二人桌遊成魔之路(選)

花見小路 二人一流 規矩簡單

花見真係聽過未玩過，聽你咁講，會唔敢玩

我都差唔多嫁啦，我當初自己又教到一舊雲
係老細有耐性
不過好多時，我地習慣係，錯唔緊要，run下個遊戲先

嗰間賣左套翻板火星比我
去返正經boardgame cafe買算啦 又有人教

咁慘
不過新手安全去計，都建議係去較有信譽的商號買。

Ark nova開出黎超大副 玩落幾有趣 但太多mechanics 唔係玩開呢啲game真係會收皮

最仆街嘅係 點解我會發現呢
因為佢老翻又唔肯抄足喎 又要加啲新公司入去
我玩左半年先知 上網一check發現唔對

我仲未說服到佢玩 次次都係同佢開羊駝山谷

個到正版老翻溝埋嚟賣
唔熟既都係去返boardgame cafe, amazon個d
不過amazon而家熱門個d都有機會買到假，記得睇係邊到出貨

有興趣入坑可以黎我私竇玩,
想買game都可以盡量比折你
有興趣可以pm我tg

羊駝山谷 jump去ark nova的距離又好似有d遠
會唔會同佢玩下everdell 果d先？

旺角既話好望角大廈有，同埋兆萬隔離座大廈都有，好景後面地舖又有

二人桌遊竟然無人講AZUL

未講到姐 懶得出文住

splendor 2個人冇3，4個人玩咁正
不過嚟緊會出splendor duel，幾期待

巴打們可能會擔心，Patchwork唔夠靚，配件唔夠精美，打唔入女友的心；對奕味道存在，略帶針對性，女友可能會玩得唔開心；欠缺得意主題，未能吸引女友的目光。來緊打尖介紹的桌遊，可能會係一個唔錯保送女友入坑的選擇。呢隻桌遊，亦係第一隻不只限二人，支援2-4人的桌遊，適合一家大細遊玩。





Cascadia，2021年推出的桌遊，獲得德國桌遊大獎SDJ 2022的提名，實力備受肯定，現時在BGG提名中，Overall排名68，Abstract(抽象)類排名第1，Family(家庭)類排名第7。市價大約三百幾至四百大元，少量文字需求，中文可能較難入手，可考慮英文版（一般英文棋都會較平）。複雜程度1.88/5，教學時間大約十分鐘，遊戲時間大約45分鐘左右。

遊戲的主題是太平洋西北地區的生態地區作為主題，印象中無記錯，說明書仲有一兩頁係介紹果個地方的。


在遊戲的過程中，玩家需要按指定的規則拿取一個六角形棲息地以及一個圓形動物版塊，再按自己的策略各自放置在不同的位置，最後遊戲會按動物的計分規則（在遊戲前每款動物抽一張，舉例如每一Pair熊可得3分），以及各棲息地的數量計算總得分（每款最多的玩家仲可以獲取額外分數），得分較多的玩家獲勝。




玩家在拼圖時毋須在固定的版圖擺放棲身地，擺放的自由度會較大，令玩家遊戲的過程更加順暢，增強遊戲體驗。另外，精美的卡、配件亦相信可吸引對象的眼光，打破桌遊的刻板印象。由於玩家的互動較間接，得分路線較多元，互動較弱的玩家亦能獲得愉快的遊戲體驗，配合家庭變體，可照顧更弱的玩家。遊戲重玩性都高，每款動物會有4張動物於，因此加上來的組合，已達1024個。同埋，遊戲非常Colorful，十分igable，靚可以是繼續玩落去的原因。

相信推左幾副棋後，可能會開始感受推坑對象對不同種類桌遊的喜惡，例如tile-placement，互動的多與少，動物主題，對計分機制的偏好程度，對抽象遊戲 Abstract的投入度。例如小弟的女友對動物主題，tile-placement同計分是較偏好的。了解後，相信可改進你地進一步的買棋選擇，將佢／佢地推入深坑

都係果句，推坑時，可以把Focus放係玩家與玩家的遊戲體驗上，必要時提點多一兩句，幫佢地諗下，甚至有d位鬆下章，贏左盤棋，輸左棋友甚至女友，確實是不值呀

下一兩隻，亦會係靚靚／得意的桌遊

整個番外篇先

介紹左咁多容易吸引女女的遊戲，會唔會有d係吸仔既桌遊呀 黎緊我會介紹一隻，我同女友從來未開過的桌遊，佢見親就話唔會想玩

Star Realms 星域奇航



榮獲不少提名的大獎遊戲，遊戲只限二人。根據BGG，複雜程度是1.94/5，教學時間約十五分鐘，遊戲二十分鐘一鋪，但覆桌機率達80%的遊戲 試過有朋友玩到夜晚十點幾都唔肯走 但是，中文版遊戲的入手難度可能較高，英文會較容易。玩家需要閱讀文字，需要考慮對象的接受程度。

遊戲主題是以大空戰爭做主題，玩家需要組建自己的戰隊，攻擊人地的村莊遊戲機制是一種不少卡牌桌遊會使用的機制 (Deck-building)。在遊戲的開頭，兩位玩家會擁有共同的卡組。係遊戲過程，大家需要在公家卡池購買自己的卡，再配合卡片廢置的功能，一邊組卡，一邊攻擊對手。卡片組成的方向分為四個種族，玩家需要按照對方的卡牌，變自己的方向，互動性非常高。





星域的遊戲節奏明快，容易上手，特別適合玩開卡牌對戰的玩家。遊戲去除了開Game前需抽卡、組卡的工序，為玩家提供相同的起點。即使重玩，因應遊戲變化，玩家組卡方向，相信玩家每局的體驗亦有所不同。當然，星域亦有卡牌遊戲的通病，比較講求運氣，而卡牌能力亦有不平衡的地方（往後官方亦有出擴充嘗試修正這問題）。但是總括而言，星域是Deck-building 機制的入門磚，提供一個新的卡牌遊戲體驗。而近年，Deck-building呢個機制係桌遊界亦愈來愈普及，融合到不同的遊戲上，成就就一副又一副的得獎作品。

雖然遊戲超級細盒，易收藏，但睇圖都相信感受到，美工較男性向，畫風較舊，唔係人人都接受到。不過，我同D男性朋友玩，失敗率暫時係0。

有冇試呢隻？
2人驚 聽講岩情侶玩

未試過，等你推介

star realms, hero realms有steam免費版可以試

頂唔順d飛船可以試hero realms

真係唔知，玩開佢個app

要上網訂？

岩岩見到，Amazon好似有得買，不過建議Ching可以考慮睇下review或者介紹先

Patchwork原版搵咗好耐都冇
最後台灣樂天買，570TWD繁中版
不過要再集運返香港