短篇sweet（間中有咸）故合集（6）
Bottas（已硬）
928 回覆
59 Like
1 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁
咁仲唔出文?
之後啲短故都係開獨立post算了
迫人follow你
喺合集 post 追 post 幾好喎
利申：用兩日由 1 追到 6
利申：用兩日由 1 追到 6
2日咁癲
人地寫一篇要兩個月
你兩日就追曬叫人情何以堪
你兩日就追曬叫人情何以堪
成日想睇完一個故就停
點知睇漏咗個完！字
搞到不停繼續睇下一個故
點知睇漏咗個完！字
搞到不停繼續睇下一個故
屌你咩意思。
@腩 點解你有咁多hater
我係真心 
文呢屌你
「俾暗戀對象見到我支按摩棒......」
1.
唔知大家係咪都同我一樣，有一個好鍾意擅自幫你執房嘅老母。明明已經講過無數次叫佢唔好摷我房啲嘢，但佢好似聽唔明咁，硬係要「好心」幫我「執整齊啲」，仲要連我隨手擺喺櫃桶啲化妝品呀、文具呀都唔放過。
其實摷亂我啲嘢都係其次。
最大嘅問題係，你成日失驚無神咁摷我啲嘢出嚟，我支按摩棒擺邊好呀？！
唔好誤會，我講緊嘅按摩棒唔係舒緩肌肉疲勞嗰啲按摩棒，而係「一秒高潮」、「令你達至快感巔峰」嘅「臉紅心跳啜啜旋轉蕉蕉G點按摩棒」。
萬一我媽咪摷摷下我啲嘢摷到支按摩棒咪大鑊？
不過好彩嘅係，雖然佢好鍾意搞我間房啲嘢，但我啲出街袋佢就完全冇興趣摷。
因為咁，我諗到一個收埋我支按摩棒嘅絕妙方法。
就係收埋喺其中一個出街袋度！如果要帶嗰個袋出街嘅話，就事先將支按摩棒轉移到另一個袋度。
只不過呢種方法有個壞處。
如果唔記得咗攞支按摩棒出嚟嘅話，就要帶埋佢出街喇。
就好似今日咁。
我今日要返學，但我遲咗起身，導致我因為太趕而直接攞起個袋就出門，完全醒唔起入面有我支按摩棒。
我係喺搭車嗰陣意識到呢件事嘅，不過我並冇放上心，因為同樣嘅事之前都發生過幾次。
其實帶埋出街都冇乜大不了嘅，都冇人會特登望我個袋入面有啲咩。
九點幾嗰陣，我氣喘吁吁咁趕到lecture hall。
推門入去之後我環視四周，然後不禁暗嘆：「今日真係好好彩！」
因為我係最遲入嚟嘅，驟眼睇呢刻嘅lecture hall只得最後排同最前排有空位，其他位都坐滿晒咁濟。
而我嘅目光落咗喺坐最後排嘅其中一個男仔度。
我之所以話自己好彩，就係因為佢。
因為佢隔離有個空位呀！！！
請注意，上面嗰句嘅重點唔係「有空位」，而係「佢隔離有空位」。
其實嗰個男仔係我嘅暗戀對象嚟。
好啦話係暗戀對象又好似太誇張，我只係對佢有少少少少好感啫。
我哋最初嘅交集係因為group project。分組嗰日佢咁啱坐我隔離，佢問我有冇組，要唔要一組，所以我哋就變咗groupmate。
本身我對佢冇嘢嘅，但係傾project嗰陣聽佢講嘢覺得佢呢個人好似幾聰明咁，幾欣賞佢，再加上佢樣又唔錯，於是我就對佢有咗啲啲啲啲好感。
平時除咗傾project都冇乜機會同佢相處，呢刻見佢隔離有空位，仲要冇其他groupmate喺附近，我不假思索咁行埋去。
睄到有人行近，佢望咗我一眼。
佢認得我，對我笑咗一笑。
我都笑咗笑，然後坐低咗。
「咁遲嘅你。」喺我打開個袋摷部notebook出嚟嗰陣，佢隨口問咗我一句。
「係呀瞓過龍......」我有啲唔好意思咁講。
意外就喺呢個時候發生咗。
唔知係我動作太大定點，喺我攞部notebook出嚟嘅時候，竟然連我支「臉紅心跳啜啜旋轉蕉蕉G點按摩棒」都飛埋出嚟。
粉紅色嘅蕉狀物「啪」一聲咁跌咗落地。
成件事太突然，喺支嘢飛出嚟嗰下，我個腦已經即刻hang咗機。
支嘢飛出嚟不突止，跌落地嗰陣仲hi到個開關，導致佢開始喺地面歡快咁跳動。
我屌......
我有種就嚟羞恥到暈低嘅感覺。
我嘅暗戀對象反應比我快好多。支嘢跌咗落地兩秒都冇佢就即刻烏低身幫我執返，仲好有手尾咁幫我熄返個開關先遞返俾我。
接過按摩棒之後我尷尬到連唔該都冇講，只係匆匆將支嘢塞返落袋。
佢同我一樣咁尷尬。我睄到佢唔自在咁抬手摸咗摸自己個鼻。
突然，佢好似諗到啲咩咁，摸鼻嘅動作一僵。
佢摸鼻係用右手，頭先幫我執支按摩棒都係用右手執。
見佢咁樣，我爭啲就衝口而出：「我有洗㗎！」
冷靜。冷靜。
我極力控制自己唔好因為慌亂而做出更多柒事。
不過，睇嚟我呢段短暫嘅暗戀已經可以宣告終結......
1.
唔知大家係咪都同我一樣，有一個好鍾意擅自幫你執房嘅老母。明明已經講過無數次叫佢唔好摷我房啲嘢，但佢好似聽唔明咁，硬係要「好心」幫我「執整齊啲」，仲要連我隨手擺喺櫃桶啲化妝品呀、文具呀都唔放過。
其實摷亂我啲嘢都係其次。
最大嘅問題係，你成日失驚無神咁摷我啲嘢出嚟，我支按摩棒擺邊好呀？！
唔好誤會，我講緊嘅按摩棒唔係舒緩肌肉疲勞嗰啲按摩棒，而係「一秒高潮」、「令你達至快感巔峰」嘅「臉紅心跳啜啜旋轉蕉蕉G點按摩棒」。
萬一我媽咪摷摷下我啲嘢摷到支按摩棒咪大鑊？
不過好彩嘅係，雖然佢好鍾意搞我間房啲嘢，但我啲出街袋佢就完全冇興趣摷。
因為咁，我諗到一個收埋我支按摩棒嘅絕妙方法。
就係收埋喺其中一個出街袋度！如果要帶嗰個袋出街嘅話，就事先將支按摩棒轉移到另一個袋度。
只不過呢種方法有個壞處。
如果唔記得咗攞支按摩棒出嚟嘅話，就要帶埋佢出街喇。
就好似今日咁。
我今日要返學，但我遲咗起身，導致我因為太趕而直接攞起個袋就出門，完全醒唔起入面有我支按摩棒。
我係喺搭車嗰陣意識到呢件事嘅，不過我並冇放上心，因為同樣嘅事之前都發生過幾次。
其實帶埋出街都冇乜大不了嘅，都冇人會特登望我個袋入面有啲咩。
九點幾嗰陣，我氣喘吁吁咁趕到lecture hall。
推門入去之後我環視四周，然後不禁暗嘆：「今日真係好好彩！」
因為我係最遲入嚟嘅，驟眼睇呢刻嘅lecture hall只得最後排同最前排有空位，其他位都坐滿晒咁濟。
而我嘅目光落咗喺坐最後排嘅其中一個男仔度。
我之所以話自己好彩，就係因為佢。
因為佢隔離有個空位呀！！！
請注意，上面嗰句嘅重點唔係「有空位」，而係「佢隔離有空位」。
其實嗰個男仔係我嘅暗戀對象嚟。
好啦話係暗戀對象又好似太誇張，我只係對佢有少少少少好感啫。
我哋最初嘅交集係因為group project。分組嗰日佢咁啱坐我隔離，佢問我有冇組，要唔要一組，所以我哋就變咗groupmate。
本身我對佢冇嘢嘅，但係傾project嗰陣聽佢講嘢覺得佢呢個人好似幾聰明咁，幾欣賞佢，再加上佢樣又唔錯，於是我就對佢有咗啲啲啲啲好感。
平時除咗傾project都冇乜機會同佢相處，呢刻見佢隔離有空位，仲要冇其他groupmate喺附近，我不假思索咁行埋去。
睄到有人行近，佢望咗我一眼。
佢認得我，對我笑咗一笑。
我都笑咗笑，然後坐低咗。
「咁遲嘅你。」喺我打開個袋摷部notebook出嚟嗰陣，佢隨口問咗我一句。
「係呀瞓過龍......」我有啲唔好意思咁講。
意外就喺呢個時候發生咗。
唔知係我動作太大定點，喺我攞部notebook出嚟嘅時候，竟然連我支「臉紅心跳啜啜旋轉蕉蕉G點按摩棒」都飛埋出嚟。
粉紅色嘅蕉狀物「啪」一聲咁跌咗落地。
成件事太突然，喺支嘢飛出嚟嗰下，我個腦已經即刻hang咗機。
支嘢飛出嚟不突止，跌落地嗰陣仲hi到個開關，導致佢開始喺地面歡快咁跳動。
我屌......
我有種就嚟羞恥到暈低嘅感覺。
我嘅暗戀對象反應比我快好多。支嘢跌咗落地兩秒都冇佢就即刻烏低身幫我執返，仲好有手尾咁幫我熄返個開關先遞返俾我。
接過按摩棒之後我尷尬到連唔該都冇講，只係匆匆將支嘢塞返落袋。
佢同我一樣咁尷尬。我睄到佢唔自在咁抬手摸咗摸自己個鼻。
突然，佢好似諗到啲咩咁，摸鼻嘅動作一僵。
佢摸鼻係用右手，頭先幫我執支按摩棒都係用右手執。
見佢咁樣，我爭啲就衝口而出：「我有洗㗎！」
冷靜。冷靜。
我極力控制自己唔好因為慌亂而做出更多柒事。
不過，睇嚟我呢段短暫嘅暗戀已經可以宣告終結......
快啲同男主即場試
等文中
2.
今堂剩低嘅時間入面，我同我（前）暗戀對象都過得好辛苦。
因為成件事太柒，一開始我係有諗過好唔好即刻起身走人，但又覺得咁樣仲衰。始終我哋係groupmate，之後都會無可避免咁繼續有交集，避得一時避唔到一世。諗到呢度，我就抑壓咗自己執嘢走人嘅衝動。
為咗緩解尷尬，我哋兩個成堂都喺度扮冇嘢咁同對方討論課堂內容，隻字不提頭先發生嘅事。
其實佢真係幾好人，對我嘅態度都仲係溫溫柔柔咁，唔會令人覺得有絲毫嘅唔舒服。不過我硬係覺得佢溫和嘅面具底下其實掩藏住對我嘅鄙視。
但我冇得怨。帶按摩棒出街呢個行為真係好難唔俾人當係怪人⋯⋯所以就算佢因為今日呢件事從此對我投下怪異嘅目光，我都唔會怪佢。
而家望就望佢唔係嗰啲會將人哋啲柒事周圍唱嘅人⋯⋯
好唔容易咁捱到中午十二點，Lecturer終於都宣布落堂。我禮貌上同前暗戀對象講咗聲「byebye」，然後就急急腳咁執嘢逃離lecture hall。
我今日已經冇其他堂要上，但我仲未可以離開學校，因為我哋group之前約咗今日落堂之後傾project。
為咗俾時間大家去食lunch先，我哋約定嘅時間係一點半。我唔係好肚餓，所以決定去二樓cafe買咗個三文治當lunch就算。食完之後，我喺cafe坐咗一個鐘，坐到就嚟一點半先起身前往四樓。
四樓嘅common area有好多檯櫈，我同啲groupmate就係約咗喺度傾project。不過我應該係最早到嗰個，因為我到咗四樓之後完全見唔到其他groupmate嘅身影。
我求其搵咗張檯坐低等佢哋。等待嘅過程中，我一直擔心萬一Ryan（我前暗戀對象）係第二個到嘅話點算好。
我真係唔想再同佢獨處⋯⋯
好彩幾分鐘後，同組嘅另一個女仔就到咗。我如釋重負。
不過到傾分工嗰陣都係出事。
本身個project嘅分工係我自己負責一part，但傾傾下佢哋話我嗰part有啲複雜，兩個人負責好啲，於是最後就無啦啦變咗我同Ryan一齊負責呢part。
喺其他groupmate叫Ryan同我一齊做同一part嗰陣，我好肯定我見到佢皺咗一下眉。
雖然佢嘅表情好快就恢復正常，但就咁啱俾我捕捉到佢皺眉嗰一刻。
仆街，都話佢心入面真係睇我唔起㗎啦⋯⋯
夜晚，玩具舖嘅店長喺whatsapp group度tag咗我同Alice，話聽日有新同事，叫我哋是但一個負責帶一帶佢。
Alice平時做嘢就慢吞吞咁，但一到呢啲關鍵時刻就反應好快，店長先send咗個message出嚟冇耐，佢就pm我：「你帶新人啦，你平時做嘢咁快手。」
都唔知做嘢快手同帶新人有咩關係⋯⋯
不過我冇表示反對，還掂呢份part time要做嘅嘢都只係啲手扳眼見功夫嚟，我諗同個新同事 講幾句佢就會識掛。
所以我覆咗佢：「ok」
本身店長話晏啲會加新同事入group，不過唔知佢係咪唔記得咗，直到第二日佢都係冇加到人入嚟。
第二日放學後，我馬不停蹄咁趕去返part time。
呢段時間我哋舖頭唔係好多客。咁啱今日有批新玩具返，於是我同Alice一齊執貨。
希望新同事快啲到幫手執貨⋯⋯我背對住舖頭門口，一邊將新嘅盲盒放喺門口嘅貨架上，一邊期待住新同事嘅到來。
過咗冇耐，一把男聲從我哋背後傳嚟：「Hello我係新嚟嘅同事呀。」我擰轉頭一望，只見一個高高哋嘅男仔企咗喺我哋後面。
我本身想開口打招呼，順便問下對方叫咩名，但一望清楚對方個樣之後，我就好似啞咗咁咩都講唔出口。
面前呢個人嘅容貌對我嚟講非常熟悉，因為我哋冇幾耐之前先見過。
點算原來我嘅新同事係Ryan！
我覺得有啲絕望。點解自從我喺佢面前柒過一鑊之後，我哋就多咗咁多交集咁嘅⋯⋯
見到我，Ryan似乎都有啲驚訝。唔止咁，雖然佢今次冇皺眉，但我仍然feel到佢驚訝嘅表情中仲帶有一絲嫌棄。
同我嘅僵硬唔同，Alice一見到Ryan就好似上晒電咁，雙眼發晒光、好主動咁撩佢講嘢：「Hello你叫咩名呀？我叫Alice呀！」
Ryan將視線從我身上移開：「我叫Ryan。」佢溫和咁笑咗笑。
之後Alice好熱情咁同Ryan介紹我哋嘅工作內容，仲拉住佢一齊執貨，完全唔記得咗自己前一晚已經將帶新同事嘅工作推咗俾我。
不過咁樣仲好。我鬆咗一口氣，走咗去執距離佢哋兩個最遠嗰個貨架，努力將自己嘅存在感縮到最細。
我從來未試過好似今日咁感激Alice。
今堂剩低嘅時間入面，我同我（前）暗戀對象都過得好辛苦。
因為成件事太柒，一開始我係有諗過好唔好即刻起身走人，但又覺得咁樣仲衰。始終我哋係groupmate，之後都會無可避免咁繼續有交集，避得一時避唔到一世。諗到呢度，我就抑壓咗自己執嘢走人嘅衝動。
為咗緩解尷尬，我哋兩個成堂都喺度扮冇嘢咁同對方討論課堂內容，隻字不提頭先發生嘅事。
其實佢真係幾好人，對我嘅態度都仲係溫溫柔柔咁，唔會令人覺得有絲毫嘅唔舒服。不過我硬係覺得佢溫和嘅面具底下其實掩藏住對我嘅鄙視。
但我冇得怨。帶按摩棒出街呢個行為真係好難唔俾人當係怪人⋯⋯所以就算佢因為今日呢件事從此對我投下怪異嘅目光，我都唔會怪佢。
而家望就望佢唔係嗰啲會將人哋啲柒事周圍唱嘅人⋯⋯
好唔容易咁捱到中午十二點，Lecturer終於都宣布落堂。我禮貌上同前暗戀對象講咗聲「byebye」，然後就急急腳咁執嘢逃離lecture hall。
我今日已經冇其他堂要上，但我仲未可以離開學校，因為我哋group之前約咗今日落堂之後傾project。
為咗俾時間大家去食lunch先，我哋約定嘅時間係一點半。我唔係好肚餓，所以決定去二樓cafe買咗個三文治當lunch就算。食完之後，我喺cafe坐咗一個鐘，坐到就嚟一點半先起身前往四樓。
四樓嘅common area有好多檯櫈，我同啲groupmate就係約咗喺度傾project。不過我應該係最早到嗰個，因為我到咗四樓之後完全見唔到其他groupmate嘅身影。
我求其搵咗張檯坐低等佢哋。等待嘅過程中，我一直擔心萬一Ryan（我前暗戀對象）係第二個到嘅話點算好。
我真係唔想再同佢獨處⋯⋯
好彩幾分鐘後，同組嘅另一個女仔就到咗。我如釋重負。
不過到傾分工嗰陣都係出事。
本身個project嘅分工係我自己負責一part，但傾傾下佢哋話我嗰part有啲複雜，兩個人負責好啲，於是最後就無啦啦變咗我同Ryan一齊負責呢part。
喺其他groupmate叫Ryan同我一齊做同一part嗰陣，我好肯定我見到佢皺咗一下眉。
雖然佢嘅表情好快就恢復正常，但就咁啱俾我捕捉到佢皺眉嗰一刻。
仆街，都話佢心入面真係睇我唔起㗎啦⋯⋯
夜晚，玩具舖嘅店長喺whatsapp group度tag咗我同Alice，話聽日有新同事，叫我哋是但一個負責帶一帶佢。
Alice平時做嘢就慢吞吞咁，但一到呢啲關鍵時刻就反應好快，店長先send咗個message出嚟冇耐，佢就pm我：「你帶新人啦，你平時做嘢咁快手。」
都唔知做嘢快手同帶新人有咩關係⋯⋯
不過我冇表示反對，還掂呢份part time要做嘅嘢都只係啲手扳眼見功夫嚟，我諗同個新同事 講幾句佢就會識掛。
所以我覆咗佢：「ok」
本身店長話晏啲會加新同事入group，不過唔知佢係咪唔記得咗，直到第二日佢都係冇加到人入嚟。
第二日放學後，我馬不停蹄咁趕去返part time。
呢段時間我哋舖頭唔係好多客。咁啱今日有批新玩具返，於是我同Alice一齊執貨。
希望新同事快啲到幫手執貨⋯⋯我背對住舖頭門口，一邊將新嘅盲盒放喺門口嘅貨架上，一邊期待住新同事嘅到來。
過咗冇耐，一把男聲從我哋背後傳嚟：「Hello我係新嚟嘅同事呀。」我擰轉頭一望，只見一個高高哋嘅男仔企咗喺我哋後面。
我本身想開口打招呼，順便問下對方叫咩名，但一望清楚對方個樣之後，我就好似啞咗咁咩都講唔出口。
面前呢個人嘅容貌對我嚟講非常熟悉，因為我哋冇幾耐之前先見過。
點算原來我嘅新同事係Ryan！
我覺得有啲絕望。點解自從我喺佢面前柒過一鑊之後，我哋就多咗咁多交集咁嘅⋯⋯
見到我，Ryan似乎都有啲驚訝。唔止咁，雖然佢今次冇皺眉，但我仍然feel到佢驚訝嘅表情中仲帶有一絲嫌棄。
同我嘅僵硬唔同，Alice一見到Ryan就好似上晒電咁，雙眼發晒光、好主動咁撩佢講嘢：「Hello你叫咩名呀？我叫Alice呀！」
Ryan將視線從我身上移開：「我叫Ryan。」佢溫和咁笑咗笑。
之後Alice好熱情咁同Ryan介紹我哋嘅工作內容，仲拉住佢一齊執貨，完全唔記得咗自己前一晚已經將帶新同事嘅工作推咗俾我。
不過咁樣仲好。我鬆咗一口氣，走咗去執距離佢哋兩個最遠嗰個貨架，努力將自己嘅存在感縮到最細。
我從來未試過好似今日咁感激Alice。
終於有文
牙腩出文速度 你唔好奢望啲乜
3.
就係咁，我而家無論係返學定返part time都會見到Ryan，不過我哋並冇因為咁而變熟。因為每次一見到佢我就會覺得好羞恥，然後就係咁避開佢。
結果我同佢最多交流嘅時候只有喺傾project嗰陣，仲要只係用WhatsApp打字傾。
返學嘅時候多數係Ryan早過我到lecture hall。自從按摩棒單嘢之後，我已經養成咗一個習慣，就係入去之後首先掃視成間房睇下Ryan坐咗喺邊先，然後再揀個離佢最遠嘅位置坐低。
呢刻都唔例外。
一入lecture hall，我就好輕易咁喺一堆背影中認出咗Ryan嘅身影。今日佢坐得有啲前。
咁睇嚟我唯有坐後啲——仆街佢無啦啦擰轉頭望咗過嚟！
於是我唔小心同Ryan離遠對視咗。
我嘅動作僵咗一僵，隨即強作鎮定咁繼繼掃視全場扮晒睇佢唔到，然後嗱嗱臨喺後排求其揀咗個位嚟坐。
我唔知Ryan見唔見到我，不過我眼尾睄到佢好快就擰返轉頭同坐佢隔離嘅人講嘢。
好彩嘅係，雖然我同Ryan而家係返同一份partime，但其實返工嗰陣我哋都唔多單獨交流，主要都係Alice搵我哋兩個講嘢。
今日舖頭好少客，我哋三個又企咗喺收銀附近吹水。
「嘩你哋睇下。」Alice㩒㩒下電話無啦啦講，然後將佢部電話遞咗俾我哋睇。
電話入面係一個dcard嘅post，內容係樓主話自己嘅sex toy俾屋企人發現咗，問大家點算好。
「買埋晒呢啲嘢返屋企勁奇怪囉。」Alice表情厭惡咁講。
我窒咗一窒，下意識抬頭望向Ryan，咁啱佢都望咗過嚟。
我即刻耷低頭。
之後我同Ryan不約而同咁一直冇出聲，得Alice仲喋喋不休咁講緊。不過我已經一隻字都聽唔入耳。
點解偏偏係喺Ryan面前⋯⋯我而家淨係feel到自己塊面好似着火咁，熱到有啲灼痛感，就好似Alice指責緊嘅對象係我咁。
正當我坐立不安嘅時候，我睄到有個客入咗嚟。
「Hello想搵咩呀？」我就好似遇到救星一樣，即刻行咗過去。
之後嗰幾個鐘入面，我個腦一直都諗住頭先Alice講嘅嘢。執貨嗰陣我仲有啲心不在焉，爭啲整跌晒啲嘢。最後之所以冇事都係因為有Ryan幫手扶一扶住。
收工嗰陣，我如常行去巴士站嘅方向，諗住搭車返屋企。Ryan跟咗喺我隔離，同我行同一個方向。
「我都行呢邊。」佢講。
我覺得有啲奇怪，因為佢平時係行另一邊。
「做乜今日行呢邊嘅？」我隨口問咗一句。
「約咗friend呀。」佢答。
「哦⋯⋯」
之後我哋就deadair咗。
沉默咁行咗幾步之後，佢突然開口：「其實你唔使理Alice頭先講嘅嘢。」
我呆咗一呆，冇諗到佢會講呢個話題。
見我冇出聲，佢又繼續講：「我唔覺得你有咩問題。」
佢呢句嚟得好突然，又冇前文後理，但我已經get到佢想講咩。
「真係咩，明明你咁嫌棄我。」我耷低頭繼續行。
「吓？」Ryan嘅語氣好疑惑：「我邊有⋯⋯」
「你有囉。」我抬頭，逐樣數返俾佢聽：「之前傾group project，啲人叫你同我做同一part嗰陣我見到你皺眉； 跟著你第一日嚟返part time見到我嗰陣個樣又勁嫌棄。」
「⋯⋯」佢好似冇expect我真係會數到俾佢聽，個樣有啲無奈。
然後佢開始反駁：「我一開始返工見到你嗰陣個樣一定唔係嫌棄囉，最多只係驚訝；皺眉就仲誇張，我根本完全冇印象，就算有皺眉都一定唔係因為你，我嗰陣應該只係諗緊group project啲嘢⋯⋯」
我用懷疑嘅目光望向佢，但其實我內心已經好快信咗。
「等陣先，所以你就係因為咁先至成日避開我？因為覺得我嫌棄你？」Ryan嘅表情帶點難以置信。
嘩，乜原來佢feel到。
等我仲以為自己嘅行為唔係好明顯添。
面對佢嘅質問，我心虛咁移開目光。
「不過你真係唔會覺得我好奇怪咩。」之後我又忍唔住問。
我本身以為佢會安慰我話唔會，點知佢話：「嗱咁老實講，帶埋返學又真係癲咗少少⋯⋯」
我塊面有啲熱：「唔係我想㗎！」
之後我話咗俾佢聽我帶支按摩棒出街嘅前因後果。
Ryan好唔俾面咁大笑咗：「你真係好搞笑。」
佢笑到咁開心，搞到我有啲尷尬。
「你唔好再笑。」
「ok，」佢終於收起笑容：「不過認真，有需要係好正常，你唔使咁介懷。」
我唔好意思咁對佢笑咗笑。
「既然誤會都解開咗，咁聽日開始上堂嗰陣係咪可以坐返埋一齊呢？」佢又講。
「好啦。」我好爽快咁應承咗。
呢個時候我哋已經行到巴士站。
我望一望電話入面個九巴app，發現我架車仲有一分鐘就到。
「我架車就嚟到喇，你搭咩車呀？」我問Ryan。
「我唔使搭車呀。」佢話。
「吓？你又話約咗friend嘅？」我有啲困惑：「定你哋約咗喺度等？」
「其實我冇約friend。」佢笑咗一笑。
「吓？即係點？」我一時之間load唔到佢咁樣講係咩意思。
呢個時候，我架車到咗。
「Byebye喇。」Ryan直接無視咗我嘅問題：「聽日見，等我聽朝幫你霸個靚位啦。」唔知係咪我嘅錯覺，佢笑得有啲古惑。
之後未等我反應過嚟，佢就已經轉身走咗，行嘅竟然係我哋頭先過嚟嗰個方向。
我不解咁望咗佢嘅背影好幾秒，直到臨上車先至恍然大悟。
睇嚟我呢段暗戀可以死灰復燃！
就係咁，我而家無論係返學定返part time都會見到Ryan，不過我哋並冇因為咁而變熟。因為每次一見到佢我就會覺得好羞恥，然後就係咁避開佢。
結果我同佢最多交流嘅時候只有喺傾project嗰陣，仲要只係用WhatsApp打字傾。
返學嘅時候多數係Ryan早過我到lecture hall。自從按摩棒單嘢之後，我已經養成咗一個習慣，就係入去之後首先掃視成間房睇下Ryan坐咗喺邊先，然後再揀個離佢最遠嘅位置坐低。
呢刻都唔例外。
一入lecture hall，我就好輕易咁喺一堆背影中認出咗Ryan嘅身影。今日佢坐得有啲前。
咁睇嚟我唯有坐後啲——仆街佢無啦啦擰轉頭望咗過嚟！
於是我唔小心同Ryan離遠對視咗。
我嘅動作僵咗一僵，隨即強作鎮定咁繼繼掃視全場扮晒睇佢唔到，然後嗱嗱臨喺後排求其揀咗個位嚟坐。
我唔知Ryan見唔見到我，不過我眼尾睄到佢好快就擰返轉頭同坐佢隔離嘅人講嘢。
好彩嘅係，雖然我同Ryan而家係返同一份partime，但其實返工嗰陣我哋都唔多單獨交流，主要都係Alice搵我哋兩個講嘢。
今日舖頭好少客，我哋三個又企咗喺收銀附近吹水。
「嘩你哋睇下。」Alice㩒㩒下電話無啦啦講，然後將佢部電話遞咗俾我哋睇。
電話入面係一個dcard嘅post，內容係樓主話自己嘅sex toy俾屋企人發現咗，問大家點算好。
「買埋晒呢啲嘢返屋企勁奇怪囉。」Alice表情厭惡咁講。
我窒咗一窒，下意識抬頭望向Ryan，咁啱佢都望咗過嚟。
我即刻耷低頭。
之後我同Ryan不約而同咁一直冇出聲，得Alice仲喋喋不休咁講緊。不過我已經一隻字都聽唔入耳。
點解偏偏係喺Ryan面前⋯⋯我而家淨係feel到自己塊面好似着火咁，熱到有啲灼痛感，就好似Alice指責緊嘅對象係我咁。
正當我坐立不安嘅時候，我睄到有個客入咗嚟。
「Hello想搵咩呀？」我就好似遇到救星一樣，即刻行咗過去。
之後嗰幾個鐘入面，我個腦一直都諗住頭先Alice講嘅嘢。執貨嗰陣我仲有啲心不在焉，爭啲整跌晒啲嘢。最後之所以冇事都係因為有Ryan幫手扶一扶住。
收工嗰陣，我如常行去巴士站嘅方向，諗住搭車返屋企。Ryan跟咗喺我隔離，同我行同一個方向。
「我都行呢邊。」佢講。
我覺得有啲奇怪，因為佢平時係行另一邊。
「做乜今日行呢邊嘅？」我隨口問咗一句。
「約咗friend呀。」佢答。
「哦⋯⋯」
之後我哋就deadair咗。
沉默咁行咗幾步之後，佢突然開口：「其實你唔使理Alice頭先講嘅嘢。」
我呆咗一呆，冇諗到佢會講呢個話題。
見我冇出聲，佢又繼續講：「我唔覺得你有咩問題。」
佢呢句嚟得好突然，又冇前文後理，但我已經get到佢想講咩。
「真係咩，明明你咁嫌棄我。」我耷低頭繼續行。
「吓？」Ryan嘅語氣好疑惑：「我邊有⋯⋯」
「你有囉。」我抬頭，逐樣數返俾佢聽：「之前傾group project，啲人叫你同我做同一part嗰陣我見到你皺眉； 跟著你第一日嚟返part time見到我嗰陣個樣又勁嫌棄。」
「⋯⋯」佢好似冇expect我真係會數到俾佢聽，個樣有啲無奈。
然後佢開始反駁：「我一開始返工見到你嗰陣個樣一定唔係嫌棄囉，最多只係驚訝；皺眉就仲誇張，我根本完全冇印象，就算有皺眉都一定唔係因為你，我嗰陣應該只係諗緊group project啲嘢⋯⋯」
我用懷疑嘅目光望向佢，但其實我內心已經好快信咗。
「等陣先，所以你就係因為咁先至成日避開我？因為覺得我嫌棄你？」Ryan嘅表情帶點難以置信。
嘩，乜原來佢feel到。
等我仲以為自己嘅行為唔係好明顯添。
面對佢嘅質問，我心虛咁移開目光。
「不過你真係唔會覺得我好奇怪咩。」之後我又忍唔住問。
我本身以為佢會安慰我話唔會，點知佢話：「嗱咁老實講，帶埋返學又真係癲咗少少⋯⋯」
我塊面有啲熱：「唔係我想㗎！」
之後我話咗俾佢聽我帶支按摩棒出街嘅前因後果。
Ryan好唔俾面咁大笑咗：「你真係好搞笑。」
佢笑到咁開心，搞到我有啲尷尬。
「你唔好再笑。」
「ok，」佢終於收起笑容：「不過認真，有需要係好正常，你唔使咁介懷。」
我唔好意思咁對佢笑咗笑。
「既然誤會都解開咗，咁聽日開始上堂嗰陣係咪可以坐返埋一齊呢？」佢又講。
「好啦。」我好爽快咁應承咗。
呢個時候我哋已經行到巴士站。
我望一望電話入面個九巴app，發現我架車仲有一分鐘就到。
「我架車就嚟到喇，你搭咩車呀？」我問Ryan。
「我唔使搭車呀。」佢話。
「吓？你又話約咗friend嘅？」我有啲困惑：「定你哋約咗喺度等？」
「其實我冇約friend。」佢笑咗一笑。
「吓？即係點？」我一時之間load唔到佢咁樣講係咩意思。
呢個時候，我架車到咗。
「Byebye喇。」Ryan直接無視咗我嘅問題：「聽日見，等我聽朝幫你霸個靚位啦。」唔知係咪我嘅錯覺，佢笑得有啲古惑。
之後未等我反應過嚟，佢就已經轉身走咗，行嘅竟然係我哋頭先過嚟嗰個方向。
我不解咁望咗佢嘅背影好幾秒，直到臨上車先至恍然大悟。
睇嚟我呢段暗戀可以死灰復燃！
完！
會唔會太快完
完你老 …
?????