[長氣多圖][無限期] 香港staycation之旅(3)

btw 港香新裝海景套個浴缸好正

W嗰個真係好正不過房內其他嘢少殘

真
間房已經好舊
同埋都做左隔離酒店好耐

中秋出左去迫住睇花燈
條街好似已經番左去以前咁
唔同既係
而家就淨係聽到支那話
前後左右周圍都係



DAY82.1 丸目背脂煮干 神虎麵商店 漁場台風 T2P Mashi No Mashi 一生懸麵

拉麵黎講
疫情之後就更加確實我係比較鍾意食沾麵
自家製麵條就更好
基本上最推崇果幾間上年都寫過晒
今年就試下香港S級以外既選擇

第一間係年頭去既新拉麵店
叫做丸目背脂煮干

係女人街近亞皆老街果邊
對面就係一生懸麵
雖然呢間拉麵一般般
不過因為就腳而且黃
我係耐唔耐都會去下
但見到旺角店竟然大排長龍就覺得好痴線
因為只係算過口癮級數
香港咁多拉麵好過佢
真係有需要咩

講番丸目
佢係香港少有主打背脂既拉麵店
背脂即係豬背部既脂肪
依稀記得弘一係有呢一款既拉麵
我自己就未食過
所以就買完戒指當日就去左試下

我地去果時都仲係試業時間
同對面相比係兩個世界
星期六差唔多一點都可以walkin唔洗等
而家有龍閪兩條撚樣宣傳完
又唔知要排幾耐先食得到

餐廳就唔係傳統拉麵店風格
廚房係餐廳既最入面
雖然都有個窗口望得到入面

但並唔係開放式設計
亦都無吧檯

變左係比較舒服既卡位同面牆位
試業期間都算企理既

小二當日只有一位阿姐負責
而落單係手機落既

見到佢地個分類有拉麵沾麵同油麵

不過油麵暫時未有提供
兩款麵價位唔過一百
而且有糖心強一整隻
我覺得價錢算可以
另外小食都只有兩款

因為我同朋友都係沾麵愛好者
所以就無點到湯麵

大約十分鐘左右就上個麵

沾湯入面一petpet就係所謂既背部脂肪
不過入口唔算油膩
我覺得個湯幾濃味
聽講之後可以叫幾倍脂令個湯更加豐富
不過朋友就覺得好咸

拉麵無跟原塊叉燒
只係湯入面有零碎既肥豬腩肉

另外個麵落左我最唔想見到既綠色菜

溏心強味道正常

不過有一整隻都要讚下

麵好普通無咩特別大概就係來貨既味道
不過食完個碗底有好多水

同埋呢d咁撚樣既配菜真係搞唔撚掂

另外份南蠻雞都OK香口


食完野阿姐好撚快就收左碟
感覺麻麻
呢餐人均百一蚊

有沾麵有炸雞
我覺得價錢合理
而且餐廳有佢自己既特色
雖然唔係特別好食
唔知食咩果時都可以試下
但而家又有龍閪
成個openrice又係lv4食評
打手味濃
我又覺得未差到有咁既需要

另一間係連登出現度都幾高既神虎
係疫情最嚴重果時去既

有灣仔店同大角咀店
我去果間係埃華街大角咀店
唔熟路都搵左一陣先搵到
同一條街街尾仲有排骨好出名既那個

神虎係日本過江龍餐廳
總店位於大阪
一共有五間分店
不過最高分都只係得3.5分左右
唔算特別出名
而家由日本大廚老闆木村守師傅係香港坐鎮

餐廳有吧檯同二人檯

疫情嚴重一點黎到都只得小貓幾隻

檯底有勾可以掛袋


檯面預設兩對筷子

冰水自助


神虎既拉麵價錢唔平

最低消費都要九十

另外都有小食同配料

二月果時既大角咀店限定係廣島蠔沾麵

當時都有唔少巴打討論

平時見到神虎呢個名
聽得最多讚既並唔係拉麵
而係佢既炸雞
講到全香港最好食咁濟
咁雖然都幾貴
但都叫左一碟試下

外表炸到金黃色
一共有四件
靚仔仲好有肉汁

熱辣辣又真係堅好食

原本神虎只得一款沾麵
本身就唔洗點樣選擇困難
但今個月限定又係沾麵
而且幾多人講
所以我都叫左呢個限定既蠔沾麵
無特別排隊
一點黎到都可以食得到

一共有四隻廣島蠔
平時講起蠔拉麵
都會諗起拉麵陳既海老名
不過果一份係湯麵
呢一份我就會覺得吸引好多

佢個蠔沾湯同炸雞一樣都係熱到辣口
而且起晒沙
成個沾湯蠔味濃厚
如果鍾意食蠔既人應該會超鍾意
可惜我唔係
平時去自助餐食生蠔都係兩件起四件止
呢個蠔湯加埋蠔肉真係太超過
會食到好濟
同埋麵條唔是自家製
都是來貨料
所以味道只係一般

不過呢個蠔湯就掛汁一流

食完碗麵都只係淨番好少湯汁

口味真係個人問題
其實個麵就配搭得幾好

呢餐價錢就唔算親民
炸雞成五十五
蠔沾麵百五
加埋過二百

係貴既
但質料幾好
亦唔似座銀集團咁樣要加一
咁我覺得都仲算可以接受既
小二服務正常
唔會坐得太迫
絕對可以再戰
不過佢地個個月都會轉限定
呢排大角咀又做緊雞沾麵
次次都吸引過灣仔好多
如果去灣仔都係食番佢正常個沾麵算

跟住呢間係台風
好耐之前就已經見係荃灣成日都排長龍
當時無咩興趣就未食過
2019開始知道係黃店
有講過介紹話老闆都係日本人
特登走過黎香港開店
而家仲開左灣仔台風R同旺角漁場台風分店
所以都要去課下金既
揀左去比較近既旺角

位置係皆旺後一個街口
當時三月中
仲係禁晚市加二人限聚
呢個時間完全就係餐廳既冰河時期
三四點呢個時間幾乎所有餐廳都係任入
唯獨呢間拉麵竟然要排隊

條隊就係格離個後巷排
叫做有個位企下
一排就廿分鐘

本身漁場台風就中午賣沾麵夜晚賣拉麵
禁晚市之後個分隔點就好似變左係三點半
我三點三係門口落單果時仲係沾麵餐牌
但後面排隊果個女仔話想食拉麵
小二都話可以既

三款湯底都係魚介豚骨
價錢算比較親民
最貴都唔過九十

排到門口果時見到有部扭強機

時間太突然完全load唔到就無玩到
而家睇番真係應該抽番個
都好似無咩蝕
最多咪加麵

呢度好似全部都係面壁位

牆上面全部都係意見書同動漫野
好似其他分店都係類似格局

檯面有茶壺斟水

揀左最貴既蕃茄海蝦味
大約十分鐘就有麵食

個麵係來貨既
但煙韌口感比其他都係來貨既拉麵店好
有得揀冷麵
而且呢個250G
份量比好多拉麵店都多
跟半隻溏心強

個湯同好多店一樣做法放左大量櫻花蝦
唔算好杰
又係無原塊叉燒跟
只有數量唔多既叉燒粒

而且上檯果時個湯都唔太熱
見好似話可以加熱石落湯加熱
但無咩指示就無做到

碗底無水
篩水做得好


埋單88蚊

淨係個麵就飽既
味道唔係最好食
不過同價位比起麵屋福味道好好多
比起海老名麵量又比較滿足
但叉燒得幾粒
要追加先有一整塊
所以價錢就唔算話係抵食
服務同環境都叫做正常
有立場加持
整體都可以再戰
下次會想去灣仔多d

又去左另一間黃店
叫做T2P
the second phase
第二人生
另外仲有個意思係time to play及時行樂
之前食古月都有提過佢地有開pop up店賣拉麵既
後來真係開左實體店
所以呢間並唔係一間正宗拉麵店
算係比較fusion一d

係天后近維園入口
銅鑼灣消防局對面

門口落地玻璃

水吧檯

木系擺設為主
仲要樓底好高
其實更加似cafe

當時三月尾
因為里數到期
諗住走去支那航空換機票
點知疫情嚴重寫字樓唔撚開白行
要自己打上去支那熱線
本身已經唔識講同聽蝗話
用香港信用卡又話要授權又盛
雖然最後都叫做換得到新航既機票
但成個過程真係煩撚過閪
真心以後都唔撚再儲鳳凰支音既里數啦

而呢個日子仲係禁緊晚市
12點幾成間餐廳都無幾多人

木檯普通size
不過就會卡住隻腳
而餐具都幾特別

因為算係fusion菜
所以就唔只淨止得拉麵同沾麵既

另一種太麵即係類似撈麵但意粉口味
仲有飯類小食提供

餐廳唔係fine dining格局
但竟然有餐前小食

雖然只係青瓜沙律
但係有落過心思既
起碼唔係鳩流流中華沙律果類

lunch set有玄米茶水果茶或者咖啡跟

揀左水果茶
雖然同拉麵唔係幾夾

拉麵有四款
沾麵只得兩款
一款係蘋果咖哩一款係黑蒜醬油
咁想食特別d當然係揀咖哩

咖哩沾麵就唔係未試過
好多年前去食隱家
都有出過限定既咖哩沾麵
咖哩本身就係杰身既
加埋蘋果甜味
認真我覺得同沾麵係一個好好既配搭
每一啖都食到咖哩落肚
而T2P麵條係正常冷麵
雖然無寫係自家製
但勁有咬口
而且份量都多
夠飽肚
T2P大部份拉麵都配兩塊豬肉
一塊係灸燒過既五花叉燒
另一塊係豬面肉
同埋有配一整隻溏心強

食落好甜

仲有唔會食既醃菜


最後食完個麵都差唔多清晒個咖哩沾湯

掛汁一流

呢個拉麵價錢128蚊

雖然望落唔平
但沾麵應有既配料都有齊晒
唔似得其他拉麵店咁又要加強又要加叉燒
仲要比起大部份麵店坐得舒服
之餘仲唔洗加一
又有杯野飲同餐前小食
性價比一流
想像唔到fusion拉麵都可以整得咁唔錯
服務有板有眼
更唔洗食到趕頭趕命
呢間真係絕對值得支持
仲要係黃店
下次會想試下佢地既意太麵

除左港式日式拉麵
香港仲有種係款鬼式既拉麵
叫做mashi no mashi
係食和牛拉麵既

係灣仔愛群道入面既後巷
地點係灣仔同銅鑼灣中間
都幾難搵
同建築物仲有呢個意大利餐廳da domenico

傳說一碟紅蝦意粉要過千蚊
同埋個老細好似都係忽忽地既

mashi no mashi係wagyumafia既另一條線
wagyumafia以賣和牛聞名
出名到碧咸都係捧場客
門口小二又係講英文既外國人
但其實餐廳係日本人開既
食唔起和牛黑手黨就唯有食住和牛沾麵頂住先

門口就係呢條樓梯

同wagyumafia用同一個入口
兩間餐廳星期日都係唔開既
所以我地就清明節公眾假期一點鐘過黎
都真係幾多人排隊
門口仲要幾曬下

第一次黎真係乜柒都唔識
原來齋排隊係無得食既
首先要係店入裡面部自助機買左飛先得

餐廳只有兩款沾麵同丼飯三樣主食
百五蚊起跳
仲有餃子小食
全部都係以和牛做主題
同埋只收卡
唔收現金

就咁買左三舊水沾麵

張飛有埋排隊號碼
mashi no mashi入面座位好少
加上呢間店特別多打卡港女
所以都等左半個鐘先入得

全吧檯座位


望住師傅煮麵煎餃子燒和牛


餐紙都係用英文寫

隻馬騮係佢地招牌黎
仲有個電話座

先上左個和牛沾湯

然後就係個招牌上菜方式

因應我地不停轉機影相佢都拎住兩個麵hold住左一段時間
應該都幾累下

碗麵有一大塊和牛
半隻溏心強
仲有我唔鍾意既綠色椰菜

打孖上

成個麵最出色就係塊和牛
係真係好好食
仲係粉紅色好嫩口
麵條係自助機可以選冷熱
應該唔是自家製所以無乜特別

強都唔錯
而個湯就真係咸到要洗賢
平時食慣沾麵既我都頂唔順
佢唔係濃唔係杰
就真係好撚咸

但食完個麵都清到晒既
無見過有人會想加湯飲

餐廳有獨立洗手間

要上一層
都幾乾淨
始終格離仲有間人均二三千既wagyumafia

其實和牛沾麵既話百五蚊就唔算話特別貴
尤其佢塊肉真係好食
不過食和牛丼或者會仲滿足
始終佢個湯好麻麻
而且麵既份量都算少
食完係唔會夠飽
就未必會覆桌了
不過餐廳氣氛獨特
廚師會配合打卡
整體其實唔討厭既

最後係因為開係附近
以前唔知道香港有咁多好野
耐唔耐都會去食既黃店
一生懸麵

老闆何文富曾經係日本富士山55學師
後來亦有打理過香港既富士山55
17年自立門戶就係得寶創立左一生懸麵
而家已經開左三間分店
仲有兩間係旺角同荃灣
今日都係去番得寶商場呢間

佢地近期出左款雪糕拉麵
雖然好多人都話好濕鳩
但我就真係為左呢個拉麵先想再幫襯既

可惜星期日二點幾去到已經話賣晒

當時arhotv仲未收皮
佢介紹既話黃店都幾多人會跟風
果期除左將陷關公災難既拉麵天王起死回生
仲令一生懸麵要排長龍
都排左幾個字先入得

一生懸麵係商場店
但佢開放式設計無門口
基本吧檯位都已經係貼近商場走廊
個個行過都會見到

門口擺左好多箱麵

並唔是自家製出品

餐牌同以前都係大同小異


吧檯位


廚房一眼睇晒
肥豬肉就疊起然後拎過黎用火槍灸燒


基本上黎親都係食呢個海老沾麵

純粹覺得層次比較豐富
不過佢個沾湯就唔算好杰
就咁飲都入到口
麵條都正常唔會太差有咬口既
厚燒叉燒望落幾正
但食落其實有d鞋口
並無佢地官網所講既入口即溶
不過有兩大塊
同半隻溏心強
係可以接受既水平

我好似真係未試過係度食拉麵
港女就叫左最普通既豚骨拉麵

一樣有兩塊叉燒
麵條較幼

但就咁對比
佢地拉麵湯就被沾湯比下去
即係本身沾湯都唔係特別出色
呢個拉麵湯底就真係好淡味

加麵底小二會見你差唔多食晒先問上唔上得

最後港女都用黎放落我碗沾湯食
笑左

小食係唔建議
以前試過叫章魚燒個心係凍既
即係就咁來貨整番熱就比出黎

加左麵既拉麵都平過海老沾麵

其實食一生懸麵驚喜就無架啦
純粹貪佢就腳
以前同細佬睇完早場耐唔耐口痕就會過黎食下
而家旅行無
見識多左
一生懸麵就純粹變左係一種情懷
咁佢又未至於叫放唔到入口
係對比無咁出色
價錢最貴都係八十幾亦都可以接受
起碼係觀塘區入面佢算係最順口又順腳果間
認真丸京我自己食過兩間都覺得好普通
加上九龍灣既黃店真係唔多
有間正路既支持下亦都無壞
所以
下次都仲會再黎既
但希望食到雪糕拉麵啦



而家基本上香港比較有名既沾麵都食得七七八八
淨番想去既差唔多都係得番座銀集團新開既next shikaku


續


湯拉麵雖然唔太常食
但都有幾間可以下篇寫

仲有更新

佢地意太麵幾有特色，可以試下娘惹咖哩同拿玻里。

泡飯如果係豚肉都好食，醋鯖魚就酸左啲

生意幾好咁，呢排開始多人了

佢地意太麵幾有特色，可以試下娘惹咖哩同拿玻里。

泡飯如果係豚肉都好食，醋鯖魚就酸左啲

生意幾好咁，呢排開始多人了

值得更多人留意

君悅就應該最好
不過呢排好似無乜平
同埋千祈唔好揀the grill

港島香格里拉自助餐都應該唔錯

唔介意間房差d既JW都可以
不過要揀JW cafe

DAY82.2 麺屋こころ 凪拉麵 奇跡拉麵 麺処一家

其實我對湯麵興趣就唔太大
但奈何都有唔少拉麵店係無沾麵賣
而又有d真係好多人推介
咁所以呢一年都仲有食過沾麵以外既拉麵既


話說年初7婆又再禁晚市
但親戚註冊結婚就如期進行
不過酒就擺唔到
所以係大會堂搞完晒就落去左灣仔搵食
果一日本身係想去食mashi no mashi既
但三點去到門口個鬼小二就唔比我地入
應該係截左收工無做六點前既時段
咁為左唔想白行落黎灣仔
就去左同區新開果一間
麵屋kokoro

係軒尼斯道修頓球場格離
kokoro算係一間日本大型連鎖拉麵店
主打撈麵
除左日本國內
全世界仲開到去印尼新加坡菲律賓加拿大
灣仔係香港第一間
其實就好搞笑既
日本官網裡面就寫台灣mazesoba
但係中文官網就寫係日式撈麵
的確所有地方都係祟外既

三點半黎到唔洗等位
入面純白裝修


側邊仲有石仔庭園擺設


餐檯以二人檯多
檯面有金色餐具

兩杯水


檯面有撈麵既教學

話最後可以加飯食
但我第一次食唔識野
職員又無介紹

餐牌有八款撈麵同一款拉麵

除左拉麵都有中同大size選擇
價錢由79至109
算係中等價錢

因為第一次黎試
就放棄左選擇
揀左餐牌入面最貴果款全料

但實際個樣同餐牌就有d出入
餐牌上面見到有筍既
但呢碗就完全一塊都無
而除左生雞蛋之後
餐牌畫出黎係只得半隻溏心強
但我碗麵又係一整隻
我理解可能無晒筍補多半隻強?
不過隻蛋met到極差
第一次見到咁樣甩皮甩骨

即係好在入面正常

而呢個全料仲有叉燒粒紫菜同肉燥
基本上如果唔知食咩揀呢個就唔會死錯人

除左黑胡椒
仲有昆布醋可以落

第一件事就係撈暈佢

呢個係貴十蚊既大size
份量同平時食沾麵差唔多
睇得到麵條有小麥點
門口有見佢擺左幾隻自家小麥粉出黎
麵條應該係自家製
咬落口感幾好
將生雞強肉燥魚粉昆布醋撈暈
成個麵就變到好濃味

另一款揀左柚子鹽味撈麵

配左幾塊雞肉
無肉燥同魚粉
真係得半隻溏心強
平時食沾麵就話要冷麵
因為有熱湯
但撈麵都要冷麵就真係搞唔掂
呢碗比起全料清好多
只有生雞蛋可以撈
但柚子鹽味效果都係麻麻地
真係寧願揀咖哩或者芝士仲特別

最後係完全唔知有免費飯既
小二亦都無提過
所以就咁食完走左

兩碗都係大麵

埋單都唔洗二百
無加一
相對起日本方面由七百幾yen至一千一百幾yen
佢又真係唔算話好貴
而且第一次食所謂既日式撈麵
味道黎講係唔錯既
環境比好多拉麵店光猛同乾淨
特別欣賞佢麵條自家製
就咁觀感唔係咁似大型連鎖店
唔知香港同日本既關係係咩呢
唯一就真係小二無提可以加免費飯
仲有配料同餐牌有些少出入
整體有進步空間而且都可以再戰既
不過佢幾款撈麵變化唔大
或者下次會揀下特別d既口味

仲有一間係最近期食過既撈麵
係銅鑼灣nagi
九月限定既凪牛肉拌麵

nagi原本係豚王分家出黎
由原日藉師傅生田智志係大坑創立
20年休業一年之後再係銅鑼灣重開

個位係黨鐵站F1出口
轉入渣甸坊行到中後段既位置

因為怕個限定比人食晒
所以我都十二點幾去到
雖然無人排隊
但都岩岩好full左
要等幾分鐘先有位

餐廳係兩邊面壁座位


神奇既係呢間凪可以完全唔擺隔板
位同位既距離都有d迫

除左限定之外
都係基本果幾色拉麵

其實我就真係無乜興趣
只係見佢地每次個限定都幾吸引所以先黎
再之前見過佢地個紅蝦拉麵都幾吸引
不過就無試過
咁今次我都係為左牛肉撈面而黎
官網寫限定不分畫夜
總之做到賣晒為止
我估佢應該都預左唔少份量
因為現場都見唔少人點


檯面有自助冰水

膠杯木筷

大約等左十分鐘上麵
可能食普通湯麵先會有圍裙
我就乜都無收到既

官網都有寫晒配料
話係用自家製醬
加美國小牛排
日本雞蛋黃

麵條係特製既中太麵
有曲度
仲好有咬口

撈暈晒之後隻麵掛晒強汁

仲有些少辣味
配埋佢既醬味道一流
不過牛小排只有薄薄既三塊
連埋個麵份量有d少
唔係幾夠喉
一陣就已經清晒底

仲有一樣係呢間凪好特別既事
就係小二會講好多野
並唔係話熱情招呼
而係好機械式咁介紹限定
食完又會再問你好唔好食
其實佢就唔係要求你比咩答案
單純只係想收你碗既前置對話
如果你比評價或者建議佢甚至會hang左機
最後你仲係賴死唔走既話就會出埋絕招話出面都多人
然後放埋張單落你檯面

咁既環境都仲要加一就真係笑埋右
呢個撈麵原價本身都賣128
比起有湯既麵貴成三十蚊
就唔係好覺呢幾塊美國牛小排可以有幾值錢
好食係好食
但咁樣加埋141就真係幾唔抵
補多九蚊已經可以去食mashi no mashi
果塊和牛仲大塊仲好食
認真另外果幾款湯拉麵興趣唔大
雖然係黃店
都要睇下之後仲有咩限定先再決定會唔會覆桌

之後講下我好少食既湯拉麵
係屯門紅橋既奇跡拉麵
近呢一年都幾多人提起

呢間野應該無咩背景
當時我仲一直以為係赤橋個舊舖位
原來係記錯左
餐廳好似就係兩個後生仔開
搵唔到有乜背景
餐廳好細
得幾個位
我差唔多一點去到要排四個
大約等左十五分鐘

餐廳一眼睇晒

四人檯加門口兩張二人檯
就係咁多

餐牌有四款拉麵
一款撈麵同一款限定

限定既係帆立貝鹽味拉麵

不過一點呢個時間已經無晒
可能每日只得幾碗

檯面有凍水

因為排隊時已經落左單
所以坐低無落已經有得食

原味濃拉麵

賣相唔錯
好多餐廳既叉燒都整到鞋口麻麻地
但呢兩塊慢煮叉燒又大塊又粉嫩仲好好食
濃味湯底順口亦好夠味

幼麵無乜好講


溏心蛋有一整隻

不過蛋白未夠熟

另外筍無乜味
好似就咁只係裝飾咁


味道比預期出色
呢個麵賣75蚊好抵食
唯獨真係舖頭環境一般
格離後巷都係污污糟糟
同埋出左名就一定要排隊先食到
小二只得一位
成日要走出黎跟單又要走番入廚房
而廚房係入面就睇唔到
整體係比想像中好食同有驚喜既
下次可以試下限定
撈麵見佢地好似都係用幼麵就無特別想食
不過地方就真係比較遠
大西北仲要轉輕鐵先去得到
有連登仔連泓一都話遠
明明就只係黨鐵站外面
仲格硬pin出黎置頂
真心笑埋右

最後一間係尖沙咀
果晚係isquare睇完奇異博士2套爛片
港女話要同老母慶祝
丟低我孤零零就過左黎厚福街食拉麵

麵處一家係由黎智英大仔黎見恩打理
可以理解係一間黃店
之前飲食男女都有提過佢既奮鬥史
因為想開拉麵店而過左去日本
由本身希望做特許經營到最後自己學藝直接開店
可能唔憂做掛
因為湯頭問題而唔開店既日子仲幾多下
成日係facebook會見到

果晚七點幾去到岩岩好有張二人檯唔洗等位直入

正常擺設

水要由小二提供

除左二人檯
仲有吧檯位


條片講拉麵麵條都係來貨

就咁一箱箱放係度

麵得三款

湯底清一色都係豚骨魚介醬油
純粹係配料既分別
雖然張圖就有強
但其實要另加十蚊先有
同埋無小食賣

真係只專注做麵
我真心欣賞呢種店