[長氣多圖][無限期] 香港staycation之旅(3)

六點太陽落山
個個都霸晒位睇表演





煙花都係最近幾個月先有番
所以我地去兩次都係無得睇既
不過聖誕節限定係門口聖誕樹有個亮燈禮
傳說係會有個小型煙花咁既show
但係城堡散場太多人塞係紀念品街
所以番唔切去
港女就拉住話而家先係玩遊戲既最佳時機
即刻就番左去玩蟻俠

入面會見到宣萱

蟻俠係玩射擊遊戲
記得應該只係以前d舊遊戲改裝
坐係車上面亂咁射鬥多分

認真玩
隻港女只有我一半分


緊係玩埋太空山

排三個字就玩到

認真
太空山速度感好過灰熊好多
不過因為室內黑媽媽就無咩野睇到

即刻可以出去玩埋太空飛碟

之後再殺落去小小世界

夜晚個城堡有d陰森

以前從來都唔知有個咁既地方
原來入面有咁撚多木偶公仔

一諗起佢地收左園之後會點就毛管棟

佢去到咩區就會播咩文既世界真細小

香港有廣東話版


但同時幾個語言夾埋一齊就好顛下
更加唔敢想像d工作人員要點樣維修了

樂園八點半收工
只要係八點半前排到隊
你就贏
但一過左八點半佢就會截龍

咁所以雖然過左八點半
但木馬仲會轉
不過就唔會比你排
只差一分鐘
我地就只可以望住人地轉了

樂園收工
係木馬區瘋狂影相
到九點幾先出番黎
但紀念品條大街仲係好撚多人


呢個set三道菜四舊水同半自助比就唔抵了

呢個時間食物類係特別受歡迎



唔知係咪聖誕就營造下d飄雪效果

其實幾有氣氛

最後我都買左隻蜘蛛仔番去

show門票好似有唔知九折定九五折

係聖誕樹又影番一大輪




咁就玩左一日
好撚累
如果係去旅行既話應該真係會有d唔捨得

不過因為關羽細佬
我地都會去第二次
本身預左係短期內添
但因為武肺就變左五月先再去到


續



今次就搶到rosewood套房
自從開番關之後
staycation個癮就減左一半
不過仲有一半係因為仲未集齊晒福布斯果堆五星酒店
尤其是本身做緊檢疫酒店既置地文華都放番出黎
所以最後拼圖就係置地文華同瑰麗
今次搶到個價好平
仲有dining credit送
但其實唔包lounge
亦都無早餐
感覺就真係少左好多野
係咪真係話好抵我都唔敢講
但就照book左henry同彤福軒
問過彤福軒買一送一已經full晒食唔到set
henry就有個sunday brunch可以任食前菜就好似幾正
咁都已經算staycation既尾聲
希望可以好好享受啦
第時去到外國
就應該點都住唔到咁大間房了

DAY86 香港迪士尼公園(下)

上次講過買左張二日卷
不過因為武肺第五波
所以樂園係22年頭一直都無開
直到四月解封
我地就係五月中去既
同十二月已經係兩個唔同既季節
今次去到就熱到hihi

上次坐左黨鐵特別車
今次就試一個我未試過既交通工具
就係巴士
因為無車可以直到
所以從來都唔係考慮之列
但上次坐黨鐵實在人太多
今次真心想試下做巴膠

坐E車去到青嶼幹線巴士轉車站

以前去旅行入機場成日見d人係度落車
果時完全唔理解
而家終於知道原來係度有車入迪士尼
呢個站都有幾架巴士入去
雖然係龍運巴士
但用九巴月票係無得免費既
只有平1蚊優惠

坐巴士可能比黨鐵耐
但舒服一千倍
架巴士就只有兩三成滿
唔洗未入場已經扣左一半血

所以個巴士站都係好空既

巴士站格離就係停車場

而家改左制
用金卡只係得番24日免費泊車

直接通往市區既巴士只有兩架

一架去屯門
另一架去大圍
九龍同港島係無直車既

可能疫情管制掛
又或者因為平日啦
同上次聖誕比算係少左好多人


門口搭正十二點有呢個慶祝生日既19表演

祝我生日快樂

我唔是生日黎
所以無feel

五顏六色既冬甩


認真

真係唔識呢d係乜野角色
淨係識妙麗係黃色
cinderella係藍色
白雪應該係黑色

上次主要玩左機動遊戲
咁今次主要就睇劇場
加上天條太撚熱到
所以入去涼冷氣係必須既

第一個睇既係位於幻想世界既迪士尼魔法書房
講老鼠同狗遇到隻雪人

然後穿梭唔同既故事
慢慢隻雪人開始溶
就越黎越細隻了




成個歌舞表演都有半個鐘
坐得幾舒服

出番去見到以前好受歡迎既習大只需要十五分鐘就玩到

不過成日都未食野
又搵番上次唔開果d餐廳食野

今次帶左飯團入黎

我都唔肯定食物可唔可以帶入黎

樹屋過左幾個月都仲係未開番

可能以後都唔會開?

之後睇既係位於探險世界既樂韻叢林
呢個係戶外小型劇情
所以座位都唔多

外國勢力既正確坐姿

戲名叫做魔海奇緣凱旋慶典
故事係講女主角慕安娜出海既故事

演員就得幾個

見佢地成日換角都幾搞笑

雖然道具好低能
但欣賞本地演員七情上面

呢個區仲有獅子王慶典

但今日表演一場都無

探險世界仲有得坐船仔
唔知點解上次無坐到
咁呢個仲係鎖緊國既日子
佢又真係仲有開放普通話既隊
即係入去主題樂園
排隊排最快既一係就single rider
一係就係排其他語言
就好似之前去羅馬鬥獸場咁
英文導賞booking好快就full
但其他唔知咩文果d就仲有好多位淨
所以今次廣東話就打晒蛇餅
而蝗話就無人排

不過船既比例都好少
唔知黎幾多隻廣東話船先有一隻係講蝗語既

呢條河應該十年都唔會變
d水唔知點樣循環
不過d景就造得唔錯


同環球影城個大白鯊一樣
最尾當然就係噴火表演

有火有煙
係幾熱既

投降




又到左港女猶豫既時間

我其實就想食既
又可以影多d相
又唔洗諗出番去食d咩
但最後又係決定唔入去食
然後又再講後悔

去到反斗奇兵
降傘就無玩


不過玩左彈弓狗

個狗牌就真係多9魚

成架車就彈下彈下

如果用模擬遊樂場既評分
呢個刺激度應該連一分都無
但嘔吐度就好高

排最耐就係呢個U型過山車

要排七十分鐘

港女唔敢玩
但佢就死都要迫我玩
因為疫情限制只可以坐一半人
所以單身狗真係可以插隊
成行就只有我一個坐

其實原理同海盜船差唔多
不過縑佢唔算太高

始終都係細路仔玩意

終於番左去玩習大

又係車軌遊戲

其實真係好悶

呢個真係次次去迪士尼都要中一次伏

入戲肉先黎the end
無辦法啦係唔make sense
咖啦


樂園鐵路好似已經無開好耐


今日ironman又少左好多人排


外面已經由舊年12月上既蜘蛛俠換左5月上既marvel史上最大爛片奇異博士

復仇者4之後就到武肺
以為mcu就咁會直接收皮
點知一套蜘蛛俠3又可以比到驚喜托番起
之但係下一套奇異博士2又直接踢番落地板
成個第四階段都係痴撚線
再加上佢d電視劇都係一啖砂糖一啖屎
到而家上畫既黑豹2已經再無香港人會期待

對面就係ironman見面會
呢個一樣要排隊
但唔係遊戲
而家一組組人入房
然後ironman就爆氣登場

好撚型
同出面cosplay氣場係完全唔同
所以當年hottoys都係靠ironman起家發達
賣足咁多年仲係長賣長有
呢隻野擺足pose

不過恥力不足
真心講唔出assemble口號
之後就係每人影相時間

隻ironman竟然最後到我走先見到我著住左ironman tee
失鳩望

每次玩完機動遊戲
當然係要你經過賣精品既地方
見面會雖然唔係遊戲
但一樣有個好大既精品場

仲有個名叫做史達科技旗艦店

全部電視劇真係得loki同whatif好好睇
moon knight幾好
she hulk都好笑但結局爛撚到仆街
其他全部悶撚到顛
尤其係黑人隊長真係食撚晒屎好撚嘔心
呢期上奇異博士咪又賣下公仔


5點鐘出番去城堡有show睇

比人霸撚住都睇唔到


之後時間又係去左玩灰熊過山車


竟然見到有棵紅葉

同太空山


然後又轉下轉下


咁就天黑

周圍都基本上玩晒
今次就唔洗特別追遊戲玩了

收工又係睇紀念品既時間

粉紅習大咁樣得唔得架

畢業花籃

一舊水純粹係刺繡ja

無限寶石杯真係有d核突

又一day

兩日既迪士尼之旅就咁完晒啦

再下次黎
或者係會黎住番一晚酒店既時候掛
始終件港女都好想住
不過減價極都係得柴房有得減
從來都未見過套房有特價
都真係有d難度
6,7k真係去外國住好過

好頭好尾
今日都係搭番巴士走

行到咁撚累
真係點都好過迫地鐵
仲只需要係轉車站轉一次就得
搭地鐵都仲轉三四次先番到


DAY86 完


置地文華間somm都幾full
就應該book唔到佢個brunch
但就咁睇其實佢係amber外面
隨時廚房都係共用
同一日食晒somm同amber又好似太顛
仲有兩日有code搶
希望搶到黎book置地文華
咁就可以正式係2022件結束staycation唔洗再燒錢係酒店到了

樓主竟然仲未去旅行見你咁鍾意staycation以為0+3之後你哋會即刻仆去旅行

因為仲有半年野未寫
玩埋瑰麗同置地文華就應該唔會玩架啦
旅行反而未有太大想去
呢排好多野要處理

淨係諗到去日本
十日去泰國同新加坡都太多
或者諗下去歐洲?

淨係試過冬天去瑞士
一樣聖誕後去已經無左市集
唔考慮意大利?

終於去左瑰麗
成個感覺係好grand既
六星酒店應該就係咁
因為搶到個優惠
今次可以抵到爛去住套房
講緊佢地平時客房已經係其他酒店套房價
套房就只係見過三日兩夜既優惠
如果唔係今次既話應該有生之年都住唔起
仲要去到先知原來係有全套真套房服務
即係下午茶黃昏飲酒早餐同管家全部都有既
好有驚喜
雖然同係港女打卡酒店
但佢個雲石洗手間靚過美利多多聲
美利果種感覺好膠感
而瑰麗就好實淨
不過對瑰麗印像最深既地方
就一定係黎呢度d囡囡全部都係著褸屌裙
可能呢間唔係乜野親子酒店啦
係無論門口
大堂
定係餐廳都好啦
都係有大量著好少布既囡囡出沒
係好有理由相信全部都係G
即係就算其他六星酒店
都唔會見到有呢個情況
唯獨呢度真係好大浸精液味
係泳池又見到對年紀差好撚遠既男女霸住個角落獨狂影相
完全係個阿伯叫條女做乜就做乜
G味濃郁
真係去左兩年幾酒店第一次見
可能下流社會就係咁撚樣既情況掛



DAY87 唯港薈(上) 天外天行政酒廊 天外天

當五月住埋港麗酒店之後
福布斯四星基本就只淨低兩間未去
石板街酒店係唯一一間自家餐廳執左之後就不再作考慮
咁就只係淨番hotel icon一間
去到五月尾港共就再推賞你住3.0
咁我就全力投入去book埋最後一塊拼圖啦
524當日預備好email同消費據準點朝早11點00分01秒send比酒店
結果一日後酒店就打比我話預約成功
因為本身就預左加五百蚊食佢地個天外天海鮮餐
即係話可以當free左呢餐飯打個和用番package價就住到
咁當然係book埋佢地最靚果個半海景浴缸先安樂啦
最後價錢就係大約四千蚊連埋夜晚一餐中菜fine dining
之後第二日再自費去食埋個下午茶
加埋本身包自助早餐
咁就一次過試暈晒佢地僅有既三間餐廳

hotel icon又名唯港薈
聽落有d陌生
但其實係tripadvisor成日都見到
仲長期保持係頭三之內
今日一睇
瑞吉又唔知跌左落去邊
第一已經轉左手做麗思卡爾頓
唯港薈仲係咁多間福布斯榜上唯一唔係集團式經營既酒店
由理工大學自己擁有同管理
更加係自己大學學生既實習對像
自助餐the market亦都算係業界數一蚊二有名
佢地普通房價錢只係大約一千蚊左右
應該算係福布斯榜裡面最入門級既價錢
但係擁有四星資格
地方又近火車站同博物館
所以如果我係遊客
對香港酒店一無所知
以方便度價錢同埋星級排名黎計
可能我都會揀hotel icon黎住

酒店對我黎講係方便既
屋企樓下就有巴士直到酒店格離個總站

酒店門口就係華懋對面
自己獨立建築
只有地下正門一個入口
唔同酒店有唔同做法
hotel icon就係唔會主動check安心上路既類型
直行直過
唔會截住你
亦都唔會同你打招呼
見你拎住行李亦都唔會話會幫你送上房
咁所以福布斯四星都有分上弦同下弦
明顯由定價就已經睇到hotel icon既定位

酒店大堂有d細
checkin counter就係正門右手邊
星期日大約兩點鐘去到已經要排幾個
算係間幾熱門既酒店
然後係check in期間
就話因為我係套房住客所以要帶我上頂樓lounge checkin
其實都已經係度搞緊
我亦都排左一陣隊
真係無需要搞咁多野
更何況係
上到lounge又要再排多次
真心痴撚線

28樓出lift右手面就係lounge reception

基本上一次只係幫到一組住客checkin


話就話可以坐係度等
但呢度係lounge既外面
無welcome drink乜都無
純粹係齋等
成個過程真係麻麻
仲好彩係我識計數
如果唔係佢最後係收左無扣賞你住個價錢
時間又洗多左

結果都搞左成半個鐘左右先上得房
而正確講法係落到房

部lift頭頂都有個大圓圈

酒店全層28層

地下係lobby同食八婆下午茶既green
一樓係宴會廳silverbox
佢地之前有出過和牛sunday brunch係呢個ballroom搞
但好似風評都係麻麻
二樓係全港數一數二有名既自助餐餐廳the market
hotel icon餐飲係無咩特別優惠
所以仲未book過黎食
始終一聽到榴槤真係kick住kick住
去到九樓就係健身室同泳池
仲有得做spa
十樓去到廿七樓都係住客樓層
無十三十四同廿四樓
廿八樓頂樓係天外天lounge同米芝蓮餐盤推介既中菜餐

我地住21樓

當時六月泳池只可以玩一個鐘
checkin果陣有幫我預約定

lift口每層都有好大幅畫

好似層層都唔同


套房基本上都係盡頭corner room
而我地呢邊走廊盡頭有海景

門口有消毒貼紙

證明仲係處女未開苞

今日我地住呢間club80貌似係全酒店最大既房型
因為唔覺佢有得book更大既總統套房
不過見佢官網介紹仲有間叫做designer suite by vivienne tam
大細同club80一樣
不過間隔就唔同左
個270度海景位由房變左係廳
而club80顧名思義即係80平方米大

平面圖就見到其實酒店唔算係長方型設計
好似我地住緊呢間房係零零舍舍不規則咁突出黎
而呢一隻角就算上到頂層天外天都係一個比較特別景色特別開揚既偏廳
酒店客房分佈係上下兩排
左上係01號房
左下就係19號房
呢兩間並唔係特別既corner room
一樣都只係icon36或者club36客房
呢兩隻房型就有分城景同半海景
大概係越近兩間套房既就係半海景
離套房越遠就係城景
即係就算城景房都可能會有少少海睇得到
我地09號房就係club80套房
另一隻角11號房就係club65套房
而係09號同11號房中間既10號房
就係每一層只有一間既club38客房
呢間係唯一一款有全海景既客房
大細同36差唔多
不過張床就叫做正對海景

房間燈制


房門左手面係客廁

鏡面圓型燈好光猛

club80套房大廳

弧形梳化同埋頭頂圓型大鏡可以話係呢間房既標誌
不過張單人梳化有d多餘
同埋電視機太遠太細
而且亦都唔係smart tv
只可以睇電視台
本身好似話可以借appletv既
但比人借晒無得用

客廳右手面有個茶几同兩張獨立椅

個景同房差唔多

雖然我地只係住21樓

但尖東舊建築群普遍都幾矮
所以完全對景觀無影響
不過因為唯港薈已經係尖東最盡果個位
前面亦都有座消防總部
所以個海景的確係唔夠近同正既
不過因為起得高
所以算開揚

望低d仲可以望得到樓下9樓泳池

兩點幾可能未太多人check in
所以無幾多人游水
呢個位仲可以見到紅隧入口

club80設計有少少怪

因為個廳太深所以梳化放係中間
而梳化後面就用左黎放扮工檯同mini bar
最特別係mini bar格離果位算係半開放既衣帽間
下面用黎做左矮凳
所以無得關埋或者直行入去
要爬先入到去
完全唔明係乜野設計

扮工檯lay埋係梳化後面
如果有人由門口入黎應該好難察覺到呢度

可能餐廳比較少
所以已經擺晒in room dining既menu係度

menu入面係有好大格for榴槤
亦都有天外天既外賣套餐
四人套餐都只係七百幾算好抵食

另一邊擺左文具盒
仲有printer

hotel icon另一大賣點就係mini bar係free既


咁佢就無擺太多飲品係度

電視機左右邊都可以入房
全間酒店就只有呢隻房型係有270度海景

佢仲特登擺左兩張凳係房用黎睇海
後面果張凳係我住過咁多間酒店坐得最舒服既
仲有得long腳
爽過訓落床
而前面果張就真係唔知做乜鳩
好孤獨咁

corner位叫做正對住銅鑼灣避風塘

個景都幾wide
可以望埋紅館呢邊

另一邊就係尖東景色

張床就普通king size
無話特別大張

兩邊檯頭都係無櫃桶既

其中一邊叫做有個13A插蘇


電視櫃就好鳩既
不過就擺左兩個KEF喇叭

samsung電視一樣唔係智能野
好似都無咩點開過

仲有一樣野好柒既
就係呢度窗簾唔係電動既
等我一入黎望落間房好似幾cyber
呢一下真係失鳩晒望
明明連再舊d既W酒店都有
真係一隻窗簾就可以見到一間酒店既高低

洗手間就係房入面

另有一隻窗係可以望到浴缸位
而呢隻窗簾係外面手動既
所以落唔落簾呢個決定權就竟然唔係由沖涼既人決定

洗手間長走廊
係連埋衣帽間

洗手盆同美利一樣長方型一大個
但就有兩邊水龍頭
而酒店聲稱響應環保
係無樽裝水提供
而係洗手盆左面有個過瀘水出水位可以自行斟水飲

沖涼液用澳洲牌子

感覺無話特別好同差

牙刷梳之類好似upper house有個飛機袋咁入住

可以拎黎留念

廁所係洗手盆對面

但就算最高級既套房都無洗屎眼功能
小失望

反而梳妝台上面配置左高級套房應有既dyson風筒

呢隻窗可以望到紅隧排隊既景觀


最後就係最signature既浴室

同W marvelous套房一樣都係浴缸企缸一體化左
唔同既係club 80浴缸係有270度窗景
而marvelous只係得180度
可惜呢個景對面都幾多樓

夜晚有機會走光
同埋個海係身後面

係度浸浴會睇到既係紅館同紅隧

而企缸最重要既頭頂式花灑都仲有既

又未會去到金鐘三寶咁舊

三點零鐘落左樓下一轉
成個大堂都係人

應該仲有d係食完野走既人掛
大堂感覺都幾細下
不過樓底高
尤其是大堂餐廳green
貫穿三四層樓
聽日就會去試下

然後因為見到咁多人就唔出去住
直上番頂樓入lounge

頂樓廿八樓天外天
係米芝蓮餐盤推介既中菜廳
呢間天外天學左其他酒店米芝蓮西餐好似caprice同文華扒房咁整左個酒吧係入門位
而呢個酒吧係下午三點至六點就會當成酒店行政酒廊黎用
因為係中菜落場時間
所以如果多人仲可以坐埋過去正餐廳
不過今日有人係天外天搞婚禮係度包左場所以入唔到
而酒廊六點後就會做番普通酒吧用途
所以行政酒廊只有去到六點
就好似其他酒店禁晚市之下既情況咁
一次過將下午茶同黃昏雞尾酒時段合體

因為真係酒吧黎
所以檯面都都矮下


我地就霸左個L型梳化黎chill


酒櫃後面都幾多野

雖然我係完全唔識睇

有飲品既餐牌

最鍾意係咁樣指住黎叫
起碼無咁7

基本上所有酒店個行政酒廊既服務就好好既
即係成間hotel icon比我印象服務都係好一般
就算係之後食夜晚係入面正餐廳既小二都係差少少
但呢度真係同其他部門唔同既

十周年口罩套


可能酒店定價低
所以book club房既人都唔多
雖然地方細細
但都唔會話太多人

熱食主要係點心同炸物為主

近門口係芝士同鬆餅

酒廊中間擺左幾款前菜

同多樣甜品蛋糕

平時可能上房前都會去左食lunch
但呢間餐廳比較少
今次真係當lunch食

每樣都拎左d

平時就算係行政酒廊食到既都係鳩流流
但呢間d蛋糕感覺幾高質

因為成層都係天外天
洗手間都係得一個


天外天行政酒廊乜都好
唯獨係私隱度唔高
同埋如果唔開放正餐廳既話海景位就只得一張檯
咁樣

食完個late lunch就落街行左陣

以前係幾鍾意呢間富士山55

佢仲有電爐可以加熱個湯
麵後撈埋個芝士飯都好食
但近年有好多沾麵店加入戰團
主理人又去左開一生懸麵
就已經好耐無黎過了

hotel icon


側面果座好似係教職員宿社


佢地好似都會有d小作班

例如呢個由酒店行政總廚教既小籠包蛋糕班
bistro 1979就無去過
好似真係由學生主理既餐廳

上番房就見到檯面多左樽馬卡龍

叫做有番d welcome野

對上一次泳池開放既日子
應該就要數到去君悅既日子
不過當日無落水
咁實際已經係帝逸果時了
咁難得行政酒廊得一節
而夜晚餐飯酒店方面就自動幫我預約左七點鐘
中間就仲有些少時間可以好好咁去玩水

九樓泳池樓池一去到去原來係個遊戲室
有街機

有PS4

亦都有卓球同足球機

呢種咁小型既足球都係第一次玩


外面就係泳池

都真係幾多人

泳池邊有幾張太陽椅
但景就真係久奉

始終呢度只係九樓
亦都唔係岸邊酒店
又唔係ifinity pool
所以其實個泳池都幾普通下

反而格離gem room有落地玻璃對住個泳池同海仲正得多

樓底仲好撚高

整體呢間酒店娛樂度幾豐富
真係幾岩親子黎住

番去沖個涼又要上去食夜晚了
行程真係好緊湊
亦都真係好耐無係酒店夜晚去食正餐
因為多數都係lounge解決就已經飲飽食醉
其實package都有得揀dining credit既
但只得八百蚊
連一個中菜set都食唔起
咁就緊係book番個價值最高既餐啦

來來回回又番左黎二十八樓


但今晚小二係帶我地轉身由後面走廊行入去偏廳

呢個位一睇就知正正係我地club80既間隔
頭頂兩盞海刺吊燈華麗感就無乜
感覺就好似好易會比佢插中咁

而我地張檯大概又係安排左係最靚景果個corner二人檯

望住既係同我地房同一樣既景

六月日長夜短
就算七點幾個天都仲未黑晒

仲可以見到千禧新世界頂樓泳池著緊燈
一路望過去
尖東大概就只有rosewood係比hotel icon高

天外天中菜廳同君悅港灣壹號一樣只屬米芝蓮餐盤推薦餐廳
慢慢地呢個餐盤推薦已經變得唔太重要無乜人理會
而餐廳由黃子其黃師傅帶領
網上無乜資料
淨係見到官網寫話黃師傅曾經任職過W同半島酒店
係19年正式上任行政總廚一位
而呢一間天外天
就咁望落餐廳係無乜傳統中菜味
門口仲加左個西式酒吧
可能想突顥番自己大學酒店想要創新既味道掛

格離檯人數多多數係圓檯
我地呢張就係長方形檯
不過都算係幾大張
完全唔會覺得迫

有檯布
不過杯碟同筷子整體都好普通

今日既海鮮晚市套餐
用左賞你住優惠當唔洗補錢食

學L佛話齋
坊間好多staycation package都出埋晒d九唔搭八既套餐
而呢個中菜套餐原本就存在
應該係會正經好多
所以我特別鍾意dining credit
可以食到同普通單點一樣既野
呢個套餐六道菜
L佛食果個皮片鴨套餐都仲係度
但加左價而家要補四百蚊先食到
所以海鮮餐係理應比較抵既
之前個menu見到係有蟹蓋既
而家就變左南非鮑

開左壺香片
今次茶有暖座

滾水就無
一開始都有斟茶服務既
呢個廳既小二主要就由一位貌似張建宗既男性同一位貌似學生既女仔負責

餐前小食有琥珀合桃

都好多間有做呢樣野
天外天脆卜卜幾好食