二人桌遊成魔之路(選)

多謝介紹，開緊嚟玩
推吓post先

LM

支持

好憎入完patron套入得唔乾淨 咁樣算了

謝謝po 主努力咗咁耐，加埋大家意見都學識咗幾隻遊戲，我都推介返個二人遊戲先



《Jekyll vs Hyde》改編自英國小說家名著，背景為紳士哲基爾與另一人格嘅心理鬥爭。正派玩家需要阻止棋子走向邪惡人格。

依棋子現時位置決定起始玩家。
雙方各有不同顏色數字手牌，像吃墩，起始玩家如打出綠色，對家若有綠色都要如實打出綠色，且依數字大小（以及顏色級數，後述）較強者吃墩。正派需在總共三局內，盡量保持相方墩數平均，反派則想拉開距離。

遊戲好玩之處有二：
1. 首先最早打出的顏色會成為最弱顏色，其次則較強，然後剩下未打出的顏色就成為最強顏色（例如一開始打出綠，但對方無遂打出紫色，由紫卡吃墩；順帶亦即是紅色也成為最強顏色）。

2. 藥水卡。當有人打出藥水卡，如對方打出顏色卡，則由數字較大者獲勝並發動相應能力：
紫：拿取對方 1 墩
綠：雙方互換 2 張
紅：重置原定顏色強弱

遊戲起初會讓新手覺得反派太易玩了，顯得勝負好不均衡。但多玩幾局，就發現善用顏色強弱，以及藥水的特性，都能看出反派要在三局中獲勝無想像咁輕鬆。機制簡單，但鬥智（可能會有人討厭你估我估你）以及一局封殺/一局十步嘅超反勝都異常使人興奮，以細盒遊戲嚟講係意想之外！另外，棋子由有重量嘅金屬制，頗有一番時代味道。

多謝你推介，之後又繼續寫下先，呢隻我想入但唔會有機會入，因為女友覺得啲art work唔靚有啲嚇人

工作關係太忙，又見好似無咩人追，結果就停咗一停

呢個真心好玩，前幾日我都有同女友開番佢黎玩

我因為呢個post~一個月內入左4隻game

我係最近先由頭（成個月前）追返到而家嘅Po
我自己都有私竇，一直都想推多啲新手玩家玩，所以好想支持你繼續講。連帶其他巴打有提吓其他得意Game，我都有買（例如 Warps edge 但買唔到final girl）

Jekyll vs Hyde 啲 artwork 真係難吸女生 由其有唔少牌得個十年唔洗嘅凹凸坑面大頭 不過勝在節奏明快

我會繼續追Po 呀，見靜返嘅話我再睇吓介紹吓其他，希望大家都分享吓啦

【Phase 10】
（2-6人／Best:4人?）
老牌桌遊已經有 40 年啦，我就最近買咗佢嘅紀念版，最特別係個盒開閂有磁貼，感覺好爽（喂）
因為佢規則簡單，全年齡向推坑



遊戲係大家手執 10 張數字手牌，最先完成 10 關者獲勝。
咁點先完成一關呢？遊戲附設咗一張〖關數表〗

上面寫有每一關目標，例如第一關係 3 張一樣 ＋ 3 張一樣。咁大家就會透過一般「摸牌、打牌、棄牌」（好似打麻雀）
好似上述咁，你搵到 3 張一樣，咁你打出，然後再湊牌
當有人首先完成，並打清哂手牌呢局會停。咁下一局就得呢個人（或可能仲有其他人搭到尾班車）玩下一關
而其他人要繼續玩第一關。

我無乜太興奮嘅感想，只係想講呢個版本嘅〖關數表〗
因為佢係厚身嘅，而佢又好貼心咁俾咗啲夾夾我
但啲夾夾好窄（喂）好容易刮損張牌
我試咗一嘢已一條凹痕...



有人話似 Rummikub 嘅，鍾意就一齊嚟復古吓啦

前排試玩過，
成日都做完決定，
想要張牌就出現加比對家拎埋

我都因為呢個post入坑board game, 仲買左好多番屋企玩

多謝支持，當初寫呢個Post，係因為覺得即使推坑，其實個光譜都係好大，好易踩屎

咁犀利，入咗啲咩

咁係時候推介啲再精彩啲的野

遲啲好似會出 splendor duel版
大家有冇留意開

大部分都係呢個post既野
7wd, the crew, Jaipur, Carpe Diem
之後仲買左castle of burgundy special果個版

carpe diem係幾好玩，stefan feld雖然大部份game都冇theme,但有唔少好game,不過多數淨係識勃根地。等緊今年burges同macao重製

Confirm左既？

burges>Hamburg
macao>amsterdam
正路今年出

我都試過，拎上手睇，望下介紹，望多幾隻個呀叔就話我係咁拎起睇無意思，又問我想要咩類型，答左佢，佢9指左一隻就算，又無講解又無介紹，仲要企係度望實我

7WD我都係上次去桌遊舖試玩緊其他game，店員哥哥介紹，一試不得了，即刻叫我買

唔比較黃店，睇game上觀塘capstone唔好？又大又多d架擺得夠開，幾個人一齊傾住計咁揀都唔阻到人，職員都熱心解答

你呢啲唔係我推啦 咁Advance