[長氣多圖][無限期] 香港staycation之旅(3)

揀左份炸魷魚
炸得好香口


佢寫話期間限定既南蠻雞定食

每一份都有跟前菜沙律同味噌湯
即係以南蠻雞黎講醬係太少
皮淋不過肉唔嫩
雖然麻麻地竹里
但真係比呢一份出色

重點係吉列豬扒

有芝麻可以磨
同埋上檯份量真係多

不過感覺佢炸得過左龍
表面已經有少少黑
無肉汁係基本野
仲有d柴
比連登仔不斷吹奏
又真係失鳩望既

最後個牛肉鍋反而係最好食

有肉味而且個湯調味幾好
亦都有隻蛋可以玩下

呢度服務算正常
雖然姐姐比較多
但上檯竟然會有介紹
可能吉列豬扒係招牌掛
會教埋你點玩d芝麻
平日唔洗加一

三個定食平均每人106
價錢就真係唔貴
比起一般劣食高質
但又唔可以稱之為美食
如果係附近做野就可以試下唔同款
但如果特登去既話就真係試過就算
我估大丈夫大概都係差唔多水平
就真係唔應該對小店存在太多幻想
一分錢一分貨
如果想用呢個價錢貼近日本口味真係未必得


香港都叫做有幾間吉列豬扒既專門店
好似勝博殿同porker
不過呢兩間都未去過
丼吉就有食過
不過無食過佢地貴豬
而且連鎖藍唔想寫
仲有d必比登推介好似九龍酒店既錦
都有午餐定食可以一戰
希望以後都可以試下

續

下一篇會寫港香既灘萬同marco polo既西村

我估你問港島
我淨係九龍果間
九龍果間房就新淨
都住得舒服
港島果間就舊好多
上網之前有人話比野咬
都應該係個別事件
不過誠仔酒店d食物都唔可以比幾多期望啦

仆街book 左 見有海景

平常心去住就ok
個個體驗都唔同
好似我上次去海景嘉福又唔會覺得好差
同埋佢天台同le188個景係幾靚

好奇問吓grand hyatt係唔係都係誠仔既？

唔係啦
誠仔旗下果個叫海逸集團
Hyatt係凱悅集團
同埋君悅個業主係新世界
裝新世界個app做會員去君悅食野都會有折

GH食steakhouse有咩推介
有1200 credit

個個都話係蟹餅
原來而家多左lunch set

竟然係蟹餅

呢排都無咩優惠點樣再住酒店
暫時又無邊度想去
可能都係寫番景點比較多了



DAY81.2 灘萬日本料理 西川日本料理

除左果幾間街邊既日本餐廳
呢段日子都有去過酒店既日本餐廳
咁今次就唔係住酒店
不過因為之前住過九龍同港島兩間香格里拉
竟然都儲左有千幾分
換番港幣都有千三蚊可以用
因為金環會四月改制積分就會貶值
所以一月果時就去港香既灘萬用晒佢

又
原本係book左夜晚既
不過時任柒婆又禁晚市
就變左去食個late lunch

新年前去到太古廣場


港麗隻熊仔都換左虎年新裝


原來港香餅房係有得堂食既



夏宮既新年食品都幾撚貴


而且我對呢間野印像麻麻

大堂都有d新年裝飾




咁之前去港香都食左petrus同夏宮
今次就去試灘萬
龍蝦吧就留番第時先去了
本身都想上網買券去平食個威靈頓牛
但太遲發覺而家唔抵了

大堂再上多一層電梯就係灘萬

同自助餐同層
門面就靚過九香果間好多
而且唔似得果間位於地庫完全無景觀可言

水族箱

餐廳設計有d三尖八角

有窗口位亦都有梳化位
私人房吧檯入面亦都見有師父在場
應該係食omakase或者鐵板燒既

頭頂吊燈

呢度環境唔錯
我地當日四點先入席
全場都係得兩檯客
職員同九香一樣都會著和服
不過服務就好好好多
當中有位阿婆小二仲好熱情好多野講

四人檯

同九香果間灘萬一樣都有個盤
窗景係下面太古廣場平檯


同埋掛左件外套係凳上面
小二會即刻拎塊布襟住

呢個鐘數都仲有lunch set

官網迷你懷石只得價錢並無入面詳細餐單
望落同九香差唔多
但價錢貴左百幾蚊
都可以拎黎比較下

呢個迷你懷石既前菜好豐富

有蟹肉豆腐
飽魚
同雞肉整既餅
咁就望落去就真係比九香灘萬吸引既

估唔到上完懷石前菜無幾耐就上左另一份點既鰻魚飯

鰻魚飯無咁複雜
除左碟前菜之外就一次過上晒

鰻魚同飯分左兩個唔同盒黎載

因為前後都只係十零分鐘左右
係驚訝既
會覺得好似一早整定無咩點處理咁
不過咬落脆口會化
唔算好肥美
但份量都有一整條
唔似炭家咁姑寒
應做既都做到
係香港都叫做比較高質既

仲有阿婆小二比既山椒粉

個葫蘆幾特意

迷你懷石第二道係茶豌蒸

之後上刺身

魷魚
油甘魚
同吞拿魚

煮物同九香灘萬一樣


自家製既薯仔饅頭
入面既係牛尾肉

係好食既
不過第二次食就無咁驚靘
阿婆聽到九龍果間灘萬表情都變得怪怪地咁

燒物有牛同魚可以揀
揀左後者

呢一份上檯幾有心思
將件寒鰤包埋配上稻穗裝飾再放係盒入面
令人不期然有份期待

打開見到燒得好靚
唔會燶晒面
仲好好食

最後係雞肉釜飯
同味噌湯



因為計晒呢兩份都仲有分淨
就求其加左個明太子茶漬飯


普普通通

最後甜品又有另一個盒

入面係紫芋布甸

鰻魚飯無甜品跟
呢度分左三件就可以share食

洗手間係餐廳外面
埋單連加一都差唔多千四蚊

因為之前去過九香同港香staycation儲左分
可以當一千三百幾用
實際只需要比50蚊左右
港香灘萬服務好好
尤其係阿婆非常熱情
其他小二都態度都好好
都難怪d人話呢間比九香果間高質
環境食物同服務都係完勝
當然價錢比較貴亦都係真既

另一間去過既仲有西村
不過佢其實唔是酒店管理
而係由新華集團管理
純粹只係間開係酒店既日本餐廳
因為海港城coupon就過期急住用
最後只係book到平日時間
就請左日假再去格離睇埋場戲

西村開係marco polo六樓
92年後就長居係度

就係cucina既正對面
停車場入口位置
其實一年前黎staycation都想食
不過最後揀左自助餐
而家又再加左價

餐廳有窗口卡位

不過海景都去晒cucina果邊
呢邊只有停車場景

原本book檯果時話只係得bar檯位
而果個位就有師傅係度燒野
坐落都有d熱
問左小二可唔可以調位
佢就調左去最角落個位

檯面乜都無
淨係得茶杯同筷子

後面就擺左好多日本酒


位同位距離都幾開

坐得舒服既
不過因為放飯時間
格離張檯本身就嘈到仆街
完全就唔係乜野高級餐廳既格局

午市餐牌



仲有隻巨蝦

原本係想揀鰻魚飯同拖羅飯既
不過加埋唔夠一千蚊就用唔盡五張coupon
所以就揀左個貴d既西村便當


西村無懷石料理
呢個便當係類似既設計
不過就一次過連甜品都上埋
但係靚還靚
其實質素就一般
刺身竟然出現三文魚

而且無鮮味

壽司無特別


燒物既鱈魚係唯二唔錯既
比想像中都大件

而鐵板既牛肉同天婦羅都係涼既
唔知放左幾耐

最後蜜瓜就係另一樣唔錯既


跟餐仲有味噌湯
荼碗蒸同烏冬

飽就一定夠飽
不過就唔係乜高質野
食材普通
無懷石既心思

另一個揀左鰻魚飯


盒上

佢寫話係蒸鰻魚飯
咬落真係比較淋身
無脆邊
不過有一整條同埋肉質都化
比起便當係滿足既



洗手間係外面同意大利餐廳共用
海港城coupon只可以加一前計算
兩個set加埋岩岩好夠數可以減五張一百

總數六百頭埋單
加番每張十零蚊係網上收番黎既價就大約七百蚊落樓
以折後個價黎講既話都仲可以接受
餐廳就係普通街舖服務
唔會有乜招呼
整體大約就係值呢個價位
不過呢個價係五月既
而家睇番九月個餐牌又貴左一截
而且海港城新一期既coupon仲要由二百減一百變左三百先可以減一百
呢個價位既話我就唔會揀呢度了

食完飯過格離海運睇奇異女俠

認真呢套吹奏得太大
故事太亂
角色又唔吸引
真係唔識欣賞


酒店級既日本餐廳其實唔多
反而omakase店就開到一地都係
但間間都食唔撚起
遲d會想試埋淨低呢幾間
半島既今佐
千禧新世界既嵯峨野
君悅既鹿悅

DAY81 完

奇異女俠好悶

樓主覺得邊間浴缸最正

未住得起
呢排聽少左劣評
唔知係關公做好左定真係有進步

真

好難揀
奕居同文華東方都好靚
但我兩間都無住過海景浴缸
覺得樓景好壓抑
真係得W先叫稱得上全海景

Between
半島果個半海景都好想試

st regis個個都幾大, 可以浸到2個人

有景架