[長氣多圖][無限期] 香港staycation之旅(3)

道生麵館係比較近期去既
一樣話係用新鮮牛
係各方面人氣都好高
同之前既傳承有得揮
連花恤衫同米紙戰狼都大推
好似日日都排長龍
不過因為話老闆師傅本身是係做呢行
所以出餐就比較慢
咁我就搵左個星期六特登早d搭過海巴去排隊

位置就係健威坊地下
東隧巴士通常過完隧道就可以係附近落車
算方便

餐廳十一點半開門
我就大約十一點三去到
無數到有幾多人
總之有條隊就排左先


真係十一點半左右就開始放人入來
呢度好特別要派籌既
一組人一張
跟順序落單
而我呢
就岩岩好係十個籌之外
岩岩好係入唔到第一轉

即係再早多少少黎就得
但其實入面係仲有位淨既
只係籌就係得十組
十組之後就唔比入住

中間有人經過入黎買外賣
完全唔洗排隊
就咁插左係我之前落單
咁又得wor
後尾坐低食野再聽到老闆娘同客人呻話乜野堂食外賣都同一條隊無得快架
我屌你係呀外賣都係跟次序煮呀
但係可以插隊唔洗排呢
你話你出餐快都話
你就係出得慢先唔比人入去ja ma
咁撚樣都做得出

咁又再係門口等左十五分鐘
十一點五十分入得
我就係第二輪既一號籌


餐廳唔大


餐牌


崩沙腩每日得三四碗
唔係排頭一二位都無咩可能食到所以唔洗諗
佢餐牌就無爽腩既
但成日上網都見到d人話食到爽腩
米紙戰狼又係叫爽腩
我就唔知咩玩法

咁一個人要搭檯都係必然既

配料


之不過佢d凳有d有得埃有d又淨係得膠凳
而我果張就係膠凳

係等得好辛苦既
尤其係五分鐘後落單仲要再等多43分鐘先有野食
而我坐低搭檯第一輪果三位都仲未有麵食既

成個用餐流程就係
我11:13去到排隊
餐廳11:30開門
入晒十組岩岩好到我唔入到
11:45終於第二輪入去
11:50落單
12:30開始話無晒坑腩
12:33先有得食
12:45離開

咁其實我係唔認得邊個排係我後面
但我都feel到第二輪好多人都有麵上而我係無既
問個老小二反而仲話係格離檯果位食左我個麵
明明就係上錯左
更何況你有晒籌有晒順序咁有程序
我係唔明點解咁都可以上漏
亦都可以有人外賣插隊
認真我一個人就無咩所謂
如果係同老婆黎既話一定屌撚到7彩

加6蚊既凍檸茶

基本係捱唔到去個麵黎都飲晒架啦

無崩沙腩就一定係食坑腩
呢個星期六就去到十二點半賣晒

個樣係整齊既
有些少筋膜
食落係比較瘦

但並唔係柴亦都唔會un
係好軟好易咬唔會痴牙
之不過就唔係想像中咁好食
感覺係比較似牛腩
有時我老母都會去街市買新鮮牛腩番黎整咖哩腩
個口感就真係好鬼似

個湯係比較清同淡
有少少既牛味

另外係個河粉呢都係麻麻地
夾上黎都散晒跌番落去唔完整既
亦都唔爽口
咁呢方面連八寶都好過佢
整體感覺就係好既牛腩配差既河粉
仲有都見到唔少人去單點個蘿蔔黎食

埋單69蚊

平過傳承
牛唔差
不過亦都無想像中咁好
同埋河粉麻麻
老闆娘係有禮貌既
多謝前多謝後
不過又可以比人外賣打尖入隊又可以上漏麵就真係差
如果都係一樣要排隊既話我番去傳承食好過
而且佢下午去到都可以食到坑腩
另外餐廳雖然排晒隊
但全部都係香港人
完全無支那
呢點又係幾特別
可能都去晒狗記同華姐

最後一間算係fusion野
我本身就唔識既
不過因為去韓國旅行
係catchtable見到有間米芝蓮既韓燒餐廳分數幾高
叫做born & bred
之後係google再search下呢個名
就見到話佢原來係香港開左間分店叫做moo-lah
再上佢地網頁睇下個餐牌
又幾特別wor
有清湯腩又有咖哩牛腩飯
雖然個價錢都幾貴
但見到佢話全部用上1++最高等級既韓牛
咁去韓國旅行之前就試下先

香港想食靚西
真係好多都要去到soho區
呢間moo-mah位置應該就係以前荷李活道壽喜燒mori個位
果間又係一直想食都未食過

都係黎到門口先見到原來有個中文名叫做牟樂

入面主要就係bar檯位

另外仲有門口窗口位

檯底好似日式餐廳咁有得勾住個袋


檯面都好似呢一帶果幾間拉麵店咁

可能born & bred都有d名氣?
入到店內見都係韓國客
我就係唯一既香港人

餐牌網上面有睇過
但現實睇又唔同左


價錢平左
最貴既都唔過二百
不過就無左中式糕點既甜品
咁其實係八寶清湯腩食都已經要百二蚊
呢度環境更好有前菜沙律收198唔洗加一
都算係咁
佢雖然唔係新鮮牛
但都要係韓國空運過黎
餐牌有寫明話全部都係用1++韓牛
雖然我都未試過唔知同和牛差別有幾大

落完單就上沙律

入面有兩粒蕃茄好好好甜

本身上網見佢地有個刈包幾吸引
但網上睇menu就無既
而家睇見到有得加錢食
一場黎到都預左食貴野都係要試下既

刈包形狀
包皮就好熱好軟
入面係一大塊韓牛肋肉

加埋沙爹醬
成件事真係幾fuion
不過塊牛比較硬一野咬落去就咬唔開
結果就一啖食左了
而且真係好熱
熱親個咀

後來有第二位客黎
因為我有要到個包所以我個麵就比較遲上
個清湯牛筋腩可以選粉麵飯
咁我就緊係揀河粉
即場睇住年輕師傅煮麵
佢係先上個麵

再倒湯

係有d儀式感既
始終收呢個價位都係要做番d野既
即係好似去食mashi no mashi咁
佢上檯果下就一定會擺pose

個湯佢話用純牛去煲完全唔加香料
純粹係個牛湯
個牛湯飲落就唔濃既
係好清澈順口既
同坊間一般牛腩麵店又有d差別

肉方面就就有四塊牛腩加兩件牛肋
三大件蘿蔔同一條菜

真係第一次食韓牛
牛味都有
但唔算好重
都係傳承新鮮牛果浸強好多
亦都唔去到傳承果種入口即溶既口感
不過都算係比較軟既
牛筋就好晶瑩
呢個位就好好

蘿蔔食落完全無渣
同都幾甜

河粉就爽既

唔會散晒
但就比較淋身
我就比較鍾意呢度既牛筋同蘿蔔

檯面有三種辣椒油


試左自家製都幾辣下
個味太勁我覺得會破壞左個湯就唔太建議

洗手間幾企理


最後都食左二百五

無加一
無左甜品
但有薄荷糖可以拎

價錢就一定係貴架既
咁佢味道唔差
經理都好熱心去宣傳
雖然佢都算係外國餐廳
但唔似其他soho區店舖咁用晒外國人
係度係用廣東話溝通既
成間店舖感覺有d似viet
而食物就未係傳承果種可以驚為天人既味道
可能真係新鮮牛更加重要
不過都叫做試過下d特別野
成個體驗係舒服既

佢地夜晚就再貴d

即係韓牛牛扒加個清湯腩
咁所以個清湯腩都可以話係招牌黎
之後我都食左born & bred
但就唔係經理推介話地底果層既omakase
純粹試下佢地正常既韓牛燒
有位韓國oppa全程負責燒牛肉
成個體驗係幾舒服既
不過我都係鍾意食番和牛果隻油脂軟淋口感




咁都算食晒比較出名果埋牛腩麵
華姐同狗記有大多因素令我唔係幾想去
一黎唔想同班人一齊排隊
二黎睇好多都話服務太差
三黎坐都好唔舒服
有機會得閒再試啦



續

DAY118.2 麵麵棧 坤記竹昇麵 劉森記麵家 池記 麥奀

牛腩河唔會整手工河粉
沙爹牛唔會整手工曲麵
車仔麵都無聽過手工油麵
但香港係仲有一種麵係會用手工麵
就係雲吞麵入面既竹昇麵
雲吞麵係由細細個食開東東雲吞麵
到中學果時因為粉麵店雲吞麵好平為左慳錢所以又成日食
但大個左就對呢d細路仔既日子唔再感興趣
覺得搵到錢應該去食魚生鋸扒
然後拉麵係香港咁受歡迎
連間鳩既港式拉麵都可以賣差唔多成舊水
越南河又比起拉麵就更加係世界性
香港賣越南河比拉麵更貴既仲大把
咁我就會諗如果一間雲吞麵店肯去煲個靚魚湯
又用靚紅蝦去包隻雲吞既話可以去到幾盡
但事實係無餐廳會去做呢樣野
因為雲吞麵係大眾眼中應該都係市井食物
我以前會咁諗
不過開始認識同理解左唔少食物造法
食意粉同拉麵都會開始特別欣賞佢地用自家制麵條
所以同樣道理
我而家都會開始欣賞人手打製既竹昇麵
而且竹昇麵既製作應該係更加繁複

睇片成日見到個而家池記位老師傅話香港整竹昇麵既師傅已經唔夠十個
咁又無無聊聊去研究下香港仲有邊間係有用緊竹昇麵呢
原來事實又仲有唔少wor
長沙灣既坤記
佢地打麵工房就設係門口
應該都係真材實料既

除此之外就係同坤記一樣係米芝蓮既劉森記
佢地打麵過程就搵唔到
不過見就算上蔡潤廣告佢都仲係堅稱自己用竹昇麵
咁應該都唔會做假掛

仲有既就係池記
都係睇左梁家權先知
原來池記搵左好旺角個打麵師傅同煮麵師傅過去
而好耐以前有米芝蓮既好旺角而家雖然門口仲有個打麵房
但就應該係轉左純機制麵
不過可能都仲係自家出品既

灣仔既永豪麵家
師傅仔成日都上蘋果同米紙接受訪問
以前都係好旺角打麵
而家就有自己工場可以提供比自己舖頭
都應該有供比其他店既
但就唔知邊間會用

大埔墟街市既平記
都大大隻字寫話係用自家手製既竹昇麵
係咪真就證實唔到

麥頭果堆都話係自家制既
不過應該就應該唔係竹昇麵
見佢地都無再用呢三個字黎宣傳

梁慶記最初開果時就話係由澳門本店拎竹昇麵既
就唔算係本地製作
而家舖頭整埋鐵板撈麵呀叻沙麵呀好多奇怪野
武肺之後唔知仲係咪有同澳門拎貨
不過佢地門口都仲係大大隻字寫住竹昇麵

元朗好到底都係米芝蓮餐廳
不過都係寫住話自家工場製麵
估計都唔係竹昇麵

何洪記同正斗應該係一樣既
又係search到蔡瀾個樣
係支那就有師傅打竹昇麵
香港唔知

以我search過既資料就應該係差唔多
仲有其他舖頭就真係唔知了




好耐無食過雲吞麵
第一次就去左土瓜灣先
話有間麵店都算係劉森記家族既餐廳
叫做麵麵棧
位置係北帝街欣榮商場對面
格離仲有間越南河叫做1986
我都有去食過幾唔錯
再加埋間譽麵坊
土瓜灣呢一帶都真係幾多麵食

門口就好港式updup既麵店
唔係有人講開我都應該唔會行入去

劉森記而家係由大仔同三仔主理
而二仔就黎左土瓜灣開店
睇片佢話竹昇麵係自己打既
並唔係用劉森記既麵

牆上面都貼左好多報導

餐廳圓檯為主

多人果時應該多數都要搭檯
呢一日星期六係附近剪完頭髮點零鐘過到黎就無乜人
所以可以獨霸張圓檯

餐牌仲有寫蔡瀾讚好既南乳豬手

佢都幾多元化

不過主力都佢竹昇麵

蝦子撈麵50
雙拼加8蚊
價錢唔算係好平果隻
但如果計埋係手打麵既話就算幾唔錯了

服務就一般啦
眼見都係得兩個人
二少老闆就負責煮野食收銀
另外果位可能係老闆娘就落單上菜
不過落完單話唔要野飲就走左去了
另外有人見話餐廳擺左出去放盤
咁而家見老闆都仲煮緊麵就應該未賣出掛
不過想食既都應該要快d黎食
呢個時勢星期六都唔多人可能都真係做唔住

不嬲食拉麵既話我都係食沾麵
所以黎到當然係食撈麵
問左三拼都可以
價錢就照加上去
所以就叫左蝦子雲吞豬手撈麵

仲有比隻碟用黎放骨頭
另外有碗落左蔥花既一乾三濕

先飲一啖只係微暖
同埋蔥同個湯好似真係唔太夾
但好似有少少鹼水味

不過個麵就真係唔錯
係幾爽口有勁既

唔似普通果d膠質麵
另外佢蝦子都落幾多
好重好濃味勁開胃
之後食過幾間都無呢種感覺
雙拼就有三粒雲吞

蝦肉彈牙咬落有口感

仲有兩大件豬手
好入味同埋好多膠質
蝦子再混埋南乳汁就更加惹味
用黎撈麵真係一流

食完個三餸麵就覺得好滿足
原來真係會有好食既港式雲吞麵
唯一係個麵食完未算好飽肚
可能真係要加底先夠

埋單68蚊

只收現金
如果單拼就50蚊
蝦子份量應該都係差唔多
咁樣加多兩個餸其實都抵食
仲有幾條菜配碟
街坊生意
疫情後加左價都係無可厚非
香港都已經番唔到去以前啦
咁當然都有佢既缺點既
例如人手唔夠老闆又要煮野食又要收銀
咁隻手套就緊係污糟啦
衛生程度都係典型港式麵檔咁
不過老闆係幾有禮貌既
同埋味道都好過晒之後果幾間
而家土瓜灣有埋黨鐵都叫方便左好多
我地住九龍東既坐巴士就好方便
我覺得絕對值得推薦
下次可以試下水餃鵝腸黑柏葉果d

深水埗區有兩間米芝蓮雲吞麵
一間係劉森記
另一間係坤記
今次就去左坤記先
而家都無乜舖頭會整個半開放式工房公開打麵
好旺角門口本身都有個咁既位
但而家都好似無人打麵了

個位置係長沙灣元州附近永隆街
舖頭對係比排檔同棚架遮住
所以唔係米芝蓮或者其他媒體介紹就真係唔會見到

佢門口都貼左好多車胎人出黎

門口有個開放式既打麵房

可以見到麵塊同製麵機
不過夜晚黎到就睇唔到用竹昇打麵了
應該要日頭先會見到

坤記店舖細小
檯唔多

係中式麵店格局
入面算整齊既
比麵麵棧同劉森記乾淨
同埋門口見到有好多唔同類型既自家麵賣

平日夜晚七點鐘入到黎
唔洗等可以直入
仲有全張四人檯坐

就算需要搭檯都唔會太迫

檯面有辣油調味


坐低有杯熱茶送過黎

唔洗茶錢
亦都無服務費

坤記其中一個特色
就係勁多餐牌










睇完真係頭都痛埋
而且望落好多都係差唔多
係無可能睇得明同計到邊樣叫法最著數
大概只可以當佢蝦子撈麵55
加餸加10蚊咁樣睇法
同麵麵棧對比係貴些少既

咁所以我今次叫左富貴撈麵
要85蚊
不過佢除左有茶
有特別名既幾餸麵叫做係套餐
會有杯野飲或者油菜送
我係揀左豆漿


富貴撈麵係四餸黎
有蝦子牛腩豬手雲吞

另外有蠔油同辣醬各一羹
有放骨既碟
撈都都碗一乾三濕
個賣相都算唔錯既

但之後無事做繼續睇menu
其實仲有個90蚊既鎮店蝦籽撈麵係有埋水餃
即係5餸
一次就可以試晒所有野
但當時睇唔到
所以我係柒撚左既

雖然餸多
但豬手牛腩都係比較細件


仲有雲吞都得兩粒

蝦籽感覺上都比起麵麵棧少
唔可以撈暈晒成個麵

所以好多麵食到都係未有味既
亦都唔夠香
真係要再加蠔油先夠味
麵條整體唔夠爽口
感覺係比較重身
個湯有些少蝦籽
但有少少那

唯一比較好食都係件雲吞
係實淨足料

另外有貓店長可以撚



整體唔係難食既
不過就真係未夠好食
至少同街坊店麵麵棧都唔夠比
而且仲要比較貴

85蚊
收八達通
臨前送左張現金券

現場都聽到有人會用
同埋可能麵既份量多少少
仲有杯豆漿
所以都幾飽肚
佢地雲吞唔差
我諗水餃都係好既
下次可以唔洗叫豬手同牛腩
服務都OK既
地點係長沙灣站附近都算方便
點都舒服過同區劉森記
如果經過開口痕都可以試下
但就唔需要專程黎食既水平

劉森記係深水埗區另一間必比登既雲吞麵
佢直頭就係全區最旺既黃金商場附近
方便指數係爆燈
不過我一次都無食過

佢係深水埗都有兩間店
而且兩間仲好近
舊店係桂林街

見唔少人都話呢間比較好食
但呢間就唔是米芝蓮官網果間
所以我就去左福榮街果間

係正文記霸權對面

佢地門口就見唔到打麵既
不過麵檔就係門口

劉森記同麵麵棧係兄弟關係
之前係紅磡仲有間劉燊記
呢度係大哥同三弟打理
咁劉森記同坤記麵麵棧又好唔同
佢係旺到7彩
我星期六黃昏去
入面係爆晒既
不過因為流轉度太高
所以唔洗等都可以塞到個位

佢地全部都係大圓檯

細細張木凳

需要搭檯得黎又坐得唔舒服

蔡瀾係就算近年轉拍youtube都有黎劉森記拍片既

話劉森記係佢最鍾意既雲吞麵舖

圓檯大大張

如果迫迫埋埋都可能要坐6-8個

調味料


餐牌係檯底

如果搭檯有人食緊野根本就睇唔到
所以呢間劉森記就完全唔係以客既角度出發既
不過佢蝦籽撈麵50
加個餸8蚊
基本係同麵麵棧一樣
米芝蓮黎講又真係平過坤記
不過無茶無野飲送
連水都無

除左坐得唔舒服
環境比較污糟
仲有服務態度都係好差既
因為佢地唔憂做
姐姐完全唔會理你
個個客想落單佢地都一定會講句等陣
然後又要再搵第個
係好典形果種茶記阿姐水準

劉森記其中一個大賣點
就係檯面呢大樽醃蘿蔔

可能其他檯都清晒無refill啦
成日有格離檯既人走埋黎開黎筆
好快就得番半樽都無

我自己本身唔好蘿蔔都拎左幾件黎試下

係幾開胃既
如果夏天食就更加好

今次我食同麵麵棧一樣既三餸
蝦子雲吞豬手

上檯無骨碟
同埋雲吞係放係一乾三濕入面

呢間蝦子係最深色

但都係淡味
撈暈望落似豉油王炒麵
麵身都係唔算好爽
有咬口要用力先咬得開
感覺竟然都係麵麵棧最好

豬手唔入味
呢樣一樣係雲吞最好食
有三粒

入面就係豬肉同蝦肉

比例好好
就係細細食到果隻鮮蝦雲吞既味道

個大地魚湯係熱既

唔似麵麵棧同坤記既暖湯
清清地甜甜地
劉森記就係個湯同雲吞最好
無鹼水味亦都唔會口乾

食到尾原來有幾條菜放係麵下面


可惜係度食野真係好辛苦
張凳細張又無位擺野
又要搭檯
價錢係唔錯既

同麵麵棧一樣68
收八達通
各有各好
輸麵同蝦子
但湯同雲吞都好
可惜小二毫無禮貌
環境算污糟難坐
食個快麵可以
但想享受就唔得了

第四間竹昇麵係池記
池記十幾年前係屋企附近商場食過一次
覺得連鎖餐廳又貴又細碗
唔係粱家權個廣告都唔知原來池記而係用自家手打竹昇麵
仲請左以前好旺角d老師傅黎打麵同煮麵
睇得出應該係有心做
而家執淨尖沙咀同機場店
即係市區係淨番一間可以選擇

池記個位係海防道轉入去既樂道

又係一個星期六既夜晚六點幾走過黎
都仲未洗排隊可以直入

門口有辣椒油同蝦子賣


入面算大間同幾full既

唔只有支那人
韓國菲律賓乜都有
總之都係遊客為主

一個人可以坐張二人檯
未有人等位果時都仲未洗搭檯住
不過臨走果時七點鐘就有人過黎搭檯

我前面仲有張單人檯

檯面筷子有蓋好

同埋側邊有調味料

雖然係遊客點
但正常單點餐牌就得中文字

蝦籽撈麵58
雙拼都係加10蚊
當係比坤記貴些少
但係尖沙咀嘛
算係比較正常既價位

遊客睇有英文字版本就要跟set
同我以前既感想一樣
都幾貴

餐牌無寫雙拼有蝦籽雲吞撈麵
不過落單話可以
價錢一樣
就唔知可唔可以三拼
呢間店都係無水提供
所以坤記算係咁
仲要等廿分鐘先上菜

蝦子份量少
就咁望同食都幾單調
隻麵就同坤記差唔多
唔夠爽

不過碗湯都有成羹蝦子

唔知點解幾間個湯都只係微溫
我記得第一次係好旺角食撈麵係好好好熱既
而個湯飲落好重好濃
唔會口喝
個味係四間入面最出最好飲

雲吞有四粒

呢份係普通雲吞
蝦肉咬落係比較爛既

唔知海蝦既分別大唔大

雖然算係集團
但唔收信用卡
前面遊客都要拎現金黎比
但都收八達通

呢個麵68蚊
價錢同劉森記麵麵棧一樣但少個餸
不過佢係尖沙咀區無加一都算係咁
舖頭算大間
始終都係集團式營運
小二人手都多
都仲係人手落單
服務就一般正常
不過後面有位阿姐落單問左一堆野個小二都仲未炸型算係咁
但並唔係熱情既
個麵唔係差
始終有老師傅座陣
但都係果句
集團式營運
食物好似都係要就住咁整
唔算渣流灘
但都唔係點樣抵食既野
中規中矩

最後呢間唔係米芝蓮
唔係自家竹昇麵
只係連鎖既麵奀
武肺果時用半價券係海港城食過一次個麵細撚到
今次試下黃埔

麵奀係連維基都可以搵到既餐廳
應該算係麥氏家族既起點
呢間麵奀星期五夜晚都係得幾個客
真係唔太明點解仲可以話係元朗開新店

呢個集團連泰國都仲有分店


餐廳主要翠綠色設計
有圓檯有四人檯有卡位

座位係算舒服既
有熱茶送上

餐牌


蝦子撈麵要成64蚊
加餸要16蚊
即係一個蝦子雲吞要成80蚊
貴池記都一截

餐廳職員都係比較年長

煮麵都真係老師傅

叫左兩個撈麵
雲吞撈麵


個麵同牛腩撈唔同會有蠔油

麵質就係以前食開果種膠質好幼好幼既麵

唔爽口
有明顯既鹼水味
份量都唔多

我覺得用湯浸住雲吞係好既

有六粒

比較細粒
係無之前食果幾間咁足料既
但就有d魚味


牛腩撈


牛腩細件
但都算多

正常口味
個麵無蠔油
咁咁用柱侯汁去撈就唔夠味

個湯一樣都有鹼水
仲好咸好那喉

係完全唔可能飲晒既

服務正常無西
不過價錢就真係貴

雖然都係無茶錢同加一
但單餸麵已經差唔多人地三餸價錢
係裝飾比較靚同燈光幾光猛
可能少客無野做執野勁快
一食完就收
咁就真係食過就算啦



麥奀記(忠記)好似都算係麥氏既起點
但就只得一間係上環
換錢果間小女孩格離條窄巷
入面d野都幾貴
我只係買左打生雲吞番去
都成68蚊打


麥文記果d又係排隊店同華姐狗記一樣都唔係幾想去
平記又真係遠
所以都係食住呢幾間先


續

DAY118.3 何車車仔麵 地道館麵家 老馮麵檔 文記車仔麵 三不館

讀書果時成日都會去食車仔麵
因為有學生優惠
十幾廿蚊就搞掂
果時見到大人要比正價四十蚊食個麵覺得好on9
結果到大個左
我又真係無再去食過車仔麵
然之後大家食譚仔呢類型既麵店就開始興起
我都唔明同車仔麵有咩分別
結果米線呢樣野仲直接搶左個市場
然後到左武肺呢幾年
終於開始懷念起呢個都幾有香港特色既麵食起黎
先發現原來而家香港都仲有好多好多車仔麵舖
只係唔再係我地以前既窮人恩物
貴過碟頭飯就緊架啦
明明只係即食麵
但有d仲可以上到米芝蓮
件事都幾顛



何車係連L佛都讚既黃色車仔麵
位於太子大南街
而家拉麵大戰既野見同泓一附近

前年其中一個星期日既點零鐘去既
入面都無咩人可以直入

一個人坐bar檯

另外門口附近同入面都有d四人檯
牆身貼左好多客人畫既畫同字


格離有張矮凳可以放袋


檯面有紙巾筷子同hop


qr code落單
餐牌就係先揀麵底

撈麵就全部16蚊

再揀餸

即係我最鍾意就係有set選擇既車仔麵
好似去威風百麵我就次次都係揀牛魔王
何車最正既地方係可以揀十餸麵
雖然唔係特別想食既野
但就係抵過一二三餸好多

最後係有汁醬可以揀

十餸麵望落都唔少野

至少陳皮魚蛋有三粒

豬紅有三件

雞翼尖雞翼

炸魚皮頭
炸腐皮蝦卷

豬皮
豬大腸
燒腩肉
蘿蔔
每樣都有三件

因為撈麵所以揀左粗麵

咖哩撈麵就唔算好夠味
不過蒜香就好夠

呢個老何十餸雖然款式多
但都唔係普通買貨番黎就咁整熱比個客
見佢都有調過味
又唔算好重口味
所以都算唔錯既

埋單68蚊

收八達通
以車仔麵黎講叫做唔平
但十餸既話又覺得幾合理
味道唔錯
而且係黃店
不過聽聞個湯底先係好野
雖然撈麵都好似一乾三濕咁跟個湯
但個feel好似唔太似
下次都係試下湯麵同埋其他特色既餸先

新蒲岡除左沙爹牛出名
我見都仲有車仔麵成日有人講
屋企人就黎走又同佢食下d地道野食
見呢度都算近近地就試下

回味我就無去到
去左間比較新淨既地道館

入面都算係比較新裝
唔係舊式污糟餐廳
有四人檯有卡位

平日人唔多有卡位坐

隻辣椒粉好似係土瓜灣附近串燒店d自家製產品


呢間係寫紙仔落單既


車仔麵三餸40蚊
多一個餸就8蚊
貴餸有要再加兩蚊同三蚊
唔算貴
不過比較可惜既係無set揀

咁見到加三蚊果幾個餸都幾吸引
就叫左其中四個餸

上檯係舖滿晒成碗麵
連入面d油麵都見唔到
豬腸同咖哩魷魚都幾大塊


牛腩同腩肉都唔會瘦柴柴幾好食


油麵份量都多

個湯味道好夠
凍飲要七蚊無要到
但都無咩口乾

但最出色都係份豬扒

另外單點33蚊
有成兩大塊
香口有醃過味道好唔錯
亦唔會乾柴

屋企人就揀左個三餸粗麵

陳皮魚蛋同要加兩蚊既牛柏葉同蝦條
咁我覺我都係加三蚊果幾個餸吸引好多

兩個麵加埋137
只收現金

咁我個四餸麵加埋就60蚊
加埋塊豬扒都算係5餸麵
七十零蚊既話係車仔麵黎講都算貴
但食得好飽肚
份量多味道唔錯
仲有份豬扒煎得好
都咁叫OK
食車仔麵我都係鍾意叫呢幾樣餸多d
而且都叫做黃店
係值得支持既

元朗食過有間老馮茶居
雖然有限時
但自家制點心都算唔錯
後來見佢係西菁街又開左間車仔麵
就去試下啦

入面都係老馮茶居果種懷舊裝修
檯面係圓檯
QR code落單
門口有人派宣傳單都可以望下個實體menu


三餸要45蚊
貴果幾個餸仲要加9蚊
即係如果三餸都要貴餸既話已經72蚊
呢個價係元朗都真係幾顛

凍飲要加八蚊
要左豆漿同凍檸茶

三餸油麵



沙爹醬可以另上


望落去已經好普通
成六十幾蚊個麵都舖唔滿個碗
屌你最痴線既係要另加九蚊既秘製牛腩竟然係只得一大舊

豬腸同牛肚都叫做正常份量

但牛腩得一件實在太過痴線

而且都唔係筆錯
係因為另外個碗兩餸麵一樣都有叫牛腩

佢都係得一件
真係太撚難睇

朋友呢個係兩餸麵麵個底

係水餃都叫大粒
但都係搞不撚掂

兩個麵加埋百四蚊
仲貴過上次係地道館

可以收信用卡

但人地好食好多
份量又多仲有塊豬扒食
呢個價得一件牛腩真係點都講唔通
真係比佢呃過一次都唔會再幫襯啦
唔怪得佢後來都做唔住轉番做茶居生意
個價實在太唔合理了

深水埗除左有兩間雲吞麵做到米芝蓮之外
仲有間車仔麵可以做到米芝蓮
而且仲可以成條街有五間舖都係佢地
就係黃金商場對面條福榮街

行過通常要排長龍既都係近黃金最傳統對住餸落單可以收現金果間
但再行落去d舖頭就會比較少人d

呢間就qr code落單唔收現金既
當時平日點零鐘去到唔洗等位直入

入到去我係第一次見係迴轉壽司以外既舖頭見到會用輸送帶送餐

證明佢真係搵到賺到
上面仲好多唔同既醬

咁佢都仲有d裝飾


更加難得既係座位下面仲有籃可以擺袋

呢間野雖然只係一間車仔麵
但座位黎講真係比起好多餐廳都做得好

每個座位都有QR code
佢個餐就連幾餸麵幾多錢都無
係逐樣野去計
麵底12蚊

最少要揀兩個餸

由10蚊去到16蚊




雖然話佢坐得比好多餐廳都好
但又衰到連熱水紙巾都要收錢

落單先要比錢
揀左個三餸麵

62蚊
呢個已經係米芝蓮價
即係老馮真係搶錢
落單係先要比埋錢先叫完成
用信用卡搞掂

輸送帶送麵
所有野都好自動化

三個餸都係舖唔滿個碗
份量一般
不過所有野都好濃味
米紙訪問話佢係咪落好多味精
老闆就答點都有既
豬大腸

玻璃魷魚

牛根腩

油麵

咁個賣相都叫正常
重味可能都係佢特色
但又未算去到過咸既
我就覺得入到口無咩問題
其實就真係唔算差
可能d人去開等得耐果間舖所以屌掛
我係自助呢間舖唔洗等位
野食就落完單幾分鐘有得食
我自己就覺得無咩野
仲食得幾舒服
輸送帶毒撚位都算好坐
又有得埃有位擺袋
62蚊三餸叫做中價唔算特別貴
其實都無咩好投訴
姐姐就未去到劉森記果種級數
只可以話樣樣都正正常常啦
未去到必食但都唔可以算差掛

三不館係因為dickson吹到話全港最好食既魷魚
本身就只有大埔店
可能又出名賺到啦
之後越開越多連觀塘都有
不過佢收得早
星期日又唔開
成日去到都摸門釘
終於有一次去北區做完野
順路就落左大埔食


摺檯摺凳
呢度就完全係懷舊裝修

仲有門口有風聆
聆聆聲係舒服既
但就同香港既急促唔係咁夾

入面有bar檯同雙人檯
平日四點幾五點無乜人

我就坐左二人檯

檯面有辣油


同埋佢係兩張檯中間放多左張十大武器之首可以放野

而單人位bar檯果邊見佢檯底都有掛勾
但張凳就只有一張
唔知兩張檯都有人想擺咁點算好

餐紙同筷子唔係擺檯面而係擺係牆身


餐紙落單

呢度無set叫
不過有兩餸37三餸46四餸55
望落去好似都算係貴少少
但佢所有餸都統一10蚊唔洗另外再加錢又唔錯
同埋姐姐態度都OK
問佢可唔可以再加腩汁佢都笑住口話多汁都得添