耐唔耐我都會開番自己d遊記黎J下
睇見最後一次同屋企人去北海道浸溫泉已經係武肺前一年既野
距離而家就快四年
我已經由毒撚進化成為左大叔
屋企人都已經各散東西
呢幾年黎7婆同武肺對我既影響係一世
唔係7婆我就唔會無左個細佬
唔係武肺我都唔會多左個老婆
我都唔知仲有無機會再一家人去旅行
所以我好真心認為寫遊記呢個行為對我黎講好重要
除左紀錄亦都係一種回憶
結果我遲遲都唔敢起步
新加坡張機票又比我取消左
因為個女人拎唔到假我亦都唔想毒遊去呢個地方
不過另一方面我都換左去東京渡蜜月既機票
今次理應唔會再放棄
不過人生仲有好多變數
我亦都唔知呢半年仲會發生乜野事
對得住自己就好
DAY89 香港柏寧酒店(上) SKYE天台酒吧及餐廳 行政樓層休憩室 行政樓層休憩室
本身呢
我應該一個月就只會想排一間酒店
但係用賞你住book左hotel icon之後
柏寧酒店就話唔再做醫護隔離酒店
六月係kkday出左個限定優惠
只需要2288可以入住柏寧套房
仲再送一千蚊dining credit
咁諗住佢地淨係比醫護住
應該算乾淨掛
再適逢佢地天台餐廳裝修完重開
新推左以前無既半自助sunday brunch
之前睇過呢間餐廳都幾靚有d興趣
再者銅鑼灣都算係有d新鮮感
所以六月就住左兩間酒店
當用左七月既quota
因為佢地另外一間大堂餐廳望落去都鳩鳩地無食到
所以就兩日一夜只係book左一間skye
扣埋d優惠碼同分數最後兩千六就已經可以埋單
都算係呢兩年staycation其中一間洗得最少既酒店
柏寧酒店係1974年落成
就黎50年歷史
老過我好撚多
當年叫做華都酒店
係85年先改名柏寧酒店
由陳氏家族擁有
2014年加入雅高集團管理
成為premium品牌既鉑爾曼酒店
係香港算係雅高集團最高端既品牌
雖然話有成50年歷史
但酒店都有經過大大小小既裝修
最近都聽過仲翻新緊客房
所以酒店除左外觀
內籠望落去並唔會太過殘舊
但
佢地係無自家酒店泳池既
係連細細地都無一個
餐廳黎講亦都只有三間
所以見係google map
只係將佢分類成為四星級酒店
但講緊對面富豪香港都叫五星級
呢間叫做四星級又真係唔太講得通
認真
以前經過都只係因為遊行先認識
係估唔到2020年以後
因為武肺先識到咁多用黎爆房既地方
銅鑼灣交通就好方便既
酒店位於維園既對面
星期日就好撚多姐姐聚集係附近
坐黨鐵係E出口出
位置比較近sogo
雖然一條直路只需要兩三分鐘就可以到達
但要係呢條差唔多全香港最多人行既街道拖住個gap行都唔係咁容易
話說我地十二點去到
都已經要排隊check in
低價酒店就有呢種麻煩
而且佢地無開放到lounge check in
最後足足係大堂連等加搞左半個鐘
雖然直接有房可以上
但即係遲左成半個鐘先可以落到餐廳
而呢個sunday brunch同自助餐一樣只係限時十二點至兩點半
即係最後只係得番兩個鐘
哭𨶙左
其實正確黎講係上餐廳
因為skye位於27樓
雖然未算係酒店頂層
但搭lift最高就只可以搭到呢一層
再上就要行樓梯
酒店聲稱上面空中花園有自家水耕種植物會提供比餐廳直用
仲有個戶外證婚場地
右手邊上天台
而左手邊就餐廳
但個天花唔知做乜鳩事
仲話岩岩裝修完
而家成個半製成品咁
但佢係坐得舒服既
應該係因為岩岩開番
加上星期六
所以都幾少人
應該連半滿都無
基本檯檯都可以坐到窗口位同四人檯
有d仲有梳化位
我地就普通四人圓檯
但都夠晒闊落
小盆栽
口罩套全酒店都係呢一款
