短篇sweet（間中有咸）故合集（6）
Bottas（已硬）
928 回覆
59 Like
1 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁
文呢？？？？
宵夜相呢?
冇
已戒宵夜
肥婆唔食宵夜
Hater又開工呀？
10.
「個女仔邊個嚟？」
「點解咁對我......」
「我哋重新開始吖......只要唔好有下一次，我可以當咩事都冇發生過。」
我喊住咁攬住我男朋友。
結果我就真係將一切都忘記咗。
原來喺佢面前，我可以變到咁卑微，卑微到甚至寧願忘記佢出軌嘅事實，都唔想同佢分手。
卑微到我都爭啲唔認得呢個自己。
不過，我好似仲唔記得咗另一樣好重要嘅嘢。
係啲乜嘢呢？
我嘗試回想，但乜都諗唔到。
冇理由㗎。
記憶嘅空白令我不知所措，突如其來嘅心慌意亂淹沒咗我。
我強迫自己諗返起，結果只係令自己個頭越嚟越痛。
成個世界彷彿寂靜咗一秒。
「陳家寧......」陌生嘅聲音喺我耳邊嘆息，悲傷而繾綣。
我莫名其妙咁覺得鼻酸。
「陳家寧，其實我好愛你，不過你唔會知。」
我唔明佢咩意思，佢講完我咪知道咗囉？
仲有，佢係邊個？
「你係邊個？」我問。
佢冇答我。
「我問你係邊個呀……」我追問。
唔知點解，我覺得呢個問題好重要。
對方一直沉默咁望住我。
佢嘅眼神太過深不見底。
我變得好恐慌，連呼吸都變得困難。
點解唔出聲？
我就好似一個獨自被困喺深海嘅人一樣，得唔到任何回應。
「你究竟係邊個！」我終於崩潰，一邊喊一邊大嗌。
我俾自己嘅喊聲驚醒咗。
原來我唔知幾時挨住書櫃瞓着咗，手上仲揸住其中一張即影即有相。
呢刻我仲未完全清醒，思考能力彷彿被抽走咗咁，淨係識得望住手上嘅相喺度喊。
手上嗰張相係我同張柏朗喺一個海灘上嘅合照。
我呆滯咗一陣，腦中閃過一個關鍵字。
水上電單車？
模糊嘅片段逐漸浮現。
係呀，我哋嗰陣去咗玩水上電單車。
因為驚得濟，我全程都瞇埋眼，塊面貼實張柏朗嘅背脊。
我唔係好記得其他細節，只記得張柏朗身上嗰陣令人感到安心嘅氣味，同埋佢笑我細膽嗰陣嘅無奈語氣。
呢一小塊回憶碎片好似打開咗某個缺口咁，隨後越嚟越清晰嘅記憶慢慢喺我腦海裏浮現。
呢種感覺好奇怪，就好似有人問我前一晚食咗咩，我第一下答唔出，但諗多陣就記得返咁。
我終於都諗返起。
我諗返起我同張柏朗喺酒吧相遇，佢彷彿只係隨意一望嘅眼神；諗返起喺便利店門口，見到我迫於無奈跟佢走之後，佢臉上露出嘅嗰個笑容；諗返起佢一次又一次不厭其煩咁話俾我聽佢叫咩名；諗返起佢叫我唔好走，留喺度……
等我回過神來，我先至發現自己早已淚流滿面。
張柏朗不斷重複經歷呢啲事嘅時候，究竟係抱住點樣嘅心情？
點解佢咁都要堅持落去？
我突然之間好掛住佢。
好想即刻見到佢。
好想話俾佢聽，佢以後唔使再孤獨咁承受晒所有嘢。
好想話俾佢聽，我有幾鍾意佢……
呢個時候，彷彿聽到我內心嘅呼喚，出面傳嚟咗開門嘅聲音。
聽到開門聲嗰下，我就好似一個喺沙漠行走已久，終於見到綠洲嘅旅人咁，拼命衝出房門。
因為動作太急，我仲爭啲仆低咗。
我一路跌跌撞撞咁跑到去門口，迎上張柏朗驚訝嘅目光。
「做咩事呀你？」佢不解咁問我。
我想回應佢，但一開口就不由自主咁哽咽。
「做咩呀……」張柏朗即刻放輕咗聲音，好似驚嚇親我咁。
佢溫柔嘅語氣令我更加忍唔住想喊嘅衝動。
我乜都冇講咁撲向佢懷內。
佢反應好快咁接住咗我。
「做咩事呀……」張柏朗攬到我好實，同時一下一下咁輕吻我臉側。
冷靜落嚟之後，我淚眼朦朧咁抬頭。
淚水模糊咗我嘅視線，我隱約見到張柏朗因為擔憂而皺起咗眉頭。
於是我對佢露出一個燦爛嘅笑容。
張柏朗嘅目光專注咁落喺我臉上。
我嘅內心千迴百轉。
我有好多嘢想講，但到咗最緊要嘅關頭卻唔知道應該點開口好。
對唔住，過咗咁耐先記返起你。
其實我都好愛你。
最終，所有嘅欲言又止都化成簡單嘅一句話。
「張柏朗……」我輕聲叫佢。
「嗯？」
「一周年快樂。」
「個女仔邊個嚟？」
「點解咁對我......」
「我哋重新開始吖......只要唔好有下一次，我可以當咩事都冇發生過。」
我喊住咁攬住我男朋友。
結果我就真係將一切都忘記咗。
原來喺佢面前，我可以變到咁卑微，卑微到甚至寧願忘記佢出軌嘅事實，都唔想同佢分手。
卑微到我都爭啲唔認得呢個自己。
不過，我好似仲唔記得咗另一樣好重要嘅嘢。
係啲乜嘢呢？
我嘗試回想，但乜都諗唔到。
冇理由㗎。
記憶嘅空白令我不知所措，突如其來嘅心慌意亂淹沒咗我。
我強迫自己諗返起，結果只係令自己個頭越嚟越痛。
成個世界彷彿寂靜咗一秒。
「陳家寧......」陌生嘅聲音喺我耳邊嘆息，悲傷而繾綣。
我莫名其妙咁覺得鼻酸。
「陳家寧，其實我好愛你，不過你唔會知。」
我唔明佢咩意思，佢講完我咪知道咗囉？
仲有，佢係邊個？
「你係邊個？」我問。
佢冇答我。
「我問你係邊個呀……」我追問。
唔知點解，我覺得呢個問題好重要。
對方一直沉默咁望住我。
佢嘅眼神太過深不見底。
我變得好恐慌，連呼吸都變得困難。
點解唔出聲？
我就好似一個獨自被困喺深海嘅人一樣，得唔到任何回應。
「你究竟係邊個！」我終於崩潰，一邊喊一邊大嗌。
我俾自己嘅喊聲驚醒咗。
原來我唔知幾時挨住書櫃瞓着咗，手上仲揸住其中一張即影即有相。
呢刻我仲未完全清醒，思考能力彷彿被抽走咗咁，淨係識得望住手上嘅相喺度喊。
手上嗰張相係我同張柏朗喺一個海灘上嘅合照。
我呆滯咗一陣，腦中閃過一個關鍵字。
水上電單車？
模糊嘅片段逐漸浮現。
係呀，我哋嗰陣去咗玩水上電單車。
因為驚得濟，我全程都瞇埋眼，塊面貼實張柏朗嘅背脊。
我唔係好記得其他細節，只記得張柏朗身上嗰陣令人感到安心嘅氣味，同埋佢笑我細膽嗰陣嘅無奈語氣。
呢一小塊回憶碎片好似打開咗某個缺口咁，隨後越嚟越清晰嘅記憶慢慢喺我腦海裏浮現。
呢種感覺好奇怪，就好似有人問我前一晚食咗咩，我第一下答唔出，但諗多陣就記得返咁。
我終於都諗返起。
我諗返起我同張柏朗喺酒吧相遇，佢彷彿只係隨意一望嘅眼神；諗返起喺便利店門口，見到我迫於無奈跟佢走之後，佢臉上露出嘅嗰個笑容；諗返起佢一次又一次不厭其煩咁話俾我聽佢叫咩名；諗返起佢叫我唔好走，留喺度……
等我回過神來，我先至發現自己早已淚流滿面。
張柏朗不斷重複經歷呢啲事嘅時候，究竟係抱住點樣嘅心情？
點解佢咁都要堅持落去？
我突然之間好掛住佢。
好想即刻見到佢。
好想話俾佢聽，佢以後唔使再孤獨咁承受晒所有嘢。
好想話俾佢聽，我有幾鍾意佢……
呢個時候，彷彿聽到我內心嘅呼喚，出面傳嚟咗開門嘅聲音。
聽到開門聲嗰下，我就好似一個喺沙漠行走已久，終於見到綠洲嘅旅人咁，拼命衝出房門。
因為動作太急，我仲爭啲仆低咗。
我一路跌跌撞撞咁跑到去門口，迎上張柏朗驚訝嘅目光。
「做咩事呀你？」佢不解咁問我。
我想回應佢，但一開口就不由自主咁哽咽。
「做咩呀……」張柏朗即刻放輕咗聲音，好似驚嚇親我咁。
佢溫柔嘅語氣令我更加忍唔住想喊嘅衝動。
我乜都冇講咁撲向佢懷內。
佢反應好快咁接住咗我。
「做咩事呀……」張柏朗攬到我好實，同時一下一下咁輕吻我臉側。
冷靜落嚟之後，我淚眼朦朧咁抬頭。
淚水模糊咗我嘅視線，我隱約見到張柏朗因為擔憂而皺起咗眉頭。
於是我對佢露出一個燦爛嘅笑容。
張柏朗嘅目光專注咁落喺我臉上。
我嘅內心千迴百轉。
我有好多嘢想講，但到咗最緊要嘅關頭卻唔知道應該點開口好。
對唔住，過咗咁耐先記返起你。
其實我都好愛你。
最終，所有嘅欲言又止都化成簡單嘅一句話。
「張柏朗……」我輕聲叫佢。
「嗯？」
「一周年快樂。」
完！！！
推文
我腩今次瘋狂更文再靚埋尾好正！
人係咪真係會咁樣失憶
你個名好啱男主角
次次睇呢啲都會介乎係想拍拖同唔想拍拖之間到真係拍拖就唔會淨係得啲sweet野㗎喇
好好睇呀！！！
多謝多謝
起碼sweet過冷靜現實冇咁美好
現實冇咁美好現實都唔一定差嘅
好睇
覺得月南月南進步咗好多
完sem復活係唔同啲