二人桌遊成魔之路(選)

如果大家唔介意英文/日文的巴打，可以考慮跟美馬/日馬入手，係個比較平嘅入game渠道，你搵下就會知價錢的差別了

同埋大家入坑後，如果唔啱玩，你都可以喺二手Group放番啲Game出去，不過都當然，一定會有啲折舊啦，同埋呢排多人賣棋可能比較難放，但暫時介紹的都係大路的棋，應該唔難搵人接手嘅，用少少錢當試多個興趣都好呀

其實都好sad，唔少人唔再玩桌遊的原因，可能真係因為誤交損友，或者無人引路

利申：介紹得的棋，全部都係曾經持有/現正持有

咁新手應該去邊間買穩陣d?唔想比錢買野都要受氣

上次去間舖頭我哋都係睇下有咩game 雖然係新手 但係我地都無問呢樣問果樣 主要係想睇多啲先 但係我哋攞起一隻game 佢就自己喺度介紹 最後可能見我哋睇來睇去就唔耐煩 而我哋最後其實係買左一隻game走 講真你做生意 唔通真係預個個客都係老手咩 新手其實代表係新客新商機 咁樣鬧啲客即係倒米 所以冇咩事我都唔想再返去買

廣華街地鋪 最大問題係賣 老翻 桌遊
想買GAME可以去桌遊頭post 望 或者Google 都已經有好多間選擇

我自己的建議反而係搵下自己想買咩棋先，再上網搵下，因為係香港買棋比較會遇到的困難，係間舖頭未必有，同埋價錢都各有高低

同埋店員都未必可以係好短時間了解你的需要再推介

香港好多棋舖，好易搵到，放心

硬係覺得boardgame始終都要3er+先好玩
2er變左好似零和咁
有時唔駛你自己好努力咁跑分
只專心guard到對面輸就得

都係跟機買你啱先講嗰啲，諗住同女朋友玩，對BG冇咩認識

買一兩副試下嚕
兩人桌遊的好處就係唔洗就朋友
又可以透過呢個渠道去維繫關係，創造愉快的回憶

當然二人遊戲有唔少都係博奕零和，但好處就係互動性高。不過有啲都會係跑分的同時，亦要制衡對方
但呢啲就唔會入門級了而有啲亦會係純跑分的。

不過二人的確會玩唔到有啲遊戲 有啲較大型的遊戲會適合人數較多一齊玩。所以在BGG呢個網入面，會有由玩家投票的recommend人數。即使佢盒寫適合的人數，玩落都未必啱feel

Boardgame 桌遊討論區（4） 各種桌遊推介！總有一款啱你！歡迎新手老手查詢/推介/交流
https://lih.kg/3060640
- 分享自 LIHKG 討論區

得閒黎討論下

可以睇多幾副再慢慢簡下，唔急啦，最重要啱玩

唔好意思ching，忘了回覆，基本上呢度一開始介紹的都係入門桌遊

留名先

屌，同我一鳩樣！仲話你唔放時間落去就唔好玩/買，心諗關你鳩事咩，阻撚住哂。

睇巴打你玩開個d
可以試埋splendor, 不過好撚大盒

如果想難dd又唔介意要睇字
可以試Dale of Merchants
我覺得好好玩，但就要開始睇字同複雜d, 因為每張卡有自己d能力
d卡好靚但個size好閪好難買套

另外welcome to the dungeon我覺得2個人都幾好玩，無乜字一鋪又快

搬一搬系列樓一D二人game 相關資料過黎

Top 10 疫情下兩個人都玩得好開心嘅Boardgame 桌遊
https://lih.kg/2944778
- 分享自 LIHKG 討論區


[桌遊直播重溫] 二人世界最佳桌遊(19Apr2022)
https://youtu.be/VCzRFb9lduI

第一個post係系列樓起源，夫子樓主介紹d game雖然都係二人啱玩不過都偏向大盒同經濟門檻高D，呢到樓主介紹個D會易收藏D荷包會舒服D

另外如果budget 有限嘅話可以入呢個二手group等下，基本上都係boardgame愛好者D人好錫game keep得幾好

https://www.facebook.com/groups/hk2ndbgsale/?ref=share

多謝咁多位的支持，有唔少人睇已經好開心 當然更加要多謝我老細的支持啦 係提完呢幾隻之後，我老細亦有棋希望我插隊推介俾大家

相信呢度有唔少的是巴打，希望推自己的另一半入坑，但係又望到上面的三隻桌遊都是對奕味道較濃，主題機制擔心女孩子未必玩得到。所以來緊會有幾隻，唔係我推坑的順序，但又是好適合大家順落去推坑的桌遊

在我同女友玩的經驗中，要吸引女孩子，在機制上，tile placement（版塊放置）一般都是比較唔錯，唔會死的選擇。簡單而言，你可以理解成拼圖的機制。一連幾集，會介紹兩三隻tile placement的遊戲比大家試下

第一隻要介紹的係一隻只限兩人的拼圖遊戲，拼布藝術 Patchwork，入手價錢大約二百大元，容易上手，無文字要求，十分鐘學完。根據BGG的難度，1.62/5。




遊戲的主題性唔強，所以就係度省略了。

遊戲主要的流程是兩位玩家，在公家的拼圖池，按既定的規則去購買拼圖，然後計分，主要是鬥填得滿自己的版圖。





玩家的收入是按已版圖上的玩家自己鈕扣而派發。而玩家的先後次序以及收入何時派發，主要是透過控制自己的計時器的棋子。棋子較後者，便是果一輪的玩家，而當棋子當過鈕扣圖案便會派發收入。




簡單來講，遊戲的精彩位置有幾個，
1：拼拼圖，將d拼圖轉來轉去；
2：透過控制下一輪的玩家，令自己拎到／令人地拎唔到既定的拼圖（購買會移動拼圖池的標示物，影響下一位玩家）；
3：在未來收入和現時收入之間的取捨：一般來講，較奇怪形狀／較少收入的版圖會較平，但要放棄之後的收入；
4：遊戲較美觀，尚算igable的遊戲。

遊戲的重玩度高，細細盒，非常適合大家試下對象對Tile - placement的口味。

最後呢，遊戲的作者是 Uwe Rosenberg，不少師兄會叫佢玫瑰山大師，佢係唔少經典作品的大師

購買指南：遊戲有唔同的版本，例如台灣版，情人節版（？），基本上都係大同小異，只係圖案唔同，可按喜好入手（當然個別可能已斷市）。但要留意，印象中好似有紙筆版，可能影響遊戲體驗。

多謝師兄
我有玩開呀，會同女友煲Ark Nova
係想俾d方向新手朋友（推人）入坑

Patchwork 首先你張枱要大到排到上面個圈出嚟先

靚就唔介意嫁啦（應該）

你女友肯開ark nova
通常未聽完rule已經可以收皮

講起靚就得，唔知樓主會唔會介紹花見小路D囡囡，同女朋友爭溝女