二人桌遊成魔之路(選)

師兄會唔會考慮美馬呀，英文版直送宜家又有折，遊戲無文字需求的

我買咗了
但其實美馬係貴d，所以推薦未買嘅可以台灣樂天入手，運埋過嚟可以below 200hkd

想玩幽港迷城， 唔知有冇人玩緊

兩邊save data互通

建議試左前傳jotl先
平啲易入口啲
同埋如果玩緊好難比你join
因為有save有進度
反而你要搵固定腳仔由頭玩起

多謝師兄分享，希望你啱玩

補充多少少，前傳又有教科書式的5關教學關，俾你learn to play去感受個遊戲，可以一試Jaws of the lion

由玩bg到入埋行
好辛苦，唔推薦入行

奇G連連
步步為營
Unlock
地毯商人
以輕game入手為主
如果想多D人party D
可以Splendor 、 大頭娃娃

多謝師兄

其實splendor 2個人玩都幾好玩 又易玩 情侶玩都唔錯

想推薦下trpg
有好多劇本2個人都玩得！

最鍾意做kp 好考急才同反應

可唔可以分享下呢行會遇到d咩趣事和苦事？

多謝巴打

Splendor二人唔錯搵好玩，準備會出二人版，而配件精美都係推坑之選 之後會介紹下

不過暫時仲有啲更啱心水

咁就要等巴打介紹了，我呢邊比較多都係著重機制，輕主題的歐式桌遊

你想要乜嘢類型，主題？
複雜度你接受到幾多？

唔好複雜過西國工程師就得
唔想太用腦 輕鬆類型嘅

輕鬆嘅…我最近玩緊新版galaxy trucker

二至四人都可以玩，不過最適合係三至四人。玩法就係成班人喺個垃圾堆入面摷零件鬥快砌飛船 鳩流流得黎又考技巧

香港好似賣三舊幾水
BGG 7.7分

三人桌遊，會唔會考慮下得獎的作品，Lost ruins of Arnak或者Dune，幾有張力，又唔複雜過西國，時間又唔算太長，但巴打應該都會想玩番啲有內容的作品？

兩隻都係近年大熱，機制都是Worker placement和Deck-building，Lost ruins的主題感較重，而Dune的玩家張力，互動就較大，你當兩隻的主菜都係偏worker placement

我和女友就兩隻都幾鐘意，因為幾like worker placement的機制

有無咩機制特別啱？

Lost ruins就二人都還好，Dune就三人先ok

Lost ruin BGA玩多幾次基本上已經可以計到條數出嚟
有幾張牌絕對係唔平衡 eg:狗、星圖
表面上好似好多選擇，事實上只不過係運氣
基本上每一個行動都有最優解

可能我係休閒玩家，又唔及你咁專業，女朋友又幾鐘意呢個主題
不過入到坑咁上下，我自己就覺得呢隻一定要試下
我自己再J埋expansion

希望繼續有人睇啦不過都襯自己仲有動力，繼續寫下先
有咩意見，或者有咩想知都可以係度留言，總有師兄答到大家既

上回講到靚靚的作品，有可能大家覺得對奕味道唔夠濃，又或者想繼續搵搵靚靚配件的桌遊，以下呢隻，就會好啱大家了



花磚物語 AZUL，基本上所有推坑都會介紹的大熱作品，二手區都是頗為吸睛的桌遊。遊戲無文字需求，中文版會較貴，英文版現時Amazon減緊價，大約二百幾蚊。遊戲支援人數為2－4人，玩落4人都頗不錯的桌遊，教學時間大約十分鐘，而遊戲時間大約為1小時。根據BGG的評分，遊戲複雜程度是1.76／5。





遊戲的流程基本上是玩家輪流在公家的磚碟上或廢置區上拿取一款磚，再拼貼到自己的版圖左邊位置，每行只可以擺一款，多餘的會跌落扣分區。當填滿左邊的其中一行，在該輪結束就會在右邊同行的磚池獲得該款花磚，然後計算分數。遊戲會不斷進行，直行其中一位玩家在磚池完成任何一個橫排。



遊戲精彩好玩的地方當然就係靚靚兼有質感的配件啦，非常igable，吸引男女老幼的眼球，完全打破桌遊的刻版印象。另外，遊戲亦考慮玩家拿取花磚的策略，需要適時評估其他玩家的策略，再決定自己的拿磚次序，並考慮會不會下鋪搶頭位起步。假若左邊的版圖某行未能填滿，就唔可以在該行放置其他款式的花磚，令行動受阻。同時，在二人遊戲互動性高，特別容易發生對手拎得太多花磚或無法放置，逼於無奈要扣分。

不過要留意，呢副棋可能未必適合唔想計數的玩家。遊戲的感覺少許玩落似數獨，過程又要計算每個行為的分數，再評估探用哪一個方案，可能玩完會嚇怕部分玩家 同時，扣分的機制扣減的分數都唔少，有可能會加深較弱玩家的無力感 所以，大家玩的時間，記緊要輕手，在推坑的建國大業完成前，萬忍成金

購買攻略：如大家對花磚系列有興趣，現在已出到第四集，遊戲的玩法迂有所改變，所以各位可以參考review繼續購買，不是集集都適合的。

仲有一副得意桌遊，下回繼續。