[長氣多圖][無限期] 香港staycation之旅(3)

除左果汁任飲之外都仲有餐飲一杯
今次all in凍檸茶


最後因為食埋扒都超過十成飽
兩份side同送既蛋糕仔都食唔落要打包走



我地都繼續食到三點四先走
格離自助餐就已經完左好耐
所以去廁所都唔會點迫
但真係兩間餐廳咁多客
只有兩個廁格定尿兜呢個設計就唔係太掂

仲有就係埋單先見到水有另收錢
平時都唔會犯呢個錯誤
所以見尾段佢幫我地加既水都係無牌子既

除夕日子零折
埋單兩千九百幾
平均一人就要1466
呢個價係la table既三倍
夜晚去其他酒店鋸扒都無咩難度
咁食物雖然高質
同埋有魚子醬任食
但始終龍蝦湯心太軟都係得一份
亦都都無凍海鮮之類
甜品又同自助餐一樣
當減番官網見到塊扒除番個安士大約五六舊水既正價
其實都已經係等於三月果時係係harbourside既價位
呢排睇番自從開業之後
成個麗晶都mark up晒
尤其見到麗晶軒同欣圖軒相比直頭好似兩間餐廳咁
咁可能呢個地點真係唔優做
不過都要講番個服務係無得頂既
最重要都係可以講番廣東話
同埋都係貼心既
完全就係米芝蓮餐廳水準
呢個就係同君悅扒房同henry既分別
係文華扒房既lv
而餐廳景都係唔錯既
同自助餐共用同一個星光大道景
不過因為位於地面樓層就唔算係好靚既海景
而且位同位少迫都係差少少既
咁整體食物唔錯
餐廳就幾滿意
奈何價錢實在係太偏貴唔係太食得起

除夕日周圍都係唔識講廣東話既人


要我係度企多十個鐘先有煙花就真係搞不撚掂
又睇過今晚麗間扒房索價係每人三千蚊
一樣都係半自助
而時間係由六點開始可以坐到十二點放煙花

k11 musea後面星光大道



rosewood都有些少聖誕氣氛



咁食到飽飽我就無興趣留係度睇煙花
係屋企訓覺好過




咁大部份既酒店扒房
好似文華扒房
henry
hugo
la table
君悅扒房
麗晶扒房都叫做試過晒
應該都係差龍蝦吧同海岸扒房未去過
仲有morton都可以稱呼做酒店扒房
以後再睇下有無機會啦


DAY112 完

DAY113.1 快船廊 咖啡園 萬麗咖啡室 Garden Lounge

話說開左關之後呢
香港就越黎越少人
支那仔又食唔起太貴既餐廳
所以到最後d自助餐乜乜乜其實都係得香港人去食
而香港人又出晒去旅行
搞到香港餐飲係仲差過武肺果時
咁呢個時間就有好多自助餐廳推出左半價優惠
基本上四百幾五百就可以食到五星級既自助晚餐
咁當然最出位名果堆好似jw cafe 君悅cafe the market呢d就無份啦
但呢d半價餐廳當中都不乏係星級酒店好似文華東方或者美利之流
結果係八月去到十一月呢四個月時間
我總共食左8間自助晚餐
不過有一間係澳門食既自助山
所以都有七間自助餐可以一次過寫晒佢
而呢七間自助餐其中有六間之前都已經住過同食過早餐
咁我自己既結論就係
早餐既水準係點
夜晚既水準大概就係咁既樣


食完argo之後其實都停左一陣無食buffet
但係就因為慶祝生日去左文華東方既快船廊
餐廳之前係klook長期隔一陣就會做個優惠出黎
咁klook聲稱個73折平日自助餐價錢就係550蚊一位

再連埋果期做緊citi信用卡優惠可以減200蚊
即係每人450就可以食到六星級酒店既自助晚餐
同半價無咩分別
雖然alfred都話呢間自助餐差左好多
而我食過早餐都知餐廳格局本身就麻麻米
全部野都係搭出黎
但係老婆話未試過就順下佢意啦
其實當時仲有garden lounge可以選擇
又係長期做緊5折
不過唔知係咪暑假關係就停左個折扣
所以最後都係去左文華東方食飯

快船廊自助晚餐時間係由六點半食到十點
三個半鐘小時
而我地差唔多七點先到
所以係得番三個鐘時間
我地次次都係商場果邊過黎
因為電梯都係果邊方向
但原來正門其實係樓梯果邊

有個櫃位係度


以前都認識過餐廳格局
當時武肺年代都仲有屏風隔開張檯
而家無左武肺之後就無晒屏風

位同位之間既距離就變成伸手可觸
左右位講既野都全部聽到晒

而且二人檯都差細張

好似擺少少野都會無位咁
更加唔會有空間可以放籃擺袋
不過六星酒店都仲會有植物擺檯做裝飾

但就唔會好似半島自助餐咁grand同拘謹既

d座位就係圍住d玻璃欄黎擺

有d位根本係商場入面

咁而家出面自助區既擺位好似同之前唔同左
當時我地坐既窗口位而家都變左做自助區
即係而家雙柱既後方全部都係自助餐區
都叫做唔洗係人地坐位後面拎野食

咁而家既格局就係兩條柱中間就係前菜刺身同凍海鮮
仲有d cold cut同芝士係右面角落近廚房位
刺身同半島一樣都係切好晒擺係度

有五種選擇

壽司都靚仔既

不過就無拎到

算係正常水平
唔難入口

海鮮都係擺到密密麻麻


有龍蝦鮑魚同麵包蟹
但無長腳蟹同生蠔
呢幾個月食過既自助餐就只得美利既garden lounge係有生蠔
只得焗蠔
龍蝦都白雪雪既

麵包蟹蟹膏都唔錯

鮑魚都ok唔差


角落頭既芝士同cold cut

選擇都算少

咁場既右手面
即係樓梯上門口果邊
一開始就係麵包

牛扒同羊架

麵檔

仲有快船廊最出名既海南雞


牛扒唔鞋唔難食

仲有一大舊yorkshire pudding可以拎
芥末醬都係六款

但同麗晶半島或者四季呢幾間六星自助餐就仲有一段距離

叻沙都係正正常常


最後最期待既海南雞就好失望

厚肉但係鞋鞋地
之後都有食過話廚房係文華東方出身既寶寶海南雞
連同之前去過置地文華mo bar
得出既結論就係文華東方海南雞真係一般般
完全唔係坊間所講可以同君悅齊名
君悅雖然未食過
但平版既勇記我就覺得好好食
咁對君悅真係有一定信心

雞檔仲有雞湯可以筆

呢個湯就唔錯幾清甜

同埋右面呢幾檔就有個特色
就係廚師塊面都幾西下
完全唔應該係六星場出現既畫面

快船廊既弱項其實係非常之明顯
就係佢地熱食係少之又少
亦都非常之唔吸引
除左頭先果三檔之外
其他都都集中係兩條柱既周邊




係真係無野食到白汁意粉可以成為其他youtuber所講既賣點
仲好多人拎
次次見到都比人清晒



都真係無咩野想拎

除左雞湯都仲有一中一西係出面


因為唔太夠所以之後仲有位可以食第二三round海鮮


最後甜品同熱食個對比真係好大好大
擺左係左手面同最後面幅牆果邊
唔計雪糕都有四張甜品檯




有原個蛋糕有細細地杯裝既
成廿幾個選擇

招牌既芝士蛋糕一樣有得食

同之前係度送既原個蛋糕都完全係一樣味道

真係要分幾次先拎得齊



仲有六款自家制雪糕



亦都有甜筒可以揀

甜品數量堅多
不過賣相就無半島同四季咁精緻
但味道都係唔錯既
尤其係自家雪糕

快船廊無任飲果汁
每人只有一杯餐飲
凍檸茶

凍朱古力就幾靚


最後有生日蛋糕仔送上

係出面無得甜品區拎既
算比較特別

呢層洗手間係商場
因為普通人都用到
同扒房果層果個距離好大


本身係以為市道平靜所以先出大量平價優惠
但又估唔到平日夜晚黎到係滿座既
不過雖然係暑假但小朋友都係偏少
可能酒店客群本身就唔係果堆人
至少餐廳雖然人多但唔會大吵大鬧
咁如果用價錢去睇既話
四百五十蚊得到呢d野食係算公道
餐廳長短處非常分明
唔難食但亦都搵唔到特別好食既野
甜品高質但熱食就少到食唔飽
凍海鮮都可以食到兩三round
但始終餐廳都係偏細
餐檯又係偏矮同迫
坐得唔算好舒服
如果用文華東方酒店呢個名或者餐廳正價去睇成件事就係完全唔合格

之後九月就同朋友去左港麗酒店既自助餐咖啡園食飯
咁港麗最出名就係個brunch
自助餐名氣就相對差好多
不過當時六個人就搵唔到咩大優惠
但就係kkday見到咖啡園做緊買二送一
岩岩好買兩份就可以湊到六個人
價錢每三個人1756

減左master卡滿900-100優惠就變成1646
即係差唔多550蚊位
已經係呢幾餐自助餐入面算貴些少既

咖啡園自助晚餐既用餐時間係我去過全香港最少既
由六點半去到九點半
只得三個鐘
但正價連加一都要成八百幾蚊位

一樣可以係太古廣場中庭搭lift上到黎5樓
轉左一入港麗酒店就係咖啡園

今日平日星期四
客量大概都只有六成左右

中秋月份
外面泳池都有個綠色大燈籠
地方唔大
見到佢地都個椅貼椅咁坐

不過我地張六人檯就大過文華東方好多

檯面有棧綠色方塊形狀既燈飾

自助區同食早餐果時擺位一樣
證明野食都一樣唔多
比較細張有冰既凍檯就已經係擺左海鮮同甜品

凍海鮮有五款
其中兩款係龍蝦
無麵包蟹
雖然呢間自助餐質素整體都麻麻
但龍蝦竟然係呢一年食過比較高質既

白雪雪
有甜味
直頭係同港島香格里拉既cafe too一樣口感

另外呢度係有生蠔既

不過就同上面八樓brunch一樣都係行配給制
每人只有兩隻
都幾大隻

咖啡園飲品係自助任fill

有果汁汽水仲有啤酒
比普通多少少選擇
紅白酒就另外錢
無每人一杯既自選餐飲

另一邊係麵包同湯

西湯係龍蝦湯

都唔算難飲既
比好多鳩既龍蝦湯算好
有d味

cold cut款式都少

綠色野又係就咁擺幾兜係度

呢張檯仲有個比飲品區仲細既甜品區
之後再講

橫檯早餐就擺滿麵包既
今餐就再見唔到
而家係擺刺身壽司

三文魚
吞拿魚
八爪魚
希靈魚
鯛魚
連埋玉子燒六款

但應該人少
師傅就長期都唔係位
都等左幾耐先現身
結果佢好撚重手咁每樣比成三件厚切

唔知係特登定想清貨啦
但食晒都真係好飽肚
而壽司都正正常常
不過最特別係有海膽

入到口無問題既

格離繼續係無意慾拎既沙律

到熟食區
由左至右係燒味

中式熱食

燒牛肉焗三文魚

麵檔

同西式熱食


燒牛肉都係好普通

叻沙隻蝦就好大隻

其他熱食都唔太吸引
海南雞又係無師傅拎唔到

都係睇過youtuber介紹先醒起出面有個bbq區
但真係好隱閉

戶外區無人坐

穿過晒先見到張bbq檯


個南亞師傅縮埋一邊玩電話
基本上都係燒好晒就放係度
然後你想要就再放落去燒多陣比你
之前見youtuber介紹有個幾吸引既燒豬腩
佢有放個牌係度
但就完全無見過實物
所以只係得腸雞翼同牛仔骨

擺得耐已經乾身
都係得醬汁同炭烤味
可能人少
覺得呢個區都幾浪費下

係野食唔多情況之下
餐廳就換左另一種形式供應食物
除左配給生蠔之外
每人都有一份燒帶子意大利飯

帶子就幾大粒

最後就係擺係前菜區既甜品區

只得一個黑森林
一個tiramisu
一個撻
同焦糖燉蛋
真係第一次可以見到自助餐得咁少甜品
即係唔好同上次快船廊去比
就算去四星酒店都應該唔只咁少
一隻碟已經拎得齊所有甜品

都係果句
味道唔差
但選擇真係太少
完全唔似食緊自助餐

然之後佢話八點三會有廚師即席整燈酒士多啤梨

其實無咩特別
都係充撐場面用
其他自助餐應該係全時段供應添
我就無拎到

然後佢又係有個單點朱古力蛋糕送上黎

都叫做有擺過下盤裝飾下

同埋係刺身格離有haagen dazs雪櫃

不過好似都無咩refill咁

洗手間都係要上半層先有


成餐飯就食三個鐘
而我都差唔多七點半先黎到
即係得番兩個鐘食
但選擇真係唔多
過一陣都拎齊同已經覺得無乜野好拎
師傅又成日唔見左拎唔野
咖啡園買二送一折後都成550蚊
都貴過普遍買一送一些少
同上次快船廊比貴左成舊水
以呢個價錢黎講的確係幾差下
我就唔係幾收貨架啦
雖然明知港麗自助餐唔係好野
但話晒都叫做太古廣場
叫做抱住試一次既心態過黎
係估唔到一間五星中檔酒店既自助餐係咁既樣姐
港麗真係無論係酒店房定餐飲定服務方面
係金鐘四寶入面唔係排包尾都起碼有個尾二
都真係唔怪得個場得半滿多些少既
同金葉庭都一樣只食老本
完全無諗過搵野去令自己突出
自助野仲變埋單點貨色
咁就雖然唔可以話佢去到同尚廚呢d災難級相比
但始終都係一間福布斯四星既酒店
真係幾乎比所有同等酒店既自助餐屌打晒

第三間係中秋節去萬麗海景酒店既萬麗咖啡室
呢間都又係聽過L佛講質素長期都好穩定
咁又見klook見到優惠買一送一

個價錢就係958蚊兩位
即係正價未加一都要成798蚊位
今期klook無其他code可以用到
咁除番開就係每位479蚊
因為佢星期一至日同價
所以呢個價係中秋節正日都食到
就夜晚早收過黎慶下節

萬麗咖啡室同港麗咖啡廳一樣
自助晚餐竟然係只有三小時可以食
時間都係由六點半去到九點半
唔知佢地以前係都係咁
我自己都叫去左唔少自助餐廳
真係得佢地兩間係咁少時間


餐廳格局同以前staycation果時感覺一樣

就係樓底真係好矮
同埋檯凳都係四星酒店feel
不過今日中秋應該都滿左八九成
而且細路都多

我地今日坐既二人檯都叫做正常size

梳化位有位可以放袋

坐底就會問你想飲咩
每人只有一杯果汁或者汽水
不過出面都仲有d咖啡機有熱飲茶包可以斟

都可以加錢join任飲plan既


另外就有每人一張配給卡

可以出去得到蒸龍蝦一隻
即係兩個開邊連埋蝦鉗
咁其實都幾大份
而且出面都仲有凍龍蝦
呢樣野就真係bouns
港麗果隻叫做偷換

萬麗咖啡室自助區
由門口開始已經係半開放式既廚房
呢隻先真係設計用黎做自助餐既餐廳
而佢地凍海鮮都好齊全
唔會擺得密密麻麻

有齊龍蝦麵包蟹同蟹腳
生蠔任食就周圍都無已經無咩好講

不過海鮮都係普通水準

明顯龍蝦就唔係港麗果皮
可能好果批拎晒去做蒸龍蝦

格離係刺身壽司區

五款刺身
壽司唔算多

但係有和牛壽司點綴下

同凍海鮮都係正常發揮

除左半開放廚房
中間仲有張長檯就係擺前菜同甜品
但比起港麗大張好多
芝士cold cut沙律


因為今日係泰國主題
仲會有泰式沙律提供
另外仲有架獨立車仔檔可以撈沙律

叫做擺盤都靚過港麗
雖然我呢part skip晒
另外仲大半檯甜品之後再講

咁番去廚房區
壽司再落一格就係麵檔

泰式主題就話係有海鮮做餸

仲有泰式醬汁

燉湯都係由麵檔師傅夾出黎

個蟲草花湯幾甘甜好飲


佢都仲有豬骨同忌廉中西湯各一

不過同麵檔都無掂過
可能食隻蒸龍蝦真係太飽

泰式主題就多左幾碟泰式熱食

有phad thai
炒蟹
炒蜆
魚餅呢類

魚就應該唔係泰式野

因為泰式野個名牌好似會唔同d

相對其他熱食就會比較少

烤肉就有豬牛雞都有

但等左好耐隻雞都係長期無脾

同中式相比
泰式果幾款菜明顯係比較出色惹味

中式係有蒸鱔都唔錯

牛肉色水可以

唔難食
都係正常發揮
另外佢係有蒜蓉包做配菜
不過就麻麻地好硬

咁蒸龍蝦都係呢個位拎既
後面就成部蒸爐望住佢拎出黎
所以有時都要等下
我就兩隻龍蝦分左兩轉去拎
結果就唔太一樣
第一隻七點左右就拎左
係好食好多既

佢真係原隻純斬開一半比你

見到入面係爆膏同嫩身
而第二隻就八點先拎

肉身係差左些少

唔知係咪焗耐左定點
同埋膏都無咁靚
不過呢一份龍蝦係滿足既
雖然無得refill
但都叫做特色位

尾位係有個泰式串燒區

都係見到擺左一段時間

味道一般不過又未算好乾

最後講番甜品區
沙律格離有係泰式甜品

呢個彩虹千層糕幾香軟

泰國著名既芒果糯米飯就搞唔撚掂

之後係水果同正常甜品糖果

中秋節仲有月盒放送



小朋友玩意

朱古力噴泉

六款原個蛋糕

賣相都幾靚仔
去到尾段有另外一款蛋糕出左黎




都係巴斯克最岩我口味

甜品檯格離係雪糕櫃

麗萬用xtc意大利雪糕
同埋呢種轉轉轉係吸引既
但係個職員就筆得幾辛苦

仲有即整窩夫


可以擺埋一齊食


不過太多款試唔晒
泰式奶茶同薑味都唔錯
咁整體甜品都係唔錯既
雖然好似每樣選擇都唔算多咁

洗手間係餐廳入面

因為多細路就唔算好乾淨

可能呢個場就細路仔較多
好多檯食到八九點已經散左
即係雖然九點半未完都已經走左大半個場既人
壓力底下我地竟然未夠九點半都閃左
不過其實食完龍蝦都飽左大半
都無咩戰鬥力淨低
連麵檔燒雞都無掂過
不過就食多左蛋糕
咁中秋節食到四百幾蚊呢個價我又覺得都算唔錯
整體味道正常合格水準
都係無咩特別難食既
所以我都講過話四星同五星最大分別就係四星會有好多垃圾食物出現
而五星味道未必一定好好
但起碼唔會難食
蒸龍蝦同泰菜都叫做有水準
蛋糕都係唔錯既
雖然未有太多杯裝甜品
泰式甜品就一般啦
咁都唔會點劣評呢個自助餐
叫做得得起個價錢咁啦
服務正常收碟快
只係樓底裝飾問題另間餐廳唔夠高級姐

走果時見到下面mirage原來有live表演

到左十月
就去左美利酒店食自助餐
其實美利設計原本就好奇怪
無自助餐餐廳
亦都無自家中菜廳
只有三間差唔多類型既西餐廳
其中有兩間會做半自助sunday brunch
又有兩間會做八婆下午茶
所以當時去staycation果時就已經覺得好撚奇怪
佢地包既早餐同下午茶地點都無得自己定
然後仲有間酒吧又會拎黎做行政酒廊之類既服務
成間酒店定位不倫不類
然後唔知點解2023年仲升左上福布斯五星既行列
咁最近呢兩年佢地就係garden lounge加推左半自助晚餐
自此garden lounge同the tai pan定位上終於有些少差別
一間半自助餐一間fine dining既感覺
咁可能就唔太吸引啦
所以都斷斷續續會係eatigo同openrice推出5折優惠
不過自暑假之後佢地都只係做到最多6折
咁我地都只有用6折優惠黎食呢個半自助餐
klook都耐唔耐會見到佢有買一送一優惠
不過就要硬食埋酒水plan
所以價錢都係差唔多

半自助餐時間係六點半至十點半
有番四個鐘可以食
因為佢離地鐵站都有段距離
我地就大約六點九先去到
garden lounge位於酒店平台
門口就係呢個好熟悉既自助區

左面係fine dining既the tai pan
右面就係今晚半自助餐既garden lounge
兩間餐廳格局都係差唔多
分別就係紅色凳同白色凳

又係以前食早餐黎過既餐廳

不過當年我係幾滿意呢度個早餐
可以排到所有酒店既頭三位
又唔好以為佢因為無咩人先做優惠
呢個十月既星期四都坐到七八成滿

近門口呢邊主要都係二人檯
我地就坐左係門口玻璃後面張圓檯

張圓檯就好大張
預設有湯匙同筷子
不過就無第三張凳可以擺袋

檯面有蠟燭鮮花

係燭光晚餐黎
而且一個細路仔都無
氣氛唔錯
可惜好似去旅行會去到麻木咁
去呢類型既餐廳都會麻木
人地一年慶祝一兩次
我地而家一年就要追番過去三十年既進度

半自助就一定係有餐牌啦
因為要揀主菜嘛



最記得早餐果時麵包係放係餐廳入面
咁晚餐呢
就係果汁擺係餐廳入面

唔加酒水既話都有三種果汁可以任飲

熱情果
西柚同橙汁
個果汁櫃都幾岩餐廳風格

前菜沙律cold cut同早餐一樣都係擺係門口兩邊


雖然款式唔多
但係擺得幾優雅
都有少少意慾拎d番黎

比較特別仲有中式既海蜇口水雞


garden lounge玻璃牆後面係刺身同凍海鮮

刺身係平時食壽司最渣既三寶
三文魚
北寄貝
八爪魚
另外果個係煙燻三文魚

真係平時去食迴轉壽司都唔會拎

格離係凍海鮮


以種類黎講
佢除左無龍蝦之外就好完整
連鮑魚生蠔都有
真係成個2023年得佢一間有得生蠔任食
不過質素有d參差

長腳蟹就肥美多肉
不過果幾種咩花蟹三點蟹藍蟹全部得個殼乜都無

飽魚好深色
但又唔係半島文華東方好入味果隻
生蠔就普通細隻
我就無食到好多
不過長腳蟹就拎左幾輪

湯有兩款
一款係最初坐落無耐就位上既

餐牌寫粟米蟹肉羹
但小二介紹係燕窩蟹肉羹
真係幾好飲
呢度雖然係西餐廳
但中式食物都唔錯

另一邊係角落頭既南瓜湯

相對就比較普通


而出面唯一有師傅係度既就係澳洲帶骨肉眼同皮片鴨


咁雖然唔係成日有人搵佢
但點都唔會好似港麗咁玩電話唔見人
或者文華東方咁西口西面
今晚呢位就專業親切好多

牛肉就去左骨

皮片鴨會比埋配料同醬你

兩份都唔錯
不過都係去到尾段就會變差
好似塊皮會蒸到硬晒之類

最後係仲有三個海鮮熱食盤

有咖哩蟹
豉汁炒蜆
粗管麵個牌就叫做海鮮麵/飯
應該可能隨時會轉

炒蜆同白汁粗管麵都幾濃味
不過之後淨係見佢有fill到粗管麵
上面d蝦就無fill過

主菜大約八點零鐘上
一個揀左出面無既焗龍蝦

感覺成隻龍蝦都比芝士味蓋過晒

比較普通
同埋只係得半邊
萬麗咖啡室都有原條蒸出黎

另一個叫做法式釀蟹

以為有咩特別
原來係中式蟹蓋加炒伊麵

不過個蟹蓋同中菜廳都係一絲絲有得揮就算佢
只係同下面個伊麵唔夾仲好齋姐
亦都唔知佢點樣蟹炒麵

中間甜品檯就排得好靚仔




細細件味道仲有層次
又唔會過甜
尤其係個朱古力慕斯甜筒特別好食


有d位係寫左是日精選
最後係fill左葡撻出黎

不過可能擺左一陣
已經唔熱了

openrice有mark低慶祝周年紀念
佢都有蛋糕送

呢款都係出面無既口味

最最最後
見好多人無食到就走左
因為見餐牌上面最後係有寫到話有手工意式雪糕
問左原來係餐廳最入面近樓梯個bar檯
懷疑佢可能好少量所以咁神秘

呢個位小二長期唔在陣
佢都係見到有人等先現身

一次過拎晒五隻味唔洗煩

我都係麻麻地雪葩隻口感
奶凍同藍莓最好食
另外果兩款都唔錯既
後尾都有再食多球奶凍

洗手間係升降機格離

都係雲石面設計
幾靚既

雖然話可以食四個鐘
但好多人八點零九點都已經散場
我地都坐到十點就離開

正價同出面六星自助餐差唔多價錢
798蚊一位
6折之後原價加一兩位1117蚊
平均558蚊一位
已經係呢四次自助餐入面最貴
咁其實佢出面自助區無咩貴野
通常半自助都應該有既魚子醬或者風乾火腿龍蝦佢都無
刺身用黎充數
仲有幾款蟹係無料既
不過好在其他野食味道唔錯
位上個中湯同皮片鴨蟹蓋都幾好
仲有甜品雪糕都係中上水準救番唔少分
同埋服務一流
唔似係炒散純收碟
親切有笑容
環境算係幾有氣氛
亦都無咩小朋友騷擾
檯面寬落
係檯同檯既距離唔算遠
但都有落地玻璃加強空間感
咁呢個價位都算可以接受
當然佢如果有番五折就會食得更開心







續



寫左四間自助餐都好累
之後仲有三間排住隊
我都希望盡寫希望早d開始日本遊記

DAY113.2 The Farmhouse 海景咖啡廊 The Market

十月連埋去澳門果轉一共食左三間自助餐
諗起都痴撚線
第二間就係維港凱悅尚萃既the farmhouse
呢間係香港四間凱悅集團入面級數最低既一間
staycation就真係無乜點諗過
主要係套房數目太少
所以今次就真係唯一既新體驗

自助晚餐由六點到十點
最正常既四小時晚餐
維港凱悅就好方便
北角黨鐵站一出就會見到
不過我成七點先黎到
而且大廈地下係商場而唔係酒店入口
要搵lift或者電梯上去先得
二樓再穿過埋reception先到the farmhouse

我都有聽過佢唔少負評
同時都見到好多人黎呢度staycation順便連埋自助餐一齊食
唔知係被邀請定點啦
總之我就係官網見到個四周年第二位四蚊既優惠
每人唔洗四舊水就當試下過黎食個飯

眼見十月星期二呢度都幾full

餐廳仲好大坐到好多人

證明呢個餐廳評價雖然劣
但好受歡迎
仲整左個小朋友區出黎


我地就坐窗口前面位

但窗口有度門
自我ban鳩左個海景

檯面就正常唔算細

咁都係無位擺袋既

自助區就有兩個
一頭一尾
兩個相隔都幾遠
好少見到咁樣既設計
明明仲叫做比較新既酒店
近門口果個係前菜同甜品區
最近有個汽水櫃免費享用

真係放題feel


仲有可以自製檸茶



亦都可以加錢飲啤酒或者紅白氣泡酒

格離係凍海鮮

有蟹腳同麵包蟹
但係龍蝦睇番官網先知竟然係要星期五六日先有
明明大家都係dinner buffet
只係平日平得果少少
即係而家黎正on9

呢幾樣都普通正常


格隔係極少量壽司同冷麵


仲有四款刺身

師傅又要執海鮮又盛
都幾忙又唔得閒理你

都係橡筋feel


背後個雪櫃係前菜加甜品



沙律


全部見到都唔係好想拎

然之後要穿過座位區先會去到最入面既熟食區

即係坐呢度d人長期都會有班人係格離行黎行去
細路又跑黎跑去又跌野
成條路搞到痴痴立立

呢一區算係個長方形大房
四邊都有檯擺野
熱食黎講係比較多既
一入去就係烤肉
有豬牛羊

可能都算燒得幾香
羊架長期都有人排隊

反而雞翼同豬頸肉因為有人排隊都拎唔到

羊架因為岩岩烤起
好食過因為排隊變凍既西冷好多


左面排位開始係燒味

海南雞似普通白切雞多d

同埋中西湯都無名


都係麻麻地

中式小菜

一開始仲有扇貝
但清晒之後就變左黃金蝦


麵檔有拉麵賣

好典形既港式拉麵

小朋友區

有迷你漢堡
春卷
芝士通心粉


再格離係印度區

有幾種唔同既咖哩
但望落去都係差唔多

拎左幾樣野

都係一般般唔太好食

黎果時又係會得到配給券

睇過youtube以前係會有半隻奶油龍蝦
但今日已經變左係海陸漢堡

漢堡都係即場煎既
不過又係排隊位
廚師好生手咁快速咁玩

都叫做特色食物入到口既

呢度唯一係個自家製千層麵算唔錯


最後又番到起點既甜品櫃


全部都係方形細件蛋糕仔

連賣相都好一般

仲有d蛋糕仔同麵包布甸餅擺係出面



最初仲有隻西班牙油炸鬼幾好食

但拎晒之後又係無補充過



呢度都有部圓形雪糕櫃

但唔係好明佢有層霧咁遮住唔比你望清楚係咩玩法


抹菜姜撞奶味同椰子都唔錯

仲有大量水果


洗手間係熟食區最入面麵檔對住個位


今次full house
真係大把人陪到十點都未走
可能近地鐵站又或者真係有樓上住客掛
咁都叫做食到三個鐘
正價708蚊加一

條數見到都煩
首先果第二位加四蚊又要計番加一前個數
然後仲話要加1%係捐比ZEPA
即係總數要加11%
然後得到789.9呢個數
即係平均395數位
平過四舊水的確係咁多餐最平既
不過都係咁多間最劣既
成個場污污糟糟又嘈又盛
放碟d垃圾車又周圍走
無乜特別好食既野
吸引多人拎果幾類仲唔會refill
龍蝦又要五六日先有
好明顯就係將貨就價
整體真係一間五星數地板餐廳
咁就真係稱唔上話係抵食
不過都算係幾符合酒店係凱悅入面既定位既