[長氣多圖][無限期] 香港staycation之旅(3)

然之後呢個區其實仲有好多上海野
上海真真豆漿大王就應該係新蒲崗前米芝蓮豆漿大王既屋企老店
呢間係蕪湖街
三間入面最遲收就係呢間
8月尾就會搬過去勇記果邊新舖
入面比起上海飽餃店同滿堂樂大d
但都係唔多位
耐唔耐就要等位

呢間食物就介乎上海飽餃店同滿堂樂之間



無咁多點心
麵食都唔少
不過就再多左菜飯

粢飯當然係必點名物
話晒豆漿大王都淨係得粢飯好食

呢舊粢飯係勁多料

同埋油炸鬼都OK
飯都夠黏口
老婆話佢由細食到大都係呢種味道

真係同豆漿大王一樣無擔擔麵可以揀
所以只可以叫上海排骨麵

個麵同豆漿大王一樣都係唔需要提
但係排骨就脆好多唔會好乾同淋

其實真係同豆漿大王有d似
就係煎炸類小食都唔錯既
煎餃子

仲有炸雞全翼同炸零吞


熱氣到痴線

所以叫番杯豆漿

都幾好飲
甜度都夠

埋單總其139蚊
平均每人70蚊
價錢比起豆漿大王貴些少
咁就真係食情懷比較多
舊區環境都係差唔多污糟
唔知搬左新舖會唔會好D

呢個區除左上海野多
車仔麵都好多
其中兩間幾出名
仲要係黃店
原本中學之後就無乜點食過車仔麵
但見威風百麵話執粒
我地又過左黎食

係舊店執前兩個星期過左黎食
星期六兩點黎到大約等左廿五分鐘先入得

牆上玻璃鏡印左好多字



地方細細
仲要得半張檯

所以係幾迫既
連擺袋既位都無

有自選餐牌同指定餐牌


仲有自家製甜品送

選擇困難緊係要指定項目


牛魔王已經有5個餸

有牛肚牛太牛腩牛筋

都係47蚊
抵過自選好多
加埋秘製辣汁同腩汁
成個湯就好濃好豐富
比我想像中好食得多
因為我記憶仲係維持係廿幾年前觀塘麵神果個年代
而且都只係47蚊

貴少少既威風百麵就再多幾樣餸

個拉麵好食過我果份油麵

糖心蛋又好過唔少拉麵舖

就唔可以話佢比個甜品吸引
但甜品絕對係呢間威風百麵獨特之處


木糠布甸好食



埋單岩岩好一舊水

除左野飲之外真係樣樣都無得輸
尤其係牛魔王
我諗以後再黎都唔需要再諗食咩好
難怪咁多人排隊
我同老婆都一致覺得呢間好食過蒙面

舖頭12月結業

而家已經係附近開左新店
不過就仲未食過

之後係比威風百麵仲難排既蒙麵
以慢工出細貨聞名
所以係排隊排到仆街

我去果時出面仲整緊路
都排得幾辛苦
年尾星期五早收工五點幾都排左半個鐘先入得

呢間野就好多規矩既




仲唔做外賣平台
大顛

地方一樣好細


同威風百麵一樣都只有半張檯


開放式廚房
只有老闆一個人整野食

我地就坐係格離
所以都見到幾污糟下

餐牌有普通車仔麵餸

我就要埋花甲
另外果張

仲有成頁係特色燒烤小食



下午茶六點前送熱飲

要左檸茶同檸水
凍飲要正價
好似係

下午茶專有既蒜香炸雞翼

就唔算特別

雖然係車仔麵
但好出名既叉燒

就無好似佢咁話要15至20分鐘
甚至比個麵仲早上
可能多人叫一直都燒緊
雖然有濃邊
但唔係好熱
肉質亦都唔算淋
比想像中都差幾遠
純粹只可以過下口癮

我果份魷魚就分開左上

跟埋辣汁
份量都唔少

可加既沙爹汁就分開上

早知一人叫兩樣
咁就可以要晒四隻汁

呢度就無威風百麵有指定麵餐可以揀

芝士魚卷同雞中翼就每樣兩件
豬皮份量都唔少


另外我果個估唔到花甲係連埋麵一齊上

反而個魷魚係分開
花甲都舖滿個碗面
入面有大腸同牛筋


整體就無威風百麵咁濃味同埋辣汁都係果邊惹味

真係擺到成檯都係


呢餐叫左好多小食
所以貴好多

埋單兩個人
187蚊
如果單計個麵就46蚊同57蚊
都係威風百麵抵些少
仲有甜品送
但呢邊就有下午茶色費熱飲
同埋有特色小食
環境就無咩分別都係咁差架啦
我自己就比較鍾意威風百麵
當然呢度唔差既
不過有對比就有傷害啦

紅磡仲有好多拉麵店
最出名就一定係泓一
不過仲有間拉麵都幾多人講
就係火夫
嚴格黎講佢唔算係拉麵店
而係一間居酒屋

個位就係素年同Sweet Craft中間
平日夜晚黎到通常都已經full booking無得walkin
所以呢日就平日lunch過到黎
差唔多兩點就可以直入

我諗座位同素年差唔多


不過無咁迫既
佔用半張檯

今日唔算太多人唔洗搭檯

火夫就無單點既

set就係78蚊一個麵同野飲
118蚊就係一個麵兩串野同野飲
再追加就每兩串48蚊
另外唔少食物要再補錢
好似個個入黎必食既蝦湯麵就要再補50

檸檬茶就係樽裝果隻味


一場黎緊係揀埋兩串野
揀左蟹肉蠔同白燒鱔

熱辣辣
仲有獨立碟

串炸生蠔入面仲有汁

連埋蟹肉有兩重口感

鰻魚燒得脆口

同埋幾肥厚
口感就唔係平時食鰻魚飯果飯
但又未去擦子彈咁
幾好咬口

都叫做上完串燒先上麵既
不過就無話等你食完先上

呢個濃湯麵要加五十蚊
但賣相就好吸引
差唔多每檯都叫

麵條唔算煙un
口感普通
不過重點就係個湯到
成碗飲落就好似個好杰既龍蝦湯咁
杰到掛晒上麵條
好似啖啖就飲緊湯咁
虎蝦入面仲係半熟

咁就緊係清晒成個湯

想講個湯係熱到hihi
食到最後都仲係冒煙既

餐廳入面無洗手間
要出門口格離走廊同商場共用既
咁雖然幾好食
但價錢就真係唔平
虎蝦湯麵要加五十蚊
鱔同蠔都一樣要加錢
仲有加一

埋單差唔多兩舊水
不過食得滿足既
仲有兩串野質素都唔差
如果個麵
再靚d就無敵

而家都好多拉麵舖做蝦湯
同雞白湯好似變左主流咁
不過幾間蝦湯就聽到有個好大既缺點
就係個麵幾麻麻
植幕宵就真係唔太想試
如果nagi有出限定仲可以去試下
同埋和拉麵都有限定龍蝦湯
不過成日都要望下fb先知



咁就唔係間間都ok既
食左仲有好多麻麻地既野食
好似天下茶屋
讚好台灣
米氣
城意
second bite
flames
呢d好普通我就唔寫了
之後仲有快餐店同甜品店可以寫


續

閱

新婚快樂嗎？

都係同之前差唔多
因為都一齊住左兩年
不過以後去旅行無得去深山野嶺

竟然係而家想去
佢地酒店而家d優惠應該唔想做咁長時間
可能成日覺得之後就會有客

Gym你book酒店就有架啦
好少聽話會包埋spa
你想住加自助餐想係君悅最好架啦
而家應該無乜點做呢d package la

DAY105.2 寶城美食店 時新漢堡 紅磡雞蛋仔 陳茶館 Sweet Craft 揉然地

紅磡仲食左好多間餐廳
好似紅磡廣場間寶城又係雞睥關注組名物黎
但佢又係同好多紅磡餐廳一樣
就係星期日唔開既
咁焗住又係星期六過黎啦

寶城個位係紅磡廣場地庫
其中一條電梯落到底就係

快餐店格局
係紅磡區已經算係比較大間了


飯意粉之類都係五十蚊以內


下午茶都有焗飯

雞脾餐係偏貴既
42蚊乜都無淨係包熱飲
咁單點淨雞睥就34蚊
即係個下午茶就只係比8蚊要杯熱飲
一d都唔抵玩
而焗飯平時正價一樣都係49蚊
差別就係下午茶免左4蚊加熱飲

快餐店就要先買飛

再交飛比水吧位

會有個牌仔

佢會送過黎檯面
唔洗自己拎
香港好似已經無乜呢類型既港式快餐店

下午茶無焗豬扒飯
所以同雞脾兩樣都要左正價餐
要左一杯凍飲
加五蚊

杯凍檸茶都正常既

吹到話全港頭幾位既炸雞脾

真係岩岩炸好
上檯熱到辣手
無可能用手拎黎食
雖然唔似其他餐廳咁大到好誇張
不過皮薄炸得好靚仔

食落孜然粉味都幾重
同埋啖啖肉
每一啖都有肉汁滴出黎
成件事都幾顛

另一個係焗芝士豬扒飯

同平時蕃茄唔同
呢個重芝士
好鬼漏

豬扒就薄切
唔差
不過始終無蕃茄咁夾
我自己就覺得一般

兩樣野加埋88蚊
唔會話係勁抵食
但五十蚊個焗飯都叫比起好多連鎖茶記平
同埋個雞脾真係正
雖然無第一次食三多咁有驚喜
但都好滿足
可惜都係假期唔開啦

香港酒店而家都貴左幾多下
難揀

紅磡懷舊快餐店仲有時新
話六七十年代已經係度
因為以前上司耐唔耐會一朝早買半打漢堡番工一齊食
所以時新就係會有種特別既感覺
不過而家已經轉左新店新裝修
之前分家仲有間開左係sav酒店樓下
但完約之後就無再做落去
所以而家時新都只係得番黃埔一間


時新主要就係賣漢堡包小食

都仲有其他既簡單飯同麵


快餐店自己搵位

地方細細d位都幾full下

落完單就等號碼出去拎野食

唔似寶城咁會送過黎

咁一場黎到緊係食漢堡包啦


單點既單層漢堡強包

可以揀牛或者豬
揀左蛋配料所以係30蚊
塊牛肉漢堡都幾厚身
門口寫話係用新鮮牛肉
預設係秘製時新醬
仲可以揀多汁
爆晒汁

另外果個係下午茶餐
轉左雙層既漢堡芝士強包

賣相就一般d
不過大舊咬落有口感
下午茶餐有跟薯條
但得幾條一陣風咁
凍飲要再加五蚊
正常味

即係呢個下午茶餐都要62蚊
所以埋單都要92蚊

純粹一個下午茶餐同單點包
比起濕鳩連鎖快餐貴
但平起西式漢堡平
中價水平
味道可以
不過都幾難搵位
比較食情懷既感覺
之前sav酒店下面果間1963就坐得比較舒服
不過已經無左
間酒店而家都已經轉埋名了

正餐之後就係小食甜品
紅磡又有間係米芝蓮
係寶石戲院對出既紅磡雞強仔
而家係米芝蓮餐盤推介既街頭小食


老婆話佢由細食到大
而家變左由第二代接手整
無佢老豆整咁好
同埋佢話pancake好食d

都幾多款口味
但一場黎到都係食番雞強仔

咁其實佢都keep住整既
不過可能多人排隊啦
就預備左好多份係架上面
佢就將已經整好左既比我地

因為唔是即整
無左果種熱辣辣既感覺
就正正常常無咩特別
蛋味都唔算好出

不過15蚊原味而家都算係平架啦
以前買推車仔果d都要十蚊雞
過下口癮都OK
下次真係應該要試下pancake先
或者試下特別口味
咁佢就應該唔會一早預備好

奇趣對面既陳茶館又係排隊度好高既糖水店

入面座位都迫
但唔洗搭檯
不過因為白色設計望落去都幾光猛
感覺舒服過好多傳統糖水舖
唔想等位都好多人買外賣拎走
所以門口都keep住有人龍

而且價錢算抵


多數都係三十零蚊有交易
係櫃檯落單比錢之後佢就會送過黎

堂食都係用紙碗


太多選擇
但好似次次黎到都係食雪燕芋圓西米露

唔算細杯
而且入面都幾足料

同飲廢水既價錢差唔多
不過就可以坐係度chill一陣

我同老婆都好專一
佢又係次次諗唔到都係會揀木瓜桃膠雪耳

大大舊木瓜同桃膠

呢個真係熱先好食

咁樣每杯三十零蚊有得坐就真係抵玩過連鎖店


呢間真係番兜左幾次
而家仲係土瓜環開埋分店
證明真係搵得到

香港刨冰兩大巨頭就當然係shari shari同after you
其他刨冰就真係只係食冰既感覺
黃埔都有間舖頭係同普通刨冰有分別既
叫做sweet craft

都係妹妹食既多
不過同陳茶館唔同
佢就一時時多人
有時好彩入面又無乜人既

餐牌入面個名叫做粉雪冰


五種口味
都仲有廢水同普通雪糕

位唔多

都係咖啡店圓檯
以杯裝食物黎講張檯都大張

一樣都係出去買左飛先
呢間就要自己拎唔會送過黎
價錢比起兩巨頭都平一半都有

shari shari要近一百
after you直頭百中

不過呢個粉雪冰都真係杯裝size

咁明顯比果兩間都細份既
而且都係膠杯裝

海鹽味道
上面都有芝士
爆谷同脆脆

再入面係棉棉冰既質感
好棉好軟好舒服

食到最底仲有一層係燉蛋
一杯有三種質感享受

見佢地長期都預備中

每種口味既杯底都係唔同材料
兩個人飯後share真係岩岩食
唔會太多太濟
價錢合理
杯冰幾靚仔
打卡都唔錯
可以係兩巨頭之外既好選擇

最後一間係麵包店
呢間網上面就唔算好多人講
不過成日坐巴士經過
見到個名幾得意就記住左


之後上網搵完
見到有賣類似嘉多利果種布甸麵包
年尾有個平日五點左右經過開就入左去
唔洗等出爐時間排隊
輕鬆揀左三個包出番黎

有芝士蛋糕奶凍
tiramisu
同焦糖燉蛋口味

焦糖燉蛋比較平
廿二蚊一個
其他兩個就貴些少
廿六蚊
都唔算話好貴
職員仲有問我要唔要新出果款口味
栗米濃湯
聽落怪怪地
所以無要到

拎左番屋企雪左黎食
呢種包好似熱食都得
芝士蛋糕奶凍



tiramisu



焦糖燉蛋



合體又得


呢個soft bun同嘉多利唔同
佢係軟淋淋既麵包
加埋面頭果種蛋糕質感
食落口感都幾唔錯
價錢就同普通西餅差唔多
又唔算貴
而且佢耐唔耐又會有新口味
都幾食得過




講起雞比同雞蛋仔
又係好多唔同地方都食過
跟住關注組去食又有
即係筲箕灣世一果d
未去到好驚艷
但真係會食唔停口既
不過小食呢d野真係疫情後食先開心
戴住個口罩真係麻撚柒煩
但唔知仲想唔想寫


DAY105 完

下次寫埋香港staycation既最後一站
置地文華東方
到而家23年都無再住過香港酒店了

DAY106 置地文華東方酒店(上) Somm 置地廣場 MO Bar

香港既最後一次staycation
以一間福布斯五星作結
我自己覺得都算係咁
置地文華由隔離酒店轉番普通酒店都過左一段時間
可能係唔夠客掛
所以又係kkday出優惠
個優惠係住客房會送一千蚊dining credit同埋送埋mo bar三道菜晚餐
睇過mo bar既三道菜其實就係正價餐牌入面揀三樣野
平時本身就係呢個set
就無話staycation會比d cheap餐你食
因為之前已經去左amber食飯
即係只要將果一千蚊dining credit用落somm餐廳
就可以試晒置地文華既所有餐廳
亦都係我係福布斯四五星入面既最後一塊拼圖
自此就住晒咁多間四星同五星既酒店
咁客房就有分L450同L600
要去到L600先有signature果隻圓形浴缸
而L600雖然叫做客房
但其實佢都已經分開左客廳同睡房
只係中間無門隔開
理論上同studio suite類似
不過客廳同睡房仲各自有獨立電視機
間房雖然比起其他酒店套房細
但600尺其實都夠用
住落都比想像中寬落
又
因為somm個brunch要補大約七舊水
最後就用左五千二住左L600房同食左早午晚三餐
入住既日子都仲算係聖誕節假既尾聲
咁就連續三年聖誕分別住左奕居君悅同埋置地文華了

置地文華雖然同文華東方自家擁有既物業唔同
但酒店身處既置地廣場
其實都係由母公司怡和擁有
應該都係左手交右手項目
置地文華位於置地廣場既公爵大廈
廣場係03年重建
而酒店就係05年落成
入住果時都已經有17年歷史
不過住落就無乜歲月痕跡
保養得唔錯
同埋置地文華同文華東方定位都唔太一樣
置地文華比較屬於商務式既酒店
而文華東方係比較家庭向既

咁somm個brunch就有分兩個時段
第一段係十一點至一點
第二段就一點半至三點半
因為第二個時段係熱門時間
又當時只係岩岩開關無耐
香港餐廳都仲好多人幫襯
所以只揀得到第一時段十一點過黎食
算係好早既時間
咁所以朝頭早未夠十一點就要黎到酒店check in

唔洗排隊
坐定定就得

有杯welcome drink同毛巾

置地文華算係比較貴又唔太打到卡既酒店
所以十一點已經有房可以上
package條款聽日亦都可以成四點先check out
叫做住足29小時
好似係呢三年黎住得最長時間既一晚
跟手亦都有送埋上房介紹
呢三年黎都只係得奕居,大澳文物酒店同半島有呢種服務
不過其實我地都趕住落樓下食野
所以都係長話短說

基本上成間置地文華都幾昏暗
暗過文華東方好多
電梯就無咩特別

公爵大廈當中只有地下同五至十五樓屬於酒店樓層

地下係酒店大堂
仲有餐廳mo bar同酒吧pdt
二樓淨係得商場出入口
中間都係商場層
五同六樓係spa同泳池健身室
七樓有自家米芝蓮兩星法國菜amber同比較酒館式既餐廳somm
另外仲有兩間租出去既米芝蓮日本餐廳
一間三星志魂壽司
另一間一星凜割烹
即係呢一層地方細細但加埋晒已經有六粒星星
曾經都有諗過check out日book志魂黎食
疫情後呢間可以輕鬆book檯
不過價位實在太高
lunch八件壽司要收成二千幾
搞不撚掂
最後八至十五樓都係客房樓層

而我地今日住十三樓已經係酒店第二高既樓層

但因為景觀問題完全係無乜意義既

仲有呢枝汽泡酒

應該都唔係咩貴野
不過擺係度當裝飾都唔錯


跟住就一次過上晒五款前菜

張檯真係岩岩好夠放
有設計好晒個size

三款麵包

除左酸種麵包
另外兩款都好鬆軟又甜甜地幾正

鴨肝凍批


伊比利亞風乾火腿


惠比須生蠔


煙鱒魚


呢幾樣全部都高質過晒半自助brunch果種前菜
始終都係由廚房拎出黎而唔係就咁擺係度
尤其是風乾火腿
雖然自助餐之類都有得拎
但咸香係完全超越晒
生蠔又夠鮮
煙鱒魚連埋執餅乾一齊咬口感好好
可惜每樣都係得一份

中間又叫左杯果汁

其中有一款叫做taboocha
原來係種有汽既茶

主菜有七個選擇
但其實有四樣要補錢
又無左以前好吸引既名菜日式豬腩
唔洗補錢既其中一個又只係蛋奄列
咁其實就一定係揀魚同雞


個樣都feel到好大浸amber味

又係好多泡泡汁醬
不過魚肉就好易散
比較難放入口

平原雞就好似好多

而且佢仲有兩款雞肉同撻
雞胸仲好軟好嫩

話說小二只係放低左把刀

中間想搵叉同匙羹

原來佢藏係檯底間格
有d茶餐廳feel
但算係幾精緻既

最後甜品環節
book檯果時有tick周年紀念
所以多左碟栗子蛋糕


主角係朱古力梳乎厘

淨係睇樣都已經無得輸
筆埋落去果種軟棉棉口感真係無得頂

我本身就從來都唔鍾意朱古力既
但呢件食落去真係完全零抗拒
好似之前係hugo's食過已經覺得好正
但原來仲有比佢更好既梳乎厘
真係稱佢為世一都不為過

另一個甜品係日式既香蕉pancake

賣相都一樣好得
但可能係朱古力梳乎厘果種流心感贏左
雖然我係比較鍾意香蕉甜品
但就係90分同100分既差別

最後仲叫左杯earl grey

都係咁amber一樣既茶壺同杯

因為amber果邊係廚房
洗手間就係日本餐廳果邊


呢間大約坐到一點半先走
都兩個零鐘
下一輪都可以入場

呢一輪就多人好多
我地果輪十一點太早所以都坐唔滿

呢個brunch就每人768加一

即係845一位
酒店房送1000蚊dining credit
即係最後check out要補多690先走得
咁價錢我覺得都OK
雖然唔係半自助果或者任點前菜果款
不過出番黎都幾飽
可能食材黎講唔夠amber名貴
而且亦都無咁多道菜
但我就鍾意somm多d
原因都係因為佢無食得咁拘謹
係度坐梳化係食得放鬆好多既
最重要係食物比較大路同岩食
而且仲有幾款酒都叫做有淺嘗過
呢個價錢我覺得都合理
服務方便咁就當然無amber咁正式架啦
可能人手無咁多
不過後尾都有位疑似經理既小二過黎吹下水
同埋唔洗好似amber要全程英文操作
呢邊就叫做可以半中半英咁進行
環境都唔錯有feel
整體我都幾滿意既

咁出番走廊
左手面就係兩星amber

門口原來係自動門
之前食飯都無為意

somm右面係amber酒櫃


前面就係三星志魂同一星凜

再入面就係洗手間廚房位
係置地文華官網有實景圖可以睇下

餐廳電梯口


食完番上房

客房電梯口

我地住既係1301房


平面圖

置地文華東方酒店係四方形設計
13樓呢層有16間房
其實都好易分
因為基本只有3種房型
L450,L600同L900
最大果兩間13同14號房就係L900
最細果四間08-11號房就係L450
L450豪華房應該係房同洗手間都有窗既09同10號房
L450高級客房就應該得一隻窗既08同11號房
而其他正方面房就應該全部都係L600
L600既分別就係窗景唔同
呢層好似無L600行政客房
四個corner房就係L600尊貴客房
其他既就係同我地呢間房一樣L600入面最低級既豪華客房

L600豪華客房
實際係603尺大
一入黎就有條玄關走廊

有部同酒店好唔相稱既小米空氣清新機

呢間L600官方聲稱唔係套房
但事實入面係有一房一廳
客廳有梳化同兩張獨立凳同茶几


電視好過文華東方

有airplay

得天花幾盞燈


工作檯

部電話好商務feel

擺左兩張我book左餐廳既資料卡


仲有防疫包


廳同房中間有個mini bar櫃

隻水牌子叫做nordaq

下面都擺左好多酒



茶包係用JING


電視牆身仲有個保溫櫃仔

入面擺左d welcome 撻同小食

同手寫welcom卡