臨跑出便利店嗰陣，我聽到個店員阿叔自己喺度口噏噏：「呀呢個後生仔係有鋪癮㗎喎，成日都掉低自己條女走先嘅。」
女主一年前已經喺呢個城市識咗牙朗，同佢拍過拖，所以先會覺得佢好熟悉？
中間唔知點樣同牙朗分手之後，就同咗出軌嗰個一齊，但係被出軌之後太傷心所以失憶，連佢出過軌都唔記得
所以先幾次都痴返埋佢到今次又被出軌之後想療傷，潛意識就返咗去同牙朗識嗰個城市到？
我太聰明了
短篇sweet（間中有咸）故合集（6）
Bottas（已硬）
928 回覆
59 Like
1 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁
女主一年前已經喺呢個城市識咗牙朗，同佢拍過拖，所以先會覺得佢好熟悉？
中間唔知點樣同牙朗分手之後，就同咗出軌嗰個一齊，但係被出軌之後太傷心所以失憶，連佢出過軌都唔記得
所以先幾次都痴返埋佢到今次又被出軌之後想療傷，潛意識就返咗去同牙朗識嗰個城市到？
我太聰明了
90%正確
我一開始個構思同呢個差唔多 不過之後改咗啲嘢
作為獎勵可以快啲出多幾篇？
諗多咗
8.
第一次遇見佢，係喺我屋企附近間酒吧入面。
我平時一有時間就會自己一個落去飲兩杯。
嗰日入到去酒吧，我發現我平時坐開嗰個位俾一個女仔坐咗，於是我轉而坐喺佢隔離。
一開始，我並冇特別留意佢，只係自顧自咁飲酒。
但漸漸咁，我眼尾睄到佢嘅膊頭好似喺度震緊咁。
我好奇咁擰過去一望，原來佢喺度喊緊。
我未經歷過有女仔喺我面前喊嘅場面，呆咗幾秒之後先至手足無措咁摷咗張紙巾遞俾佢。
可能係覺得尷尬，個女仔一直耷低頭唔敢望我，只係細細聲咁同我講咗聲「唔該」。
過咗好耐，酒吧入面得返好少人。
個女仔仲未有走嘅意思，仍然一杯接一杯咁飲緊酒。
飲得咁勁，應該係失戀？
平時我飲完兩杯就會走，但我見個女仔得自己一個，唔係幾放心，所以一直陪住佢坐喺度。
我好想開口提佢唔好飲咁多，但又唔想咁多管閒事。
結果，冇幾耐之後，佢毫無徵兆咁「咚」一聲趴咗喺檯面，不省人事。
「小姐？」我推咗推佢，試圖叫醒佢。
佢冇回應我，只係好細聲咁講咗幾隻字，但我聽唔清楚。
之後佢就再冇反應。
我唔知佢住邊，又唔放心就咁掉低佢，無奈之下帶咗佢返我屋企。
到咗我屋企之後，佢開始又嘔又喊。
從佢喊住講出嘅片言隻語中，我總算了解到佢發生咗咩事。
佢男朋友出軌，於是佢傷心之下嚟到呢個城市。
同我估嘅差唔多。
第二日，因為發現自己係喺陌生人張床度醒嘅，佢顯得好慌張。
「你琴晚斷咗片，所以我帶咗你返嚟。」我同佢解釋。
我察覺到佢偷偷地望咗望自己個身，見自己仲係着住衫嘅，佢個表情明顯係鬆咗一口氣。
「唔該你呀。」佢水汪汪嘅雙眼望住我，個樣有啲唔好意思。
之後個女仔聞咗聞自己件衫，忍唔住皺眉。
我將自己啱啱幫佢買嘅一套新衫遞俾佢：「你可以換呢套，新買㗎。」
佢向我投來一個感激嘅眼神：「唔該晒你呀，幾錢呀我俾返你吖。」
「唔使啦，好平啫。」
我唔知個女仔會鍾意咩衫，所以好保險咁淨係買咗件淨色嘅衛衣同牛仔褲。
我買唔啱size，件衛衣着喺佢身上好似太大件。
不過顯得佢份人幾嬌小，幾cute。
我內心不禁生出咗一個疑問。
究竟點解佢男朋友會捨得出軌？
呢個時候，佢部電話響起咗。望到來電顯示嗰刻，我留意到佢對眼即刻變到發光咁。
我唔知電話入面嗰個人同佢講咗啲咩，但從個女仔又喊又笑嘅反應中，我估應該係佢男朋友。
果然，收咗線之後，佢就同我講：「我要走喇，我男朋友打嚟搵我。琴晩真係唔該晒你呀。」
佢唔記得咗自己曾經同我哭訴過男朋友出軌呢件事。
雖然我覺得佢唔應該咁輕易就原諒佢男朋友，但我呢個外人冇立場去講啲咩。
於是我若無其事咁送走咗佢。
臨走前，佢好似突然間諗到啲咩咁，擰轉頭問我：「係呢，你叫咩名呀？」
「張柏朗。你呢？」
「我叫陳家寧。」
第一次遇見佢，係喺我屋企附近間酒吧入面。
我平時一有時間就會自己一個落去飲兩杯。
嗰日入到去酒吧，我發現我平時坐開嗰個位俾一個女仔坐咗，於是我轉而坐喺佢隔離。
一開始，我並冇特別留意佢，只係自顧自咁飲酒。
但漸漸咁，我眼尾睄到佢嘅膊頭好似喺度震緊咁。
我好奇咁擰過去一望，原來佢喺度喊緊。
我未經歷過有女仔喺我面前喊嘅場面，呆咗幾秒之後先至手足無措咁摷咗張紙巾遞俾佢。
可能係覺得尷尬，個女仔一直耷低頭唔敢望我，只係細細聲咁同我講咗聲「唔該」。
過咗好耐，酒吧入面得返好少人。
個女仔仲未有走嘅意思，仍然一杯接一杯咁飲緊酒。
飲得咁勁，應該係失戀？
平時我飲完兩杯就會走，但我見個女仔得自己一個，唔係幾放心，所以一直陪住佢坐喺度。
我好想開口提佢唔好飲咁多，但又唔想咁多管閒事。
結果，冇幾耐之後，佢毫無徵兆咁「咚」一聲趴咗喺檯面，不省人事。
「小姐？」我推咗推佢，試圖叫醒佢。
佢冇回應我，只係好細聲咁講咗幾隻字，但我聽唔清楚。
之後佢就再冇反應。
我唔知佢住邊，又唔放心就咁掉低佢，無奈之下帶咗佢返我屋企。
到咗我屋企之後，佢開始又嘔又喊。
從佢喊住講出嘅片言隻語中，我總算了解到佢發生咗咩事。
佢男朋友出軌，於是佢傷心之下嚟到呢個城市。
同我估嘅差唔多。
第二日，因為發現自己係喺陌生人張床度醒嘅，佢顯得好慌張。
「你琴晚斷咗片，所以我帶咗你返嚟。」我同佢解釋。
我察覺到佢偷偷地望咗望自己個身，見自己仲係着住衫嘅，佢個表情明顯係鬆咗一口氣。
「唔該你呀。」佢水汪汪嘅雙眼望住我，個樣有啲唔好意思。
之後個女仔聞咗聞自己件衫，忍唔住皺眉。
我將自己啱啱幫佢買嘅一套新衫遞俾佢：「你可以換呢套，新買㗎。」
佢向我投來一個感激嘅眼神：「唔該晒你呀，幾錢呀我俾返你吖。」
「唔使啦，好平啫。」
我唔知個女仔會鍾意咩衫，所以好保險咁淨係買咗件淨色嘅衛衣同牛仔褲。
我買唔啱size，件衛衣着喺佢身上好似太大件。
不過顯得佢份人幾嬌小，幾cute。
我內心不禁生出咗一個疑問。
究竟點解佢男朋友會捨得出軌？
呢個時候，佢部電話響起咗。望到來電顯示嗰刻，我留意到佢對眼即刻變到發光咁。
我唔知電話入面嗰個人同佢講咗啲咩，但從個女仔又喊又笑嘅反應中，我估應該係佢男朋友。
果然，收咗線之後，佢就同我講：「我要走喇，我男朋友打嚟搵我。琴晩真係唔該晒你呀。」
佢唔記得咗自己曾經同我哭訴過男朋友出軌呢件事。
雖然我覺得佢唔應該咁輕易就原諒佢男朋友，但我呢個外人冇立場去講啲咩。
於是我若無其事咁送走咗佢。
臨走前，佢好似突然間諗到啲咩咁，擰轉頭問我：「係呢，你叫咩名呀？」
「張柏朗。你呢？」
「我叫陳家寧。」
腩好勤力
真
咁就快啲出多幾篇啦
唔要
腩咁樣口硬心軟得唔得架
沒有
咪係囉 都唔明你班人平時嘈乜
你都係hater嚟㗎
我已經改正歸邪 成為咗你粉絲
唔信你
9.
冇幾耐之後，我再次喺同一間酒吧度遇見陳家寧。
佢又斷咗片，於是我再一次帶咗佢返屋企。
但好奇怪，佢醒咗之後嘅反應好似唔識我咁。
「又失戀？」我話。
「吓……乜我哋識㗎咩？」
陳家寧小心翼翼又謹慎嘅表情唔似係假。
之後，佢男朋友好快又打嚟搵佢。
臨走前，陳家寧再次問我：「係呢，你叫咩名呀？」
我有啲困惑，沉默咗幾秒先答佢：「張柏朗。」
今次我冇問佢叫咩名，但佢已經自己開咗口：「我叫陳家寧。」
當日我就去咗間酒吧搵個bartender，佢都話佢記得陳家寧上次嚟過。
我鬆一口氣。
即係唔係我精神有問題。
我之後又再喺酒吧遇見陳家寧幾次，終於都明白佢發生咩事。
佢好似失咗憶，每次都會唔記得咗佢男朋友出軌同埋遇見我嘅事。
而我每次遇見陳家寧，都會若無其事咁帶佢返屋企，第二日再送佢走。
有時我覺得自己好似變咗陳家寧男朋友嘅共犯咁，望住陳家寧一次又一次咁飲到斷片，第二日又開開心心咁返返去男朋友身邊，我都只係袖手旁觀。
我唔敢望向佢每一次聽電話嗰陣發光嘅眼神。
下一次遇見陳家寧嘅情況有啲唔同，佢冇飲到斷片，仲識得去等車返酒店。
我話俾佢聽呢個鐘數唔會有車嗰陣，佢好驚訝。
佢都係唔認得我，所以對我好提防，話要喺便利店等天光。
不過我最後都係成功氹咗佢跟我返屋企。
我只係驚佢唔安全。我同自己講。
但我內心深處知道唔單止係因為呢個原因。
當晚，我哋上咗床。
第二日，佢男朋友冇打嚟。
我諗係因為佢見陳家寧每一次都會原諒佢，所以唔再咁上心。
陳家寧嘅情緒好低落。
對失憶嘅佢嚟講，呢次係佢男朋友第一次出軌，但對方竟然對佢不聞不問。
我提出帶佢去玩散下心，佢應承咗。
呢次係我第一次同陳家寧相處咁耐。
幾日後，佢男朋友終於打嚟搵佢。
呢次，佢冇即刻表現到好開心咁，而係望咗我幾眼，面露猶豫。
但最後佢都係走咗。
後來，我不斷從酒吧前嘅車站帶走陳家寧，同佢相處幾日後再望住佢走。
陳家寧喺我面前變得越嚟越活潑。有次出去玩嗰陣，我哋仲好似情侶咁用我部即影即有相機影咗好多相。
佢男朋友打嚟搵佢嘅時候，佢嘅表情好掙扎。
我終於都忍唔住拉住佢：「你真係要走？你男朋友出軌，你真係要返去佢身邊？其實你可以留喺度㗎。」
佢男朋友究竟有咩好，可以令到佢願意一次又一次咁忘記對方出軌嘅事實，一次又一次咁選擇原諒？
而憑咩我又要一次又一次咁被佢遺忘？
陳家寧嘅表情有所動搖，但最後佢都係眼泛淚光咁撥開咗我隻手：「我……但我哋只係識咗幾日，我同佢一齊咗咁耐，佢下次唔會㗎喇……」
我嗰刻只覺得無助。
我應該點樣話俾佢知，佢咁愛又咁信任嘅人，其實已經出軌過無數次？
最後我都係放咗佢走。
臨走之前，我叫佢送佢條手繩俾我。
「當留個紀念啦。」我話。
呢次真係最後一次喇。望住陳家寧離開嘅背影，我心諗。
我決定唔再去嗰間酒吧。
我冇辦法再睇住佢拋棄我，然後忘記我。
結果，原來最犯賤嗰個人係我。
喺我哋相遇嘅一周年當日，我又去咗嗰間酒吧。
可能係冥冥之中早有注定，陳家寧咁啱就喺呢日再次出現。
佢只係飲咗一杯酒之後就離開咗酒吧。
過咗一陣，我都跟住出咗去。
我挨喺酒吧門口嘅牆上點咗支煙，離遠望向陳家寧瑟縮喺車站嘅身影。
我內心掙扎咗好耐，手上嘅煙都已經就嚟燒完。
唉屌。
我掉咗手上嘅煙頭。
唔記得我又好，拋棄我又好，都係我自己攞嚟嘅。我自暴自棄咁諗。
然後，我一步一步咁行過去車站。
霎時間，周圍嘅一切都變得模糊，唯一清晰嘅係陳家寧嘅背影。
時間好似被拉長咗咁，明明只係十幾步路嘅距離，我卻覺得自己行咗好耐好耐。
終於，我企咗喺陳家寧後面。
然後我平靜咁開口：
「你等緊車？」
冇幾耐之後，我再次喺同一間酒吧度遇見陳家寧。
佢又斷咗片，於是我再一次帶咗佢返屋企。
但好奇怪，佢醒咗之後嘅反應好似唔識我咁。
「又失戀？」我話。
「吓……乜我哋識㗎咩？」
陳家寧小心翼翼又謹慎嘅表情唔似係假。
之後，佢男朋友好快又打嚟搵佢。
臨走前，陳家寧再次問我：「係呢，你叫咩名呀？」
我有啲困惑，沉默咗幾秒先答佢：「張柏朗。」
今次我冇問佢叫咩名，但佢已經自己開咗口：「我叫陳家寧。」
當日我就去咗間酒吧搵個bartender，佢都話佢記得陳家寧上次嚟過。
我鬆一口氣。
即係唔係我精神有問題。
我之後又再喺酒吧遇見陳家寧幾次，終於都明白佢發生咩事。
佢好似失咗憶，每次都會唔記得咗佢男朋友出軌同埋遇見我嘅事。
而我每次遇見陳家寧，都會若無其事咁帶佢返屋企，第二日再送佢走。
有時我覺得自己好似變咗陳家寧男朋友嘅共犯咁，望住陳家寧一次又一次咁飲到斷片，第二日又開開心心咁返返去男朋友身邊，我都只係袖手旁觀。
我唔敢望向佢每一次聽電話嗰陣發光嘅眼神。
下一次遇見陳家寧嘅情況有啲唔同，佢冇飲到斷片，仲識得去等車返酒店。
我話俾佢聽呢個鐘數唔會有車嗰陣，佢好驚訝。
佢都係唔認得我，所以對我好提防，話要喺便利店等天光。
不過我最後都係成功氹咗佢跟我返屋企。
我只係驚佢唔安全。我同自己講。
但我內心深處知道唔單止係因為呢個原因。
當晚，我哋上咗床。
第二日，佢男朋友冇打嚟。
我諗係因為佢見陳家寧每一次都會原諒佢，所以唔再咁上心。
陳家寧嘅情緒好低落。
對失憶嘅佢嚟講，呢次係佢男朋友第一次出軌，但對方竟然對佢不聞不問。
我提出帶佢去玩散下心，佢應承咗。
呢次係我第一次同陳家寧相處咁耐。
幾日後，佢男朋友終於打嚟搵佢。
呢次，佢冇即刻表現到好開心咁，而係望咗我幾眼，面露猶豫。
但最後佢都係走咗。
後來，我不斷從酒吧前嘅車站帶走陳家寧，同佢相處幾日後再望住佢走。
陳家寧喺我面前變得越嚟越活潑。有次出去玩嗰陣，我哋仲好似情侶咁用我部即影即有相機影咗好多相。
佢男朋友打嚟搵佢嘅時候，佢嘅表情好掙扎。
我終於都忍唔住拉住佢：「你真係要走？你男朋友出軌，你真係要返去佢身邊？其實你可以留喺度㗎。」
佢男朋友究竟有咩好，可以令到佢願意一次又一次咁忘記對方出軌嘅事實，一次又一次咁選擇原諒？
而憑咩我又要一次又一次咁被佢遺忘？
陳家寧嘅表情有所動搖，但最後佢都係眼泛淚光咁撥開咗我隻手：「我……但我哋只係識咗幾日，我同佢一齊咗咁耐，佢下次唔會㗎喇……」
我嗰刻只覺得無助。
我應該點樣話俾佢知，佢咁愛又咁信任嘅人，其實已經出軌過無數次？
最後我都係放咗佢走。
臨走之前，我叫佢送佢條手繩俾我。
「當留個紀念啦。」我話。
呢次真係最後一次喇。望住陳家寧離開嘅背影，我心諗。
我決定唔再去嗰間酒吧。
我冇辦法再睇住佢拋棄我，然後忘記我。
結果，原來最犯賤嗰個人係我。
喺我哋相遇嘅一周年當日，我又去咗嗰間酒吧。
可能係冥冥之中早有注定，陳家寧咁啱就喺呢日再次出現。
佢只係飲咗一杯酒之後就離開咗酒吧。
過咗一陣，我都跟住出咗去。
我挨喺酒吧門口嘅牆上點咗支煙，離遠望向陳家寧瑟縮喺車站嘅身影。
我內心掙扎咗好耐，手上嘅煙都已經就嚟燒完。
唉屌。
我掉咗手上嘅煙頭。
唔記得我又好，拋棄我又好，都係我自己攞嚟嘅。我自暴自棄咁諗。
然後，我一步一步咁行過去車站。
霎時間，周圍嘅一切都變得模糊，唯一清晰嘅係陳家寧嘅背影。
時間好似被拉長咗咁，明明只係十幾步路嘅距離，我卻覺得自己行咗好耐好耐。
終於，我企咗喺陳家寧後面。
然後我平靜咁開口：
「你等緊車？」
下一章會變返女主視角
世界變喇
腩竟然24個鐘內出咗三篇
腩竟然24個鐘內出咗三篇
鍚牙腩一啖
我屌 好撚好睇
我覺得呢篇係腩寫過
最吸引人 最好睇嘅一篇
我！愛！腩！
加油腩b
要寫得好好睇睇
我覺得呢篇係腩寫過
最吸引人 最好睇嘅一篇
我！愛！腩！
加油腩b
要寫得好好睇睇
同之前嗰啲有啲唔同 要人估估下好吊癮
好好睇