短篇sweet(間中有咸)故合集(6)

928 回覆
59 Like 1 Dislike
2022-06-15 01:47:59
收皮啦on9
2022-06-15 01:48:15
去瞓
2022-06-15 01:48:41
屌你老母
2022-06-15 01:48:50
等埋文先
2022-06-15 01:49:00
唔好等了聽朝先睇
2022-06-15 02:57:09
Dllm !
2022-06-15 03:24:45
男主視角

深夜,彭永鑫喺睡夢中驚醒,額上有薄汗冒出。

呆滯咗幾秒之後,佢先至理解到啱啱發生咗咩事。

彭永鑫重重咁呼出咗一口氣,然後起身去廁所。

其實夢遺並冇咩大不了,學校性教育堂都會同大家解釋呢件係咩一回事。

問題係佢個春夢入面嘅對象。

董柏寧……

佢係彭永晴喺學校舞蹈學會新識嘅同學嚟。據彭永晴所講,佢哋兩個一見如故,好快就變到勁friend。

彭永鑫同董柏寧嘅第一次見面係因為彭永晴喺假期帶咗佢上嚟屋企玩。當時彭永鑫約咗朋友,正準備出門。佢哋兩個只係匆匆打咗個照面。

佢對呢個女仔嘅第一印象係有氣質,同埋好白,除此之外就冇其他。

所以佢都唔知點解自己會喺一個咁猥瑣嘅夢入面夢見呢個女仔。

喺疑惑過後,尷尬之情隨即湧上彭永鑫嘅心頭。

呢次係佢第一次發春夢,對象仲要係自己識嘅人,成件事帶來嘅衝擊自然唔細。

諗起董柏寧白晳嘅皮膚同苗條嘅身軀,彭永鑫淨係覺得好有罪惡感。

自此之後嘅幾個月,彭永鑫有意咁避開董柏寧。

不過呢種微妙嘅尷尬情感並唔係持續咗好耐,後來佢都漸漸咁忘記咗呢樣嘢。

之後彭永晴同董柏寧中學畢業。

佢哋升咗大學之後,彭永晴都冇再叫董柏寧上嚟屋企,佢哋兩個多數都係約出去玩。

於是彭永鑫就再冇見過董柏寧。如果唔係彭永晴間唔中就喺屋企提起佢個名,彭永鑫應該會遺忘咗呢個人。

後來,彭永鑫中六嘅時候,佢再次見返董柏寧,因為彭永晴久違咁帶咗佢上嚟屋企。

當時董柏寧已經Year 4,但佢個樣望落同中學嗰陣唔係爭好遠,只係成熟咗少少。

彭永鑫全程都喺房。一開始佢唔知點解彭永晴要帶董柏寧上嚟,但後尾佢聽到彭永晴略帶憤怒嘅聲音,喺度講「賤男」、「上床」之類嘅嘢。

彭永鑫略略思考咗一下,心中了然。

隔咗一陣,佢行咗出廳去廁所。

彭永晴同董柏寧見佢出嚟,即刻收咗聲。

經過佢哋兩個嘅時候,彭永鑫無意中睄到董柏寧微紅嘅眼眶。

佢扮見唔到咁繼續行,心中不由自主咁萌生咗同情。

希望佢冇事啦。彭永鑫咁樣諗。

結果當晚,佢就好似幾年前咁夢見董柏寧。

夢入面,對方被自己壓咗喺身下,喊得梨花帶雨。

彭永鑫對個夢最有印象嘅係董柏寧泛紅嘅眼眸。

今次彭永鑫異常淡定,一醒咗就直接行去廁所洗底褲,冇半點猶豫。

不過佢仍然無可避免咁覺得有啲內疚。

董柏寧喺彭永鑫過去十八年嘅人生中出現次數唔多,真正令彭永鑫印象深刻嘅見面亦只有啱啱提及到嗰兩次。

只係呢兩次都咁啱分別撞正彭永鑫青春期開始同結束嘅時間點。

於是董柏寧呢個人喺彭永鑫心目中就具有咗一種特別嘅意義,隱蔽而微細。看似不顯眼,但一直悄悄喺彭永鑫心底生根發芽。只要到咗合適嘅時機,就會以一種意想不到嘅速度破土而出。

再下一次見到董柏寧,彭永鑫已經Year 4。

當時彭永鑫同緊自己鍾意嘅對象表白。

事實上,彭永鑫係打定輸數嘅,因為佢一直都知道面前呢個女仔嘅為人。

今次表白,只係為咗結束。

最後對方拒絕咗佢。

呢樣嘢亦喺彭永鑫嘅意料之內。

但生活總係好鍾意喺你以為自己已經掌握一切嘅時候給予你意外。

就例如喺呢個時候出現喺隔離檯嘅董柏寧。

董柏寧變化唔大,以致於望到佢嘅第一眼,彭永鑫就已經認出咗佢。

彭永鑫好愕然。

佢冇辦法好準確咁形容自己喺呢一刻嘅心情。第一下係意外,但之後又莫名其妙咁有種理所當然嘅感覺,就好似佢一早就知道董柏寧一定會再次出現喺佢嘅生命中咁。

呢一刻,佢甚至忘記咗啱啱被人拒絕嘅失落。

彭永鑫唔知道自己究竟發生咗咩事。佢唔知道自己見返董柏寧嗰刻嘅一系列內心活動係出於重遇舊人嘅驚喜定其他嘢。

而喺佢意識到自己嘅奇怪之處嘅時候,佢已經嚟咗彭永晴同董柏寧唱K嘅地方。

其實彭永鑫唔係一個鍾意社交嘅人,通常呢啲咁突然嘅邀約佢都會推咗佢。

大家見到佢嚟都覺得好開心。

只有彭永鑫自己知道,佢其實根本冇過嚟嘅理由。

直到喺洗手間門口同董柏寧獨處,佢先至好似突然明白自己呢一刻嚟呢個地方嘅意義。

當視線觸及董柏寧嗰道同夢境中如出一轍嘅含有別樣意味嘅目光時,佢一時衝動就拉咗對方入廁格。

而董柏寧冇反抗。

自此之後嘅事都好順理成章。

順理成章到一個不可思議嘅程度。

後來,彭永鑫終於理解到自己對董柏寧抱持嘅情感。

佢想擁有董柏寧,唔止係佢嘅身體,而係佢嘅全部。

所以,喺董柏寧等自己放學食晚飯嘅呢一日,佢拒絕咗以前單戀對象嘅邀約,甚至忍唔住謊稱等待緊自己嘅董柏寧係佢嘅女朋友。

嗰一刻,嗰個係女仔個樣有啲愕然,但佢已經無暇顧及。

佢步伐堅定咁向董柏寧走去。

食完飯回程嘅巴士上,彭永鑫收到彭永晴嘅message。

「喂喂喂我頭先見到你同董柏寧一齊!!你哋搞咩??」

彭永鑫首先係窒咗窒,隨即又唔在意咁笑咗笑。

佢望一望隔離瞓得好冧嘅董柏寧,然後低頭打字。

「我想追佢囉,但我唔知佢對我點諗。」對咗咁多年,佢清楚知道呢個咁熱心嘅家姐會有咩反應。

「好簡單啫,我幫你試探下!」果然。

「你唔好做得太明顯喎。」彭永鑫細心提醒。

對面回覆咗個「ok」。

彭永晴嘅效率出乎意料咁快。

喺董柏寧入咗去浴室沖涼之後,佢就send咗堆message嚟。

係彭永晴同董柏寧嘅對話cap圖,時間就喺冇耐之前。

彭永鑫充滿耐性咁逐張逐張碌落去睇,一隻字都唔放過。

嗰句「我有feel有乜用啫 你細佬又唔一定鍾意我」被彭永晴用紅色筆圈起。

「你可以去馬喇!!快啲攻下我弟婦!!!」彭永鑫想像到彭永晴呢刻嘅興奮樣。

「好,之後請你食飯」

呢個時候,浴室嘅門打開咗。董柏寧行咗出嚟,仲凍到震咗一下。

「有冇咁凍呀。」彭永鑫忍俊不禁。

然後佢諗起,佢而家有更重要嘅嘢要做。

不過頭先嘅驚喜嚟得太突然,佢而家要好好諗下一陣間應該點樣同董柏寧表白好。

彭永鑫嘴角微勾,放低電話。

然後向一無所知嘅董柏寧走去。
2022-06-15 03:25:01
今篇好撚長 聽日停更
2022-06-15 03:29:02
2022-06-15 03:32:28
2022-06-15 03:33:44
吓乜鬼 呢度一篇抵兩篇喇
2022-06-15 03:57:17
乜鳩,唔夠喉呀 !!
2022-06-15 04:02:19
乜鳩,咁都唔夠喉!!
2022-06-15 04:54:23
唔夠呀!!
2022-06-15 05:17:59
不枉我唔瞓等文
2022-06-15 07:12:28
起身有文睇
2022-06-15 07:29:03
唔夠呀
2022-06-15 07:51:51
2022-06-15 07:53:11
腩 咁早嘅
係無瞓定瞓得少
2022-06-15 07:54:08
有瞓 一陣會再瞓返
2022-06-15 08:08:44
未完個可? 好sweet
2022-06-15 08:09:48
完咗啦
2022-06-15 08:32:00
聽日開新故
2022-06-15 10:14:58
咁突然
2022-06-15 10:23:44
想收負皮的月南
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞