二人桌遊成魔之路(選)

人係英國
係呢邊買咗副Marvel Champion同女朋友玩
都幾唔錯

我最近入咗套marvel dice throne又係好正，可以留意下

我都有入... 有冇review分享下
等緊放假同女朋友玩
我睇完片想入埋地下城擴

2人桌遊只係朋友屋企玩過mr jack

咁就可以由齊普爾試起了

everdell, 配件精美又可以好簡單
但玩落亦可以好多計算

splendor 同香料之路 感覺差唔多玩法

有人介紹過我玩sagrada, bgg best 2人
好似用腦啲

如果真係買第一代嘅話
不如等今年年尾出 新版AZUL
玩法同第一代可以完全相似亦都可以加啲新嘅入去

今日開左decorum玩
佢寫2-4人，2個人玩落覺得幾好
而且佢有2人專用既mode, 好岩情侶玩
可以睇到大家默契有幾咁差

另外佢d token (家俬) 好靚
好岩要靚左先勁人

有冇人玩過Fog of Love? 睇落好似有d悶

不過配件黎講，Splendor 會靚啲。
而香料之路有三代，我個人會建議可以試第三代，worker placement味道濃好多

同男友比較享受眾樂樂多過二人世界所以平時都係4~6人玩多,不過成日玩黎玩去都係個幾款
呢個post係咪主要分享啲2人 bg? 唔知樓主可唔可以都破例介紹下可以多人玩
利申 : 類型不限, 合作game優先

介紹唔緊要呀，但我少啲玩合作遊戲
合作以外你玩開啲咩，嘗試諗諗

有興趣 lm

有冇啲咩想知道下

隔離樓耐唔耐就會有人問多人game ，可以跳去#27, #274相關討論

Boardgame 桌遊討論區（4） 各種桌遊推介！總有一款啱你！歡迎新手老手查詢/推介/交流
https://lih.kg/3060640
- 分享自 LIHKG 討論區

合作game我鍾意花火hanabi ，要係唔知自己手牌嘅情況下互相提示隊友出啱牌。又平又細盒，99蚊鐵盒裝連expansion

繼續推下坑先 仲有隻好得意的桌遊想同大家介紹下 介紹埋呢一隻，可能就會介紹番一D唔少巴絲打介紹的作品。





羊駝山谷 Llamaland，近排熱門的推坑桌遊，有非常得意的羊駝Meeple（在桌遊中，會使用的企得起的公仔一般都會被稱為Meeple），而且形容仲要有大有細，非常得意。呢隻遊戲英文長期斷市，近期好似番左中文貨，有買襯手，大約三百中的價值。遊戲支撐2-4人，玩過2人，4人都係好不錯的桌遊。根據BGG的評分，遊戲複雜程度是2.04/5，遊戲時間大約是一小時內。

題外話：羊駝、駱馬和草尼馬好似是有分別的，BG Port某一條片的主持Happy有講到個分別，大家可以去參考下

遊戲的玩法其實唔困難，主要是從枱面上的五款拼圖選擇一款，然後利用該拼圖擴張／疊高自己的已有版圖。選擇擴張時，可以同時Claim其中一個遊戲結束任務搶分（如第四層的版圖可以放到四隻羊駝）。而選擇疊高版圖時，則可以獲取遮蓋的圖案的獎勵，如玉米、薯仔、人物能力卡等。最後，放置版圖時如有足夠的資源，就可以考慮放置羊駝在空白草地，但放置羊駝的草地就唔可以再疊高。






遊戲精彩好玩的地方，當然都係得意的羊駝Meeple，再配合拼圖的機制，拼圖的機制，今次更加是要同時考慮二維和三維的空間，燒腦程度增加。同時，呢個拼圖的遊戲亦有互動的元素，玩家需要適時搶單／搶羊駝（因為愈遲做，分數會愈低）。最後，遊戲的策略程度亦較高，玩家需要計劃自己的方向，選取合適的版圖配合計劃，再適時利用角色卡／百搭資源達成目標，有別於拼圖遊戲只是填滿的考量。

不過要留意，呢副棋可能未必適合強迫症患者，因為是無可能無空格地鋪滿拼圖，兼有高有低。另外，二維加三維的拼圖，推坑時亦要考慮對手／對手們的腦力。必要時，都係果句啦，有技巧地讓賽，俾對手感受下遊戲樂趣先。

購買攻略：如有興趣，盡快入手中文版了，可能之後又好難搵

https://www.youtube.com/watch?v=yu5yxDThgQg&t=121s
推介下呢條片，講得好過我十倍

我都未玩過回到地下城，等巴打你玩完返來介紹下

呢隻都幾有興趣 但中文版好似貴過英文版

不過中文可能宜家易入過英文，建議就有興趣不論中英文都快D入手

近排先入左成套火星 又late pledge左everdell maybe下個月先考慮入呢副