[長氣多圖][無限期] 香港staycation之旅(3)

最後係開放式廚房既長檯


熱食味道就一般啦
無話特別好食


亦都有同出面麵檔唔同既關東煮

溏心蛋就一d都唔溏心

不過隻烏冬勁煙韌好好咬

鐵板燒安格斯牛柳

上檯好靚

切開仲有少少粉
港女大讚
食落好重牛味
不過就有少鞋
但自助餐算唔錯啦

pizza就唔知係咪擺太多硬晒



最後就係出面gallery既甜品區

argo入面坐到密密麻麻
但呢邊只係得一兩檯客
其實坐呢邊仲舒服
不過位置開揚
應該成日會比路人眼望望

甜品選擇都幾多



賣相精緻

最好食呢杯牛角包布甸

少少脆口入面軟淋淋
食左兩杯


港女話個紅絲絨蛋糕係四季酒店好出名既蛋糕
tiramisu就麻麻地
始終都係得意大利餐廳先整得好食
同埋某幾樣甜品都真係太甜
亦都無成日見到佢地餅房賣緊果隻班蘭葡撻

每人一杯單點野飲

凍檸茶就只係正正常常
同上面caprice比就差好遠

最後仲有每人一盒m字頭雪糕

即係本身每人得一盒已經夠難睇
仲要由小二拎住一大排雪糕出黎比人揀
到拎上手果下真係溶溶地
完全唔明咁樣係咩玩法

最後想講
我地呢個位
由開始就已經有隻野不斷係咁飛黎飛去

勁煩
呢度已經唔係算係大堂位
仲要入面廂房坐
食得好唔自在

唔知關唔關近洗手間事

洗手間入面都好多玻璃
唔講以為去左rosewood

最後埋單終於知道價錢

每人728
四季不嬲唔做任何折扣
連加一就已經足八舊水
argo只有自助午餐
係無自助晚餐既
夜晚會變成酒吧
咁呢個價的確係晚餐價位
應該都貴過平日自助午餐唔少
不過雖然餐廳細細間
但食物種類都唔算少
甜品仲幾靚幾唔錯
服務亦都OK
有介紹又會送上檯
不過唔知係咪開番關
我地左右檯都唔係講廣東話
所以都有幾個外藉小二出出入入
如果以自助午餐黎計既話就真係好高質
但始終呢個價位完全無折
對比起麗晶平日自助晚餐都係差唔多價位
咁我就唔會推argo
人地有夜景有海景
有拖羅
熟龍蝦又好食
仲有蛋糕送
而且呢個價位就算係上面the lounge個sunday brunch係可以食足三個半鐘
argo只係同平時一樣都由十二點去到兩點半
兩個半鐘無多無少
咁相對真係會覺得無咁抵玩既
而且衛生都係個問題
六星酒店就應該無人會預期有咁既情況

之後三間都係自助晚餐
其中最平既就一定要數港島香格里拉既cafe too
因為結婚擺油個場唔大請到咁多人
咁岩見到kkday有特價
就係呢間自助餐請左幾位朋友食左餐飯

佢地平日夜晚768蚊一位
當時kkday做緊75折
用埋citi信用卡仲有得平240
除番六平均每人就只需要五百九十幾
以一間頂五星酒店黎講都真係幾抵屌

cafe too係大堂上一層

之前黎staycation食過早餐感覺良好
所以一樣係有d期待既

自助餐去到十點
但到九點半果時都散左大半人


我地就係坐呢d六人大檯

檯面已經有枝玻璃樽水比你自助斟
想講開關之後應該好多人外遊左
自助餐都少左人黎食
呢間餐廳我都係早五日先book
係凍海鮮果邊既座位直頭係完全無安排人坐
明明次次去staycation都爆到九彩
後疫情年代第一次感受到香港原來咁空洞

cafe too同之前黎食早餐個格局就無咩點變
熱食係由門口開始既開放式廚房一路去到尾


對面就由沙律開始

芝士輪生菜好似幾勁咁


一路落去就係刺身counter

有師傅即切

解凍唔係咁夠

壽司仲靚仔

而且仲耐唔耐見佢會補充

格離凍海鮮區

呢邊隻龍蝦應該係呢幾年黎講過最好既

細機影相影唔到佢點樣白雪雪法
連埋蝦鉗仲爆晒膏
大顛
不過呢度就無長腳蟹
其他麵包蟹都唔錯

最入面係最唔起眼既泰式食物

都有試過下雞翼同冬陰公

未去到伏

自助晚餐由六點半去到十點
三個半鐘
收工時間我都成七點三先去到

坐低無耐出面就響鐘
原來連中湯都係限定派
feel到入面幾多藥材味好重

熱盤唔多

都無咩點搵黎食
反而佢貼出黎又夏宮燒味

又一樂燒鵝

就好似幾吸引味道都唔錯

不過送鵝個阿姐態度怪怪地
見到佢成碟鵝咁樣飛出黎
同埋以前疫情有傳碟阿姐
而家乜都唔見晒
收碟阿叔又係怪怪地咁
成日都好似想搶碟咁

麵檔都話自己係安利

其實唔係好明呢度咩玩法

招牌撈麵

雞扒三文治我覺得唔錯

塊雞扒幾香脆
好似係即炸既

反而格離鐵板蝦就從來都無拎到過


最後係印度咖哩

都唔少選擇


大大件蛋撻佢又話係泰昌既


可能同朋友吹水多
所以就無食得太過飽
不過龍蝦就真係好食食左幾轉

甜品區四方檯好大超多野揀

入面仲有廚師負責執番靚仔

成廿幾個選擇真係拎唔晒



無左港女係度戰力低下
淨係食完呢碟野已經飽到想嘔

想像唔到平時佢到底點樣可以啪晒d甜品落肚
樣樣都唔錯
不過係麵包布甸就差d
都係四季argo好食

最後仲有雪糕櫃

haagen dazs八隻味有專人筆出黎


一樣無任飲
只有單點一杯

我地全部都係叫晒檸茶

呢度其實仲有d奇怪地方
就係凍海鮮區擺晒勁細既碟係度
反而係甜品區隻碟就勁大隻
不過佢又有呢D小朋友碟幾得意

仲有就係佢地refill得好勁
就算差唔多十臨走前都仲補番晒d蛋撻唔知為乜
超顛

咁其實錢就係kkday比晒
黎到小二幫我印多張單出黎

個價位同上網比差左少少唔知點解
人均唔洗六舊水呢個價係頂五星黎講真係算好抵食了
講緊半島過千蚊
麗晶都要八舊幾
今次最抵食就係呢一餐
不過呢度格局就比較傳統
但都無咩難食位
凍海鮮就超激讚
甜品質素都好好
係服務比前年黎staycation食早餐果時差左d
整體我都幾滿意
對得住個價有突

第四間就應該近期最hit既自助餐
重新開業由州際改名變成麗晶酒店既港畔餐廳
呢間餐廳本來就係上年年尾開業
不過短短幾日經過唔同youtuber介紹就已經爆到book唔到
之後就要每朝九點搶兩個月後既日子
所以我係一月五號就已經要book到三月五號先食得
而家睇番原來開放到未來三個月
夜晚好似仲係幾難book

麗晶酒店其實仲未正式開業
上面仲未住得人
只係開放番下面幾間餐廳
所以連入酒店門口果下都受到熱烈歡迎
經過旋轉樓梯就落到去地下層

右面係兩星米芝蓮由欣桃軒改名變成而家既麗晶軒
有星星既酒店中菜廳好似只係淨番呢間未食到

左手面就係自助餐港畔餐廳

今次終於可以由六點食到十點足四個鐘

咁我地就安排左係旋轉樓梯後面既二人檯

唔算大張

不過有落地玻璃星光大道景

又唔洗同其他檯痴得咁埋
都算係咁

不過後面檯班人拎野食經過成日都會眼望望


港畔餐廳既自助區就係正門既右手邊
左手邊就已經係座位
座位同自助區既距離都好近
係真係會有騷擾
開放式廚房一字長型走到尾
可能真係晚晚都爆
所以成日都會排晒隊打晒交

近門口係ham同沙律


再過就已經係芝士同凍海鮮

頭盤全部擺得密密麻麻
一開始拎野食基本就一定要排隊

較剪無擺係檯面

不過就可以係出面自助區拎
所以唔明argo搞乜

青口就好大隻
蟹腳都鮮甜
同埋煙三文魚好好食

再經過就係壽司區

刺身同其他酒店好唔同
佢本身已經切好
但唔係擺雪櫃入面
亦都唔係擺係度比你任拎
而係要同佢地講你想要乜再比你

總共有七種刺身
三文魚
拖羅
吞拿魚
帶子
甜蝦
赤貝
油甘魚
再加埋檯面既三文魚籽任筆

夜d再拎左碟純拖羅

即係拖羅雖然呢度賣點
但其實就唔係特別鮮同肥
不過有點都好過無

冷麵



格離就已經係熱盤

佢地都真係幾多盤
但都一樣擺到密密麻麻
堅難拎
L佛都有提出過呢個問題

港畔餐廳有兩款湯

但兩款湯就分好開兩邊
近冷盤呢邊係法式洋蔥湯

真係咸左d

之前望過凍海鮮見唔到龍蝦
原來係擺左隻熱食呢邊
洋蔥湯後面係即煮龍蝦

如果唔係成日有人企係度龍蝦既話其實都有d難發現
同小二講完之後佢就會係籠入面拎隻龍蝦出黎再淥佢一陣

佢係連蝦鉗肉都藏左係半邊身入面
即係無話好特別處理
但已經整得幾好食

格離有燒牛肉同羊架

有唔同芥末

呢兩件靚仔又有水準
係近年食過最好既
連埋個海鮮撻都好食

再格離又係live既鴨肝

即場再倒入花雕

加埋南瓜醬
成個感覺就好伏
唔識欣賞
入唔到口

尾段有第二款湯

章魚雞腳蓮藕綠豆湯

聽個名都唔想飲
但又唔係好綠豆


最尾呢邊有蒸魚
豬腳
同埋飽魚
口水雞之類

味道唔差但總係唔岩胃口
似廢老岩食比較多
所以唔知點解呢間自助餐係特別多廢老
幾乎每張檯都總有一兩個

食食下都天黑

出面個景又唔同左

甜品區

最欣賞係酒店雪糕會係自家製
細個入去自助餐會覺得任食盒裝雪糕回晒本
大家就唔會再咁諗
會欣賞唔同自己既成品
h字頭同m字就成日都食到
我屋企雪櫃都已經好撚多

呢幾隻口感幾好

甜品區好似仲密過之前
https://blogger.googleusercontent.com/img/b/R29vZ2xl/AVvXsEi1t97B1i3PkIlvMgwe0PnWjKLnPNyNTdmSN4tL9I59IfgOxuqP8D0MfD7S1e7Z0yYkY0KRky-24pYYRaZFOaQK9UmhL2dgtScAclDt9FE4boKwoJl177bA5eWGXXYNs8csX7fe8TjJzhLyz00t_hREMpfEMSLf32oJzcP_cQhuU6QGwpwXGLy6-of3iQ/s6000/DSC09582.JPG
前後隨時有成三排
上面係水果
中間係獨立杯裝蛋糕
最出係原個蛋糕
望落好多選擇
但就好難拎上到手

仲有d要靠入面廚師遞出黎先得既蛋糕


真係食幾件都濟

仲有糖水蘋果批


焦糖燉蛋麻麻地
葡撻就好食

每人一杯野飲

今次叫做幻茶


最尾最尾因為book檯系統寫左周年紀念
又送左件唔細既蛋糕
至少出面無呢一款


洗手間細細格


佢地自助餐係分日子計
星期日至四
同星期五六
五六每晚都會分兩輪
每輪只得兩個半鐘
但價錢仲貴
所以最正路都係book星期日黎食
同平日一樣價錢
3月食已經係比起最初L佛食果時加左一次價
每人888
用AE信用卡85折
再原價加一

平均每位就八百四十幾
所以話同argo都係差唔多價位
而且星期日都係呢個價
咁就真係無去argo或者the lounge既理由了
呢度所有野由服務去到食物都唔錯
上次係hugo's講過話見到小二用濕紙巾抹地呢個動作今次係度都見到
又唔會好似其他酒店咁臨尾場就執晒d野
唯獨座位真係有d迫
同埋太full太多人
唔似其他六星酒店咁寧靜
但整體係高質既
唔知同新開業有無關
希望將來都keep到啦

由麗晶大堂望落餐廳既典角度


lobby lounge

暗到不得之了

酒店大堂


坤仔當日就係麗晶擺油

我都有諗過
但佢好似都係得宴會廳選擇
大堂盡頭亦都有條樓梯落下一層the steak house
呢邊個洗手間入面個尿兜係圓型既
好cyber

麗晶正門



出面有噴水池


酒店上層仲係死城咁


bombana集團係尖沙咀新開既餐廳


再出門有k11 artus入口


前排大火起緊既新酒店

外面睇到燒到黑晒

蛋糕有紙盒可以拎走

味道唔錯

最後一間係半島酒店既露台餐廳
又係對上一次staycation黎過食早餐既餐廳
不過當時個早餐係set上
即係同大堂一樣
果次港女都係咁問點解唔黎呢間自助餐食野
咁我眼中就真係得米芝蓮丫嘛
就算食自助餐我都寧願上去上面felix食sunday brunch好過
不過今次想黎慶祝紀念日
就順佢心意黎露台餐廳試下啦

露台餐廳係一樓
以樓梯計既話要上兩層
基本上半島大部份餐廳都係晒呢一層到

而家無左staycation
酒店好似變番好拘謹咁

自助晚餐只有一時段一個價
就係六點至十點
每位1028
星期一至日都係一樣
平日黎既賣點大概就係比較少人


今次我係一月頭果時book既
不過就唔係話要兩個月後先有位
只係我想呢個日子黎食
開番關人少左
成間半島都唔同左
好似felix個sunday brunch
以前上網唔可能會見到有位
而家都可以輕鬆book檯

二人檯既話都係以方檯為主

餐檯完全係fine dining擺設黎
同其他自助餐好唔同
之前都講到明要著長褲

有埋鮮花蠟燭

係幾有格調既

同上次黎食早餐坐既位差唔多
背後個景都唔係點睇得到


講真
呢度服務第一次黎既話會覺得佢好好無得頂
又拉凳又盛
入洗手間仲會有專人開門同開水龍頭
但慢慢發覺就會同gaddi's差唔多

自助區係入口處
兩邊座位之間
就完全唔會有人係座位格離拎食物
近門口果邊係熱食
近窗口係凍海鮮同甜品
中間成張檯都係擺植物




好撚顛

窗口邊最近座位既就擺左凍海鮮

無麵包蟹
龍蝦亦都只得尾部部份

但都唔算短同埋白雪雪既
不過聽講以前蟹腳蝦鉗全部都開好晒既
而家就要自己手動開穀

半島凍海鮮既賣點就應該係磯煮鮑魚

夠晒入味

拎多d都唔怕

再格離有即切火腿


刺身壽司區佈置就幾有特色

刺身一早切好擺定晒
有六種
油甘魚
帶子
三文魚
甜蝦
吞拿魚
馬刀貝

向好既方面諗就係自己想要幾多就幾多

熱食近門口有三張檯
左右一張L型加中間橫檯


中間檯放左兩款湯
中湯係人參雞湯

西湯南瓜忌廉

都唔係咩特別野
亦都無燉湯

基本上成個自助區都淨得燒牛肉呢區見到有廚師坐鎮

鴨胸勁大塊

但羊架同燒牛肉都唔夠熱
不過就唔會好鞋好韌

係咸左d
湯牛舌就一般
仲有好少見到既牛肚

另一邊係南亞風




個蟹肉蝦多士非常唔錯
塊厚多事牛油味十足
以為食緊龍蝦包

同麗晶一樣
佢地無車仔麵檔
但就有個關東煮既檔口

係好細個位
本身見又無師傅係度唔知做乜
後尾有一次終於見到有個有位譚仔姐姐企係係度
其實都應該無乜人去拎
姐姐有問我亦都有答話要烏冬既
但最後由小二送上黎呢碗係無烏冬既

後尾想要番碗淨烏冬姐姐又消失左
如果無心做既不過消滅左呢part好過啦

話說佢地見你食到差唔多想食甜品果邊係會幫你換過晒餐具同既
應該係幾貼心既行為
不過我對面果位係唔無次序次
鍾意食完甜品又食番肉隨心而行
咁呢個設定對佢黎講就會好奇怪

咁呢個甜品區就無乜原個蛋糕



大部份都係獨立一件件既
叫做唔會搞到個場面咁亂

個布甸入面真係朱古力黎

佢地自家製雪糕仲有盒裝

三款口味

香蕉最好食
不過都幾快溶

差唔多九點
佢就上埋蠟燭同杯香檳啫喱

閃下閃下幾特別

每人都係一杯單點野飲


茶味好夠
而且入面真係用茶葉並唔係用荼包
呢方面半島就從來都唔會令人失望

再講下呢度見到外國人既比例比起四季argo仲多
可能都係樓上住客
佢地好快都閃晒
基本係無乜人會食到十點
差唔多九點半左右已經清場咁濟
搞到連坐係到都覺得尷尬

之前黎半島staycation食飯用visa signature都已經有九折
但而家就要四個人或以上先會有折
又不斷強調黑卡先有折
個感覺都幾另一反感

咁所以呢一餐每人就要1028再加一
即係要成一千一百幾
真係貴到離晒地
雖然話露台餐廳味道係唔差
但差唔多係港島香格里拉既兩倍價錢就真係點都唔值架啦
就算同麗晶比都貴左三舊水
講緊都算係同級既餐廳
我覺得真係試一次就夠

再講下其實我係幾滿意當日既staycation
但係gaddi's我就已經覺得佢地睇唔起人
到之後本來決定係呢度花園套房結婚擺酒
佢又一直唔知做乜係咁拖拖拖
拖到最後直接唔再回覆
都真係幾痴線
如果真係無期咪直接拒絕我
完全唔理解一間香港最頂級既酒店咁既做野方式係咩玩法
到今日又好似覺得我地賴死唔走咁
明明係連十點都未去到
九點半都已經開始執野
咁樣真係好撚難睇
對半島既良好印像真係無撚晒




其實試到最尾
最想食既都仲有君悅cafe
因為當時試過早餐真係咁多間酒店排第一
不期然對佢地自助餐都真係會有種幻想
文華東方快船廊通關之後都成日係klook呢d做優惠
五百零蚊左右算好抵食
或者麗思於爾頓cafe103都好耐無去過
仲有美利the lounge既半自助晚餐
下一間既話就應該會去以上四間其中一間掛


DAY104 完

星期日就出發去東京
三年幾終於可以搭下飛機
餐廳都叫做book晒
樂園都去兩個
又要浸溫泉
今次呢個蜜月旅行真係名副其實既食玩訓

JW個Sunday Brunch感覺上同普通buffet無咩分別

係呀
根本就係lunch buffet黎
都無主菜無盛既

唔辛苦
都係自娛放鬆下
唔寫呢d野好似已經無乜生存意義
呢三年都唔知點過

試下先

原來已經推唔到

結左婚寫完日本遊記
無野做暫時未想買泰國遊記
都係想更新下呢一邊
趁自己食完仲記得


DAY105.1 上海飽餃店 滿堂樂滬京風味 上海真真豆漿大王 威風百麵 蒙麵 火夫

之前有講過
由武肺疫情開始
呢三年黎紅磡已經變左我第二個屋企
咁周圍既餐廳都真係食左唔少
高質過九龍灣實在太撚多
最緊係係岩食同多元化
雖然係污糟同細間左些少
但性價比真係幾高
仲出左幾間知名度好高既海南雞同拉麵店
連米芝蓮必比登既餐廳都有幾間
同北角一樣
舊城區真係唔可以睇少



上海包餃掂同滿堂樂係痴埋一齊既兩間舖頭
同一樣都係星期日唔開

雖然兩間雖然都係賣上海野
但又會無乜野係重疊既呢樣好野

包餃掂就賣點心為主
夜晚都算早收
收工黎到都只可以買到賣剩既點心
所以基本只可以揀星期六過黎


專賣上海點心舖黎講都算少有係有堂食既
咁座位都唔多

四張檯左右
隨便坐

半開放式廚房


有時都可以見到佢地係店內坐係度包點心


蒸餃子同蒸小籠包價錢都係7蚊隻

蒸包就8蚊
煎餃同煎包都係6.6隻

已經夾走左一隻既生煎餃子

入面好有肉汁

皮好厚似鍋貼

生煎包

雖然都有肉汁

但可能唔是即煎就咁係架車仔拎出黎就凍凍地

小籠包就即蒸

比較大粒飽滿
賣相靚過豆腐大王好多

不過皮薄好易穿
要比較小心

手寫單

三款十四件加埋94蚊
整體都唔錯幾好食
不過會唔會擺耐左就真係要睇彩數
可能多人食果時會比較穩陣
同埋老店地方比較污糟同逼夾
但當然點都好過外賣拎走食啦

食完即刻過格離食埋滿堂樂

我成日搞錯佢個名做滿樂堂
就點都估唔到咁up dup既地方會係米芝蓮餐廳
由22年開始上榜
連續兩年必比登推介
入面座位仲少過格離飽餃店
成日都唔知門口排既人係等外賣定排緊隊

入面得兩張大圓檯

搭檯就係必定既事

餐牌都係要睇番牆上面
主要賣上海麵

同小食

真係好少野同格離重疊
唔知係咪有deal過

咸豆漿係豆漿大王中過伏
以後都唔會再叫
格離檯就有個阿叔係咁話個咸豆漿唔夠熱
普通豆漿加5蚊就有

冷熱同價
熱豆漿成碗上

淨係要熱既都夠

佢無得揀豬扒擔擔麵
要分開點
所以要個普通擔擔麵算

之前買外賣又好
今次堂食佢都有叫你搞暈碗底先食

呢個係我鍾意既味道
花生味夠重
又熱又暖肚
唯一係個麵唔夠詠藜園鬥

老店特色
落單都係就咁大叫
小二就無機無紙去記低
所以成日都會漏單
呢度無北角麥記咁好記憶
要再提下先識整個粢飯

一開二

粢飯就豆漿大王好食好多
呢間無乜咬口
油炸鬼都係乾乾地


同格離一樣都係手寫單

今次係一麵一飯兩杯野飲
加埋75蚊
價錢都OK
擔擔麵加熱豆漿無得輸
粢飯可以唔洗叫
而且一舊25蚊同類型舖頭都係偏貴貴
同埋圓凳搭檯都係坐得唔舒服
試過個麵叫外賣都仲係熱到hihi
都可以考慮下拎走食既

見佢地兩間上海野都似係家庭式經營
仲要痴埋一齊又唔會重疊打交
都幾神奇