[長氣多圖][無限期] 香港staycation之旅(3)

最後一間係中環大館對面嘉兆大廈既babacio

餐廳係大廈5樓
以前呢個位叫做kytaly
一樣都係食pizza既
唔知兩間有無關係
最近babacio都係東涌開左分店

咁呢間店並唔係50大pizza
黎呢度最大既原因係chope見見佢地有賣coupon
買500蚊可以得到600現金券
而chope自己仲有做緊買500蚊可以減150蚊既優惠
最後即係比350蚊就可以得到600蚊
計上黎都幾抵食
而且見到佢地餐廳都有用火爐整
係正宗既拿玻里pizza

透明廚房可以見到chef係入面整pizza
加埋餐廳室外打卡元素
就令我買左現金券過黎食

餐廳有分室內同室外

室內既係梳化位

而室外就係傳說中既打卡位


係ig打餐廳名就可以搵到一堆臭g網紅相
玻璃出面係正對住大館
夜晚個景真係幾唔錯


咁我地最後就揀左室內坐

梳化位係比較寬落既
而且有冷氣

餐牌都係以pizza為主

想睇間pizza店正唔正宗
而家我識會望下佢有無calzone可以叫
而呢間一樣都有炸pizza
意粉同甜品選擇就唔太多

仲有個bar檯可以調下油

怕柒就揀左杯mocktail

果汁feel
抵就唔抵架啦
都係用黎配合下打卡

首先上既係主菜既pizza
今次我都係揀左calzone

呢個就係我當初認識果一款
外表d紋就見佢燒得好靚
仲有埋配菜
切開佢入面火腿就比較多
唔會好似little napoli咁爆芝

但食落就有少少失望
雖然大份
但個pizza唔係幾夠熱
蕃茄醬同芝士都唔太多
食落就真係有少少乾

另外佢餐牌意粉個配搭都好難理解

呢個係肉醬寬條麵
即係唔係話佢難食
但咁樣鳩鳩地兩舊水真係寧願叫多塊pizza好過
呢度的確唔係食意粉既地方

最後有叫個tiramusu

賣相同pici果個差唔多

佢都係好流質
唔算好食

呢度環景幾好
洗手間都唔錯


同係interval叫左差唔多份量既野
呢度差唔多要七舊水

正價黎講就幾貴
不過計番coupon減番二百五
即係四百零蚊落樓
咁計就同interval打番個和
但唔洗去到數碼港咁遠
仲有個無敵打卡位
我地就算坐室內亦都好舒服
呢度人唔多
基本就算坐一晚應該都ok
同囡囡黎就應該好chill
見外國人都好鍾意黎慶祝
小二全部外籍員工
全程都要英文對話
不過食物始終唔係特別好食
如果仲有折都可以試下其他pizza既
唔係既話正價就真係唔洗番轉頭



DAY91 完

DAY92 香港嘉福州際酒店(上)->Theo Mistral by Theo Randall->洲際行政俱樂部
DAY93 香港嘉福州際酒店(下)->海景咖啡廊->海景軒
DAY94 全日雞實驗所->麥記美食->油街實現->東岸公園->Gotthard Base->1987Plus
DAY95 獅房菜->旺角大球場->好旺角粥麵專家
DAY96 Hugo's->訊號山公園->咖啡廳
DAY97 聆渢咖啡廳->黃金海岸->Savvy->尚廚
DAY98 佐敦谷水道花園->黃大仙廟->黃大仙廟->詠黎園
DAY99 M+藝術館->Frites
DAY100 香港嘉里酒店(上)->貴賓廊->貴賓廊->紅糖
DAY101 香港嘉里酒店(下)->貴賓廊->勇記海南雞
DAY102 Henry->香港瑰麗酒店(上)->瑞閣->瑞閣
DAY103 香港瑰麗酒店(下)->瑞閣->彤福軒
DAY104 雷霆保齡->上海包餃掂->滿堂樂->紅磡雞蛋仔->時新漢堡->威風百麵->蒙麵
DAY105 香港科學館->Osteria 意大利餐廳->Sfizio
DAY 106 香港置地文華東方酒店(上)->Somm->MO Bar
DAY 107 香港置地文華東方酒店(下)->MO Bar

希望最後可以捱到DAY END既大日子
然後就可以開始番日本遊記

餐廳門口開揚
但無可避免地庫餐廳樓底會有限制

入面其實幾有格調
周圍都可以見到酒樽同碟作為背景裝飾

雖然係意大利餐廳
但係有d似bostonian咁既英式扒房格局

入面仲有私人房

雖然周圍四人檯多
但我地安排住二人檯

咁好在張檯都唔會話好窄
放幾隻碟都可以既
餐巾有餐廳名
檯面既水杯都幾靚
另外仲有橄欖油同黑醋
亦都有把凍海鮮用既較剪

sunday brunch餐牌

除左自助區同主菜之外
仲會有一份意大利餐廳主流既第二道菜
就好似sabatini咁
佢地freeflow就無sell貴酒
但就無折扣優惠
另外一樣會有跟杯免費餐飲
同埋水都經常會fill
唔會話因為你唔揀油飲而待慢

自助環節
近門口果時有個酒櫃
附近就有張前菜檯


我自己就覺得幾豐富
因為除左前面既沙律醃菜


後面既cold cut比平時係吸引好多

而蜜瓜雖然係切片

但好好好甜好好食

平時我都唔係特別鍾意cold cut
今次真係拎左幾轉凍肉

cold cut沙律對面就係水吧同開放式廚房

有意大利長麵包grissini

格離放既係凍海鮮

仲有幾款醃海鮮
平時自助餐會出現海螺蝦青口長蝦蟹同龍蝦


種類都拍得住港麗
不過龍蝦就唔係開邊
只有龍蝦鉗同碎身

除左凍食
開放式廚房長檯上面不定時仲會擺d熱食會放出黎

除左pizza之外真係樣樣都唔錯

帶子有兩款

一款焗一款炸
焗帶子新鮮出爐就成會比人拎晒

好食又唔會霉
炸果隻都唔差既
不過就會比較濟

全場總冠軍一定係個龍蝦湯
又係要定期等入面廚房斟出黎

呢杯真係第一次龍蝦湯都有任飲
入面係足料有龍蝦肉

味道濃郁
水準絕對係普通西餐廳之上

佢其實仲係第二款烤胡椒湯係擺出黎任斟既

但呢款湯好撚辣

唔識飲

最後係仲有蕃茄包同煙三文魚撻

算係幾有特色

咁前菜佢地都有成三款唔同特色既前菜

cold cut款色多
凍海鮮唔失禮
仲有個贏晒既龍蝦湯
淨係呢個部份都好過咁多間酒店既Sunday brunch
講緊之後仲有意粉同主菜
仲要佢係酒店入面只係算中低價位
咁所以我一直都話呢間餐廳真係良心餐廳黎

大約一點三左右上第二主菜
除左要加錢既意大利飯之外其實兩款都係手工雲吞

第一款係鴨肉雲吞

鵝味超重
我就覺得個味道強烈過頭
用呢道作為第二道菜就一般

另一個雲吞比較薄身

裡面係素同芝士

我就比較鍾意呢個比較多
始終而家食緊半自助餐
鵝肉果份真係好濟

緊接之後主菜

呢份羊架真係大顛
比一般set dinner個主菜仲大件
醬汁味道一樣好強烈
不過件羊就唔蘇既
但唔算好嫩

純以份量取勝

選擇困難另一樣揀左特別d既焗枝竹梳乎厘
但呢一份唔係甜品
所以係咸食黎

外型黎講就好吸引

入面都係芝士同素菜
因為成件都係芝士黎
真係漏到仆街
根本無可能食得完
食完感覺呢間餐廳都幾顛
兩份主菜全部都好重口味

最後係仲有張甜品檯

意大利餐廳賣相就無上次係skye咁精美
但都有九樣選擇
主要係撻同蛋糕
朱古力條就比較特別
仲有冬甩同雲呢拿奶凍

tiramisu壓軸出場
一開始係見唔到既
係唔知食到幾時先出現
一去到已經見比人拎左忽
我都拎左幾次


味道都唔錯幾滑既
不過唔肯定呢份有無refill

咁但係呢度無自家製雪糕
以意大利餐廳係渣左少少
而係用杯裝haangen dazs

格離亦有擺蝴蝶酥同生果


其實今次黎住海景嘉福係慶祝生日
不過酒店同上次係帝苑一樣都乜都無
但係餐廳就可以得到點火爉燭一枝

都係用番自助區甜品
不過就幾精美有朱古力散同埋裝飾

唔加free flow既話每人都有一杯野飲

正常唔太特別


最後個梳乎厘係完全食唔完
所以打包走左

可能係餐廳擺耐凍左唔好食
番到屋企叮番熱又好食番

洗手間係全層兩間餐廳共用

所以都幾大
但就無lotion提供

自助區去到兩點半就會完結
不過就可以坐到三點
咁我地係okibook
就得到左九折優惠
估唔到簽落房帳一樣可以做到

咁折後即係唔洗加一
就每人598一位
價錢黎講差唔多只係港麗既一半
食過咁多間酒店就只有cucina一間平過佢
雖然主菜比較重口味
但自助前菜部份我自己就好滿意
服務唔算太貼心但唔會好粗魯
環境似酒館
亦都唔會好似上面自助餐廳咁又嘈又迫又搶
呢排個價終於加左變成648
但對比起其他酒店都仲係無得輸果隻

因為已經有房
食完飯又可以即刻上番房做豬

客lift同朗廷有d似

海景嘉福洲際酒店全高18層
無13-15樓
但地庫去到B3
B3同B1都係宴會廳層
而B2就係頭先食過既意大利餐廳theo mistral同聽日會食既中菜廳海景軒
地下大堂有酒吧紐約吧同八婆下午茶既大堂酒廊
但大堂酒廊而家無再開
用左黎做大堂休息處同自助餐其中一部份
M樓係自助餐廳海景咖啡廳
行政酒廊洲際俱樂部唔係頂樓反而設係1樓
2樓以上去到17樓都係客房樓層
頂樓18樓要行上一層
係健身室同泳池

咁我地就住九樓

算係中層左右

客房樓梯大堂


走廊都係普通酒店
姐姐行過唔會點樣打招呼果種級數

我地間半海景套房算係尾房
走廊盡頭會有塊鏡


平面圖見到酒店四方形設計

左右兩邊窗會係斜向海既
我地住既26同33房都係半海景既標準海景套房
因為圖下邊面海
所以33房個海景會比較開揚
睇過下官網介紹
全海景既維多利亞港套房就應該係45同46房既合體
但呢層望落就唔係好覺有呢一間
總統套房就貌似係01024546四間房合體
35-46都係海景房
不過角落46房大少少
估計就係豪華海景客房
其他都係尊尚海景客房
28-33係尊尚半海景客房
但係另一邊01-04同11-13房因為同千禧新世界酒店距離好近
都唔知算唔算係半海景房
05-10應該就係內園景既尊尚客房
15-25尊尚城市客房
14房大少少就係豪華城市客房
大致上就係咁
我估

因為呢間標準海景套房只有48平方米大
同大部份五星套房相比都真係細間
一入房門就好似普通私樓咁無玄關設計

客廳有張幾殘下連咕臣都無既L形梳化同茶几
雖然呢間套房唔大
但門口格離竟然都仲整到個獨立衣帽間

呢個位直頭可以用黎做客廁
而睡房仲有好多空位可以做衣櫃

L形梳化前面有部非智能既sharp電視

半海景景本身就應該只係望對面樓
但酒店側面既窗都係斜向
而且同對面帝國中心都隔左成個公園

所以有番個咁既海景
如果住33號房既話會被遮得更少
個海就會更大
好似仲可以望到會展同rosewood

咁客廳左手面就有個mini bar

都仲有咖啡機
枝紅酒同朱古力醬士多啤梨係package跟既

就完全同生日無關
當日去酒店拎現金券果時佢已經有送過呢款紅枝比我
即係而家有兩枝

都係得基本茶包


雪櫃要收費既


mini bar側邊有好似文華東方咁既設計


電制同冷氣制都好舊式

睡房四四正正
無乜多餘野


窗邊有張扮工檯

檯面乜7都無
不過張扮工凳就舒服既

風景同廳係一模一樣


床頭無usb位
只得一個13A插蘇

連鬧鐘都好舊式唔係電子鐘
更加唔好提有得無線叉電
不過櫃桶竟然無擺聖經

另一邊床頭就擺左六枝5100西藏水


因為有衣帽間
廳同房都無衣櫃
床腳另一邊就係扮靚檯


風筒

洗手浴室間只有睡房一間
但係洗手間門個頂係穿窿既

用途不明

雖然叫做套房
但洗手盆只有一個

唔好睇丫嘛

牙刷用品都係鳩鳩地


有浴缸

但係無電視睇

亦都做唔到乾濕分離
企缸頭頂亦都只有一個固定花灑
浴袍放係沖涼房
但就好普通

沖涼所有野都轉晒大枝環保裝

連loton都無得支裝拎走

瑞典牌子
但一d特別香味都無

我雖然無住過原本間洲際
但果間原本就係福布斯五星酒店
而家呢間海景嘉福取代左果間成為香港唯一洲際品牌
但就完全唔係果一皮
所有用品同家俱裝修都係完全唔值得比四千蚊黎住
如果唔係現金券有折就真係會屌出聲
好在我最在意都係個sunday brunch
而個brunch我都好滿意
間房就好似變左附屬品咁樣純粹想試下
不過雖然間房係鳩鳩地
但都唔係會住得好唔舒服
將心情調整下就覺得還可以

check in果時都有比張紙寫住lounge同泳池既開放時間

下午茶係三至五
黃昏雞尾酒就係六至八點半
而泳池每節一個鐘
因為食完brunch都三點
影下相休息多陣都已經四點幾
咁我地都成四點半先落lounge

一樓出lift右手邊就有條天橋通往lounge

呢個位可以見到晒成個大堂

星期六既四點幾check in係大排長龍
真係無半個鐘以上都搞唔掂
所以有lounge入真係好緊要
或者應該要一早就黎
準時永遠都係玩鳩自己

我地個package係送外賣下午茶
但有其他package係送haangen dazs火鍋
就自助餐廳食

行政酒廊洲際俱樂部

門口只得一個櫃檯仔
不過呢度貌似都幾少人用

入面有電腦可以用


咁其實入面環境都唔錯
而且裝修幾靚
以呢間酒店既格局黎講既話


人少係呢度最大既優點
可能大部份package都入唔到lounge
就算暑假星期六都係好清靜
同上年同一時間去帝苑係完全無得比
仲會有d靜過龍添

位就當然係任坐
基本一定可以坐到窗口位

可惜因為呢度只係一樓
馬路同天橋景比例會比較重

而且出面仲好多食物架係空既

唔知係因為太少人所以準備d野都比較少定點
食物只係集中係最入面Y型檯

三款咸

三款甜

加埋鬆餅同蝴蝶酥


咁雖然食完brunch無耐係完全唔肚餓

但如果有個三層架都勉強叫做砌得到
就算係份量少都叫做開心好多
而家感覺真係空nene咁

茶壺同頭先都好似差唔多



lounge入面無洗手間
都要走到同層既另一邊先有

咁岩好似有開放日幾有佈置

呢層一樓洗手間就細過頭先B2果間

但就有房入面果隻lotion同洗手液提供

臨走先醒起我地個package仲有跟個外賣下午茶
但地下大堂果d職員係完全無同我提起過
所以就係lounge問下

就得到外賣紙一張
不過我地今日應該食唔落
想聽日臨走先拎
佢都幫我地改到
雖然話都一樣只係今日整好呢一份
又問埋早餐可唔可以係自助餐廳cafe on m食
佢又做到比我地

咁先係路架嘛
係大堂check in真係特別低賤
如果唔係趕時間都真係唔想係地下搞
不過早餐就要自己手動掃qr code預約
我地夜晚先搞已經見到所有時段都full晒
唯有好似去君悅咁第二朝落去碰下運氣

番房又hea到七點幾先落番去

八月份成七點幾都無天黑

好耐之前已經見過
staycation package晚餐除左可以揀自助餐中菜同意大利菜之外
仲有一間係揀係洲際俱樂部食既

入口就係lounge門口既另一邊
隔開左兩邊大家都睇唔到大家

咁我地無包夜晚就繼續係lounge解決

黃昏雞尾酒時段

可以搵小二調油
出面好似幾多揀


雖然我全部都唔識

食物都擺多左幾張檯
前菜

熱食有5款




都係香口野多
甜品就得番兩款

生果同沙津




夜晚景係靚過日頭好多

以為下午茶咁少人可能係d人未趕得切入黎
估唔到夜晚個都係一樣咁少人
數數埋埋都係得四五檯客
第一次可以咁舒服係lounge食野
雖然選擇相對都係比較少

食完野就諗住出去行下鬆下
地下電梯大堂

lift口對出就係紐約吧

唔知係咪呢間都有餐飲package
見到好似有一家大細都走入去

係出面見到紐約吧同大堂酒廊既平面圖

其實大堂酒廊就好細下
同埋已經無開拎左黎比客人當休息場所

樓層上面就係M樓自助餐廳cafe on m
再上就係lounge既一樓
所以大堂樓底都有一定高度

夜晚就無晒人排隊了


真係出去行一陣

呢間酒店當時都有人專係睇安心回家既

酒店格離座天橋

橫過去就可以去到星光大道

同九龍香格里拉一樣係天橋就已經可以裝到低層房

低層房唔只無海景
仲係零私隱

過埋天橋對面直頭可以望到酒店全相

不愧為熱門stacycation酒店
海景房差唔多著晒燈
就算我地住既側面半海景房都一樣

呢一日係農曆七月十六
離開中秋仲有一個月
呢一晚既月亮係特別大粒

好似世界末日咁又光又大又低

番到去再去埋gem room
先要搭lift上到最高十七樓
然後再轉樓梯上去

上到去就見到泳池係要先到先得咁排隊既

仲一個個排隊號碼痴晒係度
都幾肉酸

然後就有個幾細下既gem room


九點零鐘無乜人係度玩
職員都唔見多個
淨係見到有個清潔姐姐係度做埋招呼

番房浴缸又無乜特別
電視機亦都做唔到airplay功能

睇波亦都只有bein sport幾個台

呢間房娛樂設備的確係久奉既

而且訓係床上面

完全係對正房門口
感覺有D差

夜晚真係唯一叫做有個海望下


雖然話歷史久遠要求唔到乜
但好似住帝苑咁樣天際房既體驗都唔錯
又好似馬哥孛羅咁房有咁大得大
海景嘉福的確就唔算係咩特別既住宿體驗
而且佢亦都唔夠平
始終佢地無出過零房價或者包高dining credit既package
唔係有現金券都真係唔會黎


DAY92 完

遊記呢
我諗住去東京ja

DAY93 海景咖啡廊 海景軒

因為尋日無去到泳池
今日又無咩可以late check out
咁唯一可能就係一早落去泳池
玩左兩年酒店真係第一次咁撚早較鬧鐘起身

以前去日本浸溫泉
都會係夜晚浸一個
第二朝一早起身又去浸第二個
然後食埋個早餐就check out繼續行程
咁其實而家咁做都唔會好辛苦

海景嘉福泳池位於天台
即係尋日搭lift上到十七樓再上樓梯


可能第一輪未算太full就可以直入
但都比想像中多人
個個都好似唔去食早餐咁

呢個池係不規則既
無直池可以游
真係for玩水用途

周圍都多大陽遮


雖然泳池係頂樓
但就無其他酒店果d玻璃欄可以睇下風景
只係可以望到其他尖沙咀既高樓

成個尖沙咀最突出都係rosewoord同凱悅兩座

玩完水番上房沖番個身

今日天氣真係好
個景又清

因為尋日早餐full晒book唔到
所以今朝過左十點先落去諗住少d人搏下

M樓電梯大堂
比起大堂同B2都要靚
呢一層好似仲有個宴會廳

海景咖啡廊cafe on m

原本餐廳就應該係M樓
但我地十點三落到黎仲係full晒
所以佢地就安排我地坐地下

地下原本係大堂酒廊

但而家已經無開成為左自助餐既一部份
呢到食客反而唔多
位比較寬
不過唔好處就係會周圍會有人行過

同埋拎野食要上上落落

但其實呢度樓底較高

又有水晶吊燈
事實環境係比較好既

因為太多人
臨走清場先影到個環境

餐廳其實都有少量窗景位

理應同lounge望同一樣既野
不過因為太矮
可能只係望到行人路同馬路
同埋呢d位就真係好撚迫
要背貼背咁坐

出面有半開放位置

感覺無咁局促
呢一邊唔知以前係咪都係大堂酒廊
格局顏色同自助餐廳都唔係好一樣
而且仲有部鋼琴
但佢又真係有張cafe on m既接待檯擺係度

呢個仲可以望到地下大堂
應該就舒服過坐入面

咁我覺得自助區黎講都幾多野揀
以同級酒店既質素黎講算幾唔錯
佢有兩個大圈放食物
第一張檯就擺前菜多
穀物類幾多選擇

逆時針行就係牛奶果汁


生果乳酪

cold cut同麵包

背後另一張檯見到外藉廚師係度整pancake

檯面仲有葡撻同麵包布甸
逆時針就仲有八款麵包

車兒子麵檔d料都有冰鎮住

粥粉麵飯有齊

亦有少量小菜
點心就一大籠過


有蒸腸粉

西式早餐

最後係強station

可以order水煮強

最後仲有一張bar檯有其他野飲

所以話呢度早餐選擇真係幾多
唔係渣流灘

因為時間都唔多
坐位亦都有d遠
所以就一次過拎晒番黎先食

唔想食食下先再番兜

飲品


點心樣樣都拎左d



車兒子檔拎左銀針粉


無咩其他地方有既腸粉

仲拎左碗粥


唔會係好特別既食物
都係大路野
味道亦都只算係正常
但佢出面廚師疊馬
成個餐廳都係以份量取勝
就算我地十點幾落去都仲有好多人拎緊野食
食物亦都繼續長refill
都無咩見到有空盤出現
咁其實我都算滿意呢個早餐
不過唔知有無得單點飲品
因為我地呢層基本唔會有小二行過
就唔知係無呢樣野定純粹我地無order
仲有實在太多人
拎野食有d迫
所以坐下面雖然要上上落落
但都未嘗唔好一件好事