[長氣多圖][無限期] 香港staycation之旅(3)

之後佢就話要去慶發記

都係係碼頭附近
但呢間就賣乾貨



真正想去果間甜品店就係格離條巷仔

價錢就唔算貴

正常野都係十幾廿蚊
芋圓系列就三十零蚊

同普遍廢水差唔多
女
買左呢兩支樽裝既

夜d再買多盒芋圓

就盒裝既
不過細細杯
西米露就試玩好多

基本上黎到長洲都係不停食
淨係係碼頭附近都唔知行左幾耐
但食完魚蛋同甜品都開始飽
夜晚又book左是蛋
呢間餃子雖然有bookmark到

但都真係食唔到咁多

食正餐前最後一個quota就比左呢間島中坊研


因為聽講佢地tiramisu好似唔錯
所以特登過黎叫左一杯

就唔算特別好食
未到有驚喜

其實仲有個甜品拼盤係幾吸引

不過都係果句唔可以浪費quota

另外仲有間沙灘店

碼頭出黎左手邊果間係賣自家設計袋既
呢間碼頭出黎右手邊既甜品店叫做樹下店

時間差唔多
就要番轉頭快快手沿住海邊行過去是但



長洲除左魚蛋
仲有另外一個名物就係糯米滋
咁我覺得其他好食過魚蛋多多聲
見佢地仲係即整

不過太多人排唔到

今晚食既是蛋係長洲都算有d名氣
比較有名既係可以食到正宗既卡邦尼意粉
亦都仲有好多蛋類料理
仲要係黃店
出發前幾日係whatsapp book檯
佢就話有兩個時間可以揀
五點半同七點
咁如果食到八點幾再番出去就有d夜
所以book左五點半
但趕頭趕命去到佢門口就仲係落緊閘


個女人即刻又拉住過去格離舖


長洲都好多餐廳有最低消費

佢仲要唔包糯米滋

所以就買左個豆沙糯米滋係門口食算


今次終於食到長洲名物

黏黏糯糯係幾好食既

係心目中既味道
而且都算大個
11蚊唔算貴
係無得坐低食姐

再番去終於開左了

入面真係得十個位左右
所以真係要book定

咁我地就坐左係最入面果張二人檯

叫做唔洗同其他人搭檯

地方細細

叫做有少量裝飾

主餐牌只得一頁

期間限定菜式

個天叫做仲有些少光


近海邊都好多海鮮餐廳

不過坐室外就要食風

價錢其實比想像中平


三四款餸都係二三百
同我地頭先果餐差唔多
以前成日都覺得長洲呢d舖頭都係湯客多

出到黎就想食下芒果糯米滋

有d舖頭好多人排

但又有d無人排

不過當我地走左埋頭後面又開始有人圍上黎

呢個位比較近碼頭

好似比較細件

味道都正常既

咁其實我地都算遲黎
行左一陣又要食野
所以番到碼頭都未走住
今次穿過小巷行到後面既海邊
沿路竟然有愛情鎖買



我地當時已經book晒酒席準備派帖
唔洗鎖都一世了

格離係間廢校

入面應該有d恐怖

再行就係長洲東灣泳灘


一月尾既七點半鐘海邊都大風下

氣溫15度

沙灘盡頭係華威酒店

從未有諗過黎呢度staycation

夜媽媽都無咩人影



老婆叫凍又縮番入去

咁啱就係東堤小築
我既童年就無試過同朋友黎呢度合宿過夜
所以係有d好奇
而呢度就以鬼故聞名於世
佢就即刻叫我快d走

但其實呢度d巷仔都幾有特別

八點鐘
好多舖頭都收工

呢間以長洲站聞名既舖頭都入唔到了

pizza店就收得比較夜


仲竟然可以係長洲見到calzone

再無咩野行就番碼頭出番中環了

落左碼頭就去坐摩天輪

雖然之前有坐過
但夜晚都係第一次

仲有廿蚊位

得到兩張qr code

當年疫情安全問題唔洗搭檯
可以兩個人包車
但而家武肺已經無人理
又變番一架車六至八人既日子



所以都無乜癮
好在只係廿蚊

再鼠埋入去aia嘉年華


不過而家竟然要入場貴

無儲值卡玩唔到








之後又搞結婚
然之後又去澳門又去日本泰國
都已經無時間再好好遊歷呢個香港
亦都再無去過任何一個離島
美好既日子就好似停留左係20-22年咁樣


DAY109 完

DAY110 沙田馬場 喜馬當先

再講下香港仲有一樣野我係成世人都未去過既
就係馬場
無論係沙田定係跑馬地
兩個馬場我都未去過
但係就因為賭波而開左個馬會戶口
咁佢地耐唔耐都會寄d垃圾過黎
有一日就收到個優惠係係馬場食半自助餐有買二送二既優惠
之前有睇過L佛
見到間餐廳好似都唔錯
適逢果排老母生日
就係佢生日果個跑馬日去左馬場
而食半自助餐係包埋入場既
就真係獻出左人生既第一次

個半自助餐餐廳叫做喜馬當先
逢賽馬日開放
沙田馬場大部份賽馬日都係星期六日或者公眾假期既日馬
咁即係同普遍既sunday brunch差唔多
都算係間熱門餐廳
網上訂座會開放未來一個月時間
咁馬會封優惠信就會比埋網上訂座個code
揀好位之後入code就會得到半價優惠
book檯同時就要比埋錢
今年二月既價錢係395蚊
已經包晒加一
即係四人同行
每人兩舊水都唔洗就可以食飯連入場睇馬
抵撚到喊
而且開戶口唔洗手續費
而家好似仲會有coupon送
我N年開戶就乜優惠都無

座位平面圖book檯果時就會見到
熱門座位即係窗口位應該就好撚book
至少我步住開放個日子都已經全部唔比book
應該係預留左比vip

日場食物供應時間由十二點至三點
不過只要係當日賽事期間就可以繼續坐到完場
舒舒服服唔想曬太陽

咁真係唔知黨鐵馬場站既開放時間係幾點
至少去程十一點見到幾班列車都無寫話經馬場
所以要坐到去火炭站落車

係無去馬場既指示既

但係一出火炭站就見到馬仔雕像


出左黨鐵站轉左沿路一直行就會見到馬場既指示

又要過隧道又要行天橋


個距離都有些少遠
都要行大約兩三個字時間先到

未夠鐘都已經唔少人入緊場




馬場跑道圍住入面個塊地叫做彭福公園

無賽事既日子會開放比公眾入內
呢個就有些少印象細個老豆老母有帶我去玩過

馬場入場費十蚊

食飯前一日會收到sms通知
入面條link個qr code可以直接入場

時間都差唔多
入左場就直接入看臺內部參觀


入面有得玩遊戲

影視大堂

電視機

投注站

打卡位

小食部就係外面

都幾齊全

喜馬當先雖然係二樓

但搵部電梯都搵左唔少時間

見到門口企左好多人

當堂嚇一嚇

呢度就唔係酒店餐廳

不過環境都OK既

呢個L型梳化位每張坐兩個人

我就book呢兩張
即係U型坐四個人
幾大張舒服

得到貼紙四張
可能曾經試過有人白撞黎食野

除左可以出露台睇馬
座位頭頂都有電視機同培率

雖然有d遠唔太睇到
另外仲有幾個投注counter
淨係坐係度食飯都可以做到好多野

仲有d圓檯擺位都幾密


一開波就個個湧晒出去拎野食
咁呢間餐廳就只得三個自助區
面向樓梯右手面係熟食區
但其實都只係得餐湯同奄列兩個選擇



而樓梯左手面就擺左沙律凍肉


同埋刺身

無凍海鮮
亦都再無其他熱盤

淨番最後就係甜品區
其實佢地出面食物算係偏少
始終唔係酒店自助餐
食物範圍都唔大
所以一開始奄列同刺身兩條龍真係排到好長好長
唔想排隊既話就只可以拎一樣野
就係甜品

堅係第一次去食自助餐係一開始係拎甜品食維生



甜品選擇想比起前菜果類都叫做比較多
又真係好多人同我一樣諗法
始終呢邊唔洗排隊嘛

賣樣都味道都叫做不過不失



咁等等下出面人龍叫做正常番d都可以拎番下野食
隻奄列樣唔差

入面都好足料


雜菜牛肉湯

有些少似港式羅宋湯
但味道又幾唔錯
飲左兩碗

咁飲品方法係可以無限refill果汁既
自助餐三點會停止供應
果汁就會係一點半停止refill
而且職員亦唔太會主動過黎斟
都要同佢地單聲先有
另外仲有一杯自選既tea or coffee


都係正常飲品

去到後尾都已經無乜人拎刺身

五款刺身
三文魚比較厚切唔錯
同埋𩶘魚都OK
其他就同普通自助餐差唔多
但都唔會話未解凍水平

沙律凍肉芝士



食到咁上下就會有職員同你落埋個主菜問你想幾時上
檯面只有qr code餐牌


五款入面得兩款係唔洗補錢
就豬柳同齋每樣各叫左兩份
不過件豬柳係比想像中有驚喜既

因為佢唔係乾爭爭咁一塊野
而係腸既形態
入面仲加左一層蘋果洋葱麵包布甸
食落有d似巨大芝士腸既口感
幾有層次

另一個齋係雜茄

焗栗米餅有奶凍口感
即係唔算話好好味
但又幾有心思整左d比較特別既花款出黎

甜品仲有杯裝瑞士雪糕


廚師筆出黎既麵包布甸

水果


洗手間就係樓梯上面

最後成個場最大賣點當然就係佢地個露台


可以好似vip就咁行出去就睇到馬
普通公眾席就係下面

仲有人現場唱下歌
夠鐘就行出去

跑完又可以番埋位繼續食
又有私人投注站
即係雖然野食選擇都幾少
不過呢個價又食又睇馬真係無野好投訴
同埋都見到唔少鬼佬入黎又食又玩
馬場應該都算係唔錯既旅遊景點

仲有個預約小遊戲

係出去出面張檯玩既
有場地同騎師馬匹既少量講解

然後需要用apps投註一場
10蚊都得
就會得到馬岡一隻

有白色同啡色可以揀

食飽飯就出去郁動散下步

座位上面有玻璃欄個位就係餐廳露台

由細到大都睇唔明d賠率排位點計
再加上世界盃之後仆左次大街就唔敢再賭
所以其實就投入唔到


跑完馬既經典畫面

如果作為遊客都應該要試一次先叫做有黎過
不過大部份都變左電子化用手機apps投注
少左好多呢隻歌仔唱了

食飽飯都散步完差唔五點就走了
今次試過行馬場站果邊離開

觀眾席後面原來有個大操場

foodcourt入面都有唔少野食

但都只係充飢用既餐廳

操場另一個就連接住黨鐵站出入口


過埋天橋就係月台

就方便過火炭好多
不過因為停馬場站既班次唔多
所以亦都比較多人係度等車
而且車費亦都比較一般火車站貴
咁呢個馬場半日遊就差唔多
係差沙圈無去到睇下馬仔


DAY110 完



可能會寫多間酒店自助餐同fine dining餐廳同粵菜先加開關西遊記
始終一開始左又未必會再更新呢一邊
估計到24年應該就差唔多
都只係旅程後既個幾兩個月
未算話過左好耐

DAY111 Motorino Fiata Baci The Pizza Project Dough Bros

咁其實2023呢一年係香港就唔算做左好多野
因為要準備婚禮
之後又開始準備旅行
大概可以總結為
1月長洲
2月馬場
3月澳門
4月婚禮
5月蜜月
到真係5月尾6月開始先叫做食番多d靚西
再補完之前未食既50 top pizza aisa個list

不過首先食既係motorino
屬於black sheep集團旗下餐廳
雖然無上榜50 top pizza
但米紙條片入面佢地聲稱當時香港未有人做正宗拿玻里火爐pizza
而佢地就係第一間
真假我就分辨唔到
不過就去左同米紙唔同既灣仔店試下

餐廳位置係船街
即係bakehouse同神虎既後一條街
見到五條友轉入去就係

motorino無落場時間
我地星期日大約三點半下午茶時間去到都只得一檯客係度


我地坐門口窗邊二人檯

雲石檯面
張檯未算太細

餐牌就無下午茶

呢間係pizza專門店
係無意粉提供既
另外都仲有成頁油menu


米紙條片入面女師傅就話佢地磚爐係一半用煤氣一半用杏仁木黎烤焗pizza
咁灣仔呢間都見到有個一樣樣既傳統磚爐座陣

都無其他客
好快就做起第一個margherita

賣相幾好
批邊比較厚
不過同老母pizza一樣有致癌波波
但批底豹紋唔算好明顯

不過都做到一樣薄身同濕口

係一塊好完整既pizza
口感煙韌度都幾好
但我覺得都係little napoli贏
可能果日真係饑寒交迫掛

另外果個雖然餐廳有calzone
但就揀左更加特別既stella

呢個星型既pizza好特別
舖左好多塊火腿係面
撕開佢入面d芝士仲好似醬汁咁漏晒出黎

顛到爆炸
雖然唔係傳統pizza
但我更加buy呢一塊
而餅底個豹紋比起前一個好

佢仲比左辣椒油可以加落去

中和番漏到顛既芝士更有層次

最後甜品點左tiramisu

呢塊酒味唔錯同食落都順滑
咖啡味都重
都唔錯

唯一缺點係真係比較貴
pizza大部份都超過二百

連埋加一兩個pizza一個甜品加埋要五百中
平均每人要二百七
不過味道就唔差過其他50大pizza
始終佢地係用木黎燒
可以聞到柴香味
咁佢係香港pizza界的確係佔左一席位
小二服務唔差
都幾有笑容
不過同普遍pizza店一樣需要用英文溝通
係有d麻煩既
但呢間都值得再戰
可以再試下佢地既calzone

隔之無耐就食左間期侍左好耐既fiata
因為係50 top pizza個表黎講
無論係22定23年
fiata都係企係香港既頂點
23年由本身亞洲第八名升到第五名
更加係唯一一間入到全球50大pizza既香港餐廳
咁係試過咁多間pizza店之後
終於book左檯黎打大佬
佢係好生意到就算平日夜晚都會做兩輪生意
應該只得少數檯係比walkin客
咁由放工到去到中環都需要個幾鐘時間
就只可以book八點半呢個時段
餐廳位置就係soho區
係bakehouse既斜對面
都要轉幾條電梯先去到
以前從來都唔會點留意

餐廳有兩層
不過地方唔算大
星期一夜晚都係滿座既

一入到去就見到主廚Salvatore Fiata
見到鏡頭佢都好鬼馬
而餐廳亦都以佢個名黎命名

咁最近我都有研究下pizza爐呢樣野
fiata果部雖然都可以去到510度同平時火爐一樣高溫
但佢就唔係一部明火烤爐
即係會少左浸柴火味

我地book左檯就坐樓上

都係酒吧格局
樓底比較矮

四人檯都算大張

同埋現場環境昏暗
檯面都放左盞燈用黎照明

呢度同motorino一樣都係pizza專門店
不過前菜就比較多款

pizza款式亦都多好多

多到根本就完全唔識睇

價錢上比motorino平少少
多數都係百尾左右

我地今次三個人去食
就叫左三個餐牌上有特別logo既pizza黎share
diavola即係margherita既基本上再加左辣肉腸

佢個批邊比起motorino更厚
不過唔知係咪由下層拎上黎耐左都係唔辣手既
而佢d致癌波波就唔知係自然爆破定人手爆破

餅底豹紋比起motorino靚
主廚出手好似真係比較好

基本上佢都係接住上
第二個係A'salsiccia
睇個名就緊係唔知咩黎啦
不過有top pizza推介

呢個係白底pizza
離遠已經聞到好香既洋蔥味
餐牌話加左焦糖紅蔥同肉粒
咬落去非常之香
真係贏晒紅底果幾款

佢地餅邊整得比一般厚身
唔知係咪特色黎
第三個再勁d

呢個叫做estate
舖左ham同水牛芝士係面
呢個望落去同拎上手都係比較涼既
同A'salsiccia一樣都有少少甜
整體三塊入面我就無咁鍾意呢一塊

呢度每件都分為六份

同埋塊餅真係好薄好薄

而餅邊最好食應該都係呢一間
食足六塊都唔會覺得濟

每個pizza都百尾

一樣需都要加一
平均每人二百一左右
如果以名氣黎講呢個價錢都算唔錯可以接受
咁當然同motorino一樣如果lunch set黎食就抵好多
不過社畜邊有可能平日中午時間過到黎灣仔中環食飯
這些機會都不是屬於我的
味道黎講A'salsiccia我覺得真係好好食
雖然佢係用電爐黎烤
但有自己獨特既味道真係唔錯
就好似jacomax個藍芝士蘋果pizza都係一絕
咁有機會的確都可以再試下其他好似炸pizza果幾款
不過soho區真係遠
而且都係要用全英文黎溝通
要食好西真係好累

baci係比較特別既一間pizza店
因為staycation果排已經有留意開
果時佢地個名叫Ciao Chow
係盛智文旗下餐廳
不過吸引到我既並唔係pizza
而係個sunday bruncg
當時係348已經有前菜加pizza任食再包埋意粉主菜
但而家改左名多左凍海鮮已經加價到4百尾
主菜仲要加錢先食到

見唔少片都話佢地pizza係有拿玻里認證既
不過我都係當廣告咁睇
本身都無理佢一段時間
點知又真係係50 top pizza asia個list見到baci個名
個排名仲要幾高下
咁就係七月尾一日搵左個星期日黎食
食完順便去睇原子彈
我地就官網book檯既
每人需要落200蚊訂
不過好處係有85折優惠

餐廳係正蘭桂坊入口個轉角位


baci係50 top pizza asia 2022排名12
23年跌落左到17

不過係香港黎講排名只係僅次於fiata

算係半開放式餐廳

因為七月尾既日頭時間
仲要門口長開既情況下
近門口高檯位真係熱到hihi

所以後尾我地都轉左比較入d既座位


但呢一邊位同位之間格離就好迫下
成日都會比人撞到

七月尾價錢就就每位488

包任食前菜海鮮薄餅甜品
同一杯飲品

pizza係原個單點
同pizza project果隻塊上唔同
有五種可以選擇
另外主菜需要另加38至78
雖然唔貴
但其實任食已經好夠飽食唔落

任食區就係出面L型開放式廚房檯
位置就比較窄
海鮮區果邊甚至要平排行兩個人都有d難度

餐廳直行到尾係蔬果同意式前菜區



款式同之前去過分域碼頭大致差唔多
不過就無咁出色唔算吸引

凍肉芝士更加係輸晒



不過因為佢地主打其實係海鮮同pizza
所以我都只係拎左少量前菜


轉個彎就係好窄既海鮮區



同平時自助餐選擇差唔多

都係龍蝦熟蝦青口海螺
蟹腳同生蠔就無既

任食方面就只有一種熱食
連湯都無提供
就係pizza

pizza火爐有兩大個
係轉角洗手間位格離
仲見到之前babacio既師傅roberta marchi
世界真係細
fiata師傅之前都係係babacio既前身kytaly任職
不過而家babacio又改左名
而家叫做abbraccio
唔知全部都有無關係呢

五個pizza入面都叫左四個
真係食到頂晒胃
四式芝士

瑪格麗特

BBQ烤雞

同埋辣肉腸

雖然叫做任食
但都見佢地keep住即訂焗出黎
上檯比起之前去過果兩間名店更加熱辣辣

芝士份量都唔輕手
而豹紋就個別有差別


可能始終需求太多
係bbq雞就好似舖左層照燒雞係面咁
隻味同pizza唔係咁夾我就麻麻地

最後係甜品corner

選擇唔算多
同埋兩款雪糕


都唔太食得落架啦
叫做錦上添花



尾尾佢仲有refill多一種蛋糕



仲有飲品一杯

都係要晒凍檸茶

洗手間係pizza爐格離行入去

都有少少痴地

自助餐係由12點開始
食到3點半
不過因為之後要過海睇戲都無留到完場
其實食兩個幾鐘已經好飽好飽

85折再正價加一
折後就每位463.5
呢個價就比起食lunch buffet貴些少
但有高質原個pizza同龍蝦任食
個價都算合理既
不過疫情時期就再抵d仲包主菜咁解
但好多野都已經番唔到轉頭啦
普通算正常一般啦
落左pizza都唔會漏單
係環境比較迫成日會撞到
同埋佢地自助食物全部都無名牌

不過任食pizza都唔淨係得baci
之前都因為呢樣野又去多左次the pizza project
原因佢地出左個all you can eat pizza
仲有前菜share
價錢只係貴tasting menu少少
每人248
真係幾抵食


不過呢個free flow pizza時段就只有90分鐘
一個係1200-1330
另一個係1400-1530
有得揀既話當然係揀後者啦
唔洗咁早起
當時中環同灣仔係輪流日子做任食
因為時間所限都只能夠去多次中環店



今次成枝水比晒你擺係檯面

一開始咩都唔洗點就上晒三種前菜



芝士條幾好食

然之後呢
pizza都係唔洗自己叫既
佢地整好左pizza就會拎出黎問你要唔要
再夾比你


基本上都係一塊一塊黎

但有時又會有兩款出現


搞到連前菜都食唔切





八款pizza入面都叫做食左七款
不過其實食得唔多
每樣一塊都已經好夠飽
同埋有九十分鐘限制都催佢地唔到

今次連甜品都係pizza


每人248加一
即係二百七左右
pizza project未必係最好食
但勝在性價比夠高
始終都係中環地段
日頭夜晚都有set真係好唔錯
不過今次pizza感覺無上次原個咁好食
可能因為佢出爐之後要拎黎拎去咁派街坊都擺到凍左
pizza都係熱辣辣吸引

最後一間就同50 top pizza無關
而且仲係連續店
不過因為佢地係手工酸種餅底出名
所以都叫做順便講埋
呢間就係dough bros
因為武肺果時去左糟糕灣送免費pizza而聞名
佢地分店多數都開係港島
咁啱樓下開左間新店就trytry佢
官網已經可以睇到餐牌


每個pizza一百頭或者細d既唔洗一舊水
入面仲係意大利人惡夢既菠蘿pizza
亦都有同老母pizza一樣既half n half

落單既話直接係官網落就可以

我就要左個half n half
雖然賣168

但可以揀178既黑松露pizza


之後就會收到whatsapp訊息

話十五分鐘後拎得

呢個星期六夜晚係新店開張既第二日
門口都幾虛陷

仲見到mm條片話係其中一位老細既ed
係有些少似雷神既
雖然話幾多人
但真係41分過少少就有得拎
不過入面又係英文人
都聽到有街坊行過話全部英文唔識落單點買

可能新開張
送左支啤酒

見官網都話值三十蚊


mm講到好耐壓講究既外賣盒

摸上手就完全無特別
同老母pizza或者litte napoli完全無得比

拎果時仲會問你要唔要辣椒同醬料

可以用黎塗個批邊點黎食
就唔是傳統風格

佢個盒都有教埋你可以放落焗爐6-10分鐘

不過屋企無就搞唔到咁多野
而且拎到番屋企都係大約十分鐘左右時間