(講故) Rubbishptgf賤男週記　

巴打係咪每個約過既都會講

唔係，約過80 個，好難講晒，只會講d特別d

巴打有冇睇過挪威的森林？
我覺得你似似地入面個永澤 食女無數

btw 你話自己係pk 但你根本成Q日都幫女仔 雖然呢樣嘢就係男人嘅天性 好似你話齋 想做英雄

最後俾個大讚你 我呢d真毒L好想睇呢d文 知多d人情世故

其實每個ptgf背後都有故事

其實大部分都係貪錢想食好著好擺上自己ig同fd曬命
真係有故事 逼於無奈去做既我都會幫

lm

Live了 感覺上會係sad end

Live了 感覺上會係sad end

個開頭都講左係sad end

最近識左個女仔好似你描述咁，但心諗唔通兜口兜面問人係咪ptgf

不過都九成九係，香港呢個地方真係越黎越痴線

最近識左個女仔好似你描述咁，但心諗唔通兜口兜面問人係咪ptgf

不過都九成九係，香港呢個地方真係越黎越痴線

係都唔出奇
真係太多......

價值觀扭曲晒

Live了 感覺上會係sad end

個開頭都講左係sad end

live了
好想見到你

每個星期日同佢食完飯之後都我會車佢返去淘大，不過其實我一路都唔知佢住係邊。

芷純：「其實我住係牛頭角上村架。不過之前驚你唔識去呢d cheap地方，所以先叫你係淘大等我咋 。」

其實牛頭角上村就係淘大附近，不過就係私樓同公屋既分別。我停左架車係佢樓下。我陪住佢上樓，一來我想送佢返到門口，二來我都想知佢住幾樓咩單位，之後如果想寄野比佢都可以有個地址。

行到佢屋企門口，佢冇啦啦攬住我攬到好實。

我：「做咩丫，過幾日又可以見架啦。」

望望佢，原來佢係到喊緊。

芷純：「我真係好唔鍾意星期日 。星期六我已經唔開心緊。我好唔捨得您 。」

其實我對住女仔喊真係投晒降。平時我就算點惡點衰都好，我一見到女仔喊我就會心軟。更何況係自己鍾意既人。

就係咁，我地企左係走廊到，都唔知搞左幾耐佢先肯入屋。其實我呢d有錢仔真係成世都未黎過公屋呢d地方。不過唔知點解我覺得呢到好溫暖，可能因為有佢係到。送到佢返屋企，好似完成左一個責任咁。

我知道佢因為屋企窮，成世都未去過旅行，所以我決定要帶佢去一次旅行，帶佢去睇下呢個世界。其實係我單身咁耐既日子，我去得最多既就係日本，而我最鍾意既地方就係北海道。仲記得幾年前自己一個人去左北海道十日，當時既我好enjoy一個人。一個人係雪山滑雪，攰左，就坐係到睇風景。我以為我呢一世都唔需要拍拖。不過而家既我，好想同佢分享果到既風景。高登仔神戲into the wild 講過

"Happiness Is Only Real When Shared"

再好既風景，冇人分享，都係冇用。

我：「我地12月去旅行好唔好呀？」
芷純：「您講真架？未過我冇passport 我未去過旅行。」
我：「而家仲有三個月先12月，應該夠時間整既 。您學校幾號放假？」
芷純：「我睇下個時間表先，咁我地去邊 ？」
我：「去北海道好冇，之前我去過，好靚架 。」
芷純：「我其實鍾意東京，不過聖誕節去北海道好似浪漫d，我都未睇過雪，可以過白色聖誕 。」
芷純：「我睇左啦，我23號就開始放 。」

我即刻就上網買機票。我係一個好膚淺既人，我從來坐飛機只會坐國泰，果d乜春廉航真係唔好搞好。不過國泰12月去北海道d機票真係好撚貴，一張都成12000＄。不過同女朋友去就唔應該去計，我諗都唔諗就買左23號－1號去北海道既機票。

我：「買左啦 。23號去到1號。」
芷純：「咁快 。您講真架？」
我：「梗係講真架啦，您當我講笑架咩 。」
芷純：「以前我ex都有話過同我去旅行，不過得個講字 。我就係鍾意你呢樣野，講得出會真係做，唔似d男仔咁得個講字 。」
我：「快d整passport呀，唔係去唔到架啦 。」
芷純：「您對我咁好，我一定會好好珍惜 。」

每個星期既星期三我地都會出黎食飯，星期五佢就會過黎我屋企。可能因為係外國讀過書，以前成日都會自己行超市買野食黎煮。所以我係超鍾意行超市既人，特別係d高檔超市，好似citysuper，sogo，aeon呢d地方。

點解會鍾意行呢d地方？因為我覺得d 高檔食品好靚好過引。好似一個200蚊既蘋果，300蚊盒既士多啤利。見到呢d 貴野，膚淺既我就會想買黎試。我地就好似兩公婆咁，一日都黑係到行超市。佢好鍾意食士多啤利，所以我成日都會買d好貴既士多啤利比佢食。唔知係咪幸福既人都會食好多野，果排我地兩個都肥左好多，日日就係屋企食野睇戲，訓覺。其實完美既一日，唔需要係d咩特別既日子，做左d咩特別野，咩浪漫既野。

或者咁樣簡簡單單過既，就係最完美既一日。

同所有情侶一樣，我同佢每晚都會傾電話。熱戀中既戀人，總係有無數既話題，眼裡有既，只係對方，會覺得對方把聲係全世界最好聽。

當然我都唔例外，我仲會開住andriod個錄音apps將我同佢傾電話既過程錄低，有時得閒都會聽返黎 j 下佢把聲。

芷純：「傻佬做緊咩？」
我：「冇呀，彈緊結他睇緊波咋 。」
芷純：「唱首歌比我聽丫 。」
我：「好小何您會主動叫我唱喎 。」
芷純：「掛住您好想聽 。」

其實之前錄過比佢既歌好似都唔係好sweet。於是我係到諗有d咩sweet d 既歌可以送比佢。最後我諗到呢首 － 為你失眠

https://soundcloud.com/user-196464690/6vf3i7xqlay1
數盡每一隻綿羊　仍然未到天亮
掛念他人　怎會需要睡床

想像世間已滅亡　全人類還剩下我倆
在我自製長劇裡　情節任我想

能愛著你　不怕寂寞
為你失眠都不錯　睡魔今晚不要撓讓
夜深偷偷把你細想
又靠著我的孤枕當你肩膊

而你獨個可會寂寞　凝望著天花牽掛我
陽光清早不要照亮　淚水怎麼可以見光
就怕夜裡不肯去睡覺的只有我

想念你想到落淚　仍然沒法安睡
你像幽靈　黑暗中揮不去

想像你跟我同行　沿途在榕樹下接吻
未理自製情節　全也未發生

其實呢首歌都幾冷門。不過我好鍾意，因為佢講出當你深愛住一個人失眠時侯既心情。


「而你獨個可會寂寞　凝望著天花牽掛我」

唔知而家既您，諗住既係邊個呢？

推

Push

由果日起，為你失眠就成為左我同佢之間既主題曲。

因為我weekday有時要踢波既關係，未必個個星期三都可以陪到佢。
芷純：「我今晚黎睇你踢波好唔好丫 。」
我：「好悶架，又熱，有咩好睇喎 。」

其實我心入面不知幾想佢黎睇。男人就係咁膚淺，好想自己個女人去支持佢為佢打氣，比佢睇到自己man既一面。

芷純：「我唔覺得會悶喎，我諗你踢波一定好型 。」

其實好多男人都會帶自己條女去睇波，不過大部份女仔去到都係坐係到禁下電話，冇咩邊個真係會睇。

不過即使我落到場踢波，我都會成日望下佢，每次望住佢，佢都係望緊我，一直都好專心咁睇果踢波。知道有人係到支持自己，跑都會跑都幾步落力d。

踢完波之後我就車左佢返屋企，走之前佢比左個袋我。
芷純：「件衫係我之前行街買架，普通t shirt黎，唔知你鐘唔鐘意 。」

我打開個袋黎睇，係一件純白色既adidas t shirt。果時我同自己講，呢件衫，我著到80歲都會再著落去。

呢份亦係佢第一份比我既禮物。

返到屋企之後見到佢ig開左個post，貼左張佢係球場影既相。

「wonderful night with you。」

唔知點解見佢貼左出黎我好開心。或者呢種係對我既身份既一種肯定。話左比佢ig d 男仔聽，佢已經有鍾意既人。

第二朝一早佢就send左張相比我。

芷純：「今日d老師問我做咩玩到咁激有咖喱雞係條頸到 。」
我：「您d皮咁幼嫩，錫兩下就紅晒 。咁咪個個同學都見到囉？」
芷純：「係呀，不過唔緊要，我覺我好sweet，愛的印記 。我第一次比人整架咋。」
我：「點解您同您ex住埋一齊咁耐您好似咩都冇試過咁既。高潮又未試過，咖哩雞又冇整過火。 」
芷純：「個個好似你咁淫咩。見d女第一次就咩都做晒 。諗起都想喊 。」
我：「我而家好乖架啦 。」
芷純：「我驚您有日覺得我煩咋 。成日痴住您。」
我：「痴多幾個月您就悶架啦 。」
芷純：「睇下點 。」

雖然同佢一齊既日子好短，但係佢已經令到我忘記晒呢六年所有既唔開心。浮沉左咁耐，我相信－我找到了。

https://www.youtube.com/watch?v=75XDyP8LLrM

連同昨天所輸的　一起找到了
哭泣夠了　我以後要笑
這一個是我的　碰上即刻知道　不必揭曉
連最想得到的　我都找到了
穿梭人潮　引誘幾多　不再動搖
從未在這樣確定　一伸手抱你已經　抱到最實了


其實大部份毒撚都有個共通點，就係msg會秒回人。我都係一樣。就算我同佢唔見既日子，差唔多2－3分鐘就會發一條msg，乜都傾，傾足全日。可能因為咁，令到我好安心。

我地平時差唔多咩戲都會睇，連球王比利呢d無聊戲我地都會入場睇。開心既日子總係過得特別快。話咁快已經十月。我同佢差唔多係埋左一齊一月。

有一晚我地訓左係床到睇電視，佢冇啦啦拎左我個電話。本身我將佢個contact save左做芷純，佢將佢改左做老婆。我都冇出聲，拎返佢個電話出黎改返我個名做老公。其實佢個電話從來都唔會save人contact，除左佢屋企人同我之外。呢種對我身份既肯定令我覺得好有安全感。

冇幾耐佢個電話冇啦啦響。
「喂？
唔得閒。
以後都唔會得閒。」

之後佢就收左對方線。
我：「咩人黎？咁惡既 。」
芷純：「無聊人，約我出街。」
我：「成日都有人約你架 ？」
芷純：「傻佬，我唔會理呢d人，任何人搵我我都會reject。因為我個心放唔落第二個人 。」

其實做左rubbish咁耐，都深知道靚女，係香港有無限既market，身邊總會有無數既狂風浪蝶。有好多野，根本唔到你自己控制。所以有個肯為你拒絕所有男人既女仔，係一件好幸運既事。

而家d中學生真係幾辛苦，連星期日都要跟埋學校去城市論壇。我呢d無聊人就梗係跟埋佢去啦。做左廿幾年人，係電視就睇得多，親身去都係第一次。我跟住佢入場。我同d廢老坐埋一邊，佢就同學校一齊坐。有鍾意既人一齊，就算做d幾無聊既野都會變得有趣。

散場之後我特登行遠d廢事比佢d同學見到。無幾耐佢就走左比我。
芷純：「你係邊丫 。」
我：「我係天后果邊丫。您仲唔過黎既。」
芷純：「我要打發我d 同學走先丫，佢地死都話要跟埋黎睇下您 。」
我：「咁唔好比佢地見到呀，一陣比佢地見到有個咁柒既男朋友實笑死您 。」
芷純：「唔係喎，佢地岩岩話見到您，覺得您好靚仔 。」

呢種神神秘秘拍拖既感覺，令我諗返起中學既時侯。雖然我中學冇拍過拖，但係就見到身邊既同學拍拖都會係咁，又怕比人知道，但係心裡面又覺得好甜。細個總係好羨慕佢地。曾經以為呢一世都唔會再有機會體驗到呢種感覺。估唔到差唔多三十歲人，仲可以體會到同學生妹拍拖既果份甜密。

係，係初戀既感覺。呢種先係初戀既感覺。唔係一d可以比幾百蚊，幾千蚊買返黎既感覺。

好好睇，正皮正皮！

十月既開始，姐係代表我地會見得少左。因為個個星期六佢就要開始上佢既空姐course。雖然佢係觀塘上，好近佢屋企。不過我地為左可以見多d，佢星期五晚都一樣會過黎訓。每個星期六既朝早8點幾，我就會車佢去上堂。而我就會坐係架車到等佢三個鐘，等到佢落堂為止。

果三個鐘有咩做？其實都係坐係到訓下覺，睇下書。始終來回都冇左個幾鐘，廢事返屋企等啦。你問我辛唔辛苦，答你唔辛苦就係假既。一個打工仔，最舒服既就係星期六可以訓到自然醒，一早起身其實真係幾辛苦架。不過如果辛苦一陣可以換黎同星期五一齊訓既，又有咩所謂。雖然佢有講過話佢可以自己係我屋企返，不過我都係唔放心，我點都要車佢。

十月中就係佢既生日。我真係已經唔撚記得我對上一次幫人慶足生日係幾時。於是我搵返同佢既對話，佢曾經講過好鐘意一個chanel 舊款既銀包。

比著以前，我一定會屌鳩d靚妹用乜春chanel，根本都唔夾。不過其實講真，有咩女係唔鍾意chanel？就算一個幾慳家既女仔都一樣會鍾意，只係差在佢會用咩方法買咁解。就好似咩男人都會鍾意超跑一樣。

而我知佢一直都冇銀包用，次次見佢都係就咁拎住張八達通。所以我就決定買呢個銀包比佢。不過呢個銀包係舊款，搵極都搵唔到，而且又唔算好貴，我覺得好似唔係好夠份量咁。

於是果日車左佢去上堂之後，我就去左chanel既專門店到問。講你都唔信，我成世人都未入過呢d地方。一入門口已經幾條八婆係到跟撚實我，搞到我呢d毒撚周身唔自在，比我自己睇下野唔得架咩屌你。

我比張果個銀包張相個sales 睇。
sales：「呢個款好舊架啦，或者你睇下d新款丫，d新款都好靚架。」

講真，呢d野我邊q到識，個sales 拎左幾個銀包出黎，我都唔識分邊d 靚邊d唔靚。我剩係知道要買最好果個比佢。

我：「我女朋友鍾意粉紅色，邊隻係最新最貴？」

個sales 拎左出個粉紅色既銀包出黎：「呢個啦，呢個粉紅色好靚，8800＄。」

其實果時我已經坐到好唔自在，比成場人望住我，我決定睇岩就買：「就要呢個啦。」

終於都完成任務，於是我即刻拎返屋企收好佢，再渣返車出去扮都冇行開過咁樣。

佢放學之後我就同左佢去拎蛋糕。始終蛋糕呢d野好難收得埋。因為佢之前講過好鍾意一個玫瑰花既蛋糕。

要過一個完美既生日，去靚既地方食晚飯呢個環節係最重要。

諗返起以前同我ex既日子，我從來都冇好好去為人準備生日，一來可能當時我地大家都係外國讀書，二黎又冇乜錢，都係好簡單咁過。我ex都同芷純一樣，將佢地既18歲生日交左比我。

我曾經都試過18歲，好清楚18歲既生日，對一個年青人有幾咁重要。仲記得果時我都係自己一個人過。所以我好想比一個完美既18歲生芷純。

要數全港數一數二靚境既餐廳。ICC 101果幾間絕對有份。最後我地去左食日本野。不過叫得太多野食，搞到蛋糕都食唔落。最後我地拎左返屋企。兩小口，坐係廳到切蛋糕吹蠟燭。

我：「您合埋眼丫 。」
芷純：「點解既 ？」
我：「合埋先啦 。」我熄左燈拎左盒禮物出黎比佢。

見到佢感動到想喊咁既樣，所有野都值得既。

可以令到自己鍾意既人開心，比起屌到任何ig 女神，任何靚女都更有滿足感。

返左屋企之後佢send 左個msg比我
「bb
今個生日好多謝您為我準備既一切
全部野你都好花心機去plan 同比suprise我
你話你係第一次去做呢d野
我真係好開心同難忘，又特登去買銀包比我，
仲要買咁貴 激死我
以後唔好再買呢d咁貴既野比我啦，好晒錢架
不過我真係好suprise，你個傻佬仲要熄埋燈叫我合埋眼
兩個月前未一齊果時你答應過話生日帶我食好野你仲記得
同埋我地已經係埋一齊一個月啦，可能你會話一個月咁少都好講
希望以後既生日都係您陪我過 。我我睇左你張卡啦，雖然得幾隻字
不過對我有好大既意義。I love you forever，唔好唔要我，
你對我好重要架 」

一生一世，或者只係一句膚淺既對白。

好sweet
Btw,歌詞可唔可以留意埋用繁體？

越睇越sad

出文啦

有錢人既世界

仲記得一個人既時侯，成日都會係屋企望住個天空。因為我好鍾意藍天白雲既天空，我覺得好靚，特別係我好鍾意藍色既野。不過一個人，就算幾好天都好，對我都冇咩用。再好天，都冇人會陪我去出去唔同既地方享受呢片天空。

又到左星期六，果日既天氣真係好好，成個天都好藍。佢落堂之後我同佢去左赤柱到行街。拖住佢，係海邊慢步，望住咁靚既天空，d海風吹到埋黎真係好舒服。



行下行下，行到赤柱廣場果到，我地見到有個許願板，好多人寫左好多卡掛左係到。



芷純：「b我地都寫囉 。」

於是我地就去左reception拎左兩張卡黎寫。

芷純：「你行埋一邊寫，你唔準偷睇我寫咩架 。」

講真，我都唔知寫咩好。我拎住張卡周圍行，睇下d人寫d咩。見到黎黎去去都係話咩我愛你呀，一生一世果d鳩野。都冇咩特別既。我想寫一d特別d既野。

拎住張卡，望住個天。寫咩好呢？
今日真係好好天呀，不過我開心唔係因為好天。我諗我知道要寫咩。

「Beautiful Sunny Day in Stanley。But you are the sunshine that makes my day。Love you。」

再好既天，冇左佢根本唔會有意思。

我：「寫完未呀，搞咁耐既 。」
佢即刻好驚咁摭住張卡：「唔準睇唔準睇。你去行陣先啦 ，未得呀。」

我拎住我張卡掛左係個許願板到。

芷純：「我搞掂啦 。你果張呢 。」
我：「掛住左係到囉 。您果張係邊？ 」
芷純：「我掛左啦，您自己搵下啦 。」
我：「幾千張卡係到點搵呀 。 」
芷純：「搵唔到就唔好睇 。我睇下你果張先。」

左摷右摷終於比我到佢張卡。

「Hope we will be together forever，I love you for ever。希望下次我地可以係韓國最高既地方掛呢個願望 。」

熱戀中既情侶，總係會許下一個又一個唔知做唔做到既承諾。其實只係當時比愛情沖昏頭腦講出黎既說話。

我其實一直都刻意唔講一生一世，因為我知道人會變，呢個世界冇咩可以保證。我可以保證既，就係盡所有努力去好好對佢。

佢睇完張卡好開心咁走過黎攬住我錫：「又真係幾特別喎寫得，同其他人好唔同 。」

其實有時氹人，唔需要講d好做作既野，一句簡單直接既句子，都可以令人好開心。

個個星期六一早就要起身，我地兩個都好攰。有時咩都唔做就會返屋企訓覺。有晚我半夜起左身，見到佢係到玩緊電話。

我：「做咩唔訓丫 。 」
芷純：「訓唔著丫麻，你訓先啦。」
我：「快d訓啦，唔好玩啦 。 」
芷純：「咁訓唔著玩下有咩問題姐 。」

我見佢好似嬲左咁，之後我轉身繼續訓返。

其實我一路好憎人做空姐，所以我成日都會借d意係佢面前屌鳩d空姐。

我：「你睇下果d死飛雞呀，有撚用咩，廢物黎，全部讀唔撚成書，想去釣金龜先去做架姐 。 」

平時多數佢都唔會出聲。不過有一次佢終於都忍唔住。

芷純：「點解你咁固執架姐？有空姐做雞唔代表全部都係做雞架。」
我：「我係要覺得佢地係雞咁又點？總之佢地係我眼中全部都係雞黎。 」
芷純：「我都廢事同你講。」
我：「我都唔知點解你要讀埋呢d廢物course，做空姐都要讀course，真係on99。個個星期六都冇左半日啦。你開心啦。 」

芷純：「讀呢個course係我識你之前報架 如果我識你在先，我一定唔會讀。我知你好唔鍾意我讀。但我點知你會唔會有一日唔要我 。我唔知點解你呢幾日係咁話我，我覺得你開始唔鍾意我 。」
我：「唔鍾意你我就唔會為左你d事唔開心啦。係您唔理我感受咋。 」
芷純：「我以後唔會煩你，我唔想你同唔鍾意既人一齊，唔想你覺得我煩。 」
我：「如果做左咁多野都叫唔鍾意您既話我冇野好講。 」
芷純：「一齊一個月你就係咁話我 。我真係咁差咩。 」
我：「我都唔明要唔要您同您讀空姐有咩關係。 」
芷純：「我而家唔讀唔代表第二時一定要做架。我而家唔讀第時你同我分手咁點算。我咩都唔叻都唔知可以做咩。 」
我：「香港地大把野可以做，唔一定要做空姐架。 」
芷純：「我而家想完成埋個course姐，我promise你如果以後你仲同我一齊，我一定唔會做空姐。 」
我：「是但啦，我都改變唔到您d咩。 」
芷純：「如果你話再讀就要分手既話我一定會唔讀，我會為左你放棄一切。 」
我：「我係好想你唔讀，不過我唔會因為你再讀就話要分手囉。 」
芷純：「點都好啦，我仲係咁愛您，直至你講你唔再鍾意我，雖然我知呢日好快到 。 」

所有既愛情，一開始都係咁單純。兩個人經過相處，磨擦，角力令到原本好單純既愛情出現左好多雜質。

而呢d雜質會一路長留係我地既感情入面，日積月累。無論你倒幾多清水入去，呢d雜質都唔會清得走。

讀個course都要屌人 痴線

讀個course都要屌人 痴線

Agger
呢樣真心過分左

由性入愛，是為情癡。你地兩個最後散左真係可惜

芷純：「有時我真係希望就咁樣可以簡簡單單一世 。 」
我：「我都想，不過您仲細，人大左係會變 。不過就算您大個左之後變左，我都會記住而家既您。我份人又毒又悶，您大個上左大學，做左空姐之後，就會識到好多新人，到時就會覺得我好廢架啦 。」
芷純：「我係一個好悶既人黎架 。我好怕d嘈既地方，唔鍾意多人既地方。所以我呢一世都唔會落club，唔會去蒲。簡簡單單同你一齊就夠。我想呢世都痴住您 。 不過成日都驚您會走，愛您真係擔驚受怕 。 」
我：「您以前拍拖您唔驚架咩 。」
芷純：「以前mk，分咪分，未驚過 。」
我：「mk拍拖當食飯 。」
芷純：「不過我拍過一次咋 。以後我有咩唔岩您要話我知，我會改 。」
我：「咁我有咩要改 。」
芷純：「你呀 ？暫時未有，有再話你知 。perfect BF 。」
我：「您唔好dum低我，您唔要我冇人要我 。」
芷純：「你不放下我，我不放下你，我想確定每日挽住同樣的手臂 。」

https://www.youtube.com/watch?v=8M3mTRrHR6E

我已試夠別離並不很淒美。

其實自從拍左拖之後，我已經quit 左ptgf既group。直頭連rubbishptgf 既ig都冇上過，tag又冇睇過。以前d相都del 晒。不過有次芷純禁我電話就睇到我第一個約過既ptgf 阿lam既相係到。其實一直以黎佢都好開放咁同我講ptgf 呢個話題，仲成日講笑問我約過邊d 女，d 女有幾正咁。之後我就比左阿lam既ig佢睇。

芷純：「咁樣衰都叫靚，唔係下話 。」

唔知點解果刻覺得好冇面。唔想比佢覺得我約過既女都係唔靚。

我：「梗係唔係啦，佢以前正好多架。」

如果可以比我揀多次，我一定唔會咁講。

芷純：「下，一d都唔靚囉，都唔知你鍾意佢乜。仲沉埋人船。」
我：「我一d都唔鍾意佢囉而家 。」
芷純：「唔鍾意您上次又比錢幫人？」
我：「果時未同您一齊所以先比錢佢姐。同您一齊之後都冇搵過佢 。」
芷純：「係自己女朋友面前話人靚，你係咪傻架。」
我：「我冇話佢靚，我只係話佢以前冇而家咁樣衰 。」
芷純：「實係啦，唔靚點會仲keep住人地d相？」
我：「張相我真係唔記得del咋，我電話n咁多張相，根本睇唔晒，我亦都冇認真check過 。」
芷純：「總之我接受唔到你話人靚。」

佢嬲到即刻落床換衫想走。我當時唔知點樣反應。應該係話我本身係一個好怕人走既人。以我ex就係試過夜晚果時執晒d野走左去。所以我真係好驚人會走。我坐左係到唔知做咩好。

佢換換下衫上返床到攬住我喊。

芷純：「你唔好唔要我啦 。」
我：「您唔好走呀 。我真係對佢冇野架。」
芷純：「我只係唔想您對其他女仔咁 ，我想霸住您。我以後會呷少d醋。」
我：「果d全部都係以前既事，我而家對果d人一d感覺都冇 。」
芷純：「我知您對我好好 。」
芷純：「因為您，令到我對呢個世界有希望。之前一個人，日日都唔知為咩咁 。識左您之後，個個禮拜四都充滿期待，禮拜五就可以見到您，咁樣既生活好充實好有意義 。起碼有人關心我先，同埋有人比我掛下諗下同佢之後點點點 。」
我：「好多人都關心您，成日見您電話都有d不知明既男仔msg您 。」
芷純：「次次有人msg我我都會比您睇架，我唔鍾意就唔鍾意，唔會同佢地flirt 。」
我：「多謝您將我從深谷拉返出黎 。」
芷純：「我都估唔到你真係會為左我定性 。」
芷純：「你唔好嫌我煩呀，次次見您都咁多野講 。好嘈。」
我：「點會嫌，您都未嫌我呢個毒撚咁悶咁柒。仲咁多野同我講，比著身二個女仔彩我有味 。」
芷純：「只要您唔嫌既，以後呢把咁煩既聲都會嘈住您 。」
芷純：「每次見完就好似充滿電咁，好期待下一個星期 。」
我：「您既出現令到我唔再晒時間係d唔值得既野身上。」
芷純：「咁又係 。如果我冇出現您一定會繼續約人。」
我：「我唔約您您應該都會不停約人 。」
芷純：「咁又唔可以話係不停既，我諗返左學就唔會約 。所以您既出現change my life 。」
我：「唔知您約左第二個，會唔會一樣都鍾意佢呢 。」
芷純：「傻傻地 。我先冇咁隨便鍾意人。我單身呢一年有多人溝過我都冇理過。我好高要求架。」
我：「總之答應我，將來就算發生咩事都好，您都唔好再做ptgf搵錢好冇 。」
芷純：「我答應你，一定唔會再做 ！」
芷純：「我地快d plan下北海道既trip，好期待 。」

呢個十月雖然嘈過交，不過多左份了解。好想同佢快d去北海道。聖誕節，一向都係我最鍾意既節日。因為我覺得聖誕節好浪漫。

芷純：「有時我真係希望就咁樣可以簡簡單單一世 。 」
我：「我都想，不過您仲細，人大左係會變 。不過就算您大個左之後變左，我都會記住而家既您。我份人又毒又悶，您大個上左大學，做左空姐之後，就會識到好多新人，到時就會覺得我好廢架啦 。」
芷純：「我係一個好悶既人黎架 。我好怕d嘈既地方，唔鍾意多人既地方。所以我呢一世都唔會落club，唔會去蒲。簡簡單單同你一齊就夠。我想呢世都痴住您 。 不過成日都驚您會走，愛您真係擔驚受怕 。 」
我：「您以前拍拖您唔驚架咩 。」
芷純：「以前mk，分咪分，未驚過 。」
我：「mk拍拖當食飯 。」
芷純：「不過我拍過一次咋 。以後我有咩唔岩您要話我知，我會改 。」
我：「咁我有咩要改 。」
芷純：「你呀 ？暫時未有，有再話你知 。perfect BF 。」
我：「您唔好dum低我，您唔要我冇人要我 。」
芷純：「你不放下我，我不放下你，我想確定每日挽住同樣的手臂 。」

https://www.youtube.com/watch?v=8M3mTRrHR6E

我已試夠別離並不很淒美。

其實自從拍左拖之後，我已經quit 左ptgf既group。直頭連rubbishptgf 既ig都冇上過，tag又冇睇過。以前d相都del 晒。不過有次芷純禁我電話就睇到我第一個約過既ptgf 阿lam既相係到。其實一直以黎佢都好開放咁同我講ptgf 呢個話題，仲成日講笑問我約過邊d 女，d 女有幾正咁。之後我就比左阿lam既ig佢睇。

芷純：「咁樣衰都叫靚，唔係下話 。」

唔知點解果刻覺得好冇面。唔想比佢覺得我約過既女都係唔靚。

我：「梗係唔係啦，佢以前正好多架。」

如果可以比我揀多次，我一定唔會咁講。

芷純：「下，一d都唔靚囉，都唔知你鍾意佢乜。仲沉埋人船。」
我：「我一d都唔鍾意佢囉而家 。」
芷純：「唔鍾意您上次又比錢幫人？」
我：「果時未同您一齊所以先比錢佢姐。同您一齊之後都冇搵過佢 。」
芷純：「係自己女朋友面前話人靚，你係咪傻架。」
我：「我冇話佢靚，我只係話佢以前冇而家咁樣衰 。」
芷純：「實係啦，唔靚點會仲keep住人地d相？」
我：「張相我真係唔記得del咋，我電話n咁多張相，根本睇唔晒，我亦都冇認真check過 。」
芷純：「總之我接受唔到你話人靚。」

佢嬲到即刻落床換衫想走。我當時唔知點樣反應。應該係話我本身係一個好怕人走既人。以我ex就係試過夜晚果時執晒d野走左去。所以我真係好驚人會走。我坐左係到唔知做咩好。

佢換換下衫上返床到攬住我喊。

芷純：「你唔好唔要我啦 。」
我：「您唔好走呀 。我真係對佢冇野架。」
芷純：「我只係唔想您對其他女仔咁 ，我想霸住您。我以後會呷少d醋。」
我：「果d全部都係以前既事，我而家對果d人一d感覺都冇 。」
芷純：「我知您對我好好 。」
芷純：「因為您，令到我對呢個世界有希望。之前一個人，日日都唔知為咩咁 。識左您之後，個個禮拜四都充滿期待，禮拜五就可以見到您，咁樣既生活好充實好有意義 。起碼有人關心我先，同埋有人比我掛下諗下同佢之後點點點 。」
我：「好多人都關心您，成日見您電話都有d不知明既男仔msg您 。」
芷純：「次次有人msg我我都會比您睇架，我唔鍾意就唔鍾意，唔會同佢地flirt 。」
我：「多謝您將我從深谷拉返出黎 。」
芷純：「我都估唔到你真係會為左我定性 。」
芷純：「你唔好嫌我煩呀，次次見您都咁多野講 。好嘈。」
我：「點會嫌，您都未嫌我呢個毒撚咁悶咁柒。仲咁多野同我講，比著身二個女仔彩我有味 。」
芷純：「只要您唔嫌既，以後呢把咁煩既聲都會嘈住您 。」
芷純：「每次見完就好似充滿電咁，好期待下一個星期 。」
我：「您既出現令到我唔再晒時間係d唔值得既野身上。」
芷純：「咁又係 。如果我冇出現您一定會繼續約人。」
我：「我唔約您您應該都會不停約人 。」
芷純：「咁又唔可以話係不停既，我諗返左學就唔會約 。所以您既出現change my life 。」
我：「唔知您約左第二個，會唔會一樣都鍾意佢呢 。」
芷純：「傻傻地 。我先冇咁隨便鍾意人。我單身呢一年有多人溝過我都冇理過。我好高要求架。」
我：「總之答應我，將來就算發生咩事都好，您都唔好再做ptgf搵錢好冇 。」
芷純：「我答應你，一定唔會再做 ！」
芷純：「我地快d plan下北海道既trip，好期待 。」

呢個十月雖然嘈過交，不過多左份了解。好想同佢快d去北海道。聖誕節，一向都係我最鍾意既節日。因為我覺得聖誕節好浪漫。

Support!