(講故) Rubbishptgf賤男週記　

都唔明咁好睇都仲係咁少正皮

芷純：「傻佬今日又唔返工呀？ 」
我：「我病左呀 。喉嚨痛。」
芷純：「懶你就懶啦你，喉嚨痛咁小事都唔返工 。 」
我：「我喉嚨痛次次都搞唔掂架 。」
芷純：「你唔好借d意扮病唔返工又黎接我放學 。 」
我：「您都傻既，黎接你放學洗咩扮病，我直接唔返架 。」
芷純：「你快d訓下先啦咁。我再比miss收手機既話又會比人記過架啦 。 」

仲記得一年前既農歷新年有十日連假。果時病得好重，屋企人又去晒旅行。成間屋得返我一個。果十日差唔多日日都留左係床到，日頭訓到夜晚，夜晚訓到日頭。個手機十日都冇響過，真係死左都唔知咩事。

不過拍左拖之後，我知道我要好好保重身體。因為有人會為你擔心，有人需要你照顧。多左份責任之外，亦都覺得好溫暖。即使病左都唔再係一個人。

腦海中忽然有首歌好想唱比芷純聽。雖然喉嚨聽到pk，不過我諗咁先附合呢首歌既主題既。

https://soundcloud.com/user-196464690/zbtss6x6q2wo

我只想　身體健康　要活到過百歲不需枴杖都可跟你相擁

芷純：「激死我啦 。病左唱咩歌呀。 」
我：「見您呢排應我應得慢，想氹下您姐麻 。」
芷純：「我真係上緊堂架 ，再比人收電話我上唔到form 6架啦。 」
我：「知啦，咁我繼續訓啦 。」
芷純：「唔好唔好開心，我唔會唔理你 。 」

芷純：「bb我放學啦，我今晚要同阿叔佢地食飯。去第一次見您等我果到果間。 」
我：「姐係邊間？我唔記得既 。」
芷純：「第一次我話見唔到，我問你係邊，你話果間餐廳，記唔記得呀 。 」
我：「有咩 ，係咪您記錯人 。」
芷純：「冇約過其他人呀，肯定係您 。激死，記其他女仔d野就記得咁清楚，我d野就唔記得。 」
我：「咩呀，我記您d野好清楚架 。」
芷純：「有d失望 。我唔再問，驚你又唔記得 。 」
我：「我咩都放您係第一位，您講過既野鍾意既野我都記得好清楚。sorry。 」
芷純：「傻既，sor咩 。 」
我：「對唔住，我拍過一次拖，唔係好識做男朋友。有時太緊張又會發嬲。做左既野對方又未必感覺到，可能會誤解左我 對唔住。 」

芷純：「我覺得你好好架，講真架 。我知您記得好多野，我隨口問下架咋。 女仔呷醋係咁 唔想同人share男朋友，唔想您對人好記得人地d野。成日諗起都會嬲，但又會同自己講呢d係past tense。 」

我：「其實有時記住以前d野唔係因為仲鍾意。以前既野都係經驗同經歷令您對下一個好d。您仲細，可能您覺得散左就應該將以前既野全部忘記晒佢，其實每一個人出現係我地生命都會令我地有得著。」

唔知係咪我地大家都太緊張對方，我地總係會為左d小事去嘈交。

其實有時言語上真係好多時會令人誤會。我地weekend見果時其實好少會嘈交。

我送比佢果隻熊仔，成為左我地既訂情信物。呢個weekend 因為呢隻熊仔係香港有展覽，所以佢就帶埋隻公仔出街同我去睇展覽。

見到佢咁大個人仲攬住隻熊仔係街行真係好cute。不過果幾個展覽真係離晒普。一個係沙田，一個係屯門。我同佢差唔多遊走左半個香港。其實平時我呢d港島撚真係好少去新界呢d地方，一黎又遠，二黎又覺得d 地方cheap。不過同左佢一齊之後，差唔多去過晒全港所有既商場。搵左半日，終於比我地搵到個熊仔展，原來只係得一個攤位咁大，真係激鬼死我。

不過諗返起個過程先係最幸福。

或者可能因為我地weekend既時侯無時侯刻都係對方身邊。佢一走左之後我都會好唔慣。成日都會吹佢回我msg。

我：「去左邊呀，唔應人既 。 」
芷純：「食緊lunch丫麻 。 」
我：「返學就話姐，食lunch都成十分鐘應唔到咩 。 」
芷純：「十分鐘應唔到你就話我 。您問下任何一個人睇下我係咪已經算係咁 。」
我：「算啦，我唔再吹您，您想應就應。 」
芷純：「我已經盡力見到您msg就即刻回您，我都唔知點解咁都有錯 。您搵一個24小時都秒回您既人啦 。係我做唔到你要求，對唔住。 」

我：「對唔住，您得閒先應我 。 」
芷純：「對唔住bb，我真係好愛您 。您唔好嬲我啦。 」
我：「我都好愛您，所以我先成日msg 您 。我會改下架啦。 」
芷純：「不過您唔好咁惡，我會好驚 。 」
我：「知道 。 」

11月中既天氣開始轉涼。街上面亦都開始掛滿聖誕既飾。空中散發住戀愛既氣味。每吸一口氣都係咁幸福。

今年終於唔洗再過lonely christmas啦。

樓主有啲位寫得好撚應

叫雞之鐵達尼號沉船記

咪臭係 叫雞叫到沉船

有女萬事足

睇到上癮

有錢有女真理

點解我覺得呢個芷純都係貪錢既女

有時返工無聊都會睇下高登轉貼果D 3lunch偷拍相。見到Ｄ相，其實真係有Ｄ膽心佢會比人影。一來佢之前都有同我講過佢成日比人偷拍，二來佢成日都著到好暴露。不過佢同親我出街我都一定會車佢，所以照計就應該冇咩機會比人影既。

有日見到有個偷拍post成二百幾個正評，心諗一定係正野啦。一禁入去，雖然張相就見唔到樣，不過一見到條ptgf褲加埋我送比佢既銀包，已經好肯定係佢。

我：「都叫左您平時著得乖Ｄ架啦 。比人影左啦。 」
芷純：「真係比人影左 。果日我都feel到有個人用手機對住我，不過我又唔肯定 。果次出街換身份證。」
我：「激死我，我要鬧鳩班仆街 。 」

平時睇人Ｄ相就睇得好開心，不過到左而家，當事人係自己女朋友先知道原來果種感覺好難受，睇住Ｄ高登仔係到品評自己條女，其實真係好嬲。

芷純：「D人講Ｄ野好衰丫 。有冇得叫佢del post架。」
我：「我禁report架啦，不過應該冇用 。 」
芷純：「點解mtr咁多變態佬 。」
我：「冇眼睇 。 」
芷純：「我以後會著得乖Ｄ架啦 。」
我：「有時都唔明您地Ｄ女仔點解要著到咁，比人望好開心咩 。 」
芷純：「唔係丫 。我都唔著意比人望。不過有時見到有Ｄ男仔拖住佢女朋友都望我會覺得條女好慘 。好似覺得自己條女唔靚咁，好唔尊重自己條女。」
我：「咁我一定好尊重您 。 」
芷純：「呢樣真係抵讚既您 。我留意左您好耐，您見到咩女都唔會望 。」
我：「咁您又唔好諗到我咁好 。唔望係唔想Ｄ女係到自high，Ｄ女成日都想人望佢地，我就偏唔望 。再者，望黎有咩用，望左又唔係有得屌 。 」
芷純：「咁又係，你咩女都屌過啦，洗咩望 。」
我：「冇眼睇 。 」

芷純：「BB我而家化妝準備同個女仔fd出街 。」
我：「又化。咪話左唔化靚好多。 」
芷純：「同fd出街先化架咋，同您出我都冇化 。」
我：「畫眉已經係啦 。 」
芷純：「我唔畫會好醜架 。」
我：「是但您，反正我講咩您都唔會聽 。好似叫您著乖Ｄ咁，都係唔想您比人偷拍姐。 」
芷純：「短褲背心其實有咩問題呢 。你永遠就係覺得我唔好 。」
我：「叫您唔好做Ｄ野就叫覺得您唔好，咁係咪由咩都唔理您就叫好呀。 」
芷純：「唔係丫，唔好咁啦 。」
我：「次次叫親您Ｄ咩都唔聽我講 。 」
芷純：「對唔住，我唔出街啦，唔好嬲啦 。」
我：「以後您鍾意點就點啦，我唔管您啦。 」
芷純：「對唔住丫 ，你唔好唔理我。」
我：「sorry，係我太大男人，唔係個個女仔都鍾意比人管住 。 」
芷純：「唔係丫，我知您係為我好 。您叫我唔化我就唔化，您唔想我著我就唔會著。今日我話比您聽我會化，我唔知您會咁大反應 。」
我：「對唔住 。 」
芷純：「都話左唔準同我講對唔住 。以後都唔準講。」
我：「Sorry，搞到您冇心情出街 。 」
芷純：「難得有人待我這麼好，如此照料周到 。」
我：「呢首歌用黎拒絕Ｄ兵架 。 」
芷純：「我講緊呢兩句咋，激死 。」
我：「係我唔好，咩都要聽我講，好霸道 。 」
芷純：「我鍾意，咁先證明你緊張我 。」
我：「您好有主見，本身又咁硬頸，肯定覺得好煩。 」
芷純：「我既主見就係要你成世都陪住我 。」
我：「我都想您成世都陪住我 。 」
芷純：「您快Ｄ休息下啦，聽日我地要去迪士尼架。好期待，我未同過男朋友去架 。」
我：「咁您之前同咩人去。」
芷純：「屋企人同學校囉 。邊似你成日約d ptgf去 。」
我：「太好啦，終於可以拎左您既第一次 。」
芷純：「我好多野都係第一次同你做架啦 。係您咩都試過姐麻。 」
我：「我廿幾歲人大您咁多，好多野冇左第一次都好正常姐。不過仲有好多第一次可以同您做。您都訓下啦 。」
芷純：「少了您的手臂當枕頭我還不習慣 。」

https://www.youtube.com/watch?v=BVpXUyXPKOg
如果我的堅強任性　會不小心傷害了你
你能不能溫柔提醒
我雖然心太急　更害怕錯過你

其實所有大男人都會好想保護自己鍾意既女人。
只係佢地都會不知不覺咁傷害左對方。

push

推，好post

終於追post睇曬
好似望住你收心養性咁
你啲 soundcloud好j得過

芷純：「bb您滿分 。」
我：「呢個最佳男友咁易做既 。」
芷純：「我之前覺得無人會做到晒我既standard，但原來真係有，果個就係您 。」
芷純：「識您果陣到而家，終於比您幫我tune返好早d訓覺 。」
我：「果時您成日夜麻麻都唔知搞咩 。」
芷純：「為你失眠囉，唔係點想你想到六點 。」
我：「如果冇約您您可能而家仲約緊人 。」
芷純：「所以識到你好好彩。遇上你，太感恩，不遲亦不早 。」
我：「岩岩好，冇比第二個約到 。不過隻豬就比人食左 。」
芷純：「三年前遇到你就好啦 。」
我：「果時您咁mk都唔會認真拍拖架啦 。」
芷純：「咁又係，所以而家timing最好 。」

熱戀既時候，眼中既對方都係咁完美。只係當有問題發生既時侯，諗法就會180度轉變。

唔知係咪星期六我地大家都要早起身，所以成日都會鬧交。等左三個鐘終於見佢落黎。
芷純：「岩岩考試我比d同學笑我呀，搞到我考得好差。on99架佢地。」
我：「咁小事唔好放係心啦 。」
芷純：「班友正仆街黎，我以後都唔想見到佢地。」
我：「下次溫熟d咪得，您係熟既，人地唔會影響到您既 。」
芷純：「我唔係唔熟囉，係佢地影響到我呀。」
我：「咁您而家係到發脾氣嬲埋Ｄ無聊野都冇用架，唔考都考左啦。」
芷純：「我邊有發脾氣？我係嬲佢地，我唔開心落黎同你講係想你安慰下我，但你仲踩多我兩腳。您之前又叫我唔開心要話您知。」
我：「我咪叫左您咁小事唔好放係心囉。您一向都知我唔識氹人架啦。又係您果時話我唔洗氹您既。」
芷純：「我冇要你氹我呀，但唔好踩多我兩腳得唔得？有邊次嬲唔係我氹返你架。個個星期六上完堂我話攰你就嬲我唔陪你去街。」
我：「又係我唔岩 。算啦我好攰，唔想嘈。」
芷純：「咁攰咪唔好拍囉。」
我：「點解您地Ｄ人成日咁兒戲，一有咩問題就話算，就話唔拍。」
芷純：「係你自己話攰，我唔想你咁辛苦咁多不滿仲一齊。」

我：「由此自終我都好愛您。可能我冇樣樣野都講出口，去氹您。不過我做出黎既野已經講左出黎。可能您仲細個唔係想要呢Ｄ咁實在既野 。」

芷純：「我係覺得您好愛我架，我覺得呢個世界上唔會再搵到第二個咁既人。但係有時我覺得您唔想理我咁。鍾意一個人點會覺得攰？我有冇同您講過我攰？更鍾意一個人更加唔會有怨言，唔會捨得去鬧佢。我覺得您已經唔鍾意我。」

我：「點解您地Ｄ人成日咁兒戲，一有咩問題就話算，就話唔拍。鬧交梗係會覺得攰架啦。」

芷純：「對唔住，我都係咁愛您架 。」

踏入左12月，差唔多每兩三日就會嘈一次交。

有次我係佢電話到見到佢有個carousell既account。知道佢有一日放學去左同人交收。

我：「又話咩都同我講 。」
芷純：「又stalk我手機 。以後我要小心d，privacy problem。」
我：「姐係您唔想比我睇？」
芷純：「我冇野唔比得您睇，我expect你會睇我whatsapp wechat facebook果Ｄ，我冇諗過呢Ｄ無聊野你都會理 。」
我：「又係您話咩都會同我講既，咁平時放學你去左交收同我講聲都好正常姐 。」
芷純：「我而家又唔係呃住你同人出街上床，有咩咁重要呢。你管得我太緊啦。可能係我諗得您太好，以為您１００％完美。」
我：「就係因為咁樣，所以變到唔完美？。」

或者我真係一個太冇安全感既人，如果我唔係rubbish，見過咁多野，會唔會好d？

芷純：「我沖完涼啦 ，你做緊咩呀。」
我：「彈緊結他咋 。」
芷純：「我feel到你唔想理我咁 。」
我：「好似係你唔想理我咋喎，您話沖完打比我既 。」
芷純：「我feel到你hea覆我，覺得你唔想理我，所以先冇打咋。」
我：「點唔想理你法呀，我一路係到等你打黎。」
芷純：「你係冇理我。」
我：「屌你老母，你屈夠我未姐？我頭先一路就搵緊有咩歌一陣您打黎我彈比您聽。」
芷純：「我咩都唔夠你講，我慳返啖氣算。我係你女朋友，唔係你隻狗。你屌我咪算，唔好屌埋我屋企人。」
我：「我係您男朋友，唔係您隻兵。唔好對住我亂發脾氣。」
芷純：「當你係兵洗唔洗秒回你？點解要成日鬧人？」
我：「您屈我咪鬧您囉。仆街啦，成日屈屈屈。」

果一刻既我真係好嬲，我嬲係因為我令唔到佢明白我有幾緊張佢。我都唔記得我鬧左佢幾多句，只係記得差唔多祖宗十八代都鬧齊。

冇幾耐佢打左黎比我，佢喊得好勁。

芷純：「可唔可以唔好再鬧我，對唔住，對唔住呀 。求下你唔好再鬧我 。」

每一次嘈完交既第二日，芷純都總會同我講早晨，好似咩事都冇發生過咁。

芷純：「早晨ＢＢ，我返學啦 。」

或者可能因為咁，我從來都唔記得我對佢做成既傷害。

睇完你地啲對話覺得好多架其實可以避免

有錢有女都仲咁小氣

睇完你地啲對話覺得好多架其實可以避免

有早知就冇乞兒

27歲都咁大脾氣，好似中學生拍拖咁

約交收喳嘛 佢又唔係賣bra賣底褲 依家睇返會唔會好後悔架？

btw同埋我有朋友因爲男朋友屌佢屋企人分左手

D鬧交對話真係好小學雞 都反映番真係有錢仔既脾氣咁

個女仔唔會係一直都仲有約㗎可

佢一直退一步比機會你
知你要面 會主動氹返你叫你原諒佢
其實唔係必然
你中意執著係好小既事 會令人開始厭惡同煩。
你搞清曬ptgf遊戲規則
但你仲未認清拍拖規矩 仲係好似個大細路咁

不過可能又真係係自己最中意既人面前先可以任性咁發脾氣

D鬧交對話真係好小學雞 都反映番真係有錢仔既脾氣咁

我有個有錢翻同佢啲脾氣一模一樣