短篇sweet（間中有咸）故合集（6）
Bottas（已硬）
928 回覆
59 Like
1 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁
如果我失憶醒返發現有靚仔男朋友 一定忍唔住做痴漢
你咪癡漢咗讀者一次囉...
有文啊！！！！！
又鞭屍
印象深刻
我會感激以前嘅自己
腩，最近還好嗎？
腩有我哋
頂住呀
失眠諗起腩啲文 一野追翻呢幾個月未睇嗰啲 腩啲文好正
腩保重啊
腩保重啊
2.
我真係點都估唔到自己有朝一日會好似電視劇女主角咁失憶。
醫生話我有腦震盪，所以失去咗部分記憶。
同時，佢亦提到呢個狀況只會係暫時嘅，即係話將來我會回復返記憶。
呢個消息對我阿爸阿媽嚟講好難接受，佢哋聽完之後一直愁眉苦臉咁。
最冷靜嘅反而係俾我遺忘咗嘅男朋友。
我將阿爸阿媽打發走，只留低我呢個靚仔男朋友。
「你......真係我男朋友？」我望住佢問。
佢微微點咗點頭，我冇辦法從佢嘅表情睇出佢而家嘅心情。
但我諗佢一定勁唔好受。
「我哋點一齊㗎？」我有啲好奇。
「你追我。」都合理嘅。
「點追㗎？」我追問。
「我大學嗰陣喺一間韓燒餐廳返part time，有一次你嚟食飯見到我，自此之後你就成日都過嚟食，借啲意𥄫我，後尾問我攞埋電話。」佢一邊講一邊嘴角上揚，陷入咗回憶。
聽落都似係我會做嘅嘢……
喺我住院嘅呢段期間，佢都有再簡單同我講下我哋嘅背景。
原來我哋已經一齊咗五年，甚至已經到咗談婚論嫁嘅地步。
睇嚟我同佢都經歷咗幾多嘢。
但係我真係唔記得晒。
直到而家我都係有啲唔敢相信一個咁靚仔嘅人竟然會係我男朋友。
好正呀……
我成日都喺佢唔為意嗰陣星星眼咁望住佢。
男朋友嚟探我嚟得好頻密，但完全冇俾壓力我，就好似一個普通朋友咁同我相處。佢份人又體貼幽默，間唔中都會同我講下我哋以前發生過嘅趣事。
呢個男人實在太完美……
我就係咁樣陷入咗佢嘅溫柔當中，直至有一日突然醒覺。
弊！
再咁樣落去我哋會唔會真係變普通朋友？！
因為我哋嘅相處真係零曖昧。
唔可以俾呢件事發生！
我開始變得警覺起嚟。
出院嘅手續主要都係我男朋友幫手搞。
「我哋本來係一齊住嘅，但而家你失憶，要你繼續同我住都係強人所難，你可以返去你阿爸阿媽嗰邊先。」佢講。
「唔使啦！」佢講嘅嘢好合理，但一諗到我哋可能面臨嘅感情危機，我就不禁衝口而出。
佢有少少愕然咁望住我。
哎呀，點樣同佢解釋好？
唔通照直同佢講話我雖然唔記得咗佢，但已經對佢見色起意，所以好想跟佢返去住？
佢一定會當我怪人……
「Err……你冇聽醫生講咩？」我嘅大腦高速運轉，「佢話留喺自己熟悉嘅環境會對恢復記憶有幫助吖嘛。我同你呢幾年都係一齊住，自然對我哋屋企最熟悉啦。」
佢諗咗一陣，然後對我微笑。
「咁好啦。」
計劃通！
我真係點都估唔到自己有朝一日會好似電視劇女主角咁失憶。
醫生話我有腦震盪，所以失去咗部分記憶。
同時，佢亦提到呢個狀況只會係暫時嘅，即係話將來我會回復返記憶。
呢個消息對我阿爸阿媽嚟講好難接受，佢哋聽完之後一直愁眉苦臉咁。
最冷靜嘅反而係俾我遺忘咗嘅男朋友。
我將阿爸阿媽打發走，只留低我呢個靚仔男朋友。
「你......真係我男朋友？」我望住佢問。
佢微微點咗點頭，我冇辦法從佢嘅表情睇出佢而家嘅心情。
但我諗佢一定勁唔好受。
「我哋點一齊㗎？」我有啲好奇。
「你追我。」都合理嘅。
「點追㗎？」我追問。
「我大學嗰陣喺一間韓燒餐廳返part time，有一次你嚟食飯見到我，自此之後你就成日都過嚟食，借啲意𥄫我，後尾問我攞埋電話。」佢一邊講一邊嘴角上揚，陷入咗回憶。
聽落都似係我會做嘅嘢……
喺我住院嘅呢段期間，佢都有再簡單同我講下我哋嘅背景。
原來我哋已經一齊咗五年，甚至已經到咗談婚論嫁嘅地步。
睇嚟我同佢都經歷咗幾多嘢。
但係我真係唔記得晒。
直到而家我都係有啲唔敢相信一個咁靚仔嘅人竟然會係我男朋友。
好正呀……
我成日都喺佢唔為意嗰陣星星眼咁望住佢。
男朋友嚟探我嚟得好頻密，但完全冇俾壓力我，就好似一個普通朋友咁同我相處。佢份人又體貼幽默，間唔中都會同我講下我哋以前發生過嘅趣事。
呢個男人實在太完美……
我就係咁樣陷入咗佢嘅溫柔當中，直至有一日突然醒覺。
弊！
再咁樣落去我哋會唔會真係變普通朋友？！
因為我哋嘅相處真係零曖昧。
唔可以俾呢件事發生！
我開始變得警覺起嚟。
出院嘅手續主要都係我男朋友幫手搞。
「我哋本來係一齊住嘅，但而家你失憶，要你繼續同我住都係強人所難，你可以返去你阿爸阿媽嗰邊先。」佢講。
「唔使啦！」佢講嘅嘢好合理，但一諗到我哋可能面臨嘅感情危機，我就不禁衝口而出。
佢有少少愕然咁望住我。
哎呀，點樣同佢解釋好？
唔通照直同佢講話我雖然唔記得咗佢，但已經對佢見色起意，所以好想跟佢返去住？
佢一定會當我怪人……
「Err……你冇聽醫生講咩？」我嘅大腦高速運轉，「佢話留喺自己熟悉嘅環境會對恢復記憶有幫助吖嘛。我同你呢幾年都係一齊住，自然對我哋屋企最熟悉啦。」
佢諗咗一陣，然後對我微笑。
「咁好啦。」
計劃通！
呢篇故唔會有咩特別反轉 純粹覺得失憶女主對自己男朋友一見鍾情呢個設定好過癮
女主重新追翻男主
腩將自己食韓燒嘅ff搬出黎寫
靜啦
唔使追 本身就係男朋友