[長氣多圖][無限期] 香港staycation之旅(3)

甜品區就係門口位

仲大過前菜區

焦糖燉蛋有位婆婆級廚師即燒
仲勁nice

食足幾round



仲有好多原個蛋糕
show埋比你睇原價幾錢

同hugo's果邊都相差無幾

隨時係同一埋師傅設計


甜品蛋糕真係比主菜好太撚多
而且全部擺係雪櫃排得好靚仔
要由廚師拎出黎都唔驚會切到爛晒
不過相對地又好似唔敢會拎得太多

仲有芒果糯米飯


最後係唔知咩牌子雪糕六款



同埋個生果櫃

生日正日慶祝
得到原個蛋糕一個

咁就當然係唔會食得落拎走啦

不過尾段小二變到超級鳩
十問九唔記得
唔知做乜撚
本身都好地地

自助晚餐由六點食到十點
折扣係openrice成日會見到七折
但呢個七折只有前一日先會出現
即係如果你想食果日full左既話就唔會出現
好似我地今日就無既
唯有用番新世界個會員優惠85折

平日708蚊一位
原價85折再加一後就平均六百七左右
其實都幾貴
環境以自助餐黎講真係唔錯
坐得好舒服
而且搶野問題唔算嚴重
亦都唔會話好嘈
不過服務就好飄忽
廚師態度好好
但係小二叫左幾次想包起個蛋糕都走左去無再番轉頭
可能真係凱悅酒店傳統黎
甜品同hugo's同樣高質
但係熱食就真係完全唔撚掂
咁我都唔會為左個甜品而再黎


尖沙咀凱悅既體驗就差唔多
應該興幸無book到黎staycation掛
不過可能零房價心態黎又會唔同
始終咁樣食兩餐都已經3k幾
隨時貴過當日零房價
抵食既話可能心情都會開心好多
而家兩間都算係失望
希戈餐廳因為服務比較好都仲可以比機會佢
但咖啡廳就應該唔會再黎了
始終有咁多自助餐可以選擇
下次再黎就應該會試下中菜凱悅軒
唔知復常之後仲有無點心放題呢


DAY96 完



同埋箱根仲未諗到住邊
好似間間都好撚貴咁
成日加加減減
好似仲會去埋富士急

DAY97. 聆渢咖啡廳 黃金海岸 Savvy 尚廚

因為個港女好鍾意食自助餐
我由未識佢果時差唔多一年先食到一兩次
到而家幾乎個個月都去食
已經差唔多試過晒酒店既sunday brunch
呢幾年去過既酒店都叫去試過大部份既早餐
咁其實都仲有無諗過去住既四星酒店
呢一年因為優惠去食
前前後後都有三間

第一間係黃金海岸既聆渢咖啡廳
只要免費做個信和會員
生日月份就會送係自助餐買一送一既coupon
日頭夜晚都用得
仲會送半磅生日蛋糕
不過今年好似改左免費會員唔會送蛋糕

認真
信和旗下酒店我唯一想去就係石板街果間
而家仲升左做福布斯四星酒店
但因為無左自家餐廳
連早餐都唔包
所以再無想去既意慾

咁去黃金海岸應該係我呢三年除左大澳以外最麻煩既酒店
先要坐車去屯門
再係轉車站轉車

最後落左車仲要行一大段路
過左埋沙灘先到酒店
真心好在無乜興趣黎呢度渡假
淨係黎食野都好似無左成日
十點幾要出門口
番到去都已經五六點

黃金海岸酒店對前有大個停車場
如果我地真係拖gip步兵黎就真係on撚鳩


酒店大堂就真係好撚大

有酒吧有扒房有商店

入門後右手面有新加坡餐廳沙嗲軒


左手面係check in大堂






仲有噴水池


升降機係子彈lift


呢個大堂真係似係去咁多間最大既

落一層樓梯就係cafe lagoon聆渢咖啡廳


暑假最後一日既自助午餐都幾多人

仲好撚多細路
又倒瀉野又盛
周地都係好撚污糟

咁我地坐窗邊

檯都大張
夠位可以擺到第三張檯放野
不過可能早餐執得唔乾淨
張凳都仲有d碎既

黃金海岸自助餐最大特色係有室內同室外
但試想像八月三十幾度中午要坐出面係咩感覺

今日就不至於人多到要坐外面

但夜晚或者星期六日就真係只可以book到出面坐
真心狗都唔屌
有部吹風機係出面都係咁話


佢其實都仲有樓梯底既位

呢邊有水池睇

其實另一邊樓梯就已經係中菜廳

係估唔到呢一間粵竟然係米芝蓮推介餐廳黎

自助區就係出面一張長檯一路延伸去到樓梯底
另外門口近接侍處就係刺身區

吞拿魚係仲衰過放題級

然後由最近樓梯位就由前菜開始

望落去都係鳩流流咁款

四星同五星真係有差別

海鮮有五款

可能呢度好多食物都鳩流流
有留意到我地後面有檯客全程時間都淨係專食長腳蟹
好撚顛

芝士


反而上海小食好似雞絲粉皮我覺得唔錯




連蝦條都可以算係一道菜就知餐廳幾西利


點心都幾難食下

真心
四星酒店同五星酒店最大分別就係有好多食物真係放唔到入口

然後就開始係熱食

椒鹽魷魚係一開始已經淋撚晒未好過
春卷又係
呢度d炸物真係唔知擺左幾耐

車仔麵

試左豬骨同叻沙


但豬骨係完全無味既

南瓜湯

正常


廚師檯有燒香腸
火腿
同燒牛肉

但呢個位長時間都係擺空城計
根本拎唔到野食

而且牛肉都係麻麻地


尾段係咖哩同其他多國熱食

得塊豬頸肉係唔錯




有張自助bar檯可以斟檸菜



另外應該係生日仲送左杯紅白油

甜品櫃

賣相味道都係一般


格離有窩夫同pancake



雪糕係M字頭


生果櫃


未完
餐廳後段仲有個小朋友區

有爆谷機仲有其他獨立碟既甜品
細路仔就應該好鍾意


再送埋半磅芝士蛋糕

真係無可能會食得落
可以揀拎走既
會有盒送埋

洗手間係餐廳尾段

都大間

自助午餐12點食到2點半

平日398一位
買一送一都只係實收一個加一
總數437.8
即係218.9一位
有油有蛋糕送
仲抵過之前去marco polo
呢個價只夠去中價西餐食個lunch
但地點真心遠
環境又嘈又污糟
仲要野都唔好食
再請一次我都唔會黎

食完野就周圍行下

餐廳出面就係泳池
不過就無人游水

真係好多細路仔野玩


淨係影樹既話好似就離開左香港咁

話說酒店花園範圍就出唔到去既
所以又要係酒店正門出番去先行到落去沙灘



仲要行一段路先去到海豚像


八月最後一日
氣溫最高32度


都幾撚多人



呢邊既酒店房先有海景睇

但價錢同五星唔太大分別
不了

海豚廣場


話係濕地公園方向wor

結果講左三年
拖到而家我都仲未去過呢個地方



對面就係好撚平既龍珠島

無敵海景
聽講打風果時仲刺激

咁係完全唔夠時間去埋商場果邊既
因為計過如果再遲d走轉車站就會塞滿人
所以都係放工時間前離開好d


唔知做乜撚野

另一間有優惠既自助午餐其實已經係上年母親節前去既
果時海港城仲有200蚊減100蚊既coupon
又收左幾張去左食太子酒店既savvy

海港城一共有三間酒店
馬哥孛羅
港威
同埋太子
越近天星碼頭既就越高級
所以去到中港城格離既太子酒店就係三間入面最低級既
以後有食過marco polo同gateway既自助餐
但太子酒店呢間savvy 21年先重新裝修
就只有星期六日午市先有做全自助餐
平日只係做半自助
而book位都唔算太難
早半個月左右都訂到

雖然話係酒店餐廳
但正門就位於商場入口
係意大利餐廳da filippo附近

其實都幾易認
因為一去到已經排晒隊
可能有商場coupon真係抵食掛
曾經我都想食晒海港城d餐廳
不過最後我連日山都食唔到

星期六日自助午餐由12點到3點

比人地多半個鐘
468蚊一位

餐廳就唔係一個純自助餐廳

門口係酒吧格局


話說同廢老一齊去
但因為商場coupon上限只可以用5張
所以我地分開左兩張檯兩張單

仲舒服左
張檯好大好寬落
仲有高級餐廳先有既盆栽

位同位有好多空間


一定唔會好似其他酒店咁迫到背貼背
坐得好舒服
雖然好多細路仔
但都唔會好應聲
而且今日都仲未坐得滿

加188可以三小時任飲

頭盤就擺左場中間

凍海鮮有麵包蟹
龍蝦
青口
凍蝦同小龍蝦

不過一開始果時就淨係見到得龍蝦鉗就無身既
唔知係比人夾晒定無推出啦
係過多陣先見到有推出黎
不過好快又比人搶晒
始終個凍海鮮區都幾細

雖然龍蝦並唔係白雪雪
不過以呢個價錢黎講都算係唔錯架啦

格離係cold cut同芝士


湯有一中一西

南瓜忌廉同青紅蘿蔔豬骨


沙律種類甚至比熱食仲多



熱食就放係開放式廚房既長檯上面

已經連埋咖哩串燒

又有麥樂雞薯條

炒飯都兩碟

選擇真係唔算多
而且好多都係東南亞野

燒牛肉都擺到有d神秘

同埋有個即整意粉就無試到
仲有耐唔耐有少少pop up野由小二送過黎

甜品檯擺係門口即係我地附近

都係迷你強糕仔多

算精緻

都有十幾款

係對面仲有個雪櫃擺左更加靚既蛋糕

但呢個要收費
唔知擺係度為乜

自助午餐要加錢先有任飲
無加既都有每人一杯野飲

不過小二都有落錯order

其實savvy就唔係太多選擇既
味道質素亦都普通
所以佢就加左d野係甜品環節

就係呢架寶箱盒既脆皮雪條車

係大約半場時間一點半左右推出黎
因為我地係一號檯
所以最先就係整比我地

每人一條
特別就唔係話好特別
但幾好玩

雪條車就由頭檯拉到尾檯
其實仲有另一架既蛋糕車由尾檯拉到頭檯
時間都相差左大半個鐘左右

將生果砌好擺上菜
然後再淋油點火

同雪條一樣
都係純粹好玩同打卡
不過叫做係食物以外花點心思
細路八婆港女睇得開心
而且勝在唔洗爭人人有份永不落空
不過相對呢度係無雪糕食
係完全放棄左呢一個項目

餐廳自己有洗手間

都大間乾淨

有樣野好搞笑
雖然話好多人搶龍蝦
但佢真係不斷refill
去到尾段仲係滿既


其實黎呢度最主要既原因當然係有coupon有折啦
另外係因為睇過廣告話呢度新開
服務仲要好撚過晒其他五星酒店
咁其實真係唔錯既
由一入座帶位都有講埋洗手間位置
又有廚房推甜品車即席整雪條蛋糕
仲見到有人係門口經過有興趣
小二係會帶佢地入黎參觀講下有咩食
係第二度真係未見過
咁但係都有出錯既時間既
好似飲品都上錯比廢老佢地咁

三個鐘周末自助午餐就468一位
分單就岩岩好唔過一千蚊
咁樣每張檯可以用四張coupon
當每人可以平兩舊水
即係平均就315一位
比一年前去cafe marco貴少少
但係質素同服務都好過呢間五星酒店
明明大個都係同集團
個定位就好奇怪
不過而家商場改左要三百蚊先減到一百蚊
我就唔會再揀黎食了
始終真係無乜野特別吸引

第三間有優惠既
係九龍東皇冠假日既尚廚
呢間酒店位於將軍澳站既上蓋

格離仲有間智選假日
都係sellhk擁有由洲際集團管理
呢兩座雙子酒店係將軍澳黎講都幾顥眼
但明明都係新界區但個名就叫做九龍東
都幾混淆

官網之前推出過十周年買一送一既優惠
成人自助晚餐每位538
咁雖然佢係買一送一
不過都要計免費果位原價加一
所以總數係加二645.6
除番二就平均322.8一位
呢個真係savvy自助午餐折後既價錢黎
所以算係幾抵下
不過呢間酒店官網都做得幾差
基本就係乜都睇唔得
廢到喊

尚廚門口有兩個

對外果個就係商場個天橋廣場
我就on99再兜去酒店正門入
放工加埋搭車都成七點幾先到
自助晚餐時間係由六點半到九點半
以晚市時間都算係特別少
不過可能真係街坊多
所以好多人好早都食飽收工

一入到去真係嚇親

呢個環境真係去過咁多間酒店自助餐最劣既
檯同檯之間迫撚到痴線
係完全唔可能行得到
只可以係身後面條路行
咁撚迫再加埋小二收碟
長時間就係kick到打晒交
咁都可以自稱五星級酒店

而自助區就係側邊一條直路連埋開放式廚房去到尾

最開始近門口係擺海鮮

遲黎都比人拎左大半
refill又慢又少
去到後尾係乜都無

大路普通野

五款刺身

全都要已經切好

一樣係放題級
仲要配給每樣得果一兩塊

綠色野同cold cut呢d直頭係見到都唔想拎


就好奇怪零零舍舍係沙律bar格離有個即開生蠔區

不過人手少所以要等好耐
因為無咩好食長期去完九點都仲係排晒隊
而且每人都只得兩隻

之後就開始熱食區
土耳其烤肉呢d拎唔拎到真係完全睇彩數

除左長期唔係有廚師幫手
仲比生蠔隊遮住左


麵檔出奇地好大個多野揀



格離有燉湯


燒肉眼扒

主食就只得呢幾樣

樣樣拎d都係得咁多


因為真係無野好食
所以呢間餐廳有兩樣野係長期排隊
第一就係即開生蠔
第二就係呢個煎板燒即煎鴨肝

每次見到已經煎滿成個板都唔夠派
仲要排到去最後面既廁所位

仲有d濕鳩串燒咁

燒味檔就係長期比排鴨肝既人遮住

而且從來都唔見有廚師企檔

甜品區



望落去都鳩流流既款



最得意係有雞蛋仔


真係無野食到乜都放得入口

雪糕有七款haagen dazs



飲品就有個自助水吧

汽水果汁加58蚊
紅白油加98蚊

基本上就係得咁多
味道麻麻
真係無一樣野可以稱得上好食
排隊又排得耐
真係第一次食自助餐係食唔飽既
而且質素太劣連相都唔想幫佢影
自助晚餐黎講真係同人地自助午餐既質素無咩分別
所以真係收lunch價
其實都見佢成日都有做買二送二d優惠
所以買一送一都唔算係好特別既野
咁但係呢度真係劣食黎
坐又咁撚辛苦
野又嘈到講唔到
袋又擺唔到
就無謂比錢傷胃傷精神啦

其實佢仲有間天幕係頂樓曾經都想試既
果間半自助lunch仲平
二百幾蚊搞掂
不過我懷疑佢地自助區根本係同一樣既野黎
所以就無去到了

DAY 97 完

之後都有食JW sunday brunch同港島香格里拉
今個月又會去食麗晶同半島
再之後會食埋四季不過就只有自助午餐
咁就叫做差唔多食晒頂五星既自助餐了

巴打好有心寫
我都有睇L 佛都係覺得
佢話好食嗰啲都未必好食
不過佢話難食過啲就肯定難食

你講果d 自助餐其中幾間
結論都係同你差唔多

真
不過同佢唔係同時間食
自助餐水準有唔同都好正常

岩岩食左麗晶
係幾貴
不過質素幾好
好難得燒牛同羊都好食

高價tosca , sabatini
中價involtini / jep / dough kitchen / attic
8 1/2同佢旗下octavo集團都未食過

高輪花香路算係福布斯五星入面最抵玩
又可以入晒咁多間lounge