短篇sweet（間中有咸）故合集（6）
Bottas（已硬）
928 回覆
59 Like
1 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁
我正試圖忘記
唔會 最多夜啲
2.
之後嘅嗰個禮拜，我都特登喺差唔多嘅時間去我阿哥間酒吧，但一次都冇撞過嗰個男仔。
我呢個星期去酒吧嘅次數頻密到連我阿哥都覺得奇怪。
「又嚟？」佢講。「你咪日日飲酒咁癲啦。」然後佢就趕咗我走。
我唯有泄氣咁離開。
我諗，可能嗰個男仔只係咁啱嗰日經過先入嚟飲酒，佢應該唔會再嚟第二次。
於是之後我就冇再刻意嚟酒吧撞佢。
之後又過咗一個月，我內心嘅悸動隨住時間慢慢消散。
我呢個月都係喺忙碌中度過，好快就將一個月前嘅呢段小插曲遺忘咗。
呢一日，當我如常喺屋企埋頭寫文嘅時候，一個電話打斷咗我。
係Sharon，我嘅大學同學。
我停低咗手上打字嘅動作，㩒咗接聽。
「搞咩。」我直接問。
「你食咗晏未？」Sharon嘅聲音傳來。
佢好似喺街，因為我聽到電話嘅另一端有啲嘈。
「未呀，做咩？」其實我起咗身冇耐，一起身就開始打文未停過。
因為我琴日偷懶冇更到文，今日要補返兩篇（只係劇情嚟，我唔係真係補兩篇）。
我嘅回答正合佢意。
「啱喇，出嚟食放題啦！我哋本身有三個人，去到先發現間嘢四人同行一人免費。」為咗抵抗周圍環境嘅嘈雜，對方嘅聲音變得高亢。
其實我本身唔餓，但聽到佢講「放題」呢兩隻字之後，又突然覺得有啲餓。
「好啦。」我應承得好爽快。「你send地址俾我，我盡快過嚟。」然後我就收咗線。
一收線，Sharon就send咗間餐廳嘅地址俾我。
好彩離我都幾近。
嗱嗱臨食完返嚟，應該仲趕得切寫文嘅……我喺內心盤算。
幾個字之後，我到咗餐廳。
我入到去，一眼就望到Sharon。
「喂嚟喇？」Sharon勁興奮咁拉住我。
然後佢擰轉頭對同行嘅另外嗰兩個人開口：「呢個係我個friend，齊人我哋就可以入去坐喇。」
呢個時候，我先至順住佢嘅目光望向嗰兩個人。
我本身以為Sharon係同我識嘅人一齊食飯，點知原來另外兩個人我都係唔識嘅。
兩個都係男仔嚟。
不過我對呢啲嘢就冇乜所謂嘅，咪當係識多兩個friend囉。
Sharon可能都知我性格，所以先咁樣急call我出嚟湊人數。
但對我嚟講，而家嘅情況變得有啲唔同。
因為其中一個男仔就係我一個月前朝思暮想嘅喺酒吧遇見嘅男仔。
呢一刻個男仔望住我，而我捕捉到佢眼內嘅一絲驚訝之色。
賭乜都得，佢一定認得我！
我正諗得入神嘅時候，Sharon拉住咗我，跟住侍應行向其中一張檯。
於是我同個男仔嘅目光錯開。
我垂眼掩飾內心嘅情感，任由Sharon拉住我行。
而兩個男仔就跟喺我哋後面。
坐低之後，Sharon攞出電話scan檯上為咗俾客人落order而提供嘅qr code。
「嗌嘢食先！」佢講。
呢個時候嘅我勁肚餓，所以都攞出咗電話準備叫嘢食。
「Sorry呀，頭先臨時臨急就叫咗你出嚟。」叫完嘢食，Sharon先至有啲唔好意思咁講。
「唔緊要啦，還掂我都未食晏。」我表現得毫不在乎咁聳咗聳肩。
但其實呢個時候嘅我內心諗緊另一樣嘢。
做得好呀Sharon！！！
之後嘅嗰個禮拜，我都特登喺差唔多嘅時間去我阿哥間酒吧，但一次都冇撞過嗰個男仔。
我呢個星期去酒吧嘅次數頻密到連我阿哥都覺得奇怪。
「又嚟？」佢講。「你咪日日飲酒咁癲啦。」然後佢就趕咗我走。
我唯有泄氣咁離開。
我諗，可能嗰個男仔只係咁啱嗰日經過先入嚟飲酒，佢應該唔會再嚟第二次。
於是之後我就冇再刻意嚟酒吧撞佢。
之後又過咗一個月，我內心嘅悸動隨住時間慢慢消散。
我呢個月都係喺忙碌中度過，好快就將一個月前嘅呢段小插曲遺忘咗。
呢一日，當我如常喺屋企埋頭寫文嘅時候，一個電話打斷咗我。
係Sharon，我嘅大學同學。
我停低咗手上打字嘅動作，㩒咗接聽。
「搞咩。」我直接問。
「你食咗晏未？」Sharon嘅聲音傳來。
佢好似喺街，因為我聽到電話嘅另一端有啲嘈。
「未呀，做咩？」其實我起咗身冇耐，一起身就開始打文未停過。
因為我琴日偷懶冇更到文，今日要補返兩篇（只係劇情嚟，我唔係真係補兩篇）。
我嘅回答正合佢意。
「啱喇，出嚟食放題啦！我哋本身有三個人，去到先發現間嘢四人同行一人免費。」為咗抵抗周圍環境嘅嘈雜，對方嘅聲音變得高亢。
其實我本身唔餓，但聽到佢講「放題」呢兩隻字之後，又突然覺得有啲餓。
「好啦。」我應承得好爽快。「你send地址俾我，我盡快過嚟。」然後我就收咗線。
一收線，Sharon就send咗間餐廳嘅地址俾我。
好彩離我都幾近。
嗱嗱臨食完返嚟，應該仲趕得切寫文嘅……我喺內心盤算。
幾個字之後，我到咗餐廳。
我入到去，一眼就望到Sharon。
「喂嚟喇？」Sharon勁興奮咁拉住我。
然後佢擰轉頭對同行嘅另外嗰兩個人開口：「呢個係我個friend，齊人我哋就可以入去坐喇。」
呢個時候，我先至順住佢嘅目光望向嗰兩個人。
我本身以為Sharon係同我識嘅人一齊食飯，點知原來另外兩個人我都係唔識嘅。
兩個都係男仔嚟。
不過我對呢啲嘢就冇乜所謂嘅，咪當係識多兩個friend囉。
Sharon可能都知我性格，所以先咁樣急call我出嚟湊人數。
但對我嚟講，而家嘅情況變得有啲唔同。
因為其中一個男仔就係我一個月前朝思暮想嘅喺酒吧遇見嘅男仔。
呢一刻個男仔望住我，而我捕捉到佢眼內嘅一絲驚訝之色。
賭乜都得，佢一定認得我！
我正諗得入神嘅時候，Sharon拉住咗我，跟住侍應行向其中一張檯。
於是我同個男仔嘅目光錯開。
我垂眼掩飾內心嘅情感，任由Sharon拉住我行。
而兩個男仔就跟喺我哋後面。
坐低之後，Sharon攞出電話scan檯上為咗俾客人落order而提供嘅qr code。
「嗌嘢食先！」佢講。
呢個時候嘅我勁肚餓，所以都攞出咗電話準備叫嘢食。
「Sorry呀，頭先臨時臨急就叫咗你出嚟。」叫完嘢食，Sharon先至有啲唔好意思咁講。
「唔緊要啦，還掂我都未食晏。」我表現得毫不在乎咁聳咗聳肩。
但其實呢個時候嘅我內心諗緊另一樣嘢。
做得好呀Sharon！！！
牙腩驚到紅字澄清
費事你哋有美麗的誤會
一陣話冇2篇又屌我
一陣話冇2篇又屌我更兩篇咪唔係誤會囉
唔好了
段紅字
腩戴頭盔戴咁快
腩戴頭盔戴咁快
驚你哋ff
唔得 成件事十分尷尬 以後唔會再寫呢啲故
可能個男讀者都會想同月南hangout
求多次tg grp link 
腩又掛住食宵夜唔寫文？
0想
月南 今日有冇文
有
幾點
唔知
腩有文未？
有了
3.
食嘢嘅時候，我從Sharon同呢兩個男仔嘅對話中得知佢哋係打機識嘅。
酒吧嗰個男仔叫江睿銘，另一個男仔叫陳柏坤。
同佢哋傾咗陣偈，我就睇得出Sharon同陳柏坤之間有啲曖昧。
佢哋兩個成程都喺度打情罵俏，而我同江睿銘就好似兩個大型電燈膽咁旁觀。
我哋兩個全程不約而同咁保持沉默，低頭食嘢。
「去攞甜品先！」食到咁上下，Sharon起身。
呢度嘅甜品同嘢飲都係要出去攞嘅。
「肥到呢。」陳柏坤照舊寸佢。
「關你咩事啫。」Sharon怒啤佢，但佢嘅語氣完全冇任何怒意，反而似係撒嬌。
我忍唔住打咗個冷震，而江睿銘見到我嘅動作，偷笑咗一下，隨即又扮冇嘢咁低頭。
當然，陳柏坤好受落：「唉陪你出去攞囉。」
於是佢哋兩個就好順理成章咁一齊出咗去。
然後呢張檯就淨返我同江睿銘。
我哋首先係安靜咁對望咗幾秒，然後忍唔住一齊笑咗出嚟。
見氣氛咁好，我即刻把握機會同佢講嘢：「我哋兩個好似做咗電燈膽咁。」
「係。」佢答。「佢哋打機嗰陣都係咁㗎喇，我已經習慣咗。」佢苦笑。
睇嚟有關Sharon同陳柏坤嘅嘢就係打開話題嘅最好切入點。
我有啲猶豫，唔知應唔應該同佢提起之前喺酒吧遇見嘅事好。
我驚咁樣會好odd。
點知喺我猶豫緊嘅時候，江睿銘就自己主動提起。
「係呢，你呢排仲有冇去酒吧？」佢語氣好自然。
「有嘅，不過我好間唔中先去一次。」其實我一開始去得好頻密，但我驚俾佢察覺到我係特登去撞佢。
「我都有喎，不過我呢排係夜晚先得閒去。」佢講。
唔怪之得我次次都撞唔到佢啦！
我嗰陣完全冇諗過揀喺其他時間去酒吧撞佢……
我本身想繼續同佢講嘢，但呢個時候，Sharon同陳柏坤已經攞咗甜品返嚟。
於是我收咗聲，而江睿銘都重新低頭食嘢。
呢一刻我並唔急住進一步。
我知道佢哋三個開咗個打機group，而我係有玩嗰隻game嘅。我已經諗好咗，一陣返到去要叫Sharon加我入group一齊打機。
「食唔食？」呢個時候，Sharon遞咗碟芒果mousse俾我，我嘅思緒暫時被打斷。
「食！」
其實我頭先都想出去攞甜品，但因為想同江睿銘獨處先至冇跟埋佢哋出去。
而家睇返，我嘅決定係正確嘅。
雖然我哋唔係講咗好多嘢，但頭先嘅對話至少令我獲得咗一樣好重要嘅資訊：夜晚去酒吧就會撞到江睿銘！
好彩我應承出嚟食lunch啫。我一邊諗，一邊𢳂咗一大啖芒果mousse放入口。我嘅口腔內頓時被芒果嘅香氣填滿。香滑嘅mousse喺我舌尖上化開，口感細膩。
我忍唔住滿足咁瞇咗瞇眼。
不過我太陶醉，冇留意到對面嘅江睿銘已經將我啱啱所有舉動盡收眼底。
直到我擘大眼，唔小心對上佢嘅視線，先至知道佢見到晒。
我唔好意思咁耷低頭，沉默咁用叉拮起眼前淨返一細嚿嘅芒果mousse。
今次我勁留意自己嘅表情，終於冇再出醜。
食完放題，陳柏坤同Sharon一齊走，江睿銘話佢自己走。
而我就突然間想去附近買嘢。
「你哋知唔知附近邊度有得買芒果mousse？我諗住去買。」臨道別前我問佢哋。
頭先份芒果mousse好細碟，我食完之後覺得根本唔夠喉。
「我知道邊度有得買。」頭先一直冇乜講嘢嘅江睿銘開口。
「係咪我哋之前買過生日蛋糕嗰間呀？嗰間啲蛋糕幾好食。」陳柏坤搭嗲。
江睿銘點頭。
「真係㗎？喺邊？」我雙眼發光咁望住佢哋。
江睿銘講咗間舖頭嘅名俾我聽。
然後我攞咗部電話出嚟search地址。間嘢唔係好遠，我平時都有經過嗰邊。
正當我打算講「唔該」然後道別嘅時候，我突然靈光一閃。
於是我夾硬將就嚟脫口而出嘅「唔該」吞咗落肚。
「……應該點行㗎？我冇去開嗰邊，唔係好知點去……」我擺出一副苦惱嘅表情。
「一係我帶你去？還掂我都得閒。」江睿銘好自然咁接上。
我內心頓時狂笑不止。
本身仲諗緊點樣講多幾句引導佢添。
「好呀唔該。」我即刻好有禮貌咁答，生怕佢反悔。
「唔使，我都順路嘅。」佢對我微笑。
實在太順利喇！
食嘢嘅時候，我從Sharon同呢兩個男仔嘅對話中得知佢哋係打機識嘅。
酒吧嗰個男仔叫江睿銘，另一個男仔叫陳柏坤。
同佢哋傾咗陣偈，我就睇得出Sharon同陳柏坤之間有啲曖昧。
佢哋兩個成程都喺度打情罵俏，而我同江睿銘就好似兩個大型電燈膽咁旁觀。
我哋兩個全程不約而同咁保持沉默，低頭食嘢。
「去攞甜品先！」食到咁上下，Sharon起身。
呢度嘅甜品同嘢飲都係要出去攞嘅。
「肥到呢。」陳柏坤照舊寸佢。
「關你咩事啫。」Sharon怒啤佢，但佢嘅語氣完全冇任何怒意，反而似係撒嬌。
我忍唔住打咗個冷震，而江睿銘見到我嘅動作，偷笑咗一下，隨即又扮冇嘢咁低頭。
當然，陳柏坤好受落：「唉陪你出去攞囉。」
於是佢哋兩個就好順理成章咁一齊出咗去。
然後呢張檯就淨返我同江睿銘。
我哋首先係安靜咁對望咗幾秒，然後忍唔住一齊笑咗出嚟。
見氣氛咁好，我即刻把握機會同佢講嘢：「我哋兩個好似做咗電燈膽咁。」
「係。」佢答。「佢哋打機嗰陣都係咁㗎喇，我已經習慣咗。」佢苦笑。
睇嚟有關Sharon同陳柏坤嘅嘢就係打開話題嘅最好切入點。
我有啲猶豫，唔知應唔應該同佢提起之前喺酒吧遇見嘅事好。
我驚咁樣會好odd。
點知喺我猶豫緊嘅時候，江睿銘就自己主動提起。
「係呢，你呢排仲有冇去酒吧？」佢語氣好自然。
「有嘅，不過我好間唔中先去一次。」其實我一開始去得好頻密，但我驚俾佢察覺到我係特登去撞佢。
「我都有喎，不過我呢排係夜晚先得閒去。」佢講。
唔怪之得我次次都撞唔到佢啦！
我嗰陣完全冇諗過揀喺其他時間去酒吧撞佢……
我本身想繼續同佢講嘢，但呢個時候，Sharon同陳柏坤已經攞咗甜品返嚟。
於是我收咗聲，而江睿銘都重新低頭食嘢。
呢一刻我並唔急住進一步。
我知道佢哋三個開咗個打機group，而我係有玩嗰隻game嘅。我已經諗好咗，一陣返到去要叫Sharon加我入group一齊打機。
「食唔食？」呢個時候，Sharon遞咗碟芒果mousse俾我，我嘅思緒暫時被打斷。
「食！」
其實我頭先都想出去攞甜品，但因為想同江睿銘獨處先至冇跟埋佢哋出去。
而家睇返，我嘅決定係正確嘅。
雖然我哋唔係講咗好多嘢，但頭先嘅對話至少令我獲得咗一樣好重要嘅資訊：夜晚去酒吧就會撞到江睿銘！
好彩我應承出嚟食lunch啫。我一邊諗，一邊𢳂咗一大啖芒果mousse放入口。我嘅口腔內頓時被芒果嘅香氣填滿。香滑嘅mousse喺我舌尖上化開，口感細膩。
我忍唔住滿足咁瞇咗瞇眼。
不過我太陶醉，冇留意到對面嘅江睿銘已經將我啱啱所有舉動盡收眼底。
直到我擘大眼，唔小心對上佢嘅視線，先至知道佢見到晒。
我唔好意思咁耷低頭，沉默咁用叉拮起眼前淨返一細嚿嘅芒果mousse。
今次我勁留意自己嘅表情，終於冇再出醜。
食完放題，陳柏坤同Sharon一齊走，江睿銘話佢自己走。
而我就突然間想去附近買嘢。
「你哋知唔知附近邊度有得買芒果mousse？我諗住去買。」臨道別前我問佢哋。
頭先份芒果mousse好細碟，我食完之後覺得根本唔夠喉。
「我知道邊度有得買。」頭先一直冇乜講嘢嘅江睿銘開口。
「係咪我哋之前買過生日蛋糕嗰間呀？嗰間啲蛋糕幾好食。」陳柏坤搭嗲。
江睿銘點頭。
「真係㗎？喺邊？」我雙眼發光咁望住佢哋。
江睿銘講咗間舖頭嘅名俾我聽。
然後我攞咗部電話出嚟search地址。間嘢唔係好遠，我平時都有經過嗰邊。
正當我打算講「唔該」然後道別嘅時候，我突然靈光一閃。
於是我夾硬將就嚟脫口而出嘅「唔該」吞咗落肚。
「……應該點行㗎？我冇去開嗰邊，唔係好知點去……」我擺出一副苦惱嘅表情。
「一係我帶你去？還掂我都得閒。」江睿銘好自然咁接上。
我內心頓時狂笑不止。
本身仲諗緊點樣講多幾句引導佢添。
「好呀唔該。」我即刻好有禮貌咁答，生怕佢反悔。
「唔使，我都順路嘅。」佢對我微笑。
實在太順利喇！
攻勢猛烈！
好耐無捕捉過腩仔更文！
唔知點解覺得呢篇嘅主角好有腩嘅感覺
唔知點解覺得呢篇嘅主角好有腩嘅感覺