疫情下，可能大家都有唔少時間同自己的伴侶／朋友處於一個無咩野做的狀態，要不斷咁搵唔多的方式去消磨時間。而講親玩桌遊，大家又可能又只會諗起狼人殺、Avalon、一夜狼人等等的派對遊戲，絕對唔會考慮二人玩桌遊呢個選擇
正如有師兄都開過Post，其實桌遊係任何人數（包括一人)都適合的活動。在我角度而言，因為桌遊的性質，桌遊玩家在玩既時候會放底電話，專心玩遊戲，中間又有好多對話溝通的機會，係一個聯繫情誼，建立關係，好好的工具（可能我另類啦
）。基本上，宜家我同我的女朋友，每個星期六日都花費起碼半日的時間去玩唔同桌遊，而玩的桌遊複雜程度算係較高的程度（例：Ark Nova，大西鐵之路等等的遊戲），每局的遊戲時間可能係兩至三小時，玩完會頭爆果d
。 其實，我女朋友係一兩年前，對桌遊的認識都停留係狼人殺的層面，我初初介紹我玩桌遊，佢心目中亦只係覺得我係一個毒撚。推坑絕對唔係一兩日、玩一兩副棋的事，亦危險處處
諗下諗下，就好希望開下Post，介紹下我同女朋友的入坑之路（有機會分享埋佢d朋友、同埋伯母的入坑之路），由我地接觸玩的第一副棋講起。強調番，呢個Post的方向唔係專業的遊戲評測，希望大家屌細力d，只係希望多d人接觸桌遊，等新入坑的有d購買／接觸的方向，亦了解番我推坑之路的中伏位。不過要推坑，都要留意你對推坑的對象的興趣、耐性、專注／投入程度和情商，如果其中一樣缺乏，咁推坑的時間就要更小心了。
希望來緊的Post可以大家一齊吹下桌遊水，但係由於工作繁忙，同埋棋局繁多，有可能會出得比較慢
。
。
（遊戲的美功好重要嫁）。
