半海景比想像中好
唔洗打側已經望到海
食物既話theo mistral個brunch好有驚喜
龍蝦湯都有得任飲
仲要價錢只係港麗既一半
用dining credit都可以有折
另外個lounge又好靚
但唔知點解勁少人去
總結開唔開心就真係好睇彩數
前檯check in果時個女人話套房唔比入cafe m食早餐
之後去lounge問又話可以
但因為太遲問已經full左
可能地下班人真係做到燥晒
不過走果時有個肥仔都好好人

想了解下啲打手文，謝謝師兄

想睇

睇打手文？

係

中菜唔係自己㗎
我仲諗住遲啲去嘅時候試吓㖭
見佢除咗taipan全部餐廳都好似麻麻，係間紅棉唔多見食評

係呀
lubuds集團
唔用得dining credit
以前果間國福樓都係福臨門開既
其實我覺得the tai pan同garden lounge都係同一個廚房
完全唔知兩間有咩分別

唔怪之得咁少人講，酒店餐廳片都唔多條
如果package冇dining credit 我都照試吓先
對美利啲西餐冇乜興趣

明日戰記睇到頭都暈
唔記得邊撚個宣導話套野好香港無支那語又無英文
但戲入面隻個支那仔真係柒到好撚嘔心
即係用幾多香港情懷黎包裝都無用
香港電影係應該要多元化
或者對香港真係好重要
我都有睇imax支持
但我會更加傾向係緣路山旮旯呢類型
始終係貼近我地
有共鳴既作品


DAY81.1 吉田舍料理 竹里烏冬居酒屋 嘉兵衛日本料理 活水和風食堂

今次想試下寫日本料理
並唔係專門好似拉麵或者壽司呢一類
而係好普遍既日式定食
話說我去食野好多時都係上youtube睇介紹而去既
咁當中有一個我而家好撚憎既channel
憎到會想坐時光機去屌到佢做唔到youtuber
無論連登又好關注組又好
總之一有人提就狙擊佢
搞到fb都比人ban左幾次
而呢個youtube channel就係大島與龍威
眾所鳩知
呢兩條友既標顯唔係正宗就係好食
今次就好想特別講下呢兩條撚樣介紹既餐廳

第一間我最憎既叫做吉田舍料理
基本上餐廳同田舍料理真係完全無關
印像中佢地淨係拍片都起碼拍左兩三次
次次都話好撚好食
咁當年仲未覺得佢地垃撚圾
就真係比佢地水鳩左

吉係尖沙咀太興廣場6樓
因為都曾經見過有連登仔話過佢地吉列豬扒好食
同埋見分數都幾高
又話係日本人主理
所以都堅係有期待
但一入到去就即刻幻滅左

當時我地上到去門口
係完全無人接侍既
之後搵到日本女小二
係要講英文既
佢淨係講完話你無預約已經full左就即刻走撚左去
係完全無比機會你繼續等
d態度真係不得之了
認真我自己心目人日本人就算係假既都至少會係人前有禮拜扮下野既
但呢間餐廳既日本人呢
可能而家比香港同化左
係可以做到比香港人無禮貌一百倍
已經唔係話對住日本人有優待
而係對香港人有劣待既地方

咁一場黎到又真係好想試下
之後捉多另外一個日本女小二問
佢先至唔耐煩咁話可以係餐廳入面排隊等位
完全係唔憂做既格
你鍾意咪等下lor不過唔知幾時有位架咁既撚樣
之後見住每個客搭lift走入黎都係得到相同既待遇
都真係好耐無遇過咁撚樣既餐廳
態度係比起港式茶餐廳有過之而無不及
上面講既野係真人真事
講大話死全家

咁第一輪應該真係full左既
雖然我地排頭位
都等左成半個鐘先入得

叫做有張幾闊既四人檯
見到其他客兩個人有d真係唔好彩
坐到要同人搭檯咁
雖然中間有塊膠板

兩張檯中間都幾多位放醬油


另外仲有tatami同吧檯席



午餐定食就好多選擇

基本上都一百蚊起跳
尖沙咀地區
其實我又唔會話佢貴既

另外一張係全日文餐牌

我地一共叫左三個定食
特選炸豬扒

認真
間餐廳服務已經係負分
咁食物呢
係對唔住個價錢既
原本我係為左個吉列豬扒而黎
呢個價位我諗起碼都應該點都要好過港式日本餐廳掛
但係塊豬扒無肉汁
少少散
仲要連鐵網都無
咬落只係少淋
話說佢係有幾款豬扒飯
呢個已經係比較貴果款
真心搞唔掂

燒牛柳

美國牛
呢份比較有誠意
鐵板上
調味叫做比較好

最後漢堡扒

呢份相較前兩者比較平
但都要百二蚊
得兩塊漢堡扒同太陽強

每份定食都有跟前菜潰物同味噌湯
餐牌亦寫住跟餐有咖啡或甜品
又同個日本妹妹講話要dessert
結果我同佢大家都唔知大家up乜
又出動招牌式黑面

結果上既唔係甜品而係水果
呢間野真係西撚利


最後先發覺原本呢間餐廳係有香港人侍應
服務好過日本人多多聲
起碼似番個正常人
埋單原來仲要加一

平均每人大約百六蚊
咁當然係唔值啦
食物普通
服務負一百分
環境既話見到某d客亦都食得好辛苦
咁撚樣既餐廳要比錢受氣
認真就算比我做打手我都唔會想再黎多次
可能就真係好似其他食評咁講呢間餐廳只係接待日本人
香港人係不宜食用

一不離二啦
比果兩條撚樣水左去既餐廳仲有一間
係紅磡都會廣場既竹乃里

咁呢間其實都唔算伏既
只係比較普通
絕對就唔係佢地既評價咁lor

都會廣場本身就係個死場
平日夜晚人流唔多
坐四人檯都好舒服

呢間餐廳係好老尖東feel
果對hehe話老闆都係日本人
不過呢間侍應可以講到廣東話
溝通得到亦都唔會好似吉果間黑面
仲有笑容既

大部份餐廳都係午市定食
夜晚單點


手寫餐牌係成塊白塊咁隊過黎



最後叫左三樣野
蒲燒鰻魚

原條上
但係偏瘦
而且都多細骨
亦都無入口即化既口感
係香港始終都係難食到靚既鰻魚
同埋發覺係香港食鰻魚舖頭好鍾意拎呢支山椒粉出黎

話說係日本去過好多間鰻魚專門店食都無比過
我亦都唔鍾意咁樣落法

另外係hehe推薦既新野
南蠻炸雞

睇完果兩條友特登叫既
餐廳有另外一張餐牌寫呢樣野
不過同佢地兩個食既唔同
佢地食拍出黎果d明明係雞扒
唔知做乜鳩叫南蠻雞
呢份就同以前去宮崎食到既一樣樣
炸雞皮係會比較淋身
但雞肉仲係熱辣辣嫩口
呢份就真係好食既

炒飯就正正常常無咩特別


洗手間要去商場
咁埋單佢就只得d手寫單
計計下數先知呢碟前菜每人要收廿蚊

最唔鍾意係仲笑住咁話已經無收茶錢
CLS中菜咩
呢度三樣野連埋加一總共食左458
除左個南蠻雞其他都普普通通
無咩必要都唔會再幫襯
本身條片話有訂閱hehe既觀眾有雪糕送
我都費事提
真心自此就對果兩條友好反感
每逢有人吹奏我就第一個做打手反鳩佢


講真
如果想食壽司魚生我會去鮨店或者刺身丼店食
串燒會去燒鳥店
拉麵更加唔會係拉麵店以外既地方食
所謂既居酒屋除左定食我真係唔係幾明佢地既生存價值
完全唔識欣賞呢種經營模式

係元朗國都有食過間由日本人開既黃店
叫做嘉兵衛
細細間最後都係捱唔住
我都係佢地五月結業前幾日先食到
其中有次係假期後既星期二
原來變左休息日白行左一轉

位置就係安興遊樂場格離條食街
呢條街都好多黃店

元朗國米豬連

門口有寫話餐廳係由日藉廚師先生同香港太太兩夫婦打理
餐廳十一點半開門
我地大約十一點半去到已經full左要等第二輪
係門口排左大約四十分鐘先入得
餐廳好細間
只有幾張檯
同埋都幾迫
係名乎其實既小店

餐牌除左定食



仲有部ipad有得睇甜品

不過暫無供應

加二十蚊既自家製豚肉味噌湯同日替沙律

其實無咩特別
唔需要加

因為得廚師一人打理
都等左廿分鐘先上食物
咖哩吉列豬扒飯

呢個飯好失望
隻吉豬同街邊濕鳩日式餐廳無分別
咖哩都係
成個定食係完全無特色
見餐牌仲有款係貴一倍既鹿兒島黑豚
都無機會可以試到了

我自己就爭扎左好耐要黑豚定鰻魚
最後都係揀左後者
因為唔會食到第二次
就揀左餐牌入面最貴果樣

佢寫係每日限定
定食類別會有湯跟
原條鰻魚
但無話燒得脆邊
鰻魚汁同山椒粉都可以自己落
而條鰻魚都算瘦
整體味道一般
不過就唔似竹里咁有骨

認真
其實食鰻魚見唔到佢炭爐燒就真係唔洗再試
每次入餐廳總係會有種莫名既幻想可以係度食到一條好食既
結果換黎既係每一次既失望
所以我諗係香港
起碼都要三四百蚊果d鰻魚飯先叫得過
更加只可以去串燒店,高級鮨店或者酒店先可以叫得落手
呢餐真係早知叫黑豚好過

平日無加一
最後埋單320

呢個價錢只可以當支持黃店
餐廳由港日夫婦經營
格局係有d日本feel既
不過真係忙
味道亦都未如想像
希望將來仲有機會可以試到佢地既黑豚

唔知係臨結業定同其他黃店聯乘啦
臨前時送左包糖當係小小心意

長沙灣仲有兩間呢種主打定食既日本餐廳
一間叫做大丈夫
另一間叫做活水
兩間應該都係香港人開既
係連登同關注組都唔少人會講
而後者仲係黃店
所以我又真係有特登去食過
位置係長沙灣呢邊既福華街

門口有寫話佢地選用鹿兒島黑豚
同埋有部美國引入既刺針斷筋機可以令豬肉牛肉更加鬆軟

入面有連豬

仲用個水缸襯托餐廳名

座位比想像中舒服

有二人檯同四人卡位

午市餐牌都好多選擇


可以用優惠價點小食