二人桌遊成魔之路(選)

請問如果新手想入手marvel同詭屋奇譚繁中版同屋企人玩去邊度買好？

想入marvel的咩先，Marvel Champions?
可以上網搵D有賣的桌遊店再比較下價錢
但驚唔驚屋企人唔岩玩

建議去fb二手gp收二手，好多人轉玩英文而放。不過個人建議入英文，中文幾多譯錯

呢個幾好玩

二手依家2隻都有人放緊 有埋收納盒

7 wonders Duel (2人) 個隻會唔會好似

我老婆一樣 唔鍾意太多互動打黎打去同RPG
近排主要玩火星同arnak
反而係而家有時都要hea啲玩 如果佢成日輸會好冇癮又會話唔想玩

買咗盒Riftforce 唔係好啱玩 有無巴打有興趣

唔會, Jaipur 個玩法好簡單但係都好有策略, 個機制都好上癮好快玩完一場又想一場

7 wonders Duel複雜好多, 輸左挫敗感較重,
如果你拎黎推坑人, 由於對面唔熟規則好易比你禁住打, 策略針對, 好易棄坑

唔係話佢唔好玩, 不過你要搵到個肯為左贏, 自己睇說明書鑽研點對抗你既對手

建議玩左Jaipur先, 想追求更高策略先玩7wonders
同囡玩就算啦, 7wonders啲規則你講完佢都冇心機記,

真，玩完Jaipur，再玩Lost Cities，再之後睇下點就最穩陣

留名
同男朋友之前玩過patchwork 大家都覺得好好玩
最近想同男朋友留多d係屋企 就諗住搵下有冇其他board game好玩

睇完樓主介紹之後琴日即刻買左Jaipur 同 7 wonders 等緊寄黎

打算入手Agricola但要成$400 up
心郁郁想買埋lost cities 同香料之路

多謝支持
Agricola二人版都要咁貴麼？ 想有深度少少，我會推薦石器時代，個人認為好玩過香料之路
如果香料之路，我會建議買新世界

2人版中文應該都係300
佢似想入普通版
個人感覺香料同 splendor 一樣，都係3，4人好玩啲，競爭性大啲

同女好快學完7 wonders同已經玩悶左唔知下隻買咩好

襯宜家開緊會，繼續介紹下先

相信有唔少巴打、絲打、或者巴打的女朋友都好鐘意玩拼圖類／空間規劃叮分的遊戲 所以，會介紹一副策略度高、多變化、互動、多擴充和經典的桌遊。講到呢度，玩開桌遊都會知道我介紹邊副了




Carcassonne （卡卡頌），基本上是拼圖類別愛好者必玩的作品。坊間有1.0及2.0版本（2.0主要是Art Work）的改動（等其他資深師兄再補充），亦有20周年版本供大家購買 根據BGG的排名，Over 199，排名都算幾高，複雜程度1.9/5，遊戲時間大約45分鐘至1小時，教學時間大約15分鐘。支援人數是2－5人。2－5人玩落都是很不錯的遊戲。遊戲無文字需求，中英文無所謂的。基礎版本大約二百中的價錢。



遊戲玩家扮演中世紀城鎮上的諸侯，要派領守領攻城掠地，最高分的玩家獲勝。在遊戲的過程，好簡單，就係輪流拎版圖，再決定放唔放自己的米寶到不同的地方。由於可以放的地方，玩法實在太多（因為有太多擴充），所以難以一一多講。

以基礎遊戲來計，玩家可以霸佔道路，城堡，草地和修道院等，各有規則。在遊戲過程中，當玩家完成指定建築後會即刻計分（霸佔該構建物最多的玩家獲得分數，打和就會一齊拎到），並釋放米寶回到玩家的手中；但亦有米寶是遊戲結束先會計分。





遊戲的精彩地方有唔少：
1：無框框的拼圖遊戲，空間可能性大，玩家可以隨心所欲地拼圖（但可能要張大的枱）。
2：互動性高，一眾玩家係同一版圖下拼圖，雖然已霸佔的建築範圍不可以再放米寶，但你可以透過另闢新地，再慢慢駁番人地的地點，反侵佔人地的地點 同時，你亦可以透過結束人地的建築物，減少人地的可能得分，同時又拎一d分數
3：得分路線多元，可以透過唔同方式得分，具一定的策略深度。
4：有唔少的決策抖結位，例如決定放唔放米寶，放左就之後無得放，可能唔夠人爭，而放左又未必拎得番上手 不過唔放，就無分，等於陪玩。
5：遊戲的擴充非常多，可以令佢變得更具策略，亦可以令佢變得更歡樂，慢慢研究下就知
6：遊戲都尚算IGABLE，應可吸引眾人的眼光。







不過，遊戲有別於一般的拼圖遊戲，是一個利用拼圖進行空間規劃／發展的遊戲，燒腦程度都蠻高。加入完擴充後，遊戲的層次會再有提升，可能令複雜程度進一步提高。所以較不適合作為第一隻接觸的拼圖類遊戲

P.S. 在入門時，較唔建議玩草地擴充，除非你想鞭死對手啦
入手攻略：有人提議入大盒版一步到位，但我都會建議先試基礎，岩口味先再入手



冷知識：米寶一詞有傳係源自於呢個遊戲，Meeples，意思是「我的人」，宜家已經泛指桌遊中的玩家、人形指示物。典故：2000年來自波士頓的Matthew Gray通過社交網絡結識了Alison Hansel ，兩人約好在11月10日前往一個朋友家裏玩桌遊。Matthew帶來了他的《卡卡頌》。當Alison看到那些人形指示物後，立刻就把它們叫做“Meeples”，解釋為“My People”（我的人）的縮寫。由於Alison住在德國，也有解釋是説是來源於德語的“Pöppel”，意思就是遊戲中的指示物。

整理下先
簡單入門的桌遊，適合無接觸，對奕類
Jaipur #5
https://lihkg.com/thread/3074796/page/1?ref=sharer&post=5

Lost Cities #14
https://lihkg.com/thread/3074796/page/1?ref=sharer&post=14

神探緝凶 FUGITIVE #23
https://lihkg.com/thread/3074796/page/1?ref=sharer&post=23

Cubirds 方鳥 #165
https://lihkg.com/thread/3074796/page/7?ref=sharer&post=165

簡單入門的桌遊，適合無接觸，拼圖／Tile-Placement／精美配件類
拼布藝術 Patchwork #45
https://lihkg.com/thread/3074796/page/2?ref=sharer&post=45

Cascadia #67
https://lihkg.com/thread/3074796/page/3?ref=sharer&post=67

花磚物語 AZUL #100
https://lihkg.com/thread/3074796/page/4?ref=sharer&post=100

番外篇，簡單入門，對奕卡牌遊戲，Deck-Building（特別機制），適合初接觸
Star Realms 星域奇航 #68
https://lihkg.com/thread/3074796/page/3?ref=sharer&post=68

拼圖類，策略度較高，建議先接觸其他
羊駝山谷 Llamaland #118
https://lihkg.com/thread/3074796/page/5?ref=sharer&post=118

Carcassonne#365
https://lihkg.com/thread/3074796/page/15?ref=sharer&post=365

策略度較高的遊戲
Splendor #131 （造單遊戲，精美配件）
https://lihkg.com/thread/3074796/page/6?ref=sharer&post=131

農家樂二人版 #206 （經典遊戲，資源管理，Worker Placement） （主題貼切）
https://lihkg.com/thread/3074796/page/9?ref=sharer&post=206

石器時代#221 （經典遊戲，資源管理，造單遊戲，Worker Placement，有趣骰子機制）
https://lihkg.com/thread/3074796/page/9?ref=sharer&post=221

七大奇蹟 對決#292 （大熱遊戲改編，對奕味道高，多元跑分／勝利路線的文明遊戲）
https://lihkg.com/thread/3074796/page/12?ref=sharer&post=292

多謝支持

悶係咩意思，係因為覺得內容唔夠豐富？
會唔會同佢試下拼圖，等佢試下唔同的口味？
或者試下更深的策略桌遊？
再唔係入下其他玩住其他先，遲下再翻兜？ 始終一隻都唔夠玩咁耐

不過我自己的個人經驗呢，呢個遊戲我地兩個都的確覺得好dry，令重玩性減低，如果係的話，建議可以考慮買d主題或者機制得意豐富的遊戲

Arkham Horror LCG 岩唔岩口味?

樓主有冇玩過東海道？
佢個盒好吸睛 我未玩過想聽下大家有冇咩睇法

內容ok不過唔建議二人玩
網上應該有開箱文

超難2人bg


圍棋

不過見你留過名，你應該玩開BG啦？
正式版，係純粹驚Harsh好多，難好多，未必頂得順咁解

直接買咗Gloomhaven 準備同女朋友玩

師兄你都似玩開棋，咁當然無問題
否則建議Jaws of the lion先