[長氣多圖][無限期] 香港staycation之旅(3)

再上多層就係中菜廳帝京軒

係門口望幾眼根本就係宴會廳黎

呢一層裝修唔錯



走廊盡頭就係獅房菜

前身叫做lion rock
賣日式野又有做下午茶搞下fusion野
而家就變成由廚藝總監江肇祺師傅負責主理既中菜廚房發辦餐廳

餐廳同中菜廳帝京軒係完全唔同feel

呢邊有bar檯

位置關係最重要仲有個全景獅子山景觀


今日我地坐呢個窗邊二人位

食得多海景餐廳
呢個山景完全無得輸J死人

除左獅子山仲可以望到旺角大球場
天氣好真係好撚正

鏡面檯仲可以反射到堆雲

檯面擺設都靚
感覺應該比起中菜廳精緻好多

餐牌用部平板顯示

九道菜買一送一
連加一同茶錢大概同一般米芝蓮既午市套餐差唔多價
但講緊呢個套餐其實晚市一樣都有供應
因為我地只係食飯前幾日先book檯
所以網上系統已經無晒晚市所以先揀左午餐黎食

第六道皛煮

蒸籠上

而且下面個壺入面仲放左熱包同羅勒葉

令個蒸籠長期仲係保持高溫同冒煙效果
而籠入面既主菜就係龍躉扣
話係龍躉既胃
食落似牛肚
幾爽口
而且份量都幾多下
港女麻麻地我就食左兩籠
食完都已經飽左七八成

不過好似主菜叫做上完
下一道係純素食物
叫做森燴

外表似焗麵包
有配埋刀叉


入面係由新豬肉
豆醬栗米同其他素食焗成
上面舖上一片松露
算有d心思
唔算特別好食
但點都比中菜既乜乜竹笙扒時蔬好睇好多
至少我就唔會抗拒
雖然新豬肉既味係差少少

尾二第八道叫做惢煮
煮呢個字結果係重覆左

可能已經去左尾聲
我地都食左好長時間
餐廳大部份客都已經走晒
淨番只有同我地同時上菜既少量客人
可能就係咁小二就開始hea左
完全無左介紹
飽魚冷麵
但其實就算唔上澱粉質都已經好飽了
見有其他食評話佢介紹話個煮法功夫繁複
我就聽唔到了
亦都唔太識欣賞

最後甜品馫凍

香香香係哈蜜瓜奶凍
上面舖左燕窩
仲有一張用3d printer印出黎酒店名既牌
我估應該食得既
但好多墨完全唔想食
不過奶凍係好食既

咁九道菜就上齊晒
呢餐真係食足三個鐘
一點食到四點
洗手間係外面同帝京軒共用既


原本我以為買一送一
應該要原價加一
即係加二

點知埋單只係加一就搞掂
茶錢要比正價
25蚊比起之前去過其他既中菜廳都要平
咁佢都有埋小食同醬
呢個價位都好合理
埋單一千二百五
平均每人只需要六百七
就等於一個米芝蓮三道菜西餐既價錢左右
但食既係full set
感覺就完整滿足好多
睇番再上個月個set只係988
即係今次係加左一舊水
不過菜式有心思
而且用料都唔錯
服務還可以
最重要係個景好特別
其他地方睇唔到
呢個價錢算真係好抵食
雖然有唔少自稱廚師發辦都係鳩流流
但我就覺得呢餐幾唔錯
三個鐘食得好舒服
又唔會有日式西式果種拘緊
如果繼續有買一送一既就真係好抵食

即係頭先係新世紀入黎果個門口應該只係算後門
正門應該係太子道西呢邊上黎既停車場

門口有噴水池


一直搭扶手電梯落番去太子道西就可以見到酒店既正面

橋上面突出黎孤型落地玻璃就係頭先食過既獅房菜餐廳
再上一層係ballroom
客房同餐廳樓層係唔同形狀既
所以果間全景套房其實一樣可以望到火車軌同獅子山
如果食獅房菜加住全景套房都係個唔錯既享受
大概就會好似之前住帝逸左右
不過星期六既帝京價錢就有少貴唔太抵住
而且踏入2023年就無再係香港staycation了
所以就乜都唔洗再諗


食完獅房菜果晚其實去左isquare睇雷神3

雷神算係我一個幾鍾意既角色

第一集果時真係好好玩
而家就變左個煩膠

真係要去isquare睇先可以收集到咁多野


咁話說又有另一日去左新世紀廣場睇戲

明日戰記以一套戲黎講就真係幾垃圾

事前一直賣弄本地情懷
到入場睇就發覺原來根本係掛羊頭賣狗肉
無咩事我都係出番去正正經經睇正義迴廊一人婚禮呢d真本土好過

睇完戲之後呢
就去左旺角場睇波
成個2022年應該就係港超最黑暗既時代
聯賽踢左四周就因為武肺取消左
連練波都唔撚比
認真
亞冠亞協呢d代表香港既比賽我都會入場睇波
但係聯賽真係無咩歸屬感
的確係無咩點入場睇
但成個聯賽停左大半年
終於可以係新一季可以打正旗號重新出發
咁就去左感受下

入場前點都會經過花墟


格離就係雀仔街

新賽季都幾多人好似我咁樣趁熱鬧

呢場其實並唔係聯賽揭幕戰
同一日再早少少時間已經係香港仔開始左另一場聯賽
但講到香港波
就真係點都係旺角場行先


呢場係東方對大埔
開季當然有d入會活動

但係大埔就只係得張檯就真係鳩左d


廢老廢青飛係另一個入口


三無人仕就係正門買飛

可以用八達通

順便清下消費卷

盛惠八十蚊


八月天氣實在太熱

呢d港超扇真係好撚有用

基本上成場波就係一直係咁撥

估唔到有埋場刊咁認真

今日我毒撚自己入場
鍾意坐邊就坐邊

主看台曬到hihi

見到都覺得辛苦
咁就緊係過對面看台坐


東方龍獅vs和富大埔

雖然計分板下面無人坐

但另一個龍門後面無太陽就坐番多d人

最後入場人數都超過兩千人

終於入場

久別重逢既本地聯賽

係興奮既

不過東方呢隊波真係垃撚圾
次次睇佢都唔知踢緊乜
唔想踢但又要霸住個亞協位
明明淘汰賽可以主場踢又唔撚去爭取
作客又放棄心態
睇見呢隊波就真係想屌老母

六點開波

踢到八點

原來坐係球場都係可以望到望番去帝京酒店
所以住酒店都可能可以免費睇波

結果成場波係悶到陷家產
我係完全無印像兩隊波有埋門
餓左咁耐波都唔知踢乜野
真心失鳩望




個最佳球員點樣選我都唔清楚了


冠你老母

細細個去大球場睇南華對東方
紅色衫既南華就好似魚拉突咁克人憎
想當然我就係會支持東方啦
當時仲有肥福譚拔士
而家得番葉鴻輝同講波佬

八點幾毒撚行出去係旺角諗左一陣
決定去食間米芝蓮


原來好旺角就係台風附近

餐廳以手打竹昇麵聞名
由21年開始入選左米芝蓮必比登既舖頭
而家香港好似淨番無幾多間手打麵既麵檔
仲有得睇表演真係要好好珍惜

呢間係門口半開放式廚房就可以見到部製麵機

不過夜晚晚就無人係度un麵了

老店毒撚要同其他搭檯係在所難免
不過武肺影響而家多左塊板其實係好事黎

雖然得半張檯
但因為圓檯都叫做坐得寬落
而且餐廳有裝修過
所以環境唔差


餐牌係玻璃底

呢張只係粥品
仲有另一張麵食淨係睇到一半

呢種店最唔好就係老小二唔會比時間你諗
由係一坐底就會企係你格離等落單
好在我半身就諗好黎試兩個麵

食物超快有
由落單到上檯都係兩三分鐘時間
隨時快過澳牛
真係有懷疑過到底係咪即煮
第一個係雲吞麵

個湯熱到辣口
麵條係由鴨蛋整既
入面有五粒雲吞

雲吞自己包
皮都係自家製作

但其實食落無咩感覺

第二個係炸醬牛腩撈麵
轉左粗麵
細麵係碗上而大麵就碟上

一乾三濕就緊係仲有碗淨湯
最正統食法係含一啖就可以直接噴落小二到
會得到七折優惠
咁個湯同雲吞麵個湯其實係一樣既
作用隨你
或者你可以當佢沾麵食又得
但因為係清湯就唔會掛到湯
撈暈佢成個畫面就靚好多

食拉麵我不嬲都係傾向沾麵一黨既
所以就算係港式台式野
我都係鍾意撈麵食法
就係唔鍾意比湯浸住既麵
所以想當然我會覺得呢隻撈粗係比較好食既
尤其係煙韌度都係
口感正好多

不過牛腩同雲吞都覺得只係正常水準無咩特別

一個麵未必夠飽
兩個麵都夠晒數

呢餐食左八十幾蚊

入左去廿分鐘就出番黎
以前讀書覺得食雲吞麵貴過三十蚊都on99
而家我就做左我心目中既on9了
都係純粹諗住黎試一次
除左手工野之外就真係無咩吸引
真係試一次就夠
而家餐廳好似做到三月就唔再做
咁我覺得竹昇麵係仲有市場既
師傅仔睇米紙見到已經自立左門戶係灣仔開左店
但觀念始終根深柢固
手打竹昇麵唔似手打拉麵手打意粉咁賣錢
老師傅搞手只求打個和
有d奸商一碗麵淨係得一啖又搶錢
真係好難搵到個平均點

DAY95 完



三年無去旅行
估唔到結婚前會諗住去一轉澳門
book左永利萬利住
但好似會去君悅食自助餐
感覺好似好遠好唔夾咁
早知book上葡京
又新又大仲有自助山

都好似有七八年無去過呢個地方
當年仲笑鳩佢地議員只係讚成機器做走狗
過左幾年而家香港已經一d分別都無

同埋book左間東京高輪花香路
應該係福布斯五星入面算比較平既一間
而且和風設計
可以用晒附近幾間高輪酒店既lounge
好似幾好咁

2月出8月post

仲有好多積住左
人又懶

DAY96 希戈餐廳 訊號山公園 咖啡廳

尖沙咀凱悅酒店
係我其中一間比較想住而最後都無住到既酒店
武肺期間曾經都有推過一千零一次既零房價優惠
當時我係好有興趣既
之不過因為book唔到最想食既hugo's brunch而放棄左
而家諗番都on撚9
三千蚊住到套房
可以入lounge
然後仲可以食到hugo's full set加凱悅軒點心放題
應該係幸福咁飽撚死
到而家錯過左就無再出現過呢個優惠
最平果間套房都已經要千六七一晚
仲要唔係星期六
而家自費去食餐hugo's既brunch
乜折都無已經就黎兩千銀
真係諗起都on79
結果時至今日
都叫做去過兩次呢間酒店

尖沙咀凱悅係09年開幕
位於舊K11商場上蓋名鑄大樓入面
由新世界擁有
交比凱悅集團管理
算係集團係香港第二高級既品牌
不過其實級數同君悅都差幾遠下
香港無柏悅酒店
最高級既君悅隨時係高級過其他國家既柏悅
係只差一間有星既餐廳
而尖沙咀凱悅其實只係佔名鑄大樓低層3-24樓
附近仲有好多十幾層樓既建築
所以就算佢官網寫叫做海景房其實都只可以望到個邊皮

酒店係河內道黨鐵站N出口係有正式入口既

呢個位係完全無人把守既


直行係可以入到去K11商場

架lift只可以上到餐廳同大堂

如果要上客房就要係大堂轉lift

三樓就係中菜廳凱悅軒同酒吧請請吧
L即係四樓就係大堂仲有自助餐廳咖啡廳同歐陸菜希戈餐廳

check in大堂


呢一日做緊小丸子主題


都見唔少其他酒店會做呢個主題

話說兩間餐廳hugo's同cafe都只係係格離

大家都係同大堂共用同一個洗手間
呢一層仲有個宴會廳
我地黎食sunday brunch呢日都見到有人中午擺酒

咁由我認識sunday brunch開始
hugo's既半自助早午餐一直係全港最熱門既
而且仲連L佛都大讚
難book程度絕對係港麗之上
當日零房價果時打過去問
佢話直頭幾個月內都full晒仲未開始booking
係再之後因為武肺禁晚市
被迫做兩輪sunday brunch先好左少少
不過去到22年下半年
好似因為評價直線下跌
又或者可能係要比全訂無任何折扣既原因
係兩個月前網上就可以book我到
然後大約係用餐前三個星期左右就會比link要你full pay
即係話如果而家酒店就算再推零房價
大概都用唔著了
而家23年2月再試下
直頭已經可以book到下星期了

sunday brunch係星期六日由十一點半去到三點
同上次去既theo mistral一樣
唔洗做酒店check in當然快好多
今次唔洗十二點就入到去

餐廳最標誌性就係門口呢隻騎士甲
真係好歐洲

十二點左右已經見唔少人入左座

但可能早book
今日有窗口位坐

不過因為餐廳只係三樓
所以都只有對面樓景
同埋梳化座位都比較窄

不過小二服務就非常之好
同我地介紹緊餐牌果時有位細路行過倒左幾滴果汁落地
位女小二即刻痞低用濕紙巾抹左佢
相信係普通自助餐廳都無咩可能會見到呢個畫面

因為大堂樓層
餐廳樓底都比較高
天花做左好多木柱裝飾

營造歐洲城堡效果
仲有兩大盞彷油燈既吊燈
不過雖然係網上已經book唔到位
但事實都仲有幾張空檯由頭到尾都無人坐

早午餐餐牌

基本唔連油每人838蚊加一
比起當初755蚊
同其他餐廳相比就唔算話加太多

先上麵包

其實都幾失望
係完全唔熱既
亦都唔鬆軟
牛油又無設計
檯面亦都真係只有自助餐式既擺盤
無盆栽植物
一開始已經輸左個頭

咁sunday brunch主要都係睇佢自助頭盤同甜品
香港而家已經無乜自助餐會有齊龍蝦同生蠔
通常都只有其中一樣
不過上網睇過hugo's係仲有既
所以拎野食之前都仲有d期待

自助區就係由門口左手邊開始一大張長既雲石檯擺放前菜
一路直到轉彎就變成甜品區
最近門口既就擺左幾款任飲果汁
然後就係由凍海鮮開始

一開始就已經係大蝦同龍蝦
不過淨係見到有龍蝦鉗
後來再出來就有埋龍蝦尾
同埋上面有L佛所講既彷魚子醬
平時無咩點接觸
就唔係太識分

格離係生蠔

呢兩樣野而家變到好似好矜貴咁


龍蝦都幾細隻
但係白雪雪幾靚
生蠔反而大隻幾鮮
因為餐廳座位唔多
唔會出現排隊情況
真正係可以任拎
都拎左幾多轉
生蠔仲有幾種醬可以揀
加彷魚子醬又得
得左

蝦咯嗲

沙律
生牛肉他他係自己筆既

即係感覺佢地真係好自助
呢度就無咩廚師幫到你

手工芝士同三文魚


同埋好快已經係前菜尾聲既火腿同辣肉腸

其實佢地長檯後面仲有d火爐
如果用黎焗pizza就應該好正

睇相已經見到同以前L佛食果隻煙燻三文魚差好撚遠


沙律選擇唔少
火腿係36個月塞拉諾火腿
第一次食呢個地方都幾有油香
牛他他ok正常唔腥
仲有杯鵝肝mousse加生果醬啫喱
以為係甜品黎
入口果種口味真係唔撚欣賞

佢地除左餐牌上既食物同自助區之外
pop up野食就只有一碟蘑菇湯
呢樣係差少少既

但其實唔係話個湯差

已經係個好濃好杰身既湯
不過同上次食theo mistral可以任飲龍蝦湯就仲係差好遠

都食到差唔多一點半先上主菜
中途已經見架牛扒餐車周圍走
基本上真係每一張檯都會點希戈最出名既烤牛肉
餐廳話要pre order定
我就網上book檯果時已經remark左
唔知walk in食唔食到
小二會上埋把餐刀

除左廚師切肉
小二仲會負責上菜
應該算係hugo's最經典既打卡位

架餐車就好型
仲有位放埋碟

五星酒店當然有幾款芥末可以揀

賣相算唔錯

仲有yorkshire pudding同薯仔

因為我講全都要
所以上面d醬都塗左好耐

成件事好靚
有埋濃邊
但認真
呢塊牛真係唔好食
完全唔可能同文華扒房相比
咬落係鞋口
唔係好明點解咁出名既一道菜都出事
可能已經擺左好耐?
因為上比我地果時已經切到一半
唔知會唔會係餐廳都已經推左好多轉定點
上次係文華扒房太飽食唔落
今次又因為唔好食食唔晒
我覺得自己既體驗真係麻麻地

另外一件揀左焗半份龍蝦

味道係唔錯既
不過感覺好似水煮強果份會多d野
而且去茶園都會上成隻熟龍蝦
出面又有凍龍蝦
呢一份存在感就無乜

自助甜品就放得好的色

大部份放係三層架上面
望落好似少選擇


但其實都有超過十款選擇可以舖滿一隻碟

有法式檸檬撻
法式歌劇院蛋糕
綠茶紅豆瑞士卷
拿破崙
鮮果撻
特濃朱古力蛋糕
麵包布甸
馬卡龍
酥皮條
巴斯克芝士蛋糕
質素好好
大部份都係獨立蛋糕仔
樣樣都好精緻
同skye有得揮
朱古力有埋自己logo好fine dining feel

生果仲放係佢地平日lunch果架甜品車到

第一次見到自助區會有芒果


感覺甜品真係出色過前菜
因為佢仲有自家製雪糕雪葩

外藉大廚無出手切牛扒反而黎出手筆雪糕

一次過就可以試晒三款口味
唔會太酸幾唔錯

最後係仲有梳乎里

即係佢真係拎晒pop up quota黎做甜品
係hyatt官網tablecheck訂檯就好方便
有齊晒所有既食飯目的
完全係自動波上蠟燭

個果仁梳乎厘勁柔軟好正
原來以為已經無得輸
不過一個月之後去左置地文華間somm
果間係同amber同一個廚房
比hugo's呢個梳乎厘更加正
真係一山還有一山高

餐茶銀壺都幾古典

不過檬茶都只係正常


洗手間係大堂全層共用既

所以好大間
而且都算乾淨

sunday brunch可以食到三點鐘
但其實上梳乎厘都已經兩點八
咁其實都算完滿既

每人838加一
前幾個星期已經要係網上比全訂
因為無任何扣折
儲分只可以係hyatt同k11揀一樣
服務我覺得好好
完全係米芝蓮級數
餐廳曾經係2019年入選過餐盤推介
不過而家係無左既
環境古典優雅
不過同酒店客房一樣就完全無景觀可言
而且可能商場店
都有少量小朋友食客
不過整體都算好乾淨舒服
兩個人都安排左梳化位
即係好可惜係個主菜真係好失望
同埋前菜選擇唔多
感覺有d cut cost feel
無想像同外面評價咁出色既
我自己就鍾意theo mistral好多了

話說係更早前都黎左呢間酒店
因為都叫做食過唔少自助餐廳
想試下未去過既
又見L佛有推薦
生日正日港女就揀左呢間酒店既自助餐黎食
即係L佛係呢間酒店hugo's同cafe都算係大讚既
但食完之後又真係同樣失望
真係好在無黎呢度staycation

當日仲係用緊數碼通
每年生日月份都可以去自選禮物一份
我就次次都會黎K11換雪糕


仲有老佛爺半價焦糖燉蛋


真係好撚甜

K11仲成日有廣告



港女係唔知點解好撚迷collar
成日去搶應援產品

個環保袋就40蚊好似好平

但其實要買夠30蚊先換到

未夠鐘食飯就係酒店附近遊下
其實係某一年既生日
我都唔知點解獨自黎左呢個訊號山花園

果時好似就係求其想搵野行下
原來係鬧市中都仲有個歷史建築


公園格離呢座海員之家就改建緊
由帝國集團投得改建項目

將會用上洲際集團另一個頂級品牌金普頓既名
樓高四十二層
比起凱悅酒店更近海
沿海除左roswood就應該無咩遮掩
低層繼續用作新既海員會所
仲好似比唐狗拎左黎拍片過新年

花園係位於市中心既山仔
入口係斜路黎

一行入去就已經見到好撚大隻米奇


訊號塔

樓高十八米幾
外牆由紅磚砌成
第三層塔頂係後來先加建落去
訊號塔又稱大包米訊號塔
而家係香港最高級既法定古蹟黎

當年黎果時就上過塔頂
因為八月又要行斜路又要行樓梯
係熱到陷家產
但而家個開放時間係好撚痴線

由中午十一點去到四點係唔開放既
我地兩點幾黎到
呢度係無野值得我地留係度個幾鐘等佢開門
所以今次就無上到塔頂了

呢個公園前後都比高樓包圍
前面有rosewood

後面有凱悅

唐狗應該就係成日爬上呢個天秤

公園都叫做有個半海景


同埋有個涼庭

熱到仆街就黎中暑
呢度附近既人都唔帶口罩既

前面就係酒店工地

好似真係算易亂入到

之後就行左去海邊


藝術館同以前唔同晒樣


但係是日閉館入唔撚到




張保仔號都係疫情時間想遊香港既其中一站

但港女成日話怕暈船浪仲未坐過
有啖好食都有拍過係上面食下午茶



尖沙咀鐘樓係另一座油尖旺區既法定古蹟

入到海港城又有個寵物小精靈既任務




當日朱紫都仲未出

開放世界加埋三段挑戰
其實今集設計得幾好
係結晶化做得比較普通
基本上同Z攻擊巨大化無太大分別
都係mega進化好

之後有給印仔活動

其實同之前侏羅紀世界個活動差多
一共有五個印

但其中一個印仔壞左

呢個就係消化既印檯
所以儲齊四個就夠

然後得到card game一包

初中果期我都好沉迷呢間GAME
日日都要落七仔課金買卡

真係好懷念
而家招招都勁到仆街
亂晒黎

入番去K11 art mall

其實一路都有指示

商場入口勁細
細到我唔敢對焦

呢個門口就係入番去河內道個入口大堂

自助餐廳咖啡廳就係希戈餐廳格離

一樣都係大堂比較高既樓底
就唔會有焗促咁

二人檯
自助餐黎講真係好大張

問過小二仲幫我地搬多張凳黎擺野

頭頂同格離餐廳一樣有吊燈

我地呢邊算係一個偏廳

另外仲有唔少座位係熱食果邊
以自助餐環境黎講算好好

餐廳食物分類都幾清晰
甜品區係近門口位
前菜同凍海鮮係間中場
然後熱食同廚房就分佈係左面長檯同右面邊L型檯

前菜區係場中間既四邊檯
刺身有五款

帶子大粒唔錯

其他都係普通放題級數

刺身佢係格離放左條油甘魚

原來佢地食食下會擊鼓
之後師傅會即場劏魚

然後係出面排左一大輪都只係得三塊油甘魚魚生

唔係好明個特別之處
而魚就得一條
切完就唔會再有refill

刺身轉個灣就係凍海鮮

得果三格仔
d人長期就迫埋晒一齊
懷疑呢度龍蝦係同格離hugo's係一樣
另外仲有蟹腳
白蜆
青口同熟蝦

龍蝦以外就正正常常無咩特出
不過睇L佛話仲有熟龍蝦
係呢個年代就已經消失得無影了
另外佢出面仲有龍蝦湯放題

但呢個就啖到不得了
同theo mistral完全無得比
不過試下加番隻凍龍蝦肉落去就會變得好飲左

綠色前菜我就無掂過

再格離cold cut得上下兩板勁少

仲要放係個櫃入面好難先拎到

出面有蜜糖水同烏龍菜任飲

亦都有每人一杯單點野飲

茶具又係同hugo's好似

或者加錢仲有果汁啤酒任飲

左面熟食由印度咖哩開始

竟然都幾多選擇

燒喜之次好似好型

但完全唔好食既
又難排唔知幾時先整好

燒牛肉都算係入到口

之後呢四格簡直係劣食之最


八爪魚真係完全入唔到口
羊架又蘇
真係好少係五星酒店食到咁難食既野

再過少少有焗蠔同意式菜

叫做正常番少少

右面既L型熟食檯

鐵板燒淨係見到有鴨肝

就從來都未見過有燒餅
同埋天婦羅都唔係放左幾耐


燒味部一般



再過就係粉麵區

今次我無quota食到

中式燉湯

呢個幾清易入口

比個假龍蝦湯好飲好多

再過都係中式熱食


一樣都係劣劣地
咁基本上主菜就係咁多
都真係無一樣食得過

話說發覺呢度d人食完都幾快走
八點幾九點好多已經埋左單

佢仲有呢d圖書館卡位
好似比希戈餐廳果邊仲靚